اثبت حضورك ببيت من الشعر الشعبي

[ميريام الحربي]

خلك عزيز النفس في كل منهاج​

​

وان مرتك فرصة زمان اغتنمها​

​

لو الرجال اتقاس بالبشت والتاج​

​

مانفرق شيوخ العرب من خدمها​

​

من جرب الحاجه عذر كل محتاج​

​

ناس ٍ عطاها الله وناس ٍ حرمها​

​

شعر :زعل الرشيدي ​

 

[محبوبك]

 

[ميريام الحربي]

يسعد صباح اللي من النوم صاحي
ويسعد صباح اللي مواصل ولا نام .
بعض العرب لا قام ينعش صباحي
وبعض العرب ليته من النوم ما قام

 

[نص عقل]

بعض البشر سكر عسل صافي
يُحفظ عن الأيدي هذا علاج
وبعض البشر حنظل وينعافي
جلسة معه سم للنفس وخلاج

 

[عابر السبيل]

الف ن صباح الخير والف ن مسا ن له
والاااااف مابين المسا والصباحي

سلام ياللي كنها سحر فله
او ريح بن ن مع سنا الصبح فاحي

عابر السبيل

 

[ميريام الحربي]

صباح الخير شاعرنا

‏نمسي على صحة ونصبح على خير
‏وأمـن وأمـان ونعمة الستـر والديــن

‏ياللـه .. ياللـي تكفـل الـرزق للطيــر
‏تغفر ذنــوب اللي قـرا وقـال آميــن​

 

[ميريام الحربي]

‏تعال سولف لي عن البرد والليل
‏و الورد ورشاش المطر و العذوبه

‏بعلمك واعطيك شعري فناجيل
‏شعرِ يلبس نادر الشعر .. ثوبه .!

 

[عابر السبيل]

يازهرة الفجر يا بشرى الاصباح
يغني عن بسم الاصباح نورك

حطيت كل الززين من عرض الاوشاح
تلهج وترقص بحبي م القوافي سطورك

حطيت يومي جية ن عقب مرواح
وكم يختلف من بين الجميلات طورك

ياليت لي قلبن من الشوق منساح
بس البلا قلبي يطاوع ل شورك


عابر السبيل

 

[عابر السبيل]

سريت بي في هاجسن ممتحني
توي عرفت ان الهواجيس تسري

كني على صهو الغمامات كني
وطواري ن من بعض الافكار تطري

الله يا زنان همس ن يزنّي
يبيح منها خافي السر سري

لي خافقن صوبك هبيلن يحني
ومشتتن في بعض الاحيان فكر ي

محتار انا مابين قلبي وظني
اثنين منها جاهلن كان يدري

اشبه لانسي ن تخاواه جني
متشارك ن يسري على ثياب عسري

كم باكي ن يلعي بحزنه يغني
محتار انا مابين سطري وشطري

يا ملاعب الاوتار يا زوج شني
غديت صوّامن تحارب وفطري

ياكم انوع بين الابيات فني
انثر علي حلوات الابيات عطري

عابر السبيل

 

[عابر السبيل]

يا ازرق العينين وينه ظلامك ؟؟
علمي ظلام الليل غطى على اليم

مشيت ادور عن فحاوي كلامك
وكم هو تبيع الحرف يا حلو من كم؟

ان غبت انا انطر هايمن من سلامك
ياليت شت ن من سلامات ينلم

يا مرسلن من حلو عينك سهامك
كم كنت انا من حراويك مهتم

عرنون شامخ ساحرن في زمامك
سلم على راعي الجميلات واسلم

ريح الجنوب اللي تصادم ب شامك
مثلك خبير وبحال الاحباب تعلم

بالله اطلق ثم سرح لثامك
وخل الشهد يا حلو الاشفاف معلم


عابر السبيل

 

[ميريام الحربي]

تري قلوب الناس مثل الصناديق​

​

مفتاحها هرج اللسان إن حكوبه​

​

لو باحت أصدور الرجال المغاليق​

أسرارها صارت عليهم عقوبه​

​

كم واحدٍ يصبرعلي نشفت الريق​

من شيمته رفاقته مادروبه​

​

يدري خماله عن هروج المطافيق​

والأدمي مايستره غير ثوبه​

​

والشعر يابنت النشاما مواثيق​

سمعه وقيمه وأبتكار وعذوبه ​

​

وأنا قصيدي مادخل به تلافيق​

أنقاه عن درب الخطا والمعوبه​

​

لو أنّي أبحث عن قصيد العشاشيق​

حطيت لي في كل دار محبوبه​

​

لكني أبحث عن جزال الطواريق​

أم المعاني حبكها بالصعوبه​

​

شومي قصيد مدورين الغرانيق​

وأخذي قصيد اللي ربوعه هقوبه​

​

كلمة ولاتحتاج شرحٍ وتعليق​

والعلم ما ينعاد عشرين نوبه​

​

إن كان عيبي خوتي للمطاليق​

تراى رجلٍ يفتخر في عيوبه​

​

شعر سعد براك​

​

 

[عابر السبيل]

ياهرج ابن براك عذب الطواريق
مثل العسل لاجاك عذبن شروبه

مابارت السلعه بسوق المطاليق
ياكم طيبن واضحن قد نوو به

ياكم تسلى النفس جمعن وتفريق
وكم مفلس ن يرهن مع الناس ثوبه

ولا يبي طرق القوافي ب تسويق
كلن عطاه الله بن وشبوبه

سلام ياللي كنها الشمس تشريق
كم جمل الاصباع حالي خضوبه

من لابة ن تجلى عن النفس تضييق
الله من علمن جميلن سعو به

يوم العصور اللي ب حرش المزاريق
كم جاهلن في يدينهم له عطوبه

شفت البيوت وصفق القلب تصفيق
ونفسي على قرض القوافي طروبه

قامت بيوتي تنتهم بالمعاليق
وسجن القوافي يتبعه الف حوبه

من شن بقلبي بين غشو وتفاييق
طرقت لك بيتن تضارب سروبه

عابر السبيل

 

[ميريام الحربي]

أخيراً القلب أستقر في جيّتك والحظّ قام
من بعد رحلة عمْر في رجوى الحظوظ الخايبه

جيتي على موعد لقا فَآخر محطّات الغرام
جيتي على نفس الطريق اللي محبّك سار به

جيتي وانا اشكي من هجير الوقْت يا وبْل الغمام
وأستمطرك قلبي محبه شكلت سَحايبه

في غيبتك كنت الْمحك غيمه مع سربْ الحمام
خيال يأتيني مع سرْب الحمام وطار به

في غيبتك كنت اكتبك بالنور في صفحة ظلام
وأتخيّلك نجمه تضي وجه الليال الشاحبه

كنت ارسمك في صمت لوحه من تفاصيل الكلام
يلين صرتي جزء من روح القصيد وكاتبه

شاعرْك ما عاش فْحياته في سلام وفي وئام
إلاّ على وقْع المصاعب .. والحياة الصاخبه

جيتي وهو غارق فيّ الفوضى وعالق فِالزحامَ
جيتي تعيدين النظام لْقلب ضاق بْصاحبه

يَاوّل محطَات الغرام واخر محطّات الغرام
في جيّتك ما عاد بسأل وين كنتي غايبه


شعر: حسين بن سودهـ

 

[عابر السبيل]

ياملاعب القيتار يا خطبه غرام
غني وغني والقوافي رايبه

وكم تمسح الانوار من وجمة ظلام
وكم تمنى النور مسحة ظلامن سايبه

وكم تطمس الاحزان مسحه من سلام
وكم تسعد الافراح عيننن شايبه

وكم تاخذ الالوان من ريش الحمام
ولون التبر في عنق الحمامه ذايبه

يا مستغيث الوبل من شح الغمام
مر السحاب ولا همل من سحايبه

للم زهابك وارتحل واقصر للملام
ما كل الاريا يا رفيقي صايبه

كم باني ن يبني من احلامه خيام
لو كان نفسه م المحبه طايبه

سلام ياعينن تمناها النعام
كن ريش الهيق صايرن من قرايبه

من يبيع العقل في زحمة هيام
ومن يشتري ظنون بالمواضي خايبه

ياعيونن ترتجي م سهدها لمسة منام
تولد لك الايام في المحازن نايبه

عابر السبيل

 

[عابر السبيل]

يطول به ليلن علومه سلامات
ويقصر لذيذ الوقت لاصرت واياه

واكتبه انا م العطر صفحات
ياكم اموته بعض الاحياه واحياه

وتالي القوافي سلام وتحيات
مثل البدايه بالسلامات منهاه

عابر السبيل

 

[نص عقل]

كنت فاكر قلبك معي ياهيه
فمان الله وربي يعوضني

 

[صاااااافي الود]

جيت اقول جابكم الله بعد غياب وقطاعة
يما تمنينا لقاكم وخاب الضن خاب

حطيناكم بالقلب وكأنكم اخوة بالرضاعة
وياللاسف ماصنتو عهود الاحباب

كرهنا الحب بعد ماعشناه عالسمع والطاعة
هجر وزعل وغياب بلا عذر واسباب

 

[عابر السبيل]

ياصاحبي ياوينهو رحل الايام؟؟
كن الليالي ترتحل دون رجلين

وخلت لي القصه معا هب الانسام
ولا قالت الانسام راحت على وين

شهودي عليها باكي الحرف واقلام
سجينة ن ياحلو وسط الدواوين

كم تاخذ الاحساس عطرن م الاكمام
لا هاج عطر ن م الرياحن ويسمين

للهجر ياصاحي جملة اخوال واعمام
وتصير قصه عاقلن عند المجانين

عابر السبيل

 

[عابر السبيل]

كم اتسول بعض الاحيان لي بيت
شحاذ يبغي م المثايل مثيله

شمل القوافي بعض الاحيان تشتيت
واحيان تلقى م القوافي فشيله

ياصاحبي جيت الفياف وتعنيت
متحملن عدل الليالي وميله

الغربة اللي تحسب اني كما سبيت
السايل اللي مات يلحق خليله

عابر السبيل

 

[عابر السبيل]

ياشايل الاسرار لا وين غادي ؟؟
يتعب طريقك يالغلا من خطاويك

يا انته فريسه من شرور العوادي
ياخذك طاري ثم الاخر يوديك

سلام يا يم ن بوسطه سوادي
حلو المرامش يا رفيقي تغطيك

سحرت طيرن في مضاليل وادي
وباقات وردن يا رفيقي تحيييك

عابر السبيل