اثبت حضورك ببيت من الشعر الشعبي

[بحــ عاشقه ـــة]

..


مرني الليله بـ اخر محطات السهر
قول لي مشتاق وتصبح على خيــر

.

.

.

 

[احلام عابره]

تسلم يمينك والغلا وين .....اوديه
يالي تبيع الكون كله....... ع شاني

امسح دموعك والغلا منك شاريه
اضحك بدون ادموع والعمر ..فاني

لبيه لك بذات لبـــيه .. لبيه ....لبيه
لك شوقي يتأجج بين..... المحاني

 

[مـيريام]

يا مساء الخير والدنيا بخير
يا مساء مسكنه بيض القلوبّ
يا مساء الطير لا غنىّ لـ طير
في لحن شوق له المسمع يذوبّ
يا مساء الورد باحساس مثير
انتشىّ ريحة وعطر كلّ صوبّ

 

[مـيريام]

نمسي على صحة ونصبح على خير
‏وأمـن وأمـان ونعمة الستـر والديــن

‏ياللـه ياللـي تكفـل الـرزق للطيــر
‏تغفر ذنــوب اللي قـرا وقـال آميــن

 

[احلام عابره]

يا مساء الخير والجو...........دفا
وكل خل في همس خله.. يذوب

يامساء الحب الي شرعه ..الوفا
من الخفوق الي ما مسه لغوب

يامساء الي وجوده لي..... شفا
انتظر طيوفه والشمس بغروب

 

[احلام عابره]

نمسي على صحة ونصبح على خير
‏وأمـن وأمـان ونعمة الستـر والديــن

‏ياللـه ياللـي تكفـل الـرزق للطيــر
‏تغفر ذنــوب اللي قـرا وقـال آميــن

آمين آمين
جميعا أن شاءالله

 

[عابر السبيل]

بالله ترفّق وانتظرني ثواني
ودي بكلمة في عجالة طريقك

مضى زمانن منك انا كنت اعاني
ودي اعرفك بالوهم او حقيقك

هل هو زواك اللي بحبك زواني ؟؟
هل كنت انا يومن بدربك صديقك؟؟

ياكم ذيبن في ليل حبك عواني
وكم اتمنى م السوالف رقيقك

الله يا رهف الهوى بالثماني
في مبسمن كن العسل كان ريقك

كم افقدك لامن ليلي ضواني
واكتبك حرفن في جبينك عقيقك

عابر السبيل

 

[عابر السبيل]

تكرم ديار الخل زودن على الغير
تكرم عشان اللي بيومن سكنها

حبات رمل ن كنهن الدنانير
من عاد يدرك يا حياتي ثمنها

الله يذكر ماضي الدار بالخير
تهواه غيدا يومه انه وطنها

راحت كما احلامن وسيرة اساطير
احلام خير الوقت فيها ومنها

ماعاد يمشي لك بدربك مسايير
كن الليالي غيرت بك سننها

كم ذا يحير بسطر حبي تعابير
حتى القصايد مات منها لحنها

عابر السبيل

 

[احلام عابره]

تدري جمر الفقد ببعدك .كواني
وطري على بالي لذة.. طواريقك

مازال قلبي من صدك..... يعاني
وفنجان قهوتي يشتاق ..ريقك

عذب الغلا في غرامك .... رماني
يالي عطيتني عالوفا .مواثيقك

حتى القمر مع نجومه ... بكاني
ياما سألته يتلمس ..... طريقك

 

[احلام عابره]

ياما رسمتك صورة ن في.خيالي
وحطيتها من صافي الود عنوان

وياما جابتك بأحلامي .....الليالي
ياعشق روحي على مدى الأزمان

 

[رومانز]

صار سنين اطك حجار بحجار
وأول ماشعلت النار مطرت​

 

[نجم ضاوي]

تخيلي : ذا الليل ما يحوي قمر
تخيلي : لا شط .. ولا موج وبحر
وشمس النهار تختفي
وان الوفا . ماهو وفي


تخيلي : لو السما كومة رمل
وان . . الفرح . . شيََ . . ممل
تخيلي : مابه . . نجوم
والدنيا آهات وهموم


كل اللذي ودي اقول
أنا .. بدونك .. كل ذول
الليل أنا .. وانتي قمر
الشط أنا وعيونك بحر

 

[مـيريام]

أنَا يَا (سِيْدِيْ الْحِلْم) أنْتِظِرْ مِيْعَادْ مَا لِهْ دَوْر
وْلكِنْ جَيِّتِكْ شَوْفَةْ هِلالْ الْعِيْد لِلأحْبَابْ

 

[عابر السبيل]

ما اكثر هموم الليل يا ساهرن فيه
هموم تشبه نجومن تراعيك

الله ياللي دم قلبي ب كفيه
ابدي على الله يا رفيقي مشاكيك

لا يا غريبن نبع العسل بين اشافيه
جمر الشفايف والبرد بين اشافيك

ينوم سحر العين من بين رفّيه
وانته سلامن بالتبسم لغاليك

تشب نارن بخافقي دوم واطفيه
وكم ذا يعود الصلو من بعد طافيك

عابر السبيل

 

[عابر السبيل]

كم تاخذ الايام م القلب غالي
وياكم تملا فوادك بالتغاليل

سلام يا ريقن من الشف حالي
فنجال واحلى ماشربت الفناجيل

لاتبدي اهمومك على سمع سالي
ترجع وقلبك خالي ن م المحاصيل

ايه ايه يا سينن تجاور ودالي
ويادمع عينن يارثنه مناديل

الله ياقطر ن على الخد مالي
وعينن تمنى لمسها مكحل الميل

عليك ابذر غالي ن من حلالي
عقب الرزانه صرت مثل المهابيل

عابر السبيل

 

[عابر السبيل]

الله من يومن باقي ن منه ذكراه
غاد ن مكانه في رفوف السواليف

لاهوب سطرن في المكاتيب واقراه
ولا هو قدم عيني واشوفه كما الطيف

اصبح كما الطلسم ولا نلت فحواه
عليه عيني م المدامع ذواريف

ياقسي وقت الصد يا منير قسياه
يصبح كما عيشن بطبعه شواظيف

فيها ممات الحب يشبه ل محياه
ولا تجي لك يا فوادي على الكيف

عابر السبيل

 

[نجم ضاوي]

مسكين ياللي . . مثل حالي وحيد
عايش حياته . . وي همه . . حزين


مبروك عيدك عسى عيدك سعيد
وانا على حالي . . عسى الله يعين

 

[مـيريام]

مرحبا واهلين يابنت الاكارم يابدويه
اقلطي وسط الخفوق اللي مسوي بي عجايب
واشربي من قهوة دلال الحروف الابجديه
واقدعي من تمر شعري يوم صرتي من القرايب
يالهنوف اللي توردني على حوض المنيه
منزلك فوق الثريا فوق ياشقر الذوايب
دامك اغلا الناس عندي وانتي اغلا نرجسية

 

[عابر السبيل]

هو انت تذكر شاعرن فيك مجنون
اللي كساك من القوافي فساتين

اللي خلق م اللون لك فاخر اللون
ينبوع في وصفك يجيب التفانين

ما طال وصفه من الجميلات مزيون
الا انت في طود الحلى وافي الزين

على مجرات الهوى واسع الكون
ضاعت بحبك في عيوني عنوانين

عابر السبيل

 

[عابر السبيل]

يا مقطّر الالحان في مسمع الروح
سرقتني سرقن على متن الاوتار

كم ذا سحرني منك بوحن على نوح
قمت اتمرجح مثل غصنن به اثمار

قام ايتمايل في هوى كل لافوح
مسحور غصنن في طريات الاشجار

كم ساعة ن يحلى بها الود والبوح
وتصير بيتن يسحر الروح باسطار

حلو حلو حرفن نحته على لوح
ياكم سحرته طارق القاف بيطار

عابر السبيل