اثبت حضورك ببيت من الشعر الشعبي

[نجم ضاوي]

يا كاتب القاف . . أوزن لي قوافيه
لا تكسر الابيات . . وتقول . . شاعر


البيت عطه حقه من الوزن واوفيه
اكتب لنا ابياتك .. بحس .. ومشاعر

 

[عابر السبيل]

ياكم سر ن قد كتمته عن الناس
وعلى صدى هالناي لزما ن وينباح

يا ميتن م الناي تحييك الانفاس
وتصير سحرن بالمخاليق صداح

ياكم تملا الخوالي م الاحساس
سحرت ليلي لين فاجته الاصباح

صحبتني ما يصحب الراس وسواس
انا اشهد انك للهواجيس فضاح

عابر السبيل

 

[عابر السبيل]

باح الوتر من لمسة الريش بالحان
لحونه لنجم الليل مثل العوايد

قطر الندى في خدها مثل ودان
زينه على مثله من الناس زايد

بينه وبين البيض ياصاح شتان
حتى لذيذ الغيد فيها فرايد

وقفت اعاين ماضي الوقت وازمان
عصرن لمثلي مالك الله عايد

اضحكك حينن وانهجك بعض الاحيان
دموعن على الاوراق صارت بدايد

انا اشهد انك بينهن حيل فتّان
يا شبه غصنن من هواء الريح نايد

تبقى انت في درس الهوى مثل نيشان
تهواك عينن ما تريد الوسايد

عابر السبيل

 

[عابر السبيل]

ما اطول تفاصيل السوالف بذكراك
وعصرن تولى ليت ربي يعيده

ياللي مماتك بالشبه مثل محياك
قديمة السولاف دايم جديده

بغيت انا سلواك واعييت سلواك
تشبه ليالن من المواضي مديده

قامت توالد في خيالي لك اسماك
يا انت ميعاد الزمان ووعيده

عابر السبيل

 

[وعــــــد 🎵]

ابد ما كن قلبك لـ اللقى : توّاق
‏وانا حاولت ابادلك الجفا و ازريت !
‏،،
‏وكالعادة اجيك الضايق المشتاق
‏واعوّد منكْ كالعادة . . مثل ما جيت !

،،

 

[القارظ العنزي]

قلها صريحة لا تلف ..... العبارة
ودك بنا والا نصوصك .. خرفات
ما ينفعن يا مرحبا ... .. والإثارة
ولا مزوحك يالطيفة وضحكات

 

[احلام عابره]

هلا بالغالي ياهلابه .ملايين
خف شوي ولا تغلى ... علينا

انت عندنا من الي حيل غالين
مانجافيك لو انت.... تجافينا

 

[احلام عابره]

انا السجين الي عشق سجانه
أسيرة هواه ويحلالي ..الأسر

ازعل كل الخلايق على .شانه
يمون عالروح ويآمرني ... أمر

 

[احلام عابره]

جيت اودع منهو عالقلب غالي
لو كان بيدي ما كنت. مودعه

يدري أنه من الخلق هوى.بالي
ويدري أنه في خفوقي مرتعه

هو عندي يسوى الفين رجالي
وين ما توجه روحي ......تتبعه

 

[القارظ العنزي]

يا هملالي انت يا هملالي
مهما تكلم مثلك نسمعه
ياللي غلاكم بالعمام وخوالي
والعين يشهد على بعدك مدمعه

 

[عابر السبيل]

سرقت عيني لك مع الحفل بالليل
تقول شمسن لعلعت في ظلامه

سلام يا شارب لذيذ الفناجيل
ومن عاد يوصل للمعنّى سلامه ؟؟

من بينهن ضوحه كما ضوح قنديل
ومن بين نونينه بخده علامه

يا احلى تباشيرن تشابه هلاهيل
يمزح لحونه في طلاسم كلامه

عابر السبيل

 

[عابر السبيل]

سلام يا بابن من العصر مردود
يبست عيوني لك واطالع على الباب

كنه يلوج بناظري م الغثا عود
وفي صبيّ عيني لك من النار مشهاب

كانت مواثيقن على المطل واعهود
تجيبها اسرابن وترحل بهااسراب

الله يا شعرن على الردف مرجود
كنك لترفات المزايين محراب

كنا رفاقه بيننا الحبل مشدود
واليوم صرنا يا انجل العين اغراب

واليوم امر البيت والباب مردود
يبست عيوني لك واطالع على الباب

عابر السبيل

 

[عابر السبيل]

كل ن على ما قيل يتبع لمشهاه
وسرد الحكايا من صدوق التجاريب

بالخير ياللي خافقي حيل يهواه
امري معه مابين بعدن وتقريب

ياليتها حرفن على السطر وامحاه
يوم المماحي يمسحن المكاتيب

حايلت قلبي له زمانن ولا اقواه
بعض السوالف تغصب القلب تغصيب

كم ذا لفتني سطرها وارجع اقراه
واخضب الاوجان بالدمع تخضيب

عابر السبيل

 

[احلام عابره]

ياغلاتي كم من سنين العمر نطرتك
وكم طوعت لغلاك نبضاتي العنيده

تهل دمعة عيوني آليا....... ذكرتك
واكتبلك من حزة أشواقي قصيده

يالله على شوفة الغالي... شكرتك
الي ماشفت له شبيه...... بالبديده

 

[احلام عابره]

مريت الديره لقيت السراج مطفي
ياويل قلبي كان رحلو .....الحبايب

وين انت يالي شوفك للقلب يشفي
لاجلك تركت الناس وكل .....القرايب

 

[عابر السبيل]

بغيتها سر ن ولا جت على الكيف
انا اشهد ان الحب للناس فضّاح

كم للدهر يا فتنة العين تصريف
وكم في تصاريف الدهر كلم واجراح

ورثت انا في تالي الليل لك طيف
ّوقلبي على شوفه مع الليل بواّح

عبرات قلبي لك فرادى ن مراديف
ويلفيك هم ن كلما الهم ينزاح

عابر السبيل

 

[احلام عابره]

اسهرني مع نجوم الليل حر الأنفاس
جتني مع هبة ن ثاير بها ....الحنين

الله يا شوق اتعبني وجرح احساس
انشدك يادرب العنا موديني الياوين

وحيد بديرتي وكني ماحولي .. ناس
ولفكر شارد مع الي ارحلو من سنين

جرحي الفقد ماينفعه علاج ولا آس
بعد السعاده والهنا صرنا .. غريبين

ياصاحبي غلاك بين الحنانيا حاس
وسرى بعروقي مع دم ...الشرايين

لك بقلبي شوق ن مبني على ساس
وعلى الوفا عطيتك عهد... المحبين

 

[احلام عابره]

تعال وانا محتاجك بكلمة.. راس
بسألك عن الي كان بينك ..وبيني

جرح بالقلب واخفيته عن. الناس
وداريت عن العذال دموع ..عيني

وذكرى تبكيني اليا هب.. نسناس
وهبت معه شذى عطر ... السنين

من بعد سقيتك من العشق. كاس
وكل البشر شمالي وانت .. يميني

سؤالي شلون قلب الوفي ينداس
ويتنزع الغلا من دم الشرايين ي

 

[عابر السبيل]

تواردنك سود الايام بسهوم
وصرته كما ثوبن من الدهر بالي

مجهول فعل الوقت ياصاح معلوم
كم بدل الله حالة ن عقب حالي

من عاد يسلم من غثا ا لناس واللوم
انهج جنوب وصار دربي شمالي

سلام ياللي كنها غصن يشموم
فاخر جمالن صار مضرب مثالي

اغديت عمري بين معطى ومحروم
ومثيل نقص ن ما عرف للكمالي

كم مر من فرقاك ياحلو من يوم
لانيب ناسيهم ولا انيب سالي


عابر السبيل

 

[عابر السبيل]

تفرّعت م الدرب يا صاحبي ادروب
وضاعت خطاوي الليل في هبة الريح

ظهر المجن اليوم ييا حلو مقلوب
تلوحه الاصداف يا صاح تلويح

كم تلبس الايام للناس من ثوب
والغاديات اللي تجينا مراويح

عابر السبيل