انفاس في سطور

[عابر السبيل]

بعض العجايب تدفنك بالعجب حي
واقسى المصايب لا لبس ثوب ضحكه

والواهس اللي طوى عمرك على طي
مثل اليقين اللي لبس ثوب شكه

لا لا تعايبني على شفقتي ليك ياحي
بعض المواقف تلحق الرجل ربكه

امنولن وانته على عيني الضي
واليوم عيني عايشت منك حلكه

اشبه معك منهو قبض حفنة المي
والا الذي يحتاج بالدرب سكه

عابر السبيل

 

[عابر السبيل]

لا يا يتيم الحرف قل لي من امك؟
ومن هو جرح ياباكي الحرف حرفك

من هو جعل ياسك على كف عمك
ومن الذي ابكى مع الليل طرفك

ان كان باقي السطر عندك يهمك
ابسم لسطري واوقف الساع ذرفك

واغرف انا من كاسر القلب همك
وتصبح ظريفن يبهر الظرف ظرفك

يا ريح قلبي واعلى بس شمك
في مصرف الاشعار دينار صرفك

إعصر فوادك يا عشير القصايد
وانقطهن ابيات على بلج الانوار

عصرن مضى ياصاح ماهوب عايد
ولا عاد ترجي من مواضيك الاخبار

انثر بيوتك فوق هدب الجرايد
وخله نصيب اللي يغني م الاطيار

باكر غريب الطير مثل السرايد
من فوق غصنن مرجحه ثقل الاثمار

قامت تغنَّى م القصايد شرايد
تلقى بها وجدن مع ابيات بيطار


عابر السبيل

 

[عابر السبيل]

.

يطير لك يا صاح بالصبح طيرين
خلو وحيد الفرخ في ثاوي العش

سارن على سمك الهواء لك مسيرين
يقسى لهن دربن ودربن لهن هش

مرسول من نجدن شرب عين بيرين
صوب الديار اللي لها قلبي ارهش

تلقى بها حلو(ن) زوى نحل خصرين
اللي سمر قلبي على موجع المش

اللي شقا له من النواظر نظيرين
هتن المدامع فوق الاوجان له رش

زهى من ورود الحدايق عبيرين
ساحر عبيره يملك القلب لا دش
عابر السبيل

 

[عابر السبيل]

ياساكت الاوتار ودي تنوحين
قد لي ليالن في حشا الصدر عبره

غني واغني لك على اللي تغنين
لاحد مايبقى بالاعيان قطره

كم تسحريني وقت مانتي تبوحين
سحر اللي سحرني م النواظير نظره

انا حبيبك اللي دوّنك بالدواوين
انا الذي يكسيك م الزين سطره

انا اللي لوّنك بالقوافي تلاوين
حلو الوصايف وسط الابيات فطره

قسمت عمري لك من الوجد نصفين
اعطيك نصفه واخذ عن الموت شطره

ابغيكك لا مريت سطري تحيين
الشاعر اللي يفضح الجوو عطره

عابر السبيل

 

[عابر السبيل]

سألت قلبي يا الغلا عن مكانك
بوصفه طريقن ما انتهى فيه نقطه

انا ادري انك تحفة ن من زمانك
عزاه يا بحرن ما لقى القلب شطه

اسكن سرابك وانت ساكن جنانك
ومر السحاب وما همل منه سقطه

سمعت انا يومن عن محافل حنانك
وحرفن يموت بشيل حبك وحطه

عابر السبيل

 

[عابر السبيل]

سلام مني ياعيون المدينة
عيونن على الله يالغلا نشتكيها

لا جاء الهوى غربي حيتك الحزينة
واودع مع الشرقي تحايا ن مشتهيها

كم تذبح العاشق مع الزين عينه
عينن سهاد الليل لي مبتليها

كم اهدرت عينك بعمري سنينه
يوم انها العبرات منها وفيها

باقي من الاحباب صادي رنينه
ضباب ماض ن راح لا تذكريها

عابر السبيل

 

[عابر السبيل]

وش هو ورثته يا حبيب القوافي
وش حاصل الاصفار يا راع الاسفار

تطرد سراب ن تقتفيه السوافي
عى مدار الحب تسحرك الاقمار

ياشين تالي الليل بالقاف دافي
ارقص وغني واذبح اشعار باشعار

كم ينتهي بك في مداري طوافي
واعود وارجع ذارعن لك بالاقفار

عجزت الاقي من بلاويك شافي
في علتي بك تنعمس فيه الاشوار

سلام يا رمشن ينهل القلب صافي
غني معي واعطيك م القلب دينار

رمش على خرس الاعيان ضافي
بحر ن هلك به م المجانين بحار

اللي حصل لي منك يارمش كافي
عرضتني ياصاحب الرمش لاخطار

عيش الهوى تدري به انه كفافي
ورثيث ثوبن هاري منك اطمار

الله يا خد ن كما الدر صافي
زرعت ضفينه من الورد وازهار

تركتني خاوي الخوافيق حافي
بالقلب مسمار ن كما الرجل مسمار

عابر السبيل

 

[عابر السبيل]

بين البني الجميلات خجلان
مسحة خجل تضفي عليها حلاوه

اليا رفع عينه يخلط العقل ب جنان
وان صد زاد القلب حبه ضراوه

كن العطر يمشي على الخد هتّان
وقطر الندى زاده جمال وطراوه

عابر السبيل

 

[عابر السبيل]

جيته ضحيّ العيد يلعب ويلفح
والعين نجلاء والمباسم ذبوحي

ليته سقاني من ثمانه ولا شح
وانا سقيته من ثمانن شحوحي

لو ان قول ن اح تبري المجرّح
كثرت من قول اح وابريت روحي

مير ان قول ان مالي بها صح
زودن على مابي تزايد جروحي

 

[عابر السبيل]

لك يالذي بينت م الوجه لك عين
عين بها نصف الجمال السماوي

ما ادركت لك جيم ن ولا ادركت لك سين
قد لي سنين ن ظامر البطن طاوي

وين الديار اللي تلاشت على وين
انا بدربك ماشي ن لك خلاوي

ان حل بك طاري تلجّ الضلاعين
وانا كما غصنن من الدهر ذاوي

عابر السبيل

 

[عابر السبيل]

جيته ضحيّ العيد يلعب ويلفح
والعين نجلاء والمباسم ذبوحي

ليته سقاني من ثمانه ولا شح
وانا سقيته من ثمانن شحوحي

لو ان قول ن اح تبري المجرّح
كثرت من قول اح وابريت روحي

مير ان قول ان مالي بها صح
زودن على مابي تزايد جروحي

 

[عابر السبيل]

لك يالذي عطرت جيبي وكمّي
ياطلعة تجلى عن فوادي همومه

بالله سولف واغرف من القلب همي
وادعي عسى هالليل تبكي نجومه

ارجوك لا تهدر مع الليل دمي
واحكي عن الاشواق وشي هي علومه؟؟

وش قصة اللي م السهر صار يمي
والشاعر اللي باع بالليل نومه ؟؟؟

لا يابعد ذوقي ولمسي وشمي
وسمعي وعينن تنثر الدمع دومه

عابر السبيل

 

[عابر السبيل]

هل ياترى تذكر حبيب الربابه؟
الشاعر اللي يشبه المسك لونه

يفيض بيته لك ب شوق وصبابه
اللي طيور الصبح تغني لحونه

اللي على وجهه رسوم الغرابه
اللي يلوّن بالقوافي فنونه

عابر السبيل

 

[عابر السبيل]

سرب القطا يلفح جناحه مع الجو
مادري ظما والا يحب السحابه

ماهوب مثل اللي حياته على لو
اللي غدى عمره رتابه في رتابه

كل الاماني يا رفيقي تلاشو
وراحت معاها ياغلاي الطرابه

كن الليالي يا ا نجل العين ماتو
مثل الفيافي لا تلاشى سرابه

عابر السبيل

 

[عابر السبيل]

لك ياللذي تبسم بعينك صموتي
رد التحيه جعل ربي يخليك

انا اشهد انك واحدن منك موتي
سلام يا رمش ن يميتك ويحييك

ياليت تسمع م المسافات صوتي
يومي على اسمك م البعيدة واناديك

اي والله انك بين الالحان نوتي
ويذوب قلبي كلما جيت اغنيك

عابر السبيل

 

[عابر السبيل]

اليوم يسألني علامك علامك؟؟
وانا معه والله مادري اشعلامي

قمته تلعثم ياغلاي ب كلامك
ومن وين اجمّع يا رفيقي كلامي؟؟؟

العمر يمضي في رجاوي سلامك
وصوبك رخيص ن يا شقايه سلامي

ياكم اغلينا بالمبيعات سومك
وفي سوقكم سلعتي ما تسامي

عابر السبيل

 

[عابر السبيل]

الا يا صاحبي سلم ترا عمر الفتى فاني
ولا تضفي على غر الثناي بالجزاريه

الا يا صاحبي لك في الحشا زرعن وبستاني
وقلبانن مطواتن على عصر الهلاليه

الا يا لله لا يسقيك يا قلبان مراني
تلم الحي في ساعه وكل ن ضارب النية

 

[عابر السبيل]

يا ناصحي لا تلحق الشور بالشور
ماعاد به قلبن ياخذ العلم واشوار

انا اشهد ان الوقت يخلف لك الطور
وكم تخلف الايام للرجل اطوار

العام لي دورن وهاليوم لي دور
كم حطت الايام فينا م الادوار

كم كاتبن يكتب له القبر محفور
ومن عاد يدري من للاجداث حفّار

وكم تنضح الاسطار بالحس واشعور
وكم يكتب المحزون حسه بالاشعار

الله ياللي تنثر الطيب واعطور
الى تعدّت كنها ريح عطار

واليوم قلبي مارعى النصح والشور
ماعاد به قلبن ياخذ العلم واشوار

عابر السبيل

 

[عابر السبيل]

مل القمر من سهرة الليل دونك
حتى نجوم الليل صارن غريبات

يامعطي ن للبدر من بعض لونك
ترقص على نوره من السحر نجمات

ماكثر مدارات الهوى حول كونك
ياهن طويلاتن ويا هن قصيرات

عابر السبيل

 

[alatherah]

اليوم يسألني علامك علامك؟؟
وانا معه والله مادري اشعلامي

يمثل شعوري هالبيت