انفاس في سطور

[عابر السبيل]

في شف مطنوخ الحلا نذبح الياس
يوم الامل من ياس الايام بايق

لاجله بيوتي جت على شكل هنداس
فيها من الحس المسمى رقايق

يا بنت ياللي تقتل الرق بالكاس
ويا كاس ياللي جت مناته حقايق

تلمسك في كف ن كما فاخر اللاس
وكفن لكاس الحظ للفم سايق

الحظ يقسم بين خلقه منالناس
واحدن حظوظه له من الوقت عايق

عابر السبيل

 

[عابر السبيل]

عسى نصيبي منك بالدرب ساير
والا الذي قد راح ياصاح قد راح

كم يرسمك قلبي قلوب ودواير
وكم اقلب الاحزان في حالك افراح

كم ذا وقفت بواسع الدرب حاير
وكم ادفن الاجراح ياحلو باجراح

عابر السبيل

 

[رحال]

حسن الكلام الكل يعلم انه
كالعطر الفوااح يرتاح له الجميع
فدع فمك يتفوه بتلك الكلمات
الطييبه التي تجلب الفرح والسرور
للأخريين

 

[عابر السبيل]

لك يالذي تاخذ من ايامي احلام
وحلم ن جميلن قلبته لكابوس

ياكم شرينا م الورق لك والاقلام
وانته تقدم في التصاديد لي دروس

واليوم ماشفتك ترا عدة ايام
وقلبي يلسه منك هاجس ولاسوس

كم احسد الطاير مع الجو لا حام
في عالمن ظهر المجن فيه منكوس

عابر السبيل

 

[عابر السبيل]

كم تصفق الارياح ردن وستاير
وصرير بابن طاوع الريح مجنون

وقفت عنده واهي القلب حاير
واذكر جميلن زاهي الخد واللون

ياكم اجي لك قاطع البعد ساير
والكف خاوي والفكر منك مشحون

اشبه لريحن حطت الدرب داير
بالصبح كون وتالي العصر له كون

عابر السبيل

 

[عابر السبيل]

تصبح على الخيرات ياقرة العين
نوم العوافي يالذيذ الشفايف

 

[عابر السبيل]

لا تعتذر يا صاحبي مات ما فات
ماض ن مضى ما عاد ودي بطاريه

لا تلحٍق اللي صار يا حلو شرهات
قلبي تعوّد ما يلحقنك مشاريه

كم ذا يحب النجم بالليل مسرات
الله من ليلن طاب لاجلك مساريه

واليوم وحدي في طريق المتاهات
وقلب الحزن بانت ب عيني مواريه

اقلّب الكفين منها خليات
واخذ بها راي الشقا ثم ان اعطيه

لا واحسايف يالليالي الخليّات
صرتي كما سطرن والايام تمحيه

كم كانت الحانن ل قلبي شجيات
واصداء حب ن مابقى الا تواليه

باقي رسومن وسط قلبي خفيات
امثال طل ن والسوافي ب تسفيه

الله ياغصنن للهواء فيه ميلات
يطاوع لكف الريح والريح تزويه

اللي زرع خده ل فل ن وزهرات
كن الندى مع طلعة الصبح ترويه

تلقى على خده من الطل قطرات
اهدم بها الاعشام وترجع وتبنيه

بالقلب جمرات من العام حيّات
تسكب لها زيتن عليها وتذكيه

حظي معه تعس يخالط سلامات
يبين منها سلام وعينيه تخفيه

رموشن كما ليلن عليها ظليلات
شاطي بحار ن ما لقينا موانيه

رضب الشفايف والثمان الرهيفات
ريحه كما مسك ن عزيزن مشاريه

همس الخلاخل يا في اديم رهيفات
تسمع لها اصوات السحر في مواطيه

بقيت اردد لحن مافيه كلمات
اخذته اول حافقي مع تواليه

شر ن عساه اثمر بالليالي بخيرات
وهذا زمانن على الله مشاكيه

عابر السبيل

 

[عابر السبيل]

تاخذني انغام ن على اوتار هالعود
كنه سرقني يالحن مثل هاجوس

اقطع فراسيخ الحقب مثل موعود
او مثل من يمشي على اوداجه الموس

اليوم هالموجات جود ب ماجود
تداعب لها اقدامن من الشوق وتبوس

ماذكر في كثر التشاويق من فود
ينخر فوادك مثل ما ينخر السوس

يا ناصحي وافهم ترى النصح منقود
تنصح لقلبن كنه الكوز منكوس

عابر السبيل

 

[عابر السبيل]

ضاعت خطى هالليل من تحت الاقدام
واربع جهاتي يا رفيقي متاهات

كم تنمسح بالدرب في عيني اعلام
الرجل تمشي والبصاير عميّات
عابر السبيل

 

[عابر السبيل]

لك يالذي خذته من الجسم ظلي
وابقيتني جسم ن تمشى بلا ظلال

ياصاحبي في رحل رجلي وحلّي
ياصحبة ن صارت كما رجلن وخلخال

خليتني ما بين حط ن وشلّي
مسبوه قلبن يشعفه كل موّال

عابر السبيل

 

[عابر السبيل]

على عتب هالليل ضاعت خطايه
اعتاب ليلك بابها الحين مصكوك

قدام دربك يالهوى والا ورايه
ليت الذي طفّوك يانور ضووك

عابر السبيل

 

[عابر السبيل]

ترا انتظرتك لين مل انتظاري
وتركت لك قلبي على اعتاب بابك

من دون قلبن ماشي ن في مساري
اشبه لشوقن ضاع باظلم ضبابك

ماكان يومن مر هذا قراري
وانا الظامي اللي مات يطرد سرابك

عابر السبيل

 

[عابر السبيل]

باقي بعمر الليل ياحبي انفاس
وانا شفاتي فيك حلو القصايد

بانظمها انا عقدن من الدر والماس
ثم البسي مني جميل القلايد

قالو بتالي الليل يجهش بك احساس
والشوق ياخلى من ايام زايد

عابر السبيل

 

[عابر السبيل]

لك يالذي تجمع نياطن من الجوف
اخاف تدعي عليك من القوافي حزينات

مقسوم انا مابين الاماني مع الخوف
وافرج التهمام ياصاح بابيات

لو ن الغروب اصبح من اللون مخطوف
تشهد عليه من المساء اليوم نجمات

كم يتمنى ناظري فيك من شوف
وهرجن تويلي الليل يشبه لهمسات

عابر السبيل

 

[عابر السبيل]

عشرين راحت يا جميل التقاسيم
كنك توزعني على ايام عمري

عمري بابيعه ما سوى لي ملاليم
ياغشوة تشبه معي غول خمري

اقولها صادق علي الملازيم
لا يابعد بيض الصبايا وسمري

ودي احصل للقوافي ب تكريم
عطها لشادي يلهج اللحن قمري

عابر السبيل

 

[عابر السبيل]

ياساري ن تسري مع النجم مسراك
وين المراح اليا تبين لك الصبح ؟؟؟؟

في ساعة ن فيها يمينك ب يسراك
وجل المخاسر يا رفيقي هي الريح

حذرى حذاري يا رفيقي وحذراك
كم طامعن يبي السلامه شرى الذبح

عابر السبيل

 

[عابر السبيل]

ياكم سد ن من غثا الهم ينباح
وكل يعبّر لا فضا السد بوحه

يشبه سفينه قرشعت منه الالواح
تقاسم الامواج م الفلك لوحه

تشبثت في طافي اللوح الارواح
وكل ن عطى للوح قلبه وروحه

حتى الشراع اصبح من الارياح مشلاح
رثيث ثوبن كسيف ن بايناتن شلوحه

عابر السبيل

 

[عابر السبيل]

شفتك حسير القلب يا ناطق العين
قصة حياتك قالها موق عينك

صموت تخفي بس تخفي على مين
لو تحلف الايمان زورن يمينك

يا وردة ن ماتت عليك البساتين
متخالط الرمان مع حلو تينك

تشرق ب لون وتغرب الشمس لونين
قاسيك خالط م الحلا زين لينك

عابر السبيل

 

[عابر السبيل]

نسيت انا وشلون شكل الوسايد
اقفر بها عهدن تولى له اعوام

عابر

 

[عابر السبيل]

كم يشتعل في ليلة العرس شمعات
شمعات ليلك تدري انك لها انوار

اخر تذكّاري لعينك ودمعات
تاخذ على خدك م ن العين مشوار

عرفت ما انته لي ولا فيه شرهات
من بيننا قسمة من الله واقدار

باذكرك ماهبت مع الليل نسمات
نسمات نجد اليا نوت لي بمحدار

عابر السبيل