انفاس في سطور

[عابر السبيل]

مضى لي في هواكم خمس
سنين وانت راعيها

حمست بها حياتي حمس
ورب البيت محصيها

خلايف يالعيون النعس
بحر والرمش شاطيها

ظليلات الرموش وخرس
واموت بوهج صاليها

تذكر يا لذيذ الانس
وعودن كنت تعطيها

تلاشت مع شعاع الشمس
وخالي الكف تاليها

عابر السبيل

 

[عابر السبيل]

يامسحة الجوري ويا زنبق اللون
متخالط الزينين ريحك ولونك

ماشفت منهو بالغوى منك مفتون
ووش تالية حبك وجنة فتونك

مليت ياصاحي على القلب هالكون
ونا مداري صار في وسط كونك

عابر السبيل

 

[عابر السبيل]

يابوح ليل الصب لا تكثر اللوم
ماعاد ينفع في الخوافق ملامه

ما قيل في حب المحبين معلوم
لو انت لك بالقلب دامي علامه

اغليت بك يا صاحبي سايم السوم
من واحدن سامه الحب سامه

ياكم يموت بظلمه السجن مظلوم
اهواك ياللي فوق صبحه ظلامه

عابر السبيل

 

[عابر السبيل]

كم ذا يثور الشوق في وحشة الليل
وتصبح من الاشواق مثل القصيده

تصبح بيوت الشعر نور وقناديل
وتكر في بيت الغلا ثم تعيده

اعلل الاشواق فيها تعاليل
وقديمة بالقلب صارت جديده



عابر السبيل

 

[عابر السبيل]

كم ذا تمنيتك على ساع خلوه
ليتك تمناني اليا صرت خالي

مر الليالي من حواليك حلوه
وياكم مر ن واصبح اليوم حالي

عابر السبيل

 

[عابر السبيل]

كم ابعدك وقتن تمنيت يدنيك
في ساعة تجهش على قلبي اشواق

او ليت من يدري بدارك واراضيك
ترفض تعلمني على ديارك افاق

وانا اكتبك حينن من الشوق وامحيك
سطورن على صفح الورق دوم تنساق

يلوعني لحنن من الطير يحييك
وعرفت انا الشوق بالحيل حراق

وش هو يبيعك ياغلا تي ويشريك
لاعادها الله لوعة البعد وافراق

عابر السبيل

 

[عابر السبيل]

سقها على درب السلامات يا منير
ماعاد لك في طرد المقافي فوايد

انشدك انا ياصارفي بالدنانير
وش عاد لي م الفوايد عوايد

يوم الهوى لي بالغلس كنه الزير
وياكم مصيودن باول الوقت صايد

عابر السبيل

 

[عابر السبيل]

كم هاجسن يحيا اليا ناموا الناس
يقول عد النجم خليك صاحي

تجمع نجوم الليل في واسط الكاس
وياكم سر ن تالي الليل باحي

امشى بدرب الصبح لا فاح بانفاس
واغسل على مجرى النهر لك جراحي

عابر السبيل

 

[عابر السبيل]

تصبح على الخيرات ياطلعة الخير
يالله عسى هالوجه صبحه سعاده

عابر السبيل

 

[عهود منسية]

 

[عابر السبيل]

عهدي بهم يوم الليالي مريفه
يوم ان بيت القاف بالدم مكتوب

سلام يا راع العلوم الظريفه
ياللي لبسته م حلا الزين لك ثوب

كم شافتك عينن لغيرك كفيفه
يا انته نصيبن للاحاسيس مشبوب

عليك قلبن ناش ضلعي رفيفه
انشدك عن حظ ن بالاصفار مضروب

سلام يا ثغرن شاب قلبي شفيفه
ورمشن على خد ن من العاج مسحو ب

؟؟؟

عابر السبيل

 

[عابر السبيل]

ياللي تهيجنها م الالحان بابيات
هونك على قلب ن له اعوام مذبوح

حي ن وكنه عايش بين الاموات
كم يختلط بوحه معك بالغلس نوح

خليت لي حفنه من القاف كلمات
وكم خاطرن من فعل الايام مجروح

تجتاحني لك بعض الايام نسمات
وانشد هواك اللي تعدى بلافوح

هو انت تذبح بالنظاير وبسمات؟؟
وريقن عليها ظامري حيل مشفووح

عابر السبيل

 

[عابر السبيل]

يا سطور هالانفاس من عاد يقراك؟؟؟
يذوب حرفك بين الاسطار دافي

عيني على يمناك مره ويسراك
والماشي اللي بالسطر صار حافي

كن القدر ياحرف الاشواق اغراك
وطويل سطرك يوم الاحساس صافي

كم عز يا سطري على السوم مشراك
واليوم حظك بين المخاليق طافي

صبرك جميل ن ياقلم ليني ابراك
وتصير سيدن يهتويك القوافي

عابر السبيل

 

[عابر السبيل]

عهودن توارت وارمس العلم منها
ماعاد اسمعها ولا عاد به شوف

كم تخلف الايام فينا سننها
وياكم وردن واصبح اليوم مقطوف

صارت كما القصه توارى زمنها
ولا عاد تلقى م اسود الوقت معروف

تشبه اغاني ن قد توفي لحنها
لو كان هو لحنن على النوت مصفوف

صارت خيالن رث منها بدنها
ومن الاسف تصفق لها اليوم بكفوف

عابر السبيل

 

[عابر السبيل]

يا سألي احفيت جاشي وصبري
وصبري كما ثوبن من الوقت مشقوق

ماعاد باق ن كود سطري وحبري
ولذيذ قافن من على السطر منسوق

قد جف ياحلو اللما منك عطري
وشملن من الصدات باحلو مفروق

حاكيت بالاغصان م الشوق قمري
وامشي خيالن هايم الوجه بالسوق

ايبست من حر النوى منك خضري
ورطيب قلبن واصبح اليوم محروق

ياليت وقت الصوم لو كنت فطري
او انت طيفن يصحب الصبح بشروق

عابر السبيل

 

[عابر السبيل]

يا منبر الابيات منهو تعلاك
واصبح خطيبن في لذيذ ات الابيات

واليوم اشوفك ظامي ن جافين ماك
تلهث على جفافك من المثيلات كلمات

امنولن من بينهن ول ما احلاك
واليوم دارك خالياتن محيلات

عابر السبيل

 

[عابر السبيل]

يذكر زمانك يا انجل العين بالخير
وطيفن عرفته باجمل الخير مذكور

كم ذا كتبنا من الاحسايس تسطير
ويفداك ما نكتب من القاف بسطور

ثم صار لي بالشعر ياحلو تشهير
واصبحت بيطارن بينهم حيل مشهور

انثّر الابيات بالحس تنثير
الله يا حس ن على السطر منثور

قلبن دفع من شان عينك فواتير
والذنب في شرعك ياحلا الكون مغفور

عابر السبيل

 

[عابر السبيل]

اصحر زمانك يالخدود الرطيبه
وامحل بوردن في صفا الخد مغروس

من هو فعلها جعل ربي حسيبه
وقلبن يحبك اصبح اليوم محموس

كنتي غريبه واهوى جمال الغريبه
ذكراك في عالم هوى الامس ناقوس

من عاد صرتي عقبنا له حبيبه ؟؟؟
ومن عاد يسكب حالي الماي بالكوس

ياعشرة صرتي لعمر ي ضريبه
ضريبة ن ما تعرف الدفع بفلوس

عابر السبيل

 

[الجوري]

اصحر زمانك يالخدود الرطيبه
وامحل بوردن في صفا الخد مغروس

من هو فعلها جعل ربي حسيبه
وقلبن يحبك اصبح اليوم محموس

كنتي غريبه واهوى جمال الغريبه
ذكراك في عالم هوى الامس ناقوس

من عاد صرتي عقبنا له حبيبه ؟؟؟
ومن عاد يسكب حالي الماي بالكوس

ياعشرة صرتي لعمر ي ضريبه
ضريبة ن ما تعرف الدفع بفلوس

عابر السبيل

الرب يحفضلك هلملكه الرائعه
دام مداد قلمك وابداعك

 

[alatherah]

يا منبر الابيات منهو تعلاك
واصبح خطيبن في لذيذ ات الابيات

واليوم اشوفك ظامي ن جافين ماك
تلهث على جفافك من المثيلات كلمات

امنولن من بينهن ول ما احلاك
واليوم دارك خالياتن محيلات

عابر السبيل

صح لسانك ع هالجمال