انفاس في سطور

[عابر السبيل]

سلام ياللي تلتمس خاطر اخبار
يجيك بالاخبار م لا توصيه

يجيك بالاخبار صامت وثرثار
يعطيك علم ن ودك اليوم توحيه

ترى الليالي تكشف العلم واسرار
ياخذ زمانك م الخلايق ويعطيه

عابر السبيل

 

[عابر السبيل]

شقت مواذين الفجر هجعة الليل
بروس المناير صوتهم يرفعونه

وصلى الحجر لله بذكر ن وتهليل
حتى البحر قام يتهاود بهونه

وبان الصباح ورحّل الليل ترحيل
واعلن وفاة الليل واحضر كفونه

وانا عشانك ساهر الحول والحيل
والقلب يشكي لي تنازف طعونه

واذلل الابيات لاجلك تذاليل
بيتي مع الشعار هم يرفعونه

ترا حياة الحب ليل وقناديل
فيها النجم مثل الذهب يعشقونه

عابر السبيل

 

[عابر السبيل]

روّح ظلام الليل تطرده الاصباح
طيور الصباح تغزي الصبح بالليل

انزاح ليلي والغثا منك ما انزاح
عز الله اني منك وافي المغاليل

انباح صبحي لك وسدي لك انباح
وغاثت عيوني صافح الخد بالسيل

القلب يكفخ لك مع الهجس ياجناح
يبسن عصونه والزهر به ذوابيل

يعقطعك يا دهرن نصيبيه به اجراح
تقفي غرابيلن وتقبل غرابيل

عابر السبيل

 

[عابر السبيل]

يهيضني تل القوافي على الهون
وسكب المشاعر بالمثل وسط الاسطار

كن الحروف من الحلى جا لها لون
تشبه اريج العطر في طرد الازهار

سلام ياللي لها الف مجنون
عقال كانو واختلف منهم اطوار

ياطير ياللي بالغصن ترفع لحون
عندي مع الالحان طار ن مع اوتار

ودي ابيح م اللحن كل مكنون
مع اللحن يحلى لنا كشف الاسرار

اموات في صدري مع اللحن يحييون
كن الغلس بالليل به حفل وانوار

عابر السبيل

 

[عابر السبيل]

يالابسن حزنن ولا هو مقاسك
كنك لبسته م التهاميم خيمه

مليت م الاحزان يا صاح كاسك
تشرب م الاهمام هم وغبينه

وش عاد م الاشعار تقدح براسك
يوم الغدر للوقت يا صاح شيمه

قام يتناثر فوق الاوجان ماسك
عينك على الخدين ياهي كريمه

عابر السبيل

 

[عابر السبيل]

الله يا عينن تتبع سطوري
عينن الملاك اللي سكني له اعوام

كم اختلف منها مع الوقت طوري
والساحر اللي ييسكن الورد واكمام

تضفي المعتم من السطر نوري
وعيينن تخج القلب نظره وسلهام

ملاك يسكن بين فل ن وجوري
ثورة صبابه بين الاشعاع واظلام

عابر السبيل

 

[عابر السبيل]

يصد عني وخافقه في كفوفي
وين انت غادي يا مكابر على ماش؟

عادات مديون المحبين يوفي
وانا على مطل المواعيد معتاش

خفخاف خوفك عند خفقك يحوفي
واشوف خوفك يجتلد وسط الارماش

تطنش بخدك وانت يمي لهوفي
رعدي وبرقي في ضميرك له ارهاش

حطيت طياراني بقلبك دفوفي
ينهشك من بعدي على المش نهاش

بس اعرف انك ياغلا من طيوفي
وعندي لك اشواقن مع الروح تهتاش

لوّك بعيدن انت غالي طيوفي
طاريك ينعش مهجتي يالغلا انعاش

عابر السبيل

 

[عابر السبيل]

يا هلا واهلين وارحب يا ملاك
ما طرحت من القوافي تجمعك

كم يستلف بدر الليالي من حلاك
وتسحر حروفي م القوافي باربعك

اربع حروفن مبتداك ومنتهاك
صم الحجر لا من حكيته يسمعك

ياللي تخوض الزين بالممشى خطاك
من هو قدر من خوض زينك يمنعك

يا مسلف ن ورد المزاهر من غلاك
تمشي ووردات اللواتس تتبعك

يا جامع ن طيب الحيا وسط الهلاك
يثور بك قلبي كثير ويهجعك

عابر السبيل

 

[عابر السبيل]

غني يا مثنى على لحنن نجيبه
القوافي منك واللحن منا

ودي اغني بالليالي الغريبه
وارقص كما غصنن بعوده تثنى

راح هود الليل باقي سريبه
وعندي هجوسن وسط فكري تعنى

عابر السبيل

 

[عابر السبيل]

قلنا سلام ولا تردي سلامي
حسيبك الله يا غلا كل هالكون

ودي بخصمة مير لعثم كلامي
لا انيب صاحي عند شوفك ومجنون

يملا فوادي عند شوفك غرامي
وعندي كلام ن نتطقه عبرات وعيون

ماعاد لي بالغصن لاعي حمامي
والناي ما يعطي مع الحزن بلحون

ارجوك لا تنحي بعذل وملامي
اللي بصدري م التهاميم يكفون

عابر السبيل

 

[عابر السبيل]

لا وين غادي يا اشقر الريش طاير
هو انت معزومن على رايح الغيم؟؟؟؟

اجول عيني والبصر فيك حاير
والحال ما تسوى لك الله ملاليم

على الظلوم اتدور كل الدواير
وكم ظالم يمشى على دروب المظاليم

مشيت دربك من زمانين ساير
وكم ذا تموت بدرب زادك معازيم

كم التمس طيفك على كل عاير
والباخل اللي ماعطى يوم تكريم

عابر السبيل

 

[عابر السبيل]

جدار الغلا ما عاد يلقى عصافير
والدلة اللي ما معاها فناجيل

وازيز ريحن تنهج القلب واتدير
وتشتت الارياح عطر المناديل

قامت تدلى م المصابح سنانير
وينهب زمان الحزن قلب القناديل

اطبق بها صمت الليالي المساتير
متاه ليلن ما لقى له مداليل

عابر السبيل

 

[عابر السبيل]

سيري على التوفيق يا نية الخير
واصفق جناحك واقطع الدرب طاير

سلم على اللي له بقلبي فواتير
اللي عصينا لاجل عينه شواير

اليا وقف ما بين حلو الغنادير
يشبه لشمع ن صار نوره دواير

يشكي بممشاها بوسطه مخاصير
ياخذك لا منه مشى الدرب ساير

يعطر جميل الجو بالريح تعطير
كم اتمنى شوفته يوم زاير

ماعاد في الغيبات ياحلو تعذير
ولا عاد ندري منك ويش صاير

عابر السبيل

 

[عابر السبيل]

قمت آتلفت عن شمال ويميني
واربع جهاتي م المحبين خالي

اتعبت بالنظرات ياصاح عيني
خلت لك اليمني ومثله شمالي

كم ذا يبوح لشوفك عينك كنيني
وقلبي كما ثوبن من الشمس بالي

ياغلى هديه من غوالي سنيني
انا اشهد انك بينهن حيل غالي

امنولن مثل البدر صوبي يبيني
وابهر الدله وادلل دلالي

كم احتريتك ليت مرة تحتريني
وكم اشتكي لك م البعيدات حالي

يجيب غيرك من يوافيك ديني
وامشي مع العربان خالن وسالي

عساك تذكر مع هايجن من حنيني
وتصير نقصن ما لقى له كمالي

عابر السبيل

 

[عابر السبيل]

يا صامت الاوتار بالله بوحي
شقي عنان الليل صوبي وغني

سلام مني يالكريم الشحوحي
ياليت فنك وافق اليوم فني

ياكم اجي لك نوب مره واروحي
واعن مثل ما الطاري بقلبي يعني

الله واكبر يا لرزوح المزوحي
كني معك يا صاح في كف جني

يخلط جزيل القاف م الهم نوحي
كني على كف المهاميل كني

اقطع قراريص الزمن بك واسوحي
متى على الله تقرب الدار مني

عابر السبيل

 

[عابر السبيل]

اهلين يا شعرن مع الريح مجنون
لفح الهبايب تاخذه يمن ويسار

كن الهواء في قذلته صار مفتون
كل الجهات الها مع الريح مشوار

الله ياخدن يختلط في لونه اللون
كنه زرع وردن على الخد وازهار

رمشن كما سيفن على العين مسنون
صميم سيفن ماضي الحد بتار

عابر السبيل

 

[عابر السبيل]

على مشاريف الغلس بان لي نور
كن الذهب فوق المشاريف مصبوب

م النور تلقى لك الوان وازهور
كن العطر في شرفة الليل مكبوب

بنيت من حبك لي ابيوت واقصور
وفصّلت لي م الشوق ياصاحبي ثوب

اسمك على جذعن له ازمان محفور
وفنجال حبك له اسنين مشروب

عابر السبيل

 

[عابر السبيل]

بانفاس يحيا ناي الاحباب صداح
عازفك يا ميت نفخ وسطك الروح

والعود يجمع بين الاوتار والالواح
وياكم يلذ بصوت الاوتار لي بوح

تصبح كما طيرن على الغصن بوّاح
يحرك شجون اللي من الحب مجروح

بين الوتر وايا النفس جيه ومرواح
وحلو اللحن في غفلة الليل مطروح

عابر السبيل

 

[عابر السبيل]

كم من هنوفن يعشقنه مراياه
الساحر اللي سحر حتى المرايه

اليا مشى كل الاموات تحياه
التايه اللي تاه في عشق غايه

اليا مشى تمشي للمتاعب سراياه
كل الوصايف في جماله كنايه

كن المشى في مماشيه اعياه
من بينهن كنه رفع الف رايه

عابر السبيل

 

[عابر السبيل]

يادلتي وش بك من النار تشكين
برتي مع الايام في كف راعيك

قالوا لي انك جاحده ما تصلّين
وانا من البن المسمى معشيك

عن لافح البارد على الدوم تدفين
كم ابعدك عن صالي النار وادنيك

عطيني الفنجال فنجالك الصين
ووعدي ماابيعك دايم الدوم اشريك

عابر السبيل