انفاس في سطور

[عابر السبيل]

سلام ياللي كنها طلة العيد
يلبس لها حلو الليالي فساتين

ياكم اردد طاري الهجس ترديد
والوّن الاحساس لاجلك تلاوين

منكم عرفنا للتنهات تنهيت
ودخلت لاجلك عالمن للمجانين

راحت ليال العمر حسب ن وتعديد
خسايرن راحت ولا فيه تثمين

الله ياعينن ما شكت م التساهيد
وين انت يا صاحي وانا صرت في وين؟؟

عابر السبيل

 

[عابر السبيل]

كم للنوى ياحلو الاعيان من يوم؟؟
مقيم ن على عمرن تولى بالاوهام

ماصار بالخافي غدى اليوم معلوم
تشيله الغربي على متن الانسام

الله يازهرن شايل العطر ب كموم
يزيد الصبابه ريحة العطر واحلام

عابر السبيل

 

[عابر السبيل]

يا ناقش الحنّا على ليلة العيد
كنك نقشته الكف من دمم قلبي

ياضاربن لي من التحسف مواعيد
افلست في جمعي معك مثل ضربي

يا ماسح الالوان بالخد توريد
ياليت لي عندك من الدنف شربي

عابر السبيل

 

[عابر السبيل]

اكثرت من طرياك يوم انت غايب
ياهل ترى لي في المغيبه طواري ؟؟؟

بيت القوافي في التواصيف شايب
يمشي مع الاسطار بالسطر عاري

انت كان شفك م التلها ف طايب
السوم يا صاحي شقا كل شاري

ارسل سلامي لك مع نسيم الهبايب
بليل ن بهيم ن رحت انا فيه ساري

عابر السبيل

 

[عابر السبيل]

سلام يا ريحن نوى بالمدينه
يقطع رهاريه الخلا صوب عينك

كن الهواجس بالمحبه سفينه
عيدك مبارك يا ملاكن ل حينك

كم تخلط الايام شينه وزينه
ولا عاد به جيمن تجاوب لسينك

كم يكتب الشاعر خواطر سنينه
وانا سطوري دايمن في سنينك

لحون الطيور اللي بغصنك حزينه
ليتك تذكر يا رفيقي حزينك

عابر السبيل

 

[عابر السبيل]

شكلي عشقت الدار يوم انت فيها
وكم يشعف الخاطر من البعد ديره

من الاماني مرة ن بس اجيها
وافضها ياحلو الاعيان سيره

كم كلمة ن لاجلك نويت اشتريها
ويقطع شفاف بالقلب حيره

عابر السبيل

 

[عابر السبيل]

متى على الله تنتهي عبرة الليل
وتنوم بالشارع سهير المصابيح

كم ذا رحمت الشمع حب القناديل
كنه يقوم الليل مرات وايطيح

علل فوادك بالقوافي تعاليل
يا ساهرن ضاقت عليه الفواسيح

بالخير يا دمعن هوته المناديل
كنه يسبح جافي الخد تسبيح

عابر السبيل

 

[عابر السبيل]

الله ياللي يخفق الجو طاير
مادري لعب والا يفرج له اهموم

يلف في جوه يسوي دواير
كنه هوى في زرقة الجو والحوم

ياخافق الجنحان والقلب حاير
والحال حال اللي من الزاد محروم

عابر السبيل

 

[عابر السبيل]

ورده لخاطر صافي الخد مزيون
سبحان من سواه بين الجميلات

كنه اخذ من لوحة السحر له لون
كن الملامح رابع المستحيلات

كن البصر بك ياغلا الكون مفتون
وميت مشاعر ماضي العام حيات

امضيت عمري لك من الدون للدون
والله يرحم غاوي ن فيك قد مات

عابر السبيل

 

[عابر السبيل]

ارم الزجاجه من على مايج الشط
وديعة الامواج حرف الرساله

دنياك ياحلو اللما شيل مع حط
وعصر ن تولى ما بقى به جماله

مشاعر الاشجان دومن تخبّط
وحالتها ياحلو الاعيان حاله

عابر السبيل

 

[عابر السبيل]

كم تفتنك ياقلب همسات الاوتار
وحفل النجوم اللي تجلى حواليك

كنه يلاعب خافق القلب مسمار
وياخذك في حلو اللحن ثم يعطيك

على التذكر في الفناتير وانوار
عصرن مضى باعك ولا هوب شاريك

كم تفضح الاشجان خافن من الاسرار
يجتاحني لك حاضرن صار ماضيك

يا كيف قلبي يا لقرنفل مع ابهار
اقف لك احيانن م المحبه واحييك

عابر السبيل

 

[عابر السبيل]

خالي الوفاض اللي نسته الليالي
ضاعت خطاه ودرب الايام ناسيه

تشابه حرم البلاء له والحلالي
ولينن تبدل م الليالي ب قاسيه

يمشي وكنه حايرن من سؤالي
وحزين قلبن ما لقى من يواسيه

عابر السبيل

 

[عابر السبيل]

نامت عيون الليل يا باهر الزين
ولا بقى حظ السهر كود عيني

ادير انا الاعيان وانظر على وين؟
وين انت يا حلو اللما ثم ويني ؟؟؟

اشبه لحرفن ضاع وسط الدواوين
ابحث على شي ن مضى من سنيني

عليك انا اكتب باكيات التفانين
وخاف ن خفى يا صاحبي لك يبيني

يهتاجني شوقن لاجل شوفك احايين
ولا جاد لي حظ الشقاوه ب حيني

الله ياللي باشة ن ب المزايين
عيا ردي الحظ يمك يزيني

عابر السبيل

 

[الجوري]

يا ناقش الحنّا على ليلة العيد
كنك نقشته الكف من دمم قلبي

ياضاربن لي من التحسف مواعيد
افلست في جمعي معك مثل ضربي

يا ماسح الالوان بالخد توريد
ياليت لي عندك من الدنف شربي

عابر السبيل

الله الله تسلم ايدك

 

[عابر السبيل]

اطبقت صمتك يالفجاج الخليات
الا حفيف الريح في رمش الاشجار

تقتش ريش الطير من رملها اشتات
وانا ارصف الابيات في مثل دينار

لا يا بعد من عاش عندي والاموات
جازيتني يا صااح مجزاة سنمار

بين العذارى يالعيون الجميلات
في حفلة ن للشمس من حولها اقمار

من بينهن تفخر على الغير بالذات
يازارعن الخد وردن مع ازهار

مسيك بالخيرات واصبح بخيرات
من بينهن عطرن لوجنك ونكتار

تقول ياعابر تحفة النثر وابيات
ودي توصّفني من الشعر باشعار

يابسمة ن بالثغر حالي الرهيفات
شرقة صباحن تسحر القلب بانوار

عابر السبيل

 

[عابر السبيل]

بالله قل لي يارهيف البنانين
وين انت رايح في ظلام الليالي

بالله قل لي رايح المشي لا وين
علمي بقلبك م التهاميم خالي

ياجامعن زين الخلايق على زين
ودي تجاوب ياغلاتي سؤالي

كم انشد الاطيار حلو التلاوين
ماشفت لي في طلعة الصبح غالي ؟؟؟


عابر السبيل

 

[عابر السبيل]

ان مت ياقلبي عدتك الملامه
وان عشت يا قلبي تموت اللوايم

بالخير يا من في شفيفه علامه
بالخير ياعطرن هوته النسايم

القلب شاب وصار لاجلك ثغامه
وعلى الصياهد يهلكن الثغايم

ياحلو من حط الحلى والزمامه
اجمل جميل حط فيها زمايم

عابر السبيل

 

[عابر السبيل]

الله يا عيدن طوته الليالي
اقفى ولا يلد لخافق القلب عينه

كن الليالي للمواضي موالي
ماعاد له رجعه ولو تشترينه

امشي وحيدن مامعي الا ظلالي
حتى ظلالي راح من قبل حينه

اسألك يا ثنّى بعد من غدى لي
وين الذي قد راح من عاشقينه؟؟؟

كنه رحل في صحبته حلو فالي
عليه عيني من المفارق حزينه

عابر السبيل

 

[عابر السبيل]

كنّك تلاحق ميّت الناي بانفاس
تعطيه من روحك لحون جديده

مرحوم ياعودن بين المناشير والفاس
ماجت لك الدنيا على ماتحب وتريده

عطني لحونن واجمع اللحن بالكاس
ياميت الالحان صرتي شهيده

والا امتلا كاسي م الالحان واحساس
باشرب لحونك ثم اردد واعيده

عابر السبيل

 

[عابر السبيل]

حي المنازل لو اهن خالياتي
تكرم عيون الدار م للي سكنها

لو هن بيحين زدتهن من حياتي
وكم ذا تحن الروح شوق لوطنها

تساوت علوم الحي اهي والمماتي
ومن يلحق بايعك من ثمنها

عابر السبيل