انفاس في سطور

[عابر السبيل]

كل ن على ما قيل يتبعه لمشهاه
وسرد الحكايا من صدوق التجاريب

بالخير ياللي خافقي حيل يهواه
امري معه مابين بعدن وتقريب

ياليتها حرفن على السطر وامحاه
يوم المماحي يمسحن المكاتيب

حايلت قلبي له زمانن ولا اقواه
بعض السوالف تغصب القلب تغصيب

كم ذا لفتني سطرها وارجع اقراه
واخضب الاوجان بالدمع تخضيب

عابر السبيل

 

[عابر السبيل]

مريت بابك بين الابواب مصكوك
المستعان الله يافاضي البيت

الله ياكنزن من وراء الباب متروك
ثمين كنزن يحرسنه عفاريت

عليه قلبي له زمانين مفروك
شي ن يفتت ظامي القلب تفتيت

كنت اتمنى الخاتمة قول مبروك
وحييت يالافي على البيت حييت

عابر السبيل

 

[عابر السبيل]

كم كلمة ن مرت على قلب سامع
يدمي لها قلبك م المر عامين

عن العواذل مخفي ن المدامع
هي طرقة الدنيا بدرب المساكين

عابر السبيل

 

[عابر السبيل]

ليت الليالي تعتذر م المحبين
ويعتذر عصر الشقا من ضحاياه

عليك ادلل باكيات التفانين
بيوتن تعبّر بالضلووع المحناه

من شان عينه صرت شاعر بيومين
واذا بكى بيتن عليهم كتبناه

عابر السبيل

 

[عابر السبيل]

تواردنك سود الايام بسهوم
وصرته كما ثوبن من الدهر بالي

مجهول فعل الوقت ياصاح معلوم
كم بدل الله حالة ن عقب حالي

من عاد يسلم من غثا ا لناس واللوم
انهج جنوب وصار دربي شمالي

سلام ياللي كنها غصن يشموم
فاخر جمالن صار مضرب مثالي

اغديت عمري بين معطى ومحروم
ومثيل نقص ن ما عرف للكمالي

كم مر من فرقاك ياحلو من يوم
لانيب ناسيهم ولا انيب سالي

عابر السبيل

 

[عابر السبيل]

عسى من بهّر دلال الفراق وصب لي فنجال
يحاصره الظما والقيظ لا رحمة ولا والي

جزاء العتيبي

 

[عابر السبيل]

قالت من انت ؟وقلت ضيفن على الباب
جاه الظلام ولا لقى له معازيب

انا ان طلبته ضمة ن قال ما اناب
وانا ان طلبته حبة ن قال ما انيب

ونجل ن اليا لجلج بها عذب الانياب
اغدى كما جن ن على ساقته ذيب

 

[عابر السبيل]

تفرّعت م الدرب يا صاحبي ادروب
وضاعت خطاوي الليل في هبة الريح

ظهر المجن اليوم ييا حلو مقلوب
تلوحه الاصداف يا صاح تلويح

كم تلبس الايام للناس من ثوب
والغاديات اللي تجينا مراويح

عابر السبيل

 

[عابر السبيل]

يمكن يجي يومن وتنسى رفيقك
كم نسّت الايام عهد الرفاقه

ياغشوة الايام منهو يفيقك ؟؟
ويا طلعة ن شوفك غدى لي شفاقه

سلام يا ثغرن شهدها ب ريقك
كم عاشق لك مات من حر فاقه

عابر السبيل

 

[عابر السبيل]

وحي المشاعر في دهاليز ذكراك
سندان يطرق في مواضي لياليك

وش عاد رايك في الذي حيل اغلاك
حط القوافي لاجل عينك مماليك؟؟؟؟

اللي نحت في صخر الايام اسماك
ملا الحجر يا صاحبي من اساميك

يقطعك يا دمعن على الرمش ماقواك
وانا الذي ظنيتني دوم قاويك

صرته كما لغزن تمنيت فحواك
افكار عقلي تاخذك ثم تعطيك

عابر السبيل

 

[عابر السبيل]

ياشيت وين اللي جنى اليوم ورده
ثم ن تركها في مكانه ولا عاد

وش خاطرك في بوح سرده
ترى بجوفي لك من النار وقّاد

لا يادفا قلبي وياقرص برده
في خافقي شوقن مع الوقت يزداد

عابر السبيل

 

[عابر السبيل]

هني خبلن طافي العقل هلباج
همّه ببطنه لين كرشه ملاها

طبلن يدندن وسط الاسواق هراج
ماميّز الايام ولاعه غثاها

لأمه سريرن فاخر الفرش والعاج
ورزقه عليها وزاد بطنه قراها

ماهوب مثل الللي للايام مسهاج
كم ليلة ن غدرا ن بهيم وسراها

يا كم وطى نابن من الداب منعاج
كبود الفيافي م اللوايع فراها

عابر السبيل

 

[عابر السبيل]

ليل الشقا ياما على الدرب عشاق
ياصل بعضهم والبعض راح ثاوي

ياليل ياللي روّق الصبح برواق
شهودك نجومن يالجمال السماوي

طمست في ثوبك جميلات الافاق
ويا كم يبكي حلو الاشفاق غاوي

تشبه جديلن ثلثلوا فوق الاعناق
امواج ليلن قلت فيها غناوي

عابر السبيل

 

[عابر السبيل]

كلامك يا جميل التعابير ابيات
دندن وانا اوتار تغني مع الليل

يمكن تولي الليل نسحر لنجمات
نجوم بكبد الجو تصبح قناديل

خل السوالف يالغلا مثل شيلات
وعطني من الابيات رقط الفناجيل

عابر السبيل

 

[عابر السبيل]

يذكر زمانك يا انجل العين بالخير
يافاتنن كل الحلا منه ينبوع

عشان عينه صار هرجي تعابير
بيوتن بها من صافي الحس مجموع

كم ذا القلم يشكي كثير التساطير
بيوتن تواهج نورها كنها اشموع

عابر السبيل

 

[عابر السبيل]

سلام ياللي شوفها مثل بشرى
بشرى لقلبن عاش دون البشاير

ليت الفرح ياصاح بالسوق يشرى
واهديك فرحن م المسافات ساير

تفقدك يمنا القلب ويفقد يسرى
حالي معك ماشي بدرب الدواير

عابر السبيل

 

[عابر السبيل]

مسيك بالخيرات نصف الملثّم
ياشيخ ياحلو اللحظ وسط عينك

اظن مثلك وسط الاسواق ياثم
يا افرد فريدن من غرايب سنينك

عابر السبيل

 

[عابر السبيل]

ياشمعة ن ترقص على راسها النار
تحيي ليال الحب وتموت ب سكات

زين الزهر يجني على حلو الازهار
تصبح طرودن بين الاحباب مهدات

والشعر والشاعر كما شمعة الدار
يلقى بها الساهر مع الليل لذات

عابر السبيل

 

[عابر السبيل]

بالله تمهل خاطري منك ما طاب
ودي بكلمه ثم واصل طريقك

قالوا العذر مقبول من بين الاحباب
وان ماحصل خذني بدربك صديقك

ياجامع الشفه بوردن وعنّاب
اموت انا بين الوهم مع حقيقك
عابر السبيل

 

[عابر السبيل]

سلام ياللي تعداني مع السوق
يمر ما سلم ولا فيه حيله

وانا معه مابين سارق ومسروق
وقلبن مع الصكات ضيّع دليله

تعال انا واياك ب نقسم الشوق
وكل يشيل من النوى بعض كيله

الله ياللي كنها الشمس ب شروق
صبت ذهبها في التلال الجميله

عابر السبيل