انفاس في سطور

[عابر السبيل]

في ذمة الله يا حلا كل هالليل
جيتي على خير ن وتصبح على خير

باكر لنا جلسه وعطر وقناديل
واعطيك م الابيات حلو الدنانير

عابر السبيل

 

[عابر السبيل]

أوغل زمانك بالتباعد ل عيني
وفي ظلمة الابعاد ما عدت اشوفك

وما عادت اخبارك بيوم ن تجيني
حتى مع الاحلام راحت طيوفك

رجعت ادوّر في مواضي سنيني
واقرا مكاتبك واقبل ظروفك

اجهش على قلبي لشوفك حنيني
مثلي غريبن ساكنن وسط خوفك

عابر السبيل

 

[عابر السبيل]

اضحى مزاره من وراء مغرب الشوق
ولا بدى بالشرق مطلع شعاعه

عينن تعلق في مطاليعه اشروق
شفق الشحيح اللي خسر له بضاعه

او ماشي يمشي الفيافي بلا نوق
وحامي ظماها زاد فجعه فضاعه

كنه بحاميي القييظ م القلب مسروق
عقب الوصل ذاق شين القطاعه

عابر السبيل

 

[عابر السبيل]

ادركت انا من الحب بعض الشلايا
تشبه ضريعن مايسدك من الجوع

سوت بنا الايام بعض السوايا
وابكيك يا حبلن من الوقت مقطوع

سلام يا حب القمر والمرايا
لو كان قلبي بك من البعد مفجوع

لا جن ليلن جر خلفه سرايا
كن الغلس في جبهة الليل مجموع

عابر السبيل

 

[عابر السبيل]

هو انت تذكر فارع الطول عابر ؟؟؟؟
الشاعر اللي ساكنن في قصيده

يسكن بجنبه للقوافي محابر
يهوى القوافي والقوافي تريده

كنه غريبن جاك من عهد غابر
رحال وقتن من عهودن بعيده

غريب خلّى في سطوره منابر
كل ما انهدم منبر يعود ويشيده

عابر السبيل

 

[عابر السبيل]

كم واحدن تهواه من غير شوفه
الاذن مثل العين تعشق لها احيان

توسوس سلاسيلن بحالي كفوفه
وخلاخله تعطى مع المشي الحان

عابر السبيل

 

[عابر السبيل]

ياحلو غصنك لا تمرجح مع النود
يميل ترجج به من الثمر ا ثنتيني

ليان غصنن به من الوسط مشدود
يجاذب تجاذيبن لضلعي حنيني

يهرع لها قلبي كن يمشي به الدود
ويسحر مع اللفتات لصبي عيني

وشعرن كما ليلن على الردف مرجود
يقاسمه الجعود ب فردتيني

جمالن ابيض واختلط وسطه السود
جفنين حوله والغلا رمشيتني

خصره نحيلن مثل قدن ومقدود
ليا مشى يتعبه منها ردفتيني

يمشي كما نقصن تهاوش مع الزود
كم يختفي حينن وحينن يبيني

عابر السبيل

 

[عابر السبيل]

يادروب الحب قل من هلك؟
ومنهم اللي بالمقابر ساكنين؟

كم اسيرن فيك من اول ملك
وكم يعز الوقت حينن ثم يهين

ويش تعداد النجم في مدارك يافلك؟
وكم نجومن في مدارك تايهين؟

وقفت حاير بس ودي اسألك
دروب المحبه ياغلا تودي لوين؟

يارث الانوار ليلن به حلك
كن نور العمر تاكله السنين

عابر السبيل

 

[عابر السبيل]

كم اتحرى مطلع الشمس شوفه
تسمرت عيني على مطلع الشمس

شوف الهنوف ودبلة ن في كفوفه
سلام مني يا طري البنانين واللمس

كم يكتب الرجال ما جاش جوفه
احيان جهر وبعض الاحيان بالهمس

عابر السبيل

 

[عابر السبيل]

متى على الله يطلع لنا سهيل
ويبرد زمان الحر وترحل مطاياه

تشوف السما به م السواهر قناديل
ويطيب قرض الشعر ويحلىى مغنّاه

عابر السبيل

 

[عابر السبيل]

كم للصدى من روحة ن عقب جيّة
بين الجبال الشاهقة له تراديد

ياميّت الالحان وش فيك حيّه
وقديم صوتك م الجبل جاه تجديد

كم يبكي الانسان من فقد شيّه
يصير صدره منبعن للتناهيد

بالخير ياللي ما ترى العين زيّه
عساك في خير ودايم اوقاتك اسعيد

لويّت قلبي لية ن فوق ليه
ونصيب عيني منك حر التساهيد

امنولن بالشمس لي كنت فيّه
مع المسا لي بك لذيذ المواعيد

عابر السبيل

 

[عابر السبيل]

من سنين العمر تبقى ذكريات
من كفوف الياس ينزعها الامل

ماضياتن في الخوافق باقيات
من اجل هاليوم من ماض ازل

ترددن مابين اخذ ن وهات
كن التردد ياصاحبي الهن مثل

تدونت بالوقت م الوقت ورقات
متفرقات احيان ويلتم بها شمل

يالذيذ الطرف ياحلو الشفات
اكتمل بدرك وزينك فيك اكتمل

ما بقى بالوصف من زينك صفات
ولا بقى للزين في وجهك محل

فيك من طيف الحلا بعض السمات
لابسن م الزين ياروحي حلل

من عيونك ياغلا رسل الممات
كم غريبن زار دارك وارتحل





عابر السبيل

 

[عابر السبيل]

تضحك بشوشن بين مجموعة بنات
وتلحظ بطرف العين صوبي تستحي

وانا معاها تايه ن وسط الشتات
وقلبي على نار الاضالع ينشوي

كنه كتب لي من نياطه وصات
وروحن تلهّف منه تبقى ترتوي

عابر السبيل

 

[عابر السبيل]

يالغايب الحاضر عساها سلامات
يقفا ظلام الليل شرقات وانوار

كم تولد الاحياء من بعد الاموات
وكم تزهر الامحال ياحلو بازهار

وكم يلم الشمل من بعد الاشتات
وتطب من بين الجميلات زوار

عابر السبيل

 

[عابر السبيل]

يا سدرة الوادي توارف بك الظل
بظلك مكان وافضل الظل للزين

ظل ن ظليل ن بس خالي من الخل
قد لي زمانن ما نظرته بها العين

اذكر ربيع ن كلل الظل بالفل
يجتاحه اليشموم وعطر الرياحين

واليوم سقم ن حل والخل يرحل
ولا لقيت اللي بفقده يعزّين

ياملهمي الابيات وين انت باسأل؟؟
شابت قوافي البيت لو كنت تدرين

صار العوض عقبك دموعن تهمّل
باسبابها قرّح على الوجه خدين

يا سدرة الوادي غصونك تجمّل
وفي وجه جذعك انتقش فيه اسمين

نقشتي اسمي واسمك نقوشه اجمل
ومن بينهن حاء ن وباء ن وحرفين

اسمي يزورك كل يومن على حل
واسمك غيابه صار في الجذع عامين

ياسدرة يهواك نادي من الطل
ربيع عمرك كان وقت المحبين

لا تسأليني عن حبيبن تبدل
وانا باعذرك كان صوبه تحنين

واحن مثلك بالتحنان واشكل
واكسّر العبرات وسط الضلاعين

تتلّني فرقاك للحزن وانتل
لولا الامل والله متنا لنا اسنين

يطير قلبي م الفرح لك ويخذل
كم كسّرنه منك كثر التلاوين

اوجعت قلبن حطك اخر واوّل
وجورن تجوره ما يجوره سلاطين

عابر السبيل

 

[عابر السبيل]

ياطيف مكفوفين الاعيان شافوك
واسمعت من في مسمعه باقي اصلاج

تضف ورد وناعم الورد ضفّوك
وفي معتم الليله توهّج بك اسراج

بسبع العجايب ياحلى الطيف ضافوك
وصالب صخرها لالفى الطيف ينعاج

ماشفت نجممات المجرات عافوك
حبك على نجم السمر صار منهاج

عيون الخلايق في معاليك حافوك
وترقد معا شوفك عتيات الامواج

عابر السبيل

 

[عابر السبيل]

قارع طريقن يسكنه موحش الريح
تقتش اوراق الشجر من حواليك

والصدر ضايق مالقى له تفاسيح
وظلام ليلن حط دربك شرابيك

وحظ يقوم امرار نوبات ويطيح
وظامي الفواد ولابه احدن ويسقيك

طبع الدهر يا ظامي الروح تشحيح
شبيك يا ملهوف الانفاس لبيك

الله ياللي مزحها فيه ترزيح
بالطبع ياخذ ولا يوم يعطيك

عابر السبيل

 

[عابر السبيل]

اجوس بالصفحة على باقي اسطار
يمكن بقى لك بين الاسطار ريحه

عادات ورد الصبح يفخر ب نكتار
يملا الفيافي والديار الفسيحة

اجول انا الاسطار في حاير ابصار
ابغى السوالف والعلوم المليحة

عابر السبيل

 

[عابر السبيل]

لاصرت سالم فالبواقي فداياك
يوم انت تسلم كل شي ن يهوني

يارايقن كن التبسم هداياك
ولا تمل الشوف منكم عيوني

وقف وعقّل جنب قلبي مطاياك
يازاعن الخدين من كل لوني

عابر السبيل

 

[عابر السبيل]

من مر من عندي عليه المشاريه
كنت اتمنى منه لو كان سلّم

كم مرة ن فزيت من شان طاريه
ولا تنفع الناصح لمن لا تعلّم

بعض البشر ودك من الناس تشريه
تعيش يومك لا سمعته تكلّم

كم ليلن اظلم رحت انا في مساريه
يعن له طاري ن لامن الليله اظلم

عابر السبيل