انفاس في سطور

[عابر السبيل]

قالت من انت وقلت انا باقي انسان
خذ الدهر منه الملامح ويعطيك

بين المواضي وحاضر الوقت شتان
كم ذا عشقت من الليالي مواضيك

يمسح عجاج الوقت واعطيك الالوان
ويصمت زمانك عندما كنت اغنيك

إن مت والا عشت يا صاح سيان
بامشي طريقك بين سهل وشرابيك

عابر السبيل

 

[عابر السبيل]

وقفت انا بين الطلل والسواقي
وقفت حزينن تهمل الدمع عينه

اقوت وعجفت مابهن لي بواقي
تسمع بها وقت ن تعاوى سنينه

يوم التذكر زاد من كان شاقي
والهاجس اللي صار في وقت حينه

بنيانها ثاوي ن بوصف الطواقي
كن اندفن زينه بلبنه وطينه

عابر السبيل

 

[عابر السبيل]

الكل غير وطلتك بينهم غير
ياللي ملامح طلتك حفلة انوار

عليك انا اكتب م القوافي دنانير
كم انكتب من حلو الابيات دينار

عابر السبيل

 

[عابر السبيل]

---

---

نامت عيون الليل واقفت نجومه
وبالشرق من صبحي تلوح التباشير

وقلبي يحدثني من توالي علومه
واكتب سواليفه مع الليل تسطير

من يفقدك ياحلو منهو يلومه
لا جاش في صدره همومن وتعبير

الصب لابده يودع بالليالي لنومه
ويطير قلبه لا تغنى له الطير

وده بحوم ن بالسماء مثل حومه
على سحابن متّر الجو تمتير

عابر السبيل

 

[عابر السبيل]

كم ذا حسدت الكاس في كف مزيون
ينعم برحله بين كفه وشفيه

شفايفن تاخذ من السحر له لون
وصافي رقيقن لون مرهوف كفيه

عابر السبيل

 

[عابر السبيل]

كم تبعد الايام من هو توده
وكم قربت من لا تداني ل شوفه

عابر

 

[عابر السبيل]

ممدود ظلك صار بالقيظ واحه
يلقى بها شاكي الجواء جنة الظل

واهيم بك بين الجحود وصراحه
كني سؤالن مالقى عمر ه الحل

خلقت للاشعار بالقلب ساحه
يحل قلبي لك بحرفي ويرحل


عابر السبيل

 

[عابر السبيل]

الراحل اللي ترك ظله على القاع
ظله طويلن والمسافه بعيده

كنه سرابن بالخلا له تمرياع
قديمه اصبح بالشبه مع جديده

الله ياللي لها القلب يلتاع
في لحظة الاحساس يرجف وريده

كم ذا يجي له بين الاضلاع م اوجاع
اموات حرفه بالقوافي شهيده

عابر السبيل

 

[عابر السبيل]

من عاد يدري وين ارضن تقلّك
يوم انت غربي ن وانا صرت شرقي

هو انت تذكر واحدن كان خلّك
اللي يغني لك كما الطير ورقي

واليوم مادري م الاماكن محلك
واصبحت بارد شعورن فيه حرقي

ياليت قلبي بالمسافه يدلّك
وارتاح من صدرن صهل لك برعد وبرقي

عابر السبيل

 

[عابر السبيل]

ماهو ب وقت ن للمعاتب ولا اللوم
بس التمعن بالتقاسيم يكفي

أسألك انا كم راح من فرقتك يوم؟؟
ووش حال قلبن كان صوبك يشفّي

ماعدت افرق بين ظالم ومظلوم
كن السهر يا صاح راقد ب صفّي

كم تهتني هالناس ياحلو بالنوم
وكم ذا رجيت العين يومن تغفّي

واسأل عيونك وش بلاها على الدوم
هامل عيونك من طرا له يجفي

عابر السبيل

 

[عابر السبيل]

مع السلامه يا رقيقات الاعواد
سلم على وردن تشيله غصونك

امنولن لي عند الاغصان ميعاد
كله عشانك من كرامة عيونك

باكر ليا من الشتاء عندكم عاد
واصلرد من البارد على العين لونك

اذكر رفيقن كان سرداد مرداد
يغليك من بين الذي لك يجونك

عابر السبيل

 

[عابر السبيل]

يسعد صباح الوجه يا بسمة النور
وتفدى عيونك ما كتبنا م الابيات

كل الحلا في طلعة الوجه منثور
وشعرن تلالا كن وسطه ثريات

للناس طور وبينهم تختلف طور
قديم شوقي لك شبيه الجديدات

خليت لي قلبن كما قلب مسعور
تنهبه زفراتن وتنهبه نهتات

احييت شوقن بالجواء كان مقبور
ياباعثن بالقلب ما كان قد مات

مضى على حبك لك ايام واشهور
فيها جديداتن وفيها قديمات

كن العشم بك يالغلا شاهد الزور
عجيبة الايام ياهي عجيبات

عابر السبيل

 

[عابر السبيل]

كم اكتبك ثم امسحك من سطوري
شوفي لإسمك يلهب نياط جوفي

ياجوري الخدين ينبوع نوري
ياقف على طيفك تفاصيل شوفي

الله يا وقتن بالخلايق يدوري
متى يوقف بالمتاهات طوفي

يارقيّق الكفين ياطرف حوري
تشبه لعطرن امتلت به كفوفي

عابر السبيل

 

[عابر السبيل]

مسيك بالخير يامبعد الدار
عساك في خيرن وتصبح على خير

باكر ليا منه صحى صبحه اطيار
وشالت لك النسمه عبير النواوير

اذكر رفيقن يذبحه منك تذكار
يناجي نجومن بالغلس له فنانير

الله ياللي تجتمع عنده انوار
يضوح منها شاطيات الفناتير


عابر السبيل

 

[عابر السبيل]

بعض العرب ياخذ من النوم عيني
وياخذ لسمعي لا ترنم بالالحان

ولفن غريبن صار بينه وبيني
كن ما انحلق في عالمي غير انسان

ياكل نياطي من التشوق حنيني
كن النوى في خافقي جا له الوان

عابر السبيل

 

[عابر السبيل]

يا رايحن يبغي ربوع المدينة
سلّم على راع الرموش الدقيقة

قد لي ثلاث اسنين ما اوفيت دينه
متحيرن بين الوهم والحقيقة

الجادل اللي يسحر القلب زينه
كن العسل خالط مع الطعم ريقه

أصيلة الاعراق تاكلك عينه
ودي بها يا مير مابعد طريقه

عابر السبيل

 

[ندى الورد]

يلوم القلب في حُبك يا الرياض، عسى سحايب نجد

يوم هلّت، تسقي قبر غالي رقد فيها، حي صوت

رعودها، وحي طق مزونها، أمطري يا الرياض



واغسلي كل الجفاف ارتوى من ماء ربّي، جعله

هني يَا ديرتي من يلوم القلب في حُب الرياض كنّه يلوم الأرض في حُب المطر.

مساء الخير شاعرنا

 

[عابر السبيل]

عسى السحاب اليا تهشم غضينه
يسقي ديارن بالمغارب غوالي

سلام مني يا شموخ المدينه
يسقي جبالن بالمشارف عوالي

كم شاعرن ذابت من الشوق عينه
ماللعيون اللي بكتها موالي

عابر السبيل


مساك خير سيدة القصر

 

[عابر السبيل]

حظ العيون اللي تمناك صوره
وسط الاطار اللي تعلّق جداري

يا بسمة ن تحدث على القلب ثوره
صرته بعيدن وبالتماثيل جاري

ياوجه ياللي يجهر العين نوره
ياشمعة نورك ضفى وسط داري

كم واحدن يعدم من الوقت طوره
وكم واحدن يرتاع من فرد طاري

عابر السبيل

 

[عابر السبيل]

لا ترخص الدمعة ترا الوقت قاسي
احفظ دموعك للفرح وابتسم لي

ياصاحبي يفداك م العمر راسي
ان رحت وش عاد من الهنا باقي لي

رسمتك صورة ن تشبه احساسي
اربط بها حينن بحبك واحلي

يا انت رشفه م الحلا وسط كاسي
ويا انت طردن م الزنابق وفلي

لا يا بعد حيي وميتي وناسي
لو كان شوفك يالغلا ما حصل لي

عابر السبيل