انفاس في سطور

[عابر السبيل]

ياكم يا ناي الحزن تصهر الروح
يومك تدفّق وسط سمعي احاسيس

صوتك يخلط البوح في نعمة النوح
وارفرك من جوفي قلبي تنافيس

اليوم اشوفك كالم الصوت مجروح
وبثيت احساسك وفضيت هالكيس

والسر يا ناي الغثا صار مفضوح
وكسرت قفلن السر هو والترابيس

عابر السبيل

 

[عابر السبيل]

الباقي الله يا عزيزن فقدناه
باقي مكانك فارغ اللون عقبك

اسمك على الحيطان حنا كتبناه
باقيي كما هو ثابتن مثل حبك

لوينشرى شوفك بالاثمان جبناه
قد ضاع شرقك يالغلا مثل غربك

لا ياجميل ن فاق وصفن وصفناه
خليتني وابقيت بالقلب صبك

عابر السبيل

 

[عابر السبيل]

تقول وينك بين هاك الدعاثير
واقول انا والله ماحصيت ويني

يا منوّر الجلسه فدتك النواوير
يا اجمل هدية من غوالي سنيني

ياكم هانت في دروبك مشاوير
امشي عشانك تابعن لك حنيني

سلام يا وجه ن جميل الاسارير
كم خافي في بسمتك لي يبيني

احفى القلم لك كلام ن وتسطير
وكم باح لك م الموده كنيني

عابر السبيل

 

[عابر السبيل]

تفرقعت م المي جولن م الاطيار
تضرب بجنحان السعد زرقة الجو

تبغي لها بالجو جوله ومشوار
وحبايبن بالجو لجو وتلاقوا

وانا مكاني صامت البيت والدار
اسهر واساهر شاعل النار والضو

ياصاح ماباقي على الدار ديّار
كل الذي بالدار يا صاح راحو

اشبه لقيتارن قطعوا منه الاوتار
يبكي له الحانن من العام ماجو

عابر السبيل

 

[عابر السبيل]

كم اذكرك لا جيت يوم اتناساك
يثور لي قلب على الفكر احيان

ياكم اموتك كلما جيت احياك
الموت في حبك والحياء مثل سيان

هوى المدينه تنخلق منه ذكراك
وتضفي على يومي بعض الاحيان الوان

عابر السبيل

 

[عابر السبيل]

يا سيد الابيات يالشين عابر
انته تحب القاف والا يحبك

ياللي عيونك للقوافي محابر
يمدحك بيت نوب بيتن يسبك

كنك تجينا م السنين الغوابر
يطفيك حس وحس بيتن يشبك

هو انت ساكن في لحود المقابر؟؟؟
يوم الغوادي غاوياتن ب حبك

عابر السبيل

 

[عابر السبيل]

كن الكلام بشفته حيل حالي
وصوته حفيفن يسحر الغصن واوراق

لا مال حمله مثله الغصن مالي
يشبه لصب ن ساوره حر الاشواق

ما يجتمع بالحب هاوي وسالي
هذاك بارد ثم صابه الحب باحراق

كم ينكشف م الحب سينن ودالي
وكم ذا تغني حين الاحساس ابواق

عابر السبيل

 

[عابر السبيل]

كم راح من عمر الهوى كم باقي؟؟
اتلى الخبر بي يوم انا كنت احبك

كم ذا غسلت الجرح فوق السواقي
وكم ذا بحثت من البلا بس طبك

ياغشوة ن ما ذقت منها فواقي
يفرج لمثلي من سبايبك ربك

عابر السبيل

 

[عابر السبيل]

سلام ياللي ساهر ن حول شمعه
قلب الوليف اللي تناجى مع النار

اشوف في خده من الشمع لمعه
ظلاله ظلامن من سنا النور بجدار

اعجب عجيبن من العجيبات جمعه
ياصورة ن رسامها النار وجدار

سرقت من عين الغوى الف دمعه
لا يا جميلن بالمثل مثل سنمار


عابر السبيل

 

[عابر السبيل]

يا ماشي الاسطار مشيك على وين؟؟؟
تمشي بليلن فيه الانجم سواري

بالقلب شي ن مايبي زود تخمين
ياكل فوادك م المحبه طواري

لولا الهوى ياحلو ما كنت تمشين
للشوق يا حلو اللما به مواري

مسير ها حروفن قلتها فرد حرفين
ادري بها وانته بعد مثل داري

عابر السبيل

 

[عابر السبيل]

يامل قلبن عيا يطيع ينام
لو كان انا اغريته على النوم بوساده

وعدته مع النومه ب حلو احلام
ثم باعنيي واشترى للنوم ب سهاده

سلام ياورد ن تفتح لنا باكمام
عيني على شوفه من الحب معتاده

كم كنت اخاف الهوى مع مايجي باسقام
وقريت له تعاويذ السهر هو واوراده

ثم صار تاليها معه حر النوى واهيام
ودخلت معماع الهوى حربه مع اجهاده

واليوم يا تحفة سنين الهوى وايام
احصي لك الاشواق واجمع لك اعداده

عابر السبيل

 

[عابر السبيل]

الله يا سدرن تدلى غصونه
منابرن للطير في حزة الشوق

يغرد براسه ثم يزعج لحونه
كن الصدر من حرة الحب مشقوق

اعطيه انا الابيات واضبط وزونه
واعطيه لا غنى على اغصاني الطوق

اعطيه عطر البيت واطياف لونه
واكلله وردن على العنق من فوق

مله على شانه وتكرم عيونه
واعطيه طاق لا لعى اللحن مطبوق

عابر السبيل

 

[عابر السبيل]

ابا اذكرك لا منه نشى حولي سحاب
وقامت رعوده تجتلد وسط الظلام

ثم صار الليل حولي حفلة بروقن مع شهاب
كنه يوصل حضرتك مني سلام

يوم انت قطبن ساكنن وسط الضباب
وانا ادون م الخواطر لك كلام

ياكم بيتن شاب من عقب الشباب
وكم مات مزن في غياهيب الغمام

يارقيق الشف تشبه لي سراب
او ركن بيت ويتغنى به حمام

عابر السبيل

 

[عابر السبيل]

من بيننا فج الفراسخ والاميال
بلاعقن تلعب بها صالف الريح

يلحق بها راس الهوى عج الاذيال
ويقوم فيها حظ الايام ويطيح

كم حال فيها من غريبن بالاحوال
وكم مزحها حينن يجي لك ترازيح

عابر السبيل

 

[عابر السبيل]

من منبع الشهدإلى روضة الجوري
الوان سحرن بها الظل والنار

الله ياللي له تلاميح حـــــوري
من جنة الاوصاف ياخذ ويختار

كم استلف من شمعة الثغر نوري
كن الشفايف من وراء الطرح سمّار

ياليتها طاعت م الاشوار شوري
ياكم عطيته صايب الراي واشوار

عابر السبيل

 

[عابر السبيل]

ماكثر نجوم الليل ياساهرن فيه
تنظم عقودن بالسما لك قلايد

ويسفي عليها الصبح عج وسوافيه
كنه يخبي نجوم وسط الوسايد

الله ياللي شهدها وسط اشافيه
ودي استفيده مير ما من فوايد

يطلب من الانفاس شي ن ونعطيه
وحلو المواعد منه تاتي وعايد


عابر السبيل

 

[عابر السبيل]

في ذمتك مامرك اليوم طاري
ولا جاك عني في السواليف سيره؟؟

انته بعيد ونفس الاوقات جاري
جدران هذا البيت حب ن وحيره

بنيت بيتي لك بليا سواري
وارسلت نجمنن طويل المسيره

ياكم اسولف من الغريبه لناري
وكم ليلة ن راحت بذكرك قصيرة

عابر السبيل

 

[عابر السبيل]

اغرق ظلام الليل صخر الشواطي
وبينه وبين الموج هرج وسواليف

تقبل وتقفي وسط موجه قواطي
تاتي فرادى نوب ونوبن مراديف

عابر السبيل

 

[عابر السبيل]

مسيك بالخيرات يا صاحب الشال
كيف اجتمع نورك ب داخل ظلامك؟؟

ياصاحبي وش عاد تنشد عن الحال
ومضمن العتبى ب داخل سلامك

الله يا غصنن مع الريح ميّال
ياللي بشفك شايلن لي مدامك

بالله عطنا م الفناجيل فنجال
ياللي حلالك عايش ن في حرامك

ياحايف الميزان يا شح مكيال
يبغى فطورك واحد يوم صامك


عابر السبيل

 

[عابر السبيل]

اربع جهاتي كلها من نصيبك
من وين ما طالعت القى لكم طيف

بالخبر خبري كنت اول حبيبك
وقصة هوى ن جاها من الوقت تحريف

اول حبيبك ثم صرنا غريبك
وزهر الربيع اللي تلاشى مع الصيف

وقام يتبين في غرامك مشيبك
كم للدهر يا منية القلب تصريف

عابر السبيل