انفاس في سطور

[عابر السبيل]

اللي مشى هاليوم من دار غاليه
شهادة ن بالله ماراح وحداني

معاه روحن تجتلد من حواليه
اهي الفريد وما لها عندنا ثاني

كن الصبايا حولها من مواليه
لو كان بعده في السويدا كواني

عابر السبيل

 

[عابر السبيل]

باقي بقايا العطر مع خصلة الراس
وشكلي بانوم الليل فردن لحالي

سلام ياللي كنها رشفة الكاس
انا اشهد انك ياحلا حيل غالي

الله ياللي تنفث العطر بانفاس
بيحت بي يا صاح سيننن ودالي

عابر السبيل

 

[عابر السبيل]

تزحف بقايا الموج من تحت رجليه
حتى بقايا الموج تبغي تبوسه

حلو ن ترك بالشط ورده ونعليه
حط الحلا كله وشاح ولبوسه

تاخذ لباب الروح نظرات نجليه
كسلان رمشن خالطه لي نعوسه

عابر السبيل

 

[عابر السبيل]

في ذمة الله ياعتيم ن سهرته
السر ياليل الهوى راح مفضوح

جاك الصباح ومات كل حرفن كتبته
للصبح في شرق الهوى طلة الضوح

الله ياللي كل ساع ن فقدته
يرحل معك يا ساحرالعين لي روح

فقدت انا واياك حبلن عقدته
واصبحت انا لغزن بالايام مطروح

ياليت وقتن راح يا حلو عدته
وقتن على امواج الزمن يشبه اللوح

ياغلى كلامن فوق قلبي نحتّه
يبقى مكانه صاخب الجرح والبوح

ميلاد صبحك كل يومن شهدته
يشهد بها دمعن من العين مسفوح

ياكم وعدن في طلتك لي وعدته
والناصح اللي كنه اليوم منصوح

عابر السبيل

 

[عابر السبيل]

يابسمة ن بالشرق من تشبهينه
لا ياصباح الخير يا حلو بسمه

الغامض اللي لي سلامه بعينه
حلو العيون اللي تعلّمني اسمه

على طلوع اشمس عدد سنينه
يا غلى خيالن يسحر الشوف جسمه

رقيق غصنن يذبح القلب لينه
وريحن تحبه طلعة الشمس نسمه

كم ذا شواني بالصبابه حنينه
ياهو لعيني وجبةن حيل دسمه

عابر السبيل

 

[عابر السبيل]

مرحب هلا يا همسة العطر والطيب
الفن صباح الخير والف ن مسان لك

ليت البعايد يا خليلي تقاريب
ودي محلي داني ن من محلك

يا صاحبي شف مقدم الراس به شيب
يا اصعب سؤالن يذبح القلب حلك

عابر السبيل

 

[عابر السبيل]

يا مقسّطن روحي على اللحن توتير
خليتني لحنن تلاعب به اوتار

وقطّرت روحي لك على السطر تقطير
وعيني على نجمك مع الليل مسبار

ياني على شوفك كثير المعاذير
واليوم ما به ياغلا الرووح اعذار

مضيت اعدد م القوافي دنانير
دينار ينطح با انجل العين دينار

والقلب ما شده طويل المسامير
ماعاد به باقي ن من الشد مسمار

عابر السبيل

 

[عابر السبيل]

يذوب قلبي واكتبه لك قوافي
كن الخوافق بالقوافي محبره

واعطيك حس ن م الصهاميم صافي
وكفي على حلو القوافي مجبره

كم النوى اقبل على الدرب حافي
اقبل طريقك بالبلاوي وادبره

عابر السبيل

 

[عابر السبيل]

سلام ياعينن حلاها تعاجيب
نام البلا مابين رمشه وعينه

يجي لها في وسط قلبي مضاريب
خطرن يضيّع عاشق العين دينه

عين الفريد اللي شروقه تغاريب
عينن تبيح للمشقى كنينه

حلو البنان اللي بنانه تهاذيب
فريد جادت به غرايب اسنينه

كن يتبعه حفلة من العطر والطيب
عطرن تحرر بالسحر من قنينه

عابر السبيل

 

[عابر السبيل]

تقول عابر فارع الطول مهبول
لونه كما مسك ن شريته من السوق

ينظم بيوت ت مابها فرد منقول
كن القوافي منبعه دمع دافوق

بحكي على روحه من القاف بهلول
كلما قضى طاروق جدد ب طاروق

يشبه لنبعن حالي المي شهلول
في مجمع الشعار سيفن وممشوق

عابر السبيل

 

[عابر السبيل]

مسير ما مرك من الوقت تنساه
في غيهب الايام تهلك مأسي

كم مركبن هاجر ولاعاد مرساه
والمنتظر له راح في ليت وعواسي

سلام يا كاس ن من المر نحساه
وكم عفت من شر البلاوي لكاسي

الله يا غصنن خذ القلب ميساه
كنه كسى عوده ب تبرن وماسي

اللي يفصل م الحلا زين مكساه
عريان شينن و م الحلا راح كاسي

الطل يجرح من القطر لين ملساه
يخاف من لمس الحراير ولاسي

عابر السبيل

 

[عابر السبيل]

يمديك تبكي لاغديته لحالك
ثم هشّم العبرات وابكي لياليك

ودك ترجع ماضي من حلالك
وكم ذا تعاف المر تعشق لحاليك

بالخير ياللي ساحرن في جمالك
تاخذ من الاوصاف والوصف يعطيك

كم اتمنى رشفة ن من دلالك
وتشهد نجومي كلما جيت احاكيك

عابر السبيل

 

[عابر السبيل]

ساير زمانك دام في العمر مده
مسير ما تاخذه الايام تعطيه

ان كان ما بك للغرابيل شده
مالك لزومن في البحر مع شواطيه

عابر السبيل

 

[عابر السبيل]

كان انت ملزومن على طرقة الليل
خذ للمساري من القصايد والالحان

كانك نويت الجدي يا عاشق سهيل
تشبه لرجل ن بدل الصدق بهتان

نجومك تنادي للمساري قناديل
في واحد لك من الالوان الوان

عابر السبيل

 

[مـيريام]

تقول عابر فارع الطول مهبول
لونه كما مسك ن شريته من السوق
ينظم بيوت ت مابها فرد منقول
كن القوافي منبعه دمع دافوق
..

في محراب الشعر لم تكن عابر وتكرم
عن مثل هذة الأوصاف مهبول وبهلول،
لعلها جاهلة في أصول القافية واصالة
المفردة، شاعر مُتفرد ومتميز ماشاءالله
..

انا العابرة في ديار الأدب،
مدونة تحمل الكثير من القوافي
الراقية الرائعة تحياتي لك
ميريام

 

[عابر السبيل]

انفاس فنجاني تصاعد كما الطيف
فريسة ن للبرد لوكان دافي

الله يجازي لي ليالين شفاشيف
اللي حصل منهن على القلب كافي

سلام ياللي اسمها ينصف الصيف
رهييف شف ن م الحللا حيل صافي

قمت اتهجّس بالمجالس كما الضيف
انشد عن اللي ليلها حيل ضافي

ضاعت حروف العمر ياحلو ياحيف
يا شعمدانن بالغلس راح طافي

الله ياللي ريحها كنه الريف
عقبك معيشي يالمحبه كفافي

عابر السبيل

 

[عابر السبيل]

حسبي على عينن ترفرف لها ايام
عينن تجنن خافقن فيك مفتون

واطنن انا انه فيك ماهوب منلام
لا عاد لا طعمن في لياليه او لون

سلام يا طيرن مع الصبح حوّام
يحوم صبحن والخلايف ينامون

وانا عليه مقطع القلب منضام
زادي بحبي بك غرابيل واعبون

صريع عينن بالمراميش سلهام
يحيون ناسن بالهوى ثم يموتون

عابر السبيل

 

[عابر السبيل]

يا مهادي الالحان يا سحر الاوتار
انا وقلبي م الوله سامعينك

قالوا ترا للجار حق ن على الجار
م العام الاول يا الغلا محترينك

احضرت لك بوكيه م الورد وازهار
حتى اللواتس م اللحن عاشقينك

ياكم ذبحنا لاجل الاعيان مشوار
كله عشانك نكرم اليوم عينك

يا مغذبن للدف في جنبك الطار
ارجوك غني يا هدايا سنينك

عابر السبيل

 

[عابر السبيل]

سلام ياللي يسولف مع النار
يقبل ظلاله من القاع يقفي

ياصاح وش سون معانا هالاقدار
قلبي على لاماه وجل محفي

يروج قلبي كلما لامسوا الطار
شبيه طيرن في عشاشه يرفي

تبقى بيوتك في الضميرات تذكار
يهيج له حيننن وحينن يكفي

مني سلامن وطيب العلم واذكار
لو كان ماحدن في مقامك يصفي

عابر السبيل

 

[عابر السبيل]

أرايت اليا جيتك من البعد ظامي
تلوي صفوق الريح بالرجل ثوبي

يسوقني لك م البعيده عظامي
كن السوافي ترمي الرمل صوبي

رثيث نعلن قطعته الرظامي
شروق عمري لك يشابه غروبي

عابر السبيل