انفاس في سطور

[عابر السبيل]

كم ذا تعذل القلب حينن بعد حين
وعيا هبيل القلب يسمع لك الشور

وكم ذا تشب النار في قلبك العين
والكل منهى بالبلا جا له لدور

سلام ياللي يلبس الزين له زين
تشبه فنارن يلهج الجو بالنور

عليك ازخرف فاخرات التفانين
بيوتن كما عطرن على السطر منثور

يرجح لها من بينهنه موازين
وكم يختلف منها على النفس من طور

عابر السبيل

 

[عابر السبيل]

تعقد بنان الزينن من فارط اللين
ب كف به الحنا لعينك يحاليه

يلهيك معها يابلج العين حرفين
والكل منكم والي العررش واليه

كم بيحت بك دال تسبق لها سين
وتقلب حياتك سافله مع علاويه

ماعاد تدري وش مسيرك على وين
والميت اللي يذبحه حيل غاليه


عابر السبيل

 

[عابر السبيل]

الله يا قش ن تراجد من الريح
تقبل به الهبات نوب ن وتقفي

تشيله الارياح نوبات وايطيح
ريحن تبعثر له وريحن تضفي

هذا مكانه في سوافي المصابيح
ديدن مع الاشعاف عيا يكفي

في دبرة النسمات كيف اللوافيح
مره على السيسان ومره ب رفي

الله ياللي بيح القلب تبييح
ليتك مع الايام تاقف ب صفي

عابر السبيل

 

[عابر السبيل]

حفنة لحونن من بقاياك ياليل
وعلى رفوف الليل جثمان شمعه

وماتت طلوع الشمس حفلة قناديل
ونقصن رثى لي من الغرابيل جمعه

وعلى حساس السطر مافيه تعديل
وجمال رمشن اهدر الوقت دمعه

على بقايا الامس تشهد فناجيل
من شفة الغالي على الحاف لمعه

وباقي بقايا عطر في جدث منديل
فاخر شذاه اللي غدى مثل سمعه

واوراق فيها م المواضي مواويل
ماعاد فيها للخوافيق طمعه

عابر السبيل

 

[عابر السبيل]

مسيك بالخيرات ياخير هالليل
ياكستناء الشعر فخر الجدايل

في حضرتك طابت لمثلي تعاليل
يا بهجة الاعيان وافي المكايل

ياكم اهذب في جمالك تماثيل
في وصف مثلك تهتويه المثايل

يالله عساها يا عميلي تساهيل
والله مادري وش الله قايل

منول امرك يا غجيب التهاليل
ودي بهرجه مار مامن وسايل

كم سوت الاشجان فينا تهاويل
وكم تعمل الاشواق فينا عمايل

عابر السبيل

 

[عابر السبيل]

غمر الحطب مني وباشعم لك النار
ودي اشوف النار بيني وبينك

انا علي البن والطيب وبهار
كله لعينك والقمر في جبينك

عطني سواليفن معا حمض الاخبار
وش لون مرت بك غوالي سنينك؟؟

صوتك لناري مثل دف ن معا طار
ترقص لها نارن كرامه ل عينك

اهرج تكلم اسعد الورد وازهار
يا قاهر الدينار عطنا رنينك

كن السما بك حفلة نجوم واقمار
كن الصبايا تطلب اليوم زينك

مالوم انا الغاير من الزين لوغار
جميع من حولك ترى حاسدينك

كم انحر الالحان في حد الاوتار
وتمشي لحوني وجهتك قاصدينك

عابر السبيل

 

[عابر السبيل]

يالله مشينا على التوفيق
كل ن يغني على احبابه

اغيب من بعدهم وآفيق
حسبي على من هي اسبابه

وين السعه يا طريق الضييق
وين الرفاقه مع الغابه

ياكم في الشوق من تشويق
تكثر على حسب حسّابه

اصد مرات ثم آآويق
واحكي مع الطير واسرابه

عابر السبيل

 

[عابر السبيل]

يا كاتب الحرف خل الحرف حرفيني
مبداه حاء ن وتالي الحرف بالبائي

يوم ان دينك يوافق بالهوى ديني
خذيت داني وقاصي الروح وانحائي

اجيك بيتن رهيفن وانت غنيني
لايابعد ميت حيي وجملة احيائي

اطلبك وان مت ياحلو اللما ارثيني
واصير لك غيم وامطر ليك انوائي

وان جيت ظامي عسى شرواك يروني
وتروىى على شربتك دنفات اظمائي

عابر السبيل

 

[عابر السبيل]

يسقي زمانك وعصرن بالهوى عشته
عصرن تولى وبقى له بالجواء طاري

جمعت انا شارده ثم انت شتته
راحت به سنين واخفت منه اخباري

يشكيك قلبن على النيران فتته
وراحت علومه على بايعك والشاري

عيني لها في مواضي عصركم لفته
ثم اختفى صوب دار الولف مسياري

صارت كما النص بالممحاة بددته
ولاعاد في دار حب الولف ديّاري

ياكم نجمن على نجواك واعدته
يكثر بليلك مع الابيات سماري

ياكم بيتن من الاعماق شيدته
اشب واطفي على نجوى الهوى ناري

كم باكي ن من حزين القاف انا زدته
وكم ذا بكى الليل من احزان اوتاري

عابر السبيل

 

[عابر السبيل]

وقفت انا للحزن يومه دعاني
واخذت انا واياه بالدرب صوره

ياكم للصوره بقلبي معاني
وكم ذا يثور بخاطري منك ثوره

غريب انا اعشق واحدن قد كواني
وحب ن مضى ياصاحبي ويش دوره

ماعاد انا ادري م الاماكن مكاني
وصادق حقيق الحال يشبه لزوره

عابر السبيل

 

[عابر السبيل]

اسألك ياقلب الخطا مين غيرك
اشوف ليلك مختلط مع نهارك

احس بك شوقن مع الليل يسعرك
تلاشت افراحك وحزنك تبارك

تقول مطعونن على مشة ابهرك
تشكى فراق اللي مع الناس جارك

لوانت ليلن يالهوى مين يسهرك
وابعد بليلك ماشين صوب دارك

ياتايهن وسع المهلكه مين دورك؟
على طريقك ميت الجمر نارك

عابر السبيل

 

[عابر السبيل]

لا تطري الفرقى على واله الشوف
ولا تكتب افراحك على سطر محزون

سلام يا سارق من العين ذاروف
ترى الحزن يعمي جميلات الاعيان

وقفت اطالع ساحر اللون مخطوف
يشبه لزهرن قد له ايام ظميان

اهواك يا درن على الثغر مصفوف
بينك وبين الغير ياحلو شتان

عجزت اجمّع لك على سطري حروف
ضاعت على وصف الملاميح واللون

عابر السبيل

 

[عابر السبيل]

ياحي هاك العين يا منير حيّاه
عينن تقرّب للمشقى مماته

اموت انا به م الصبابات واحياه
ضيعت عمري بس اجمّع شتاته

اركض مراكيضه واماشي للممشاه
كني خيالن يتبعن له رفاته

هزل القصب في يمينن تعصّاه
ومنهو يحط الهزل في الممشى عصاته

قالوا هبيلن تعشقه ثم تهواه
يسرق لحالك في الصبابه غلاته

كم اكتبه حينن من الدهر وامحاه
مليت سطري من النوى في صفاته


عابر السبيل

 

[عابر السبيل]

عزيز ياغصنن حمى وردك الشوك
ودم البنان اللي على الورد معصور

لون البنفسج من على اللون مفروك
لونن تشارك من جماله مع النور

بالخير يا بابن له ايام مصكوك
وسلام يا حلو ن سكن داخل الدور

عابر السبيل

 

[عابر السبيل]

نويت انا اهدي لك من القاف بيتين
لو انته اغلى من جميع الهدايا

لا تنشد الواله مولي على وين
خلك مولي يا حبيب المرايا

عابر السبيل

 

[عابر السبيل]

تمشي تخوض المي هونن على هون
وينزاح منهها المي يسبق خطاها

قامت تدفق كنها القاف موزون
مملوحها يمشي يتابع حلاها

وقفت اناظر شاده القلب مفتون
صبح ن مقادمها وليلن وراها

من شافها دونن تتابع على دون
يموت فيها واحدن قد حياها

عابر السبيل

 

[عابر السبيل]

كم اآتذكر ناسي ن قد نساني
كني على ذكراه م الوجد ملزوم

اموت انا في واحدن قد حياني
يعيش في وجد وانا اليوم معدوم

افل انا في سيرة اللي طواني
ولا ني على فعلي مع الترف مليوم

ياحلى هديه من هدايا زماني
باسبابه امشي له مع الدرب منجوم

اهدرت وقتي له سنين وثواني
اشبه لمسلولن من العام مسقوم

عابر السبيل

 

[عابر السبيل]

يامنبر الابيات ياذايع الصيت
ماشفت منهم طلعة اشمس مروك

ماطاح من عذبات الابيات لي بيت؟؟
لذيذ بتن م الموازين مسبوك

عابر السبيل

 

[عابر السبيل]

تغرق جبال طويق في ضمة الشمس
تلبس ذهب لا شعع افاقها النور

وعشر الظلام اللي تعدد على خمس
كن التبر في جبهة الليل منثور

وليلن يموت وصبحنا غادي ن رمس
والساهر اللي خاطره راح مكسور

عابر السبيل

 

[عابر السبيل]

سلام ياللي كنها المسك خاثر
ضنين مسك ن تزوج على زيت

عينن على فحواه اعوام سابر
صبري عليها فتت القلب تفتيت

اللي جمع طيبن وحلو العنابر
غديت انا واياه سبيت بلا بيت

ياكم كسرن مالقى منه جابر
وقلبن معه كنه على كف عفريت

عابر السبيل