انفاس في سطور

[عابر السبيل]

كن القمر هالليل يمشي لحاله
راحت نجوم الليل في وسط نوره

تنقص نجوم الليل حالة كماله
وطاعت بهالليله لهرجه وشوره

كنه مقهوي سارحن مع دلاله
وكم تخلف الايام لونه وطوره

يسحر نجوم الليل باهر جماله
ويحدث بقلبي وقتها الف ثوره

كن السما ملكه وباهرن من حلاله
يبني حواليها من النور سوره

عابر السبيل

 

[عابر السبيل]

في زحمة الافكار امشي ل حالي
بس اتفطن في اليمين ومياسير

كني ادور تايه ن من حلالي
وادير فيها ما طرا م التفاكير

مايجتمع بالدار شغلن وسالي
ولا ترا في الليل ربع ومسايير

عابر السبيل

 

[عابر السبيل]

دارن عليها م الهبايب سوافي
كن الهواء وده بدفن المعالم

ياريح ماجاها من الوقت كافي
روح عساك من الصواديف سالم

ياصاح وقتك بعض الاحيان جافي
وكثير وقتك يا حلا الدار ظالم

ياشبه موجن مالقى له مرافي
والزين وايا الشين بالموج عايم

عابر السبيل

 

[عابر السبيل]

انا اشهد اني حيل مغليك
اكتمك لكن يفضحني عيوني

لو انت ب تنباع والله لاشريك
لو بالثمن في حضرتك يغلبوني

يفز قلبي كلما حل طاريك
كن الاضالع بالجواء يفجعوني

ليل الجدايل منيتي بس ساريك
وانا جميع ونظرتك شتتوني

عابر السبيل

 

[عابر السبيل]

كم لي وانا اطلب تايه ن من سرابه
مفتون في طيفن ركب له غمامه

ياكم ليلن من غلاكم سرى به
وكم لايعه لحن تجيبه حمامه

سلام ياللي كل حي ن عنا به
الساحر اللي طلسمه في كلامه

بعيد واغلا من قريب القرابه
الذابل اللي في عيونه سلامه

عابر السبيل

 

[عابر السبيل]

هوّد ولا تكثر على صاحبك لوم
مسير ما ياخذ الوقت يعطيه

يكفيك حربه يارفيقي مع النوم
كن الكرى يا لذة الشف قاليه

يمشي معك كنه على الدرب منجوم
وكاس الشقا في ربك الايام ماليه

ياكم يخفي داخل القلب معلوم
واسفل طواري القلب ياصاح عاليه

ياكم في الدنيا حظيظ ن ومحروم
وكم واحدن حبك مع الوقت باليه

عابر السبيل

 

[عابر السبيل]

سلام ياغصنن تمرجح بالاثمار
كنه يصارع مع هواء الريح وزنه

الله ياغصنن مع الريح دوّار
عوده طري ن يسحر القلب لدنه

كنه يطيح وبعض الاحيان ينهار
يجمع وسيع البيد في وسط مدنه

من نظره قلبي مع الوقت يحتار
واحتار في وردن زرعها بجفنه

ياكم الاعب باسبابها العود واوتار
وياكم يجمع حلو الاطياب ردنه

عابر السبيل

 

[عابر السبيل]

سلام ياعطرن حوته المناديل
على الاريكه تاركه رايحن راح

ترقص على شانه خبول القناديل
وظلي على الجدران من النور لواح

بالله قلي كم تبيع الفناجيل
فنجال منه الريح ياصاح فواح

عابر السبيل

 

[عابر السبيل]

كنك تحسفني على ماضي ن راح
علومن لها في خافقي لك بقايا

الله ياللي دايم الدوم مزّاح
يموت بالبسمه نظيف المرايا

ياشبه برقن كسّر الليل لوّاح
غدى ظلام الليل منها شظايا

الله ياليلن جثى تحته اصباح
اخلفت ياحلو اللما لي نوايا

كل الخساير ياغلا قلبي ارباح
لوهي كفوفي من وصالك خلايا

عابر السبيل

 

[عابر السبيل]

قالوا صلاة الفجر خير من النوم
وانا اكتبك سطرن من الشعر وامحاك

ياكم مضى لي بالهوى فيك من يوم
كني هبيلن انسحر فيك واغلاك

لو يجهلونك داخل القلب معلوم
افتح لك الابواب واقول حيّاك

ياظالمن كنك مع الناس مظلوم
يسرقك منهو ماضي الوقت اعطاك

انا اشهد اني بالهوى منك محروم
وقلب الخطا يارايع الشف يهواك

عابر السبيل

 

[عابر السبيل]

وش سر لحنن تكتبه لي على النوت
ارحل معه في بعض الاحيان واغيب

هلام رجلن بين الاحياء والموت
ياهي سواليفك تجيني تعاجيب

قلبي معك ياصاحي اعوام مفتوت
ياللي معك لي حاليات المشاريب

ب خالي زماني انعدم منك لي صوت
يضيع ما بين المشارق وتغريب

بين الزنابق واللواتس مع التوت
ياساحر العطر المسمى مع الطيب

عابر السبيل

 

[عابر السبيل]

يخطر ولا له م النوايا ب تسليم
ما كننا في يوم كنا حبايب

كم في المحبه يارفيق مظاليم
ولله نشكي عايب الحظ خايبب

وقفت اناظر باقي ن م المعاليم
تشبه لقبرن شاهداته نصايب

وبالصبح مع طيرن يطرّب تناغيم
اهلّ لاجله من دموعي غرايب

ليتك اليا مريت تسخى بتسليم
وتذكر ليومن فيه كنا حبايب

عابر السبيل

 

[عابر السبيل]

ياصافي الالوان يا شفة التوت
يا انته فطور اللي من العام صايم

كم تذبحك فرصه معا فايت الفوت
كن السعد مرك على الدرب نايم

ياكم شملن م الجفا صار مشتوت
ولا ينفع التحساف مع لوم لايم

عابر السبيل

 

[عابر السبيل]

كن السما خدك معا غيبة الشمس
مسحة خجل تاخذ قلوب المواليف

مات الكلام وينتعش هامس الهمس
واصرّف الابيات فيكم تصاريف

عشر الروابع بالجفا نصفها خمس
ولا هي تجي لك ياغلاتي على الكيف

سلام ياحرف يلمس القلب لي لمس
ويهب في قلبي هبوبن من الريف

عابر السبيل

 

[عابر السبيل]

كم ذا تعذبني هالانفاس والناي
كن مابقى للناي في لحنك دموع

وكم ذا يطيب بلحنك اليوم مغناي
كنك تولع في دجى ليلي اشموع

ياناي لو تدري اشكثر صار مظماي
ونوبات اموتك يا غلا الناي م الجوع

الله حسيبك ضحكتي انت وبكاي
حشاش الفواد اللي معك صار مقلوع

عابر السبيل

 

[عابر السبيل]

ياعالي الوردات منهو يطولك
عزيز يا غصنن حما ورده الشوك

كن الاجل ياساحر الورد حولك
وقلبي على لمسك له ايام مفروك

عابر

 

[عابر السبيل]

ياليت لك عينن تتابع سطوري
الظاهر انك تعرف اني اناجيك

سلام ياانس ن لبس شبه حوري
لازلت انا ابكي ماضي ن من مواضيك

ماطاع قلبي فيك ياحلو شوري
ابيعه الاشوار والخبل شاريك

يابايع الانوار قضيت نوري
كن القمر ياخذ ملامح مواريك

عابر السبيل

 

[عابر السبيل]

يسر ن تقفّنه بهجرك معاسير
اعسر زمانن كان يطرخ ب يسرك

كم للدهر بي ياعميلي تدابير
وكم ذا يلوع القلب نفحه لعطرك

ييبس فوادي م اللهب والمعاصير
لهوف صابر يحتري رشف قطرك

كم تحدث الايام بالناس تغيير
توي لفعل الوقت ياحلو مدرك

عابر السبيل

 

[عابر السبيل]

عرش ن بنيته من رقيق القوافي
من بينهم لك ولا هو ل غيرك

سلام ياخد ن من الزين صافي
وبشير رمشن جاوره لي نذيرك

مشيت لك دربن من البيد حافي
واجعل سريرك م القوافي وثيرك

الله ياخصرن عن الردف هافي
سهلن يشابه بالمماشي عسيرك

رمشك بحر ولا لقينا مرافي
وشهد الثغر ياصاحبي من غديرك


عابر السبيل

 

[عابر السبيل]

يادلتي وش بك مع الليل تشكين
صبر ن قليل ونفتن الليل ببهار

ونجرن ادنّه بالغياهب تدانين
يوحيه منهو بالخلا مبعد الدار

ودي بضيفن خابره لي زمانين
شوقي لها غنى على الدف والطار

من بين هالزينات حبه معنين
بس أتلمس له مع الناس باخبار

لو كان ما يوفي مع احبابه الدين
كم مات في كفه من الحس دينار

يمكن يجي يومن يلم المحبين
يومن تمنيته له ازمان ماصار

عابر السبيل