انفاس في سطور

[عابر السبيل]

تقول تذكرني وانا اقول فاكر
كم اذكرك لاجيت يومن ابنساك

يااحلام امسي وامنياتي لباكر
من عاد ينسى لحظة العمر لقياك

قلبي لصدفات الجميلات شاكر
كم ياخذك منهو تمنيته اعطاك

عابر السبيل

 

[عابر السبيل]

بشر عن الليل تكتب الحرف يمناه
في كفها لي حروف ومعالم

ياكم اموته م الغلا حيل واحياه
بشّر عسى مثلك م الايام سالم

ياحي هاك العين ياناس حيّاه
ياجويهلن يمشي وهو حيل عالم

عيّا زماني عن تلاقي وعياه
والوقت ياصاحي على الحب ظالم

عجيب يا حرفن يكتبه ثم يمحاه
وانا بحرفن يكتبه حيل حالم

عابر السبيل

 

[عابر السبيل]

يبوحني له صمتي اللي بلاني
واصبح كما سفرن للاعيان مفتوح

اسهرك ليلن في ظلامه ضواني
كم ذا يطيب بعتمة الليل لي بوح

وكم تسحر النظرات قلبن غواني
وانقشك نقش المسافر على لوح

اظن صمتي علمك عن مكاني
واصبحت سر ن م النوى صار مفضوح

عابر السبيل

 

[عابر السبيل]

كم ياخذك هجسن لدارن بعيده
دارن بها منهو تحبه وتغليه

حلو ن لذيذن شفّه من وريده
الخالي اللي مالك الله تسليه

نور الصباح اللي تخلل بايده
رقيق ربي بالحلا حيل حاليه

اكتب لها فخر القصايد واعيده
والكف يكتب والخوافيق تمليه

عابر السبيل

 

[عابر السبيل]

الليل عدى ماوصل منك كلمات
ولا وصلني منك ياحلو مرسال

مليت اعدد بالسما منك نجمات
كني اعد الليل باقفاي واقبال

نجوم السما تشبه مع الليل شمعات
كني وكيلن بها واشعل اشعال

ياصاحبي ياعلها لك سلامات
وكم تخلف الايام حالن بعد حال

عابر السبيل

 

[عابر السبيل]

سقها عسى ياصاح بالامر خيره
سقها عسى سو الليالي يتعداك

تولعت انا بك مثل طفلن وطيره
ويش اضحكك يا قلبي اليوم وابكاك

ياسيرة ن صارت معك خوش سيره
ويش ابلشك ياقلبي اليوم واعياك؟؟؟

سلام ياحلو ن فوق راسه حريره
وجه الملاك اللي ورا نور شباك

عابر السبيل

 

[عابر السبيل]

روّح وخل الدار للي يبيها
مالك على طرد المخاليق مصلوح

نفسن بها العلات منها وفيها
ياشايلن قلبن من الحب مجروح

كم فرحة ن والحزن لك مقتفيها
وياكم بوحن يلهج القلب بالنوح

عابر السبيل

 

[عابر السبيل]

يا اقحوانن جاوره شفة التوت
يا ردين العود ياحلو اللما

كم ينقطع وسط لمسافات لي صوت
وكم يعشق الظميان لمحك يالسما

عيش الحياة اللي تجاور مع الموت
يامجاورن للجوع لا تهلك ظما

عابر السبيل

 

[عابر السبيل]

خل التغلي راح وقت التغلي
وقل لي فامان الله اشوفك على خير

وعاود وزاور بالبعيده محلي
واسفح على الميعاد دمع التعابير

يازارع الخدين وردن وفلي
عليك اسطّر باكي القاف تسطير

راح العمر مابين عز ن وذلي
ويسرن بغيته صار جله تعاسير

طلبت بعضي ثم انا جيت كلي
واعطيك انا لو كان تبغي المساهير

ماينفع المهموم كثر التسلي
ولا سلامن نرسله لك مع الطير

عابر السبيل

 

[عابر السبيل]

لا لا جزا الله ساجع الورق بالخير
مانتاب مني بالجميلات مذكور

لحنك يعصّر موجع القلب تعصير
وقلبن يعيي يسمع الراي والشور

تبني بقلبي له عمارن ومقاصير
وانا حياتي ماضي ن راح واعصور

ينبت بخد ه لي ورود ونواوير
وشعرن كماليلن تجاور مع النور

يلتاع قلبي مع صباح العصافير
وكم مات من دون المواليف عصفور

عابر السبيل

 

[عابر السبيل]

الصامت اللي تفضحه رمش عينه
احلى السوالف يالعين الذوابيل

تزجر امواج اليم بيني وبينه
تموت دونه عاسيات الرواحيل

لحظ الجميل اللي تحبه سنينه
كم ذا يحبه ظلمة الكحل والميل

اغار من كاس ن شالها في يمينه
كنه يدلل صافي الكاس تدليل

عابر السبيل

 

[عابر السبيل]

غنى المغني من لهيبن تولاه
كل نهتتن ياغالي الروح في بيت

الشوق في الخفاق يامر وينهاه
ولاهوب حي ن مع الناس او ميت

ياساحري ياكم بيتن كتبناه
وتاقف لك الابيات وتقول حييت

ياكم بيتن طلسم الحس معناه
يذكرك بالخيرات ان رحت او جيت

عابر السبيل

 

[عابر السبيل]

الله كريمن ياغلا كل هالكون
يجود حظي بك وتصبح .........

يامخحلن الزين في كل مزيون
من بين هالاغصان غصنك رطيبي

اموات شوقي لك مع الوقت يحييون
وابغى طبيب ولا لقينا طبيبي

جمعت كل اللون يازاهي اللون
والخد روضن والزهر به خصيبي

من بين كل اللي يجون ويروحن
احساس قلبي صوب مثلك غريبي

عابر السبيل

 

[عابر السبيل]

كم واحدن يسأل عن احوال سالي
الخالي اللي به من الناس مشغول

ياكفتينن بين بخس ن وغالي
والقاتل اللي يعشقه حيل مقتول

لا وين رايح فتنتي يا سؤالي
لغزن مع الايام ماهوب محلول

البارح احكي مع توالي دلالي
وباقي من الفنجال بنن معا ثول

اجمع حرامك ياغلا من حلالي
ولاعاد بي حيل م الايام او حول

عابر السبيل

 

[عابر السبيل]

اتلى الخبر بك والقمر تو ماغاب
والنجم ياحلو اللما حيل نعسان

ويجول حولي بك م الاحساس اسراب
والبدر يضفيي فوق الاكام بالوان

كنه يصب التبر ياحلو ب اكواب
وطل ن على وجه الصخر صار ودان

يا دقيّق االاعواد يالذ مشراب
عصري معك ياصاحبي في خبر كان

عابر السبيل

 

[عابر السبيل]

ياتيك بالاخبار من لا توصيه
وتالي الخبر باكر يبيعون ببلاش

وكم يرخصك م الناس حي ن وتغليه
وكم عاشمن عشمن والارباح مهناش

وكم ياخذك حي ن من النا س تعطيه
ولا طايلن دينه ولا طايلن كاش

وكم واحدن اسمه م الاسطار تمحيه
وكم شايلن للموت من بين الارماش

عابر السبيل

 

[عابر السبيل]

تفرش اوراق الشجر في طريقك
وحفيف هالاغصان غادن هواجيس

تشبه وساويس الحلي مع صديفك
وهتف المطر يشعل لذيذ الاحاسيس

يامشعلن في وسط جوفي حريقك
وشوقن يلمّس ثومة القلب تلميس

عابر السبيل

 

[عابر السبيل]

كم هي خسارة يالمزوح الرزوحي
شكلي خسرتك والخلايف على الله

باغسل على الاسطار لاجلك جروحي
ولا عاد به شوفن لزولك وطله

كن انكتب فقدك على اسطار لوحي
وشي ن كما المخراز بالقلب خلّه

وقامت تهدّم م العوالي صروحي
وحروات عقب العز بنذوق ذله

عابر السبيل

 

[عابر السبيل]

سرب القطا يارد على الميّ ظامي
يارد ولو موته على شربة المي

يصبح هميدن ما تشيله عظامي
يضوي وصكات الليالي لها طي

حتيش لو يلقى الندى بالغمامي
ما فادته جنحان مثله على شي

كم قال في لحظات موته سلامي
يا علة (ن) ما فادها لسعة الكي

بالخير يا غصنن هواه الحمامي
قام يترنم باللحن ساعة الضي

جنوب شكل الطير واللحن شامي
يتلي ترانيمن على موتة الحي


عابر السبيل

 

[عابر السبيل]

ترا الوطن دارن سكنها حبيبك
وان غاب تبدا لك مع العمر غربه

هو علتك واحيان يصبح طبيبك
يحييك يا ظامي من الريق شربه

كانك غريبه فاعرف انه غريبك
السلم سلمه والبلاوي ب حربه

ان راح يبدى لك مع الناس عيبك
وان كان عندك صار بالشوف طربه

كن الغلا يصبح بقربه نسيبك
كن تنتجلي به م التهاميم كربه

عابر السبيل