بعثرة مشآعر..♡

[_دلع]

.
.

“ من المُتعب أن تتأمله وتبصره فقط
وأنت تكادُ تموت رغبةً في تملّكه”

 

[_دلع]

.
.


لماذا نكتب ؟!
في حال أن الذي كتبنا من أجله .. ما قرأ !!

 

[_دلع]

-
-



كان يوم عادي
بس جربت جو جماعات وحبيت الصراحة ")
كنا نجهز الديكور للملتقى .. نرسم ونحدد ونصبغ ووسخنا ملابسنا ويدينا ولعبنا وغنينا
انا ماغنيت بس واحد جايب جيتاره وقاموا يعزفوا لنا ويغنوا ونحنا نشتغل
الي حبيته الاولاد مايشتغلوا معنا .. بس يراقبونا ويشلوا عنا الاشياء ويجيبوا الاكل يعني مسوين جو
حاولت ادخل معاهم .. وهالمره الحمدلله ماكنت اصغر وحده فيهم لذلك اموري طيبة ماخفت منهم خخخخ
امممم المهم .. بديت اتعود ع جو الجامعة بس لسه ماتعودت ع الدراسة فيها ")

بس احاول اهرج مافي شيء مهم

 

[_دلع]

-
-


احس لازم اضبط اموري مع السوري
برسب الكورس ذا بسبب ضحكي ولعبي بالفون وهو عصبي شوي
اليوم جايب لنا شكلاطات قال عشان اليوم الوطني
كييوووتت مره .. بغيت اقوله شكرا مستر بس خفته
هو الله يهديه يناظرني كاني مسوية مصيبة ..
واليوم نطق اسمي .. كذا اول مره ينطق اسم بنية من الكلاس واحس قلبييي
ليته مايعرف اسمي .. خفت زيادة .. باكر بستوي دحاحة الكلاس واجلس قداااام عداله

المهم نحاول نخليه يتكلم عربي بسمع اللهجة بس هو مصر ع البريطانيين

 

[_دلع]

.
.


‏"الشعور ‏الذي يغدو صمتاً ‏يرقد في لُبِّ العظام".

 

[_دلع]

.
.


"كيف يكونُ الإنسان مليئًاً بالأحلام وفجأة يصبح قلبه مقبرة أين ذهبَ كُل شيء.!"

 

[_دلع]

.
.


‏أين المفر .. من الوحشه اللي تداهمك بكل لحظه ؟

 

[_دلع]

.
.


مساء الخير..
طبعا كالعادة اذا بغيت اسولف اجيكم

المهم الوضع (متكهرب) عندي وكل شيء مب تمام
تعودت كلما شفت الجو بدأ يزعجني لبست سماعاتي وشغلت اي شيء اسمعه والعب ( صب واي ) ..


المهم المهم الy قبل وداعه اهداني اغنيه ميعرف ان كل اغلب الاغاني صرت اربطهاا فيه لكن " شوفك غناتي من يمله " تبقى الاخيرة منه !
والاسوارة الي المفروض اهديها له صرت اتأملها بين يداتي
مو مهم .. المهم هو بخير واحبابه حواليه وبخير !

وبعد اسبوع راح نبدأ الترم ال٢ للجامعة
اتمنى يكون افضل من الترم الاول واكون تعودت ع اجواء الجامعة وفهمت اغلب النوعيات الي هناك
صدق من قال عنا صعايدة وللصراحة انا اعترف اني كنت صعيدية خخخخ

 

[_دلع]

.
.


تعرفوا هالفترة دخلت في حالة ما احس انها طبيعية
قاعدة اتجاهل كلشي يصير حولي حرفيا ولا كأنه هامني
بس بنفس الوقت داخلي مايهدأ ابدا ولا انام وطول الوقت خايفه من اللاشيء واحس ابغى الكل يموت وابقى انا
استغفر الله .. بس كذا وجودهم مزعج بشكل مايتصدق والي بيجي الله يستر منه

في شخص مره قالي " اي علاقة تكوني فيها مع اي شخص ركزي ع الناس المستفيدة والمتضررة من هالعلاقة " واستوعبت الكلام قبل كم سنة واليوم انعاد هالشيء وتأكدت من كلام الشخص
بعطيكم مثال
اختك زعلت ابوك ! الي بيتضرر مش بس هيا .. اخوانها البقية وامها وكل الي حولهم بيتضرروا
مالنا ذنب بس نتضرر ونموت من داخلنا لاننا نتضرر وننظلم من علاقة مالنا فيها ابدا

ماعلينا .. الله يحميني ويحفظني

 

[_دلع]

.
.


قلت لشخص رايح لمكة يعتمر ،ادعيلي !
قالي ادفعي فلوس .. كنت مستعدة ادفع له الي يبيه بس منجد يدعيلي من قلبه
ما احس فيه شيء يتسوى او اثق فيه كثر الله
مع اني احس كل الاشياء من السيء الي الاسوأ
بس يارب ..

 

[_دلع]

.
.


مدري كيف اشرح
بس فراغ فراغ .. الي انت قاعد كذا تنتظر وش بيصير في العالم ومتى تموت .. وان ماحد همك حتى نفسك ماهمتك


المهم .. وصلني اشعار من شخص
طبعا ماتوصلني رسايل ولا شيء غير وحده من البنات فاضية جدا جدا ترسل ريلزات تاافهه وبيض مثل وجهها
وجروب حق الجامعه يتراسلوا عشان تسجيل المواد !

 

[_دلع]

.
.

وفيه شخص دلخ حاب له وحده من جامعتنا ويبيني انا اضبطه
والصراحة البنت من قبيله نحنا مانزوج منها
وهو يعرف هالشيء بس الحب عامي عيونه !
وودي بس اشوفه واكفخه كف عشان يستوعب
ماني طايقة حد وهذا يجيني حب ماحب ..
اللهم صبرني اللهم صبرني

 

[_دلع]

.
.


لاتمشي لحظة انتظر خلني اودعنك
شيقنع عيوني بعد ماراح اشوفنك

 

[_دلع]

.
.

تعرفوا الاسبوع الثاني من الجامعة
عندي فعالية كبيرة بتكون ع مستوى السلطنة وانا عضوة فيها
المهم بيجوني ناس كثييييرة تقول " سنة اولى وانتي بهالثقة مستحيل "
وبنية ثانية تجي تقول " انتي جريئة ، اهلك علموك ،انا اهلي ماشجعوني "
وواحد ثالث بيقول " اكيد واسطة "
ورابع " اهلك دخلوك معاهد عشان توصلي لهنا "
وخامس " حظك عايشة في مجتمع منفتح "
وسادس " شخصيتك قوية واضح اهلك هم الي بنوها "
وغيره وغيره من الكلام والتلميحات الي برأي انا يجرحني كثيير
سمعته من قبل وما اكذب ان دموعي نزلت وقتها
ليت الناس تركز في حالها وتبطل تقارن نفسها فينا وتبطل حسد لان هالشيء يضرنا اكثر من انه يحفزنا ..
وخالقي المكان الي وصلت له محد له دخل فيه..
المكان الي انا فيه وصلت له بنفسي
ومن حقي افتخر فيه وافتخر بنفسي وبقوتي وشجاعتي ..
الظروف علمتني بس ماكان لاي شخص غيري يد في انه يبني شخصيتي هذي


ابسط الاشياء الي ما ابغى اقولها .. ان حتى المعاهد والمعلمين الخصوصين رفضتهم عشان بعدين محد يمن علي بشيء ويقولي انا سويت عشانك!
كل الناس الي ف حياتي ضروني اكثر من اني استفدت منهم !
ولما احتفلوا فيني عشان انجاز سويته عصبت .. واحس انه مثل الدين ع رقبتي
ماكنت ابغى احد يحتفل فيني .. انا الوحيدة الي يحق لها تحتفل بنفسها بس !

 

[_دلع]

.
.


شفت ناس جديدة هنا ف الغابة
للعلم انا اكتب لنفسي مامحتاجه أي رد من احد فيكم
وان قريتوا لي وكتبتوا فـ شكرا 3>

 

[_دلع]

.
.

اي شخص كان يقولي اني حلوة كنت اصيح لاني احسها سبة
الا منه .. كنت اعشق الغزل
كنت احب يقولي جممالج آخ ياجمالج
نظرته في قلبي .. الكل يحل وهو يتأمل
ما اخفي اني كنت أكابر واسوي اني ثقيلة
يقولي يحفظج ويخليج
واذا عصب يقولي انتي طالج بالثلاث وماتمر دقيقتين الا يرسل اسف حقج علي
ياربي .. اكثر شخص يأسرني بلطافته وحنيته

لما استغبى ع لهجته واسوي مافاهمه ايش يقول وهو يبدأ يشرح الكلمات ومتحمس
يقولي بعلمج لهجتي ..
رسايله الطويلة ومشاعره ..
الصراحة كنت احس اني الرجال وهو الحرمة ويمكن هالشيء الي خلانا نبتعد عن بعض
بس يكفي انه ذكرى مرره حلوة بقلبي..

 

[_دلع]

.
.



الاعتراف منه كان " تواصلت بكل الطرق وعييتي تفهميني "
والكل فهمها الا انا .. بعدين ربيعه مسكني قالي بسج دلاخه الولد يموت فيج
وانا اقولهم وش يحب فيني ما انحب
ليين ماجمعنا اختبار السبيكنج وصار كلشي تمام واعطيته فرصه
وع فكرة ما ندمانه عليها ابدا ..

 

[_دلع]

.
.

صارت اشياااء كثيرة وبعدين قررنا مانكمل
لان هالعلاقة ما ارتحنا لها ابدا ابدا
ولو ربي كاتبنا لبعض عمره محد بيمنع هالشيء

يجيب الله خير ..

 

[_دلع]

.
.


يمكن بتعلق بحديقة الجامعة لانها هي الشيء المشترك الي نحبه اثنينا وقت الشروق والغروب !

 

[_دلع]

.
.


ياناس
انا اشتقت لكل شيء
اشتقت السعادة ..