بعثرة مشآعر..♡

[_دلع]

.
.


الساعه 6:06 مساءً
صايرة وايد اركز ع تطابق الساعة
وكل ماطاحت عيني عليها الاقيها كذا ")

 

[صاااااافي الود]

8:27

الا ياليت الزمن يرجع

 

[_دلع]

.
.


صعبة انك تنحط بين خيارين
حلمك ,او هدفك في الحياة

انعرضت علي وظيفة براتب الف ريال عماني في الشهر
حوالي 10 الاف ريال سعودي
لكن بشرط اني اتخلى عن حلمي الي الحين بين يديني والي ياما سعيت واجتهدت وصحت ليل نهار عشانه !

عندي شهـرين افكر فيهم قبل لا أعطي الموافقة او الرفض
والحين احتاج لشخص عنده بعد نظر مثلي عشان يفكر معي ويعطيني اقتراحه !

 

[_دلع]

كم عمرك ؟ وكم يحتاج هدفك لتحقيقه ؟
وهل ترين الخيرة في تحقيق هدفك ؟
الخيرة فيما يختاره الله
يقال : عصفور في اليد ولا عشرة على الشجرة
بحال واقعنا المعاش
اجعلي الوظيفة احد اسباب تحقيق الهدف
فان تحقق كان به وان لم يتحقق تكوني بخير
استخيري الله في امرك
لانعلم هدفك لنشير بشدة او نتوسط
بالتوفيق

تعرفوني ياخي معرف اتكلم مع الكبار
بس بحاول اتكلم بعقلانية

المهم احم .. يعني انبسطت شفت ردك هنا
من زماااان وانا اشوف عندك فكر ماشاء الله وعقلاني ومنطقي
لذلك بقولك عمري ١٨ وهدفي هو الفلوس واعيش حياة حلوة ومرتاحة واعيش عيلتي معي
انا ما ادرس الا عشان اتوظف واجيب فلوس ويكون مني فايدة فـ مجتمعي !
والوظيفة بتوفر لي كل ذا.. اما عن حلمي الي هو اكمل دراستي لين اوصل لمنصب يليق فيني فـ المستقبل!


المهم اني استخير شيء مافكرت فيه قبل
بتعلم كيف وبنجرب ليش لا .

 

[_دلع]

.
.

روفي و صافي الود
شكرا لدعواتكم الحلوة !

 

[_دلع]

.
.


من فترة قريبة
وصلتي هدية " سلحفاء " صغيررونه جدا
وما انكر اني معذبتها معي ومخليتها تعيش اكتئابي !

كانت بس امنية ف لحظة ومامر يومين الا انا اشوف سلحفاء بين يديني
لفترة معينة كنت اناديها "يوسف "
بعدها في شخص قالي " ياعزتي لليوسفيين صاروا سلحفاء" ف رحمتهم وبطلت مسميتها يوسف

وليومكم ذا ماله اسم .. كل مرة اناديه باسم حسب مشاعري.

 

[_دلع]

.
.


الي جاب السلحفاء هو الـ E ..

ليش ما احكيلكم عنه بما اني احب اكتب عن اي شخص يمر ف حياتي ؟!

تعرفت عليه في احدى نشاطات الجامعة
نفس عمري ,اول انطباع اخذته عنه ان هو شخص هاديء ودحاح "دافور"... بس غلط
شكله ابدا ماله علاقه في شخصيته
ما قدرت افهم شخصيته كامل بسبب غموضه بس انه جريء وله شخصية قوية وانفعالي بقوة !
نقطه ضعفه والده و الاشخاص الي يحبهم !
الاشخاص العصبيين هم الاكثر طيبة وحب لغيرههم ! والE كذا !
كثيرين الحلطمة بس طموحين بقوة وهذي الصفات الي نشترك فيها !
بسببه صرت احب صوت السيارات والسرعة فيها !
ومثل ماقلت قبل هو الي واقف معي ف الجامعة وف أي مشكلة انحط فيها! ومافي مرة ندمت اني خبرته عن مشاكلي لان دايما يحلها بطريقة ذكية وعقلانية
مايمر اسبوع الا هو يقولي "تعالي لحديقة العلوم ف الكرسي حقنا" .. مايعطيني مجال للرفض ابدا لكن مرات اعاند وارفض مهما كان.
المهم الي اعرفه ان الجلسة معاه ماتنمل

حديقة العلوم مكاننا المفضل .. يمكن لان المكان هاديء عدا ازعاج العصافير وصوت تدفق المياه فيه ؟
اما عن الكرسي فهو في مكان قريب من البركة قدام كوخ البط !

ما اخبركم عن اول يوم التقينا فيه بعيدا عن موقع شغلنا.. كان منحرج يجي لان فيه بنت غريبة ماكان يعرفها الي هي انا
بس الي كانوا موجودين حاولوا يلطفوا الجو وقاموا يعرفونا على بعض بطريقة فكاهية !
والحين نحنا الاقرب لبعض من الجروب الي نحنا فيه.

شكرا لـ الجامعة لانها عرفتنا على بعض !

 

[_دلع]

.
.

رسالته اليوم عبارة عن :

" اشتقت اجلس معك
اول م ترجعي بجي اجلس معك ضروري"

 

[_دلع]

.
.


المهم تكلمت وايد
خلني اسير انام الحين ")

 

[_دلع]

.
.


الساعة 3:00 مساءً
الاجازة ابدا ما حلوة ,الملل ما طبيعي
لحد يلومني اذا كنت احب الدراسة واشوف ان الاجازة مضيعة للوقت
وانا اقلب في ستوريات الانستا ,البنت الي خلصت كل فلوسها ع ستاربكس واشياء تافهه مالها داعي
والثانية الي كل يومها عبارة عن نوم
والثالثة الي من مسلسل لمسلسل
احس حياتهم تافهه جدا ومع انهم مبسوطين فيها .. كيف ؟ ما ادري والله

حاولت اتأقلم ع جو الاجازة واصبر نفسي انها بس اسبوعين وبتخلص وترجعي لجو الجامعة والازعاج الي فيها بس ماقادرة !

 

[_دلع]

.
.

الحمدلله ع نعمة الطاقة الي فيني وحبي للدراسة رغم انها تاخذ من روحيي كل مرة !

 

[_دلع]

.
.

تجرأت مرة ورضخت لاتصال أحدهم
لما قالي انتي فلانة الفلاني ؟!
قلت ايوا .. قالي انا الدكتور فلان من قسم الارشاد ممكن تزوريني في مكتبي الساعه ١٢ وقت الظهر ..
من شدة ارتباكي وخوفي وقتها نسيت اسأل مكتبك وين اصلا!
نسيت كل شيء وركزت على موضوع قديم لما تضاربت مع احد وقلت له " أنت مختل نفسيا روح تعالج في الارشاد واذا ما تعرف موقعهم برسل لك "
وبما ان الشخص هذاك حركاته حركات مراهق كنت مصدقة ان راح يتعالج هناك ولذلك هم متصلين فيني.
للعلم المركز ماله دخل بشيء يسمى علاج هو فقط مكان يوجهوا فيه الطالب نحو الطريق الصح.

المهم منا ومنا سألت عن الدكتور ذا وطلعت سيرته كامل
وبعدها فكرت اروح بعدما جهزت كلام عن المختل هذاك ..

 

[_دلع]

..

خلني اقولكم عن الدكتور اسمه محمد .. عنده دكتوراه في الارشاد النفسي
اكمل لكم
اول ما وصلت للمكان حسيت اني خايفة وما ابغى ادخل
فـ رحت وجلست في مكان قريب اشوف الناس الداخله والطالعة
الا دقايق وشفت رجال كبير عمره في الثلاثين لابس الزي الرسمي "دشداشة ومصر" طالع من مكتب وفي يده ملف بني ومعلق على صدره بطاقه تحتوي ع اسمه "محمد بن فلان الفلاني " فـ اختكم في الله علقت عيونها ع البطاقة
لما شفت ان انتبه لي ,قررت اقوم وأطلع من المكان الا هو ناداني "لو سمحتي محتاجه شيء ؟"
استغبيت شوية وقلت له اتصلوا فيني وقالوا لي تعالي هنا ,فهو ابتسم ابتسامه غبيه وقالي انتي فلانه ؟
قلت ايوا .. قالي ادخلي لهذاك المكتب وشوي واجيك.

فـ استسلمت ورحت للمكتب.
الشعور غريب وقتها لاني اول مرة اتكلم مع احد رسمي بدون احد اثق فيه معي!

 

[_دلع]

.
.


حسيت بستفرغ قلبي على كثر مايدق وقتها.
سبيت نفسي الف سبة ان ليش جيتي
بس عدلت جلستي لما دخل وحرك الكرسي الي كان قبالي وجلس فيه ..
ع فكرة "نعاله حلوة " لاني وقتها ما كنت مركزة على ملامحه كثر شكل رجله والنعال !

قالي " حيا الله بـ فلانة " اخبارك ؟ وكيف الدراسة
اجباتي مختصرة جدا بس ابغاه يقول موضوعه واطلع بسرعه .. وهالشي اتوقع ماخلاه يتكلم براحه كوني كنت متوترة منه وهو عارف هالشي !

لذلك بدأ كلامه ان احد الاشخاص تكلم عني معه ! لذلك حب يتعرف علي من قريب وندردش مع بعض ")
من هالشخص ؟ ليومكم ذا ما اعرف بس اني حاقدة عليه
المهم ماكنت قادرة اتكلم واخذ راحتي لان احس شي غلط ..
قام يسألني عن الاشياء الي سويتها في السنة الاولى وايش الي كان صعب علي فيها
وبعد كلامنا ذا قالي اشياء يمكن يكون كلام تشجيعي وانا بس ابتسم ف وجهه بغباء واطالع نعاله الي كانت باللون الاسود !
ما انكر انه كان يتكلم معي وكأني طفلة حمارة تايهه بين الناس!
المهم ماكملنا نص ساعة بعدها قال عندك شيء بتقوليه .. وع طول انا اشرت برأسي ان لا معندي

قالي اتمنى يكون بينا كلام اكثر المرات الجاية
بس اودعيني تكرري جيتك .. قلت له ان شاء الله
وشكرته وطلعت من المكتب وتنفست واخيرا !

 

[_دلع]

.
.


خبرت الـ E عن ذا الشيء
وجلس يضحك علي !
يقول عادي فرصة حلوة روحي تحلطمي من الدراسة عنده ماتجين عندي!

المهم برتب الوضع بس بكرر الزيارة لشيء واحد ف بالي .. بس بعد ما اتدرب ع الكلام مليون مره !

 

[_دلع]

.
.


اكره حماسي ع الاشياء ..

 

[_دلع]

.
.


من فترة خاطري وايد في شيء لدرجه صرت احلم فيه حتى بنومي
بس انا من النوع الي ما يطلب شيء من احد الا من نفسه ! حتى لو كان امه وابوه
فـ كنت مقررة اشتغل في شيء واجيب الفلوس ومنها اخذ هالشيء
اليوم هالشيء وصلني هدية من اخوي !
اتفاجات الصراحة ماكنت متوقعه خصوصا اني ابد ما تكلمت معه عن هالشيء ابدا ..
اول كلمة جات في بالي لحظتها " سبحان الله ,الله يرزق من يشاء "

كيف اقدر اشكر الىه غير عن كلمة الحمدلله !

 

[_دلع]

-
-


يا عم جيتك لحد بيتك
ليد ولدك انا اتقدم !
ع الملة بالشرع الله
ونص الدين ابااا اتمم

 

[_دلع]

-
-




ليه صايرة اسمع صلاح الزدجالي وايد هالفترة ؟!

 

[_دلع]

-
-


في شخص
الصراحة كنت حاطته ف الكلوز عندي
قبل فترة نزلت ريلز عندي عن السنة الاولى في الجامعة
ف كان تعليقه " مبروك وعاد اعذرينا يالصعيدية ضحكنا عليك كثير "

ع طول تغيرت نظرتي عنه بسبب الكومنت الي كتبه .. واحس اني صرت اشمئز منه لو صح القول !