الصخري g
نجوم المنتدي
-
- إنضم
- 19 مايو 2021
-
- المشاركات
- 4,377
-
- مستوى التفاعل
- 4,230
ودعتك الله
ودعتك الله لو على قلبـي اخطيـت
وحاربتنـي مـن دون ذنـب وخطـيّـه
احسبك تذكرني إذا اصبحت وامسيت
واثـرك علـى فرقـاي نفسـك هنيّـه
الله واكبـر كيـف عنّـي تخلّيـت
من بعـد مـا علقـت روحـي البريّـه
وش غيّرك وش بدّلك ليه صدّيـت
وانـت الـذي بالقلـب نبـض وهويّـه
من هو بقى لي بعدما عنّـي اقفيـت
وقدمتنـي للـحـزن اثـمـن هـديّـه
كلـش تخيلتـه ولا يـوم ظنـيـت
إنـك لحـد غيـري ولانـتـاب لـيّـه
ويلك من الله كيف بالحب ضحّيـت
قلبـك حجـر مـا حـنّ يـومٍ علـيّـه
اللي بنينا بْعمر فـي يـوم هدّيـت
واحلامنـا مـا عــاد منـهـا بقـيّـه
اتعـد غلطاتـي إذا يـوم زلـيـت
من دون مدري .. ويـن ذيـك الحميّـه
مافيه معصوم الخطا لـو تحريـت
ولا فيـه كامـل غـيـر رب البـريّـه
ولو ما احبك ما نشدتك ولا اطريت
بعـدك وصـدك وانتخيـتـك نخـيّـه
ترجع لقلـبٍ يـوم بالعقـل حبيـت
وتتـرك هـل الأحقـاد واهـل الوشيّـه
خايف عليك وخايفٍ منـك ياليـت
مايـوم حبيتـك وصــرت الضحـيّـه
لا نيب حي بعد هجـرك ولا ميـت
ولا نـي مريـض ينعـرف بالشكـيّـه
لكنـي ادرى بحالتـي لا ترديـت
ولا ينـفـع الملـتـاع طـبـه وكـيّـه
مالي سوى اللي كلمـا راح ناديـت
يـا كـود يسمعنـي ويـرجـع إلـيّـه
اعضاء الغابة العربية شاهدوا ايضا
اسم الموضوع : ودعتك الله
|
المصدر : منتدى الهمسات المنقولة والخواطر
