ياقلب فضفض على الاوراق وأكتب له

[رااشد]

يا
قلب فضفض على ألاوراق واكتب له
أبيات ,, يمكن يجي صدفه .. ويقراها

انزف من إحساسك الصادق ورتب له
فوضى مشاعر .. محبه .. ضاع معناها

سيّل حروف الوله والشوق واسكب له
من دلتك ,, لين .. عينه .. ينتثر ماها

تراه متجاهل .. أوجاعك .. وطايب له
ما يدري انه ملك دنياك وأفناها ..!

ما وفّر إلا جروح ,,, وكبد مندبله
وآهات تملا الفضا .. و الضيق يملاها

جفت غصون المحبه في رجا وبله
من يوم لمّ الثمر ما مر وأسقاها

واليوم يا قلب جانا البرد واحطب له
ما من يباس المحبه .. غير ذكراها

انثر مشاعر غلا على طرف حبله
وان كان ما لمها خلاص .. ما ابغاها

ما عاد فيني أفكر فيه .. وارقب له
لو قمت أعيد السوالف ..وآتطراها

ما أبيه يقرا القصيد بدون يحسب له
أبيه يقرا [ الحقيقه ] يوم .. يلقاها !

وأبي يحس إني اصدق قلب يكذب له
اشهد معه ضد نفسي ,, وآتبلاها

وأبي يحس إني أكثر من تعذب له
وأبي يحس اب عنا نفسي وما جاها

ما بعد قلبه .. سكن قلبي و لا قبله
لا همني مع رضاه .. الناس و ا رضاها

هو اكثر انسان .. يجرحني .. و انا اهرب له
و اعيوني أوفى العيون .. وغدره أبكاها
م ن

 

[ملاك الحب]

ابيات في منتهى الروعة
صح لسانك يابو شهاب

 

[رااشد]

ابيات في منتهى الروعة
صح لسانك يابو شهاب

صح بدنك
كلك ذووق
ملاك الحب
شششاكر لك مروررك الاانيق

 

[همس الروح]

كلمات رقيقة وهادئه
سلمت أنامل كاتبها
وسلم يد ناقلها
احترامي وتقديري لك

 

[بابلي الهوى]

على أجنحة الشوق
تسافر بي الحروف
نحوك. نحو إبداع ممتزج
بالرومانسية الحالمة
وأرخي سمعي لعزفك المنفرد
على أوتار العذوبة
مروري على أحرفك
يجعلني أصل الى قمة الإستمتاع
قراءة ناصعة الأناقة منك
و ثناء يحملني للسحاب

دُمَتُمْ :. بَخٍ ـٍُيٍُرٍ