اثبت حضورك ببيت من الشعر الشعبي

[سليل الحرف]

ما دريت اللي يحب لازم يعيش الهم
ويتحمل عذاب ويشكر ويحمد

 

[جنون عآبثهة]

-







لا يضايقك يوم إنّي بخيل الكلام
‏أنت فوق المعاني والكلام الحلو .

 

[Rayq_Marrh]

-















"لا أوصّيك في سرّي ياصدري ترا راعيك
‏مايبغى العرب تدري وش اللي ورا صدره".

 

[عابر السبيل]

تخلف الله ياشقا حلو الابيات
ادفن بيوتك واترك الدار للبين

كم ينتهي بالمر حلو البدايات
وياكم زينن ينتهي حين بالشين

عابر السبيل

 

[سلمــان]

الحديث الي يشبه للغنا
ماهو بيجرح فواد العاشقين

بعده احس الفقد مثل العنا
واتصال اروح ذبح الحاذقين
سلمان

 

[عابر السبيل]

وقع الخطاوي في ظلام المسيرة
يشبه كلام الصمت في خالي الدار

كم يختلط صح الحكاوي وغيره
وكم صامت ن في بعض الاحيان مهذار

وكم تاييهن يبحث وبحثه ل ديره
ويبحث على حبن ساكنن مبعد الدار

وكم باني ن يحسن مباني جويره
وجزاه مثل اللي تلاقاه سنمار

وكم واحدن يرفض لراي المشيره
وبعدين يدفع في المشاوير دينار

عابر السبيل

 

[عابر السبيل]

فضفض وفضفض هشّم الحزن تهشيم
واشرب دموعك جعل الاحزان تفداك

ياما بعصر الحب ظلم ومظاليم
وشي ن يصيبك وبعضها لك تعداك

سلام ياللي مرني دون تسليم
سلم على اللي مر جنبك وحياك

ياكم اكلّم سارح الطيف تكليم
وياكم اموتك ياهوى القلب واحياك

مريت عندي لك م القوافي ملاليم
جمعت فيها ما تحبه من اسماك

فتنتني ما بين جيدك مع الليم
وسحرتني مابين ليمك ولمياك

عابر السبيل

 

[وعـــد 🎵]

كثر ما احن لك واحن للماضي
‏سلام الله عليك ان كان ما سلّمت
‏..
‏تمر ايامي الحلوه على الفاضي
‏و تمر ايام لا ترسل .. ولا كلمت
‏..
‏تحسب اني على كثر الزعل راضي
‏وانا زعلان لي مده .. ولا علّمت

 

[وعـــد 🎵]

الوقت : يركض .. والعمُر : معدود
‏ومحتاج لي : إنسان يبقى انسان
‏'
‏يالله عساني : بــ الفرح .. موعود
‏واللي مضى من حزن : للنسيان
‏'
‏علاقتي .. مع البشر .. بـ حدود !
‏قلبي : تعلّم ، وأكتفى .. حرمان !
‏'
‏يا رب .. لا فـاقد .. " ولا مفقود "
‏يا رب .. " لا خيبة " .. ولا خذلان

 

[عابر السبيل]

يقراك بعض الناس لو كان جافي
ويجفا ك منهو من توجدت يقراك

اشوف ضو الشمع هالليل طافي
انشدك يا شمعي من تعدى وطفاك...؟

امنولن نورك مع الليل ضافي
واشوف ظلي راقصن فوق شباك

واليوم عيشك صار شح وكفافي
خلا ضميرك م االجميله وكفاك

عابر السبيل

 

[وعـــد 🎵]

ما علّمك صمتي شكثر فيني كلام
‏ولّا أنا بس اللي أحسّك و أسمعك ؟
‏َ
‏ما ذكّرك مِر الجفا بـ حلو الغرام
‏ولا أنت بـ الثنتين ما تفرق معْك ؟
‏َ
‏لا يخدعك هـ البُعد لو مَر بـ سلام
‏ترا أول أيامه حَبيبي تخدعك
‏َ
‏بكره بتجيك أيام ما تقدر تنام
‏بتولَه لـ ذكرى . . و ذكرى توجعك .

 

[عابر السبيل]

ما باقي الا سطر تلهج بواقيه
عفا عليه الوقت تحت السوافي

يشبه لوردن قد جفنه سواقيه
عفت سواقي الورد والورد عافي

او مركب له شاطي ولا هو ملاقيه
كن البحر ياصاحبي ماله مرافي

يشبه لضلعن نايفات مراقيه
واصبح يبيها من البلاوي عوافي

عابر السبيل

 

[وعـــد 🎵]

ليت وقتي خطوتـه ..ترجـع ورا
‏ودي بذيـك السنين اللـي مضت
‏-
‏آه يا شخصن .. ليـا منـه طـرا
‏آبتسمت شـوي وعيـوني بكت !.

 

[جنون عآبثهة]

-






عسى مقابيل الليالي تباشير
‏علمٍ يسر الخاطر .. ولا يضره .

 

[عابر السبيل]

عرّج على دارن تحرى ل اهلها
دارن هجرها السعد يوم هجروها

كن العشم ياحلوتي قد خذلها
وريح الصحاري يارفيقي شروها

يسفي الرمل باوعارها مع سهلها
جديد نزلن جو لها واكتروها

عابر السبيل

 

[وعـــد 🎵]

راحت حياتي بين خيره ومقسوم
‏ صابر على حكم القدر وإختياره

‏ماني على تبرير الأعذار ملزوم
‏حيل اللّٰه أقوى .. ياحياة الخساره

 

[رااشد]

الناس تفنى والمباني والاملاك. والقول يبقى والخبر للتوالي · وربعك الى بان الخلل فيك عافوك. اقرب قريب لك من الناس يشناك ·

 

[عابر السبيل]

يالله باهلنا سالمين النقايص
بعض المغازي السلامه غنيمه

لا يازمانن بين حايص وبايص
ماعاد تلقى م السوالف سمينه

غدر الزمن روع نياط وفرايص
ووعد الليالي مالقى له ضمينه

عابر السبيل

 

[احلام عابره]

من يومين انا ماشفت سمي الروح بعيوني
ولا سمعني ضحكاته ولا همسات.. اشواقه

غلاي ان طول الغيبه اجيه بشوق.مجنوني
اجيه بقلب ذايب وجد ودمعة عين. حراقه

حبيبي اشتاقه قبالي وعيونه تناظر..عيوني
ولالي عزم على الغيبات ولاصبر على فراقه

حنيني ادما جروحي وصحا خافي شجوني
عيا خافقي يسلاه ولا غيره بالهوى.... راقه

بضحكاته بانفاسه بنبضة قلبه...... مفتوني
بكلمه سرقته من الناس وقالو عني .سراقه

حبيبي لوابعدته ظروف ماخابت به ظنوني
ولو مرت عليه ايام يجيني بروح...مشتاقه

 

[مِيرِيَام]

قالوا: تغلى ومن تغلى تخلى
قلت العذر يا حاسدي وش عليه

دامه بعيد بذِكره أنا تِسلى
من كان غايب لا ملامه عليه

قالوا: نسيك وقلت حاشى وكلا
لا ما يجافي مَن مِن الناس يغليه

قالوا تودّه؟ هو من الود أغلى
كله يجنن في صدوده وتغلّيه

قالوا بعيد وقلت طيفه تجلى
دومنٍ معي في حاضره وماضيه

قالوا تحبه ؟ قلت مقداره أعلى
كلمه قليله وأبد ما توفيه

يا عاذليني لا تظنون أسلى
أنا لا سليته العمر كيف أقضيه

قولوا نسيني قولوا جفاك وتغلا
حتى إن نسيني والله ما ني بناسيه