سكون الرمز ,,, يمنع الرد

[عهود منسية]

أعرفك كاتب ممنوع الرد ...
لكن لي رغبة في التواجد


خذني على قد الغلا والمعزة
بشويش يا الغالي على روحي

فنجان ودك مول أبد لا تهزه
قند احساسي وفا لو قل بوحي




مساك سعيد

 

[ألرمز]

ياقلب لا تزعل على كل ما جاك
الدرب واضح والاسامي تشابه

عرفت قدري عند هذا وهذاك
كلن على قده نفصل ثيابه

 

[ألرمز]

الظن يوجع راعي الظن لا خاب
والنفس لا طابت من الشيء طابت

عز الله ان الجرح يبطي ولأطاب
والمشكلة لا عافت النفس عافت

 

[ألرمز]

حتى الرخيص اللي شريناه بفلوس
سوى مزاد وباعنا واشترانا

وحلاقنا يوم اشترينا له الموس
مردغ شواربنا ونتف لحانا

 

[ألرمز]

ان شانت الدنيا ترى العمر مقسوم
محدن حياته جت على ما يريده

والحزن مهما طال لا يمكن يدوم
بعض التجارب في حياته مفيدة

وان كنت من عذبات الايام محروم
منت الوحيد اللي ظروفه عنيدة

 

[ألرمز]

ياما سرينا ليل ولقفى بنا ليل
ياطول مسرانا ولا من حصيلة

ياما تعبنا نعدل الحظ ويميل
والكل منا شاف بالوقت ميله

 

[ألرمز]

واحد ينام وعنده اللي يضمه
واحدن ينام وضم همه على هم

واحدن لقاله عطر صدر يشمه
واحدن على ريح الحزن ادمن الشم

 

[ألرمز]

ليت الوفا سلعة لها الناس تشري
كان اشتري بعض الوفا وامنح الناس

بس الوفا فطرة مع الدم تجري
ما هي صناعة بالخواطر والاحساس

 

[ألرمز]

البرق لا شفته وسط السحابة
كنه يغسل القلب من كل ما فيه

اثر المطر ما هوب يسقي ترابه
يسقي جريح القلب حتى يداويه

 

[ألرمز]

اسهرتني وانا عيوني تبا النوم
يطيف جاني تالي الليل ساري

صحيت لي جرح من العام محروم
صاحت على ذكراه كل الطواري

 

[ألرمز]

تدري متى تشعر شعور انك حكيم ؟
لما تغابى وانت لك عقل سوي

وتدري متى تشعر شعور انك كريم
لما تمد الزاد والبطن يعوي

وتدري متى تشعر شعور انك عظيم
لما تضيعف وانت تدري انك قوي

 

[ألرمز]

اول احسب ان الغلاء ضحك ومزوح
سمره وسوالف بين مركاه ومسباح

اثر الغلاء بلوة احاسيس وجروح
لوعة مشاعر بين ذابح وذباح

 

[ألرمز]

لا تقول طيب كلها ايام واجيك
قد قالها غيرك وعيا يجيني

دامك نويت البعد فالله يهنيك
بنساك وانسى ما مضى من سنيني

روح فمان الله ما ني براجيك
ودعتك الله بس لاتحتريني

 

[ألرمز]

ياليت من حولي وحولك يحسون
اني اعاني من قساوة ظروفك

فداك كل اللي على الارض يمشون
وفداك نفس ما تبي غير شوفك

 

[ألرمز]

يشينها لا صرت طيب على طول
تظهر رضا نفسك وتخفي زعلها

وقلوب بعض الناس تحتاج ديتول
يقتل جراثيم الحسد ويغسلها

 

[ألرمز]

ما ادري من التفكير والا من اوجاع
مدري ظروف الوقت ضدك وضدي

فيني تعب بالقلب وفي راسي صداع
حاولت اعديها وعيت تعدي

 

[ألرمز]

هذي هي الدنيا من الباب للباب
وعن القدر ياناس ما به مفره

جينا عليها اغراب ونغادر اغراب
وياحظ من هو يكفي الناس شره

 

[ألرمز]

الناس تجحد راعي الطيب لا زل
ادنى خطا كل الجمائل محوها

لو كان صدره يفرشه تحتهم زل
زلته تبقى عندهم ما محوها

 

[ألرمز]

بعض البشر لو كل عمرك تراعيه
غلطه وحيده تهدم اللي بنيته

لاشاف شي ما يوده ويرضيه
ينسى جميع اللي بذلت وعطيته

 

[ألرمز]

لا تحسب الايام دايم مريفه
بعض الليالي ما تجي لك على الكيف

كم واحد راحت حياته كسيفة
يوم اختلط فيها شتاها مع الصيف