سكون الرمز ,,, يمنع الرد

[ألرمز]

ماتت محبتنا على هقوت ظروف
روح المشاعر عذبتها الندامة

مع السلامة كلها تسعة حروف
ولا شلت منها اثنين تبقى السلامة

 

[ألرمز]

الشك باب ويفتحه كل مفتاح
واذا انفتح ضيق عليك الزوايا

ان كان ودك تقضي العمر مرتاح
حاكم سلوك ولا تحكم النوايا

 

[ألرمز]

طبعي اجنب عن لناس واصد
لا شفت ما لا يستحق اهتمامي

في ذمتي ما هو معجزني الرد
انا اعتبر صمتي بعض من كلامي

لكن عندي كل حاجة لها حد
قبل توصل هيبتي واحترامي

صدي عن اللي ما يبادلني الود
شيمة لنفسي واحترام لمقامي

 

[ألرمز]

اقدارنا ربي كتبها على اللوح
وارزاقنا واعمارنا في يدينه

حاولت فيك وصرت كنك ولد نوح
ناداه ابوه ولا ركب في السفينة

شفت الرفيق اللي يعدك من الروح
خله يمينك وانت خلك يمينه

 

[ألرمز]

ما باح همه للقرايب والاصحاب
زقارته تعرف وش اللي جرا له

 

[ألرمز]

الحب وردة لكن الشك شوكة
والبعد لا من طال دمع المقل قل

واللي مربى على الجبن في سلوكه
يموت ما يلقى من البيض له خل

كبدة تطوى يوم ما فل بوكه
ومن ما يبي الفلاة عمره فلا فل

 

[ألرمز]

يا صاحبي الله يمسيك بالخير
عقب البطى بنشيدك وشلون حالك

من بيننا رفقة معزة وتقدير
وقل اتصالي يوم قل اتصالك

قفت بك الايام من دون تبرير
وجعل الفرح والطيب فالي وفالك

وان بعتني من شان هرج المعاذير
ياما حكوا بك واحتمينا مجالك

 

[ألرمز]

يالله يقابل صلاة المصلين
تغفر ذنوب سجلت فوق متني

وانك تثبتني على الحق والدين
وان كان نفسي للمعاصي خذتني

 

[ألرمز]

تدري وش اللي ما تجي بالملايين
العافية لا صرت محروم منها

وتدري وش اللي حدها حد سكين
الحاجة اللي ما انت قاوي ثمنها

وتدري وش اللي ما توفي لها الدين
اللي غذاك بصغر سنك لبنها

وتدري وش اللي راجحة بالموازين
سجدة سحر لا ناموا الناس عنها

 

[ألرمز]

ثلاثة لا تقترب منهم ؟
1 : الحصان من الخلف
2 : والثور من الأمام
3 : والأحمق من جميع الاتجاهات

 

[ألرمز]

عن ما بقى فيني سدلت الستاير
الله علي وايامي الله عليها

طفايتي ما هي لقطف الزقاير
لأحلامي اللي دخن الوقت فيها

 

[ألرمز]

صبرت صبر ايوب لو ما ني ايوب
ولافاد تطنيشي ولا فاد صبري

احدن تبلاني وهو كله عيوب
واحدن تحداني ولاهو بكبري

العمر مرة والغلط فيه محسوب
ياللي تبي كسري وفرقاك جبري

دام الزمن دوار والموت مكتوب
يجوز قبرك ينحفر قبل قبري

 

[ألرمز]

تعالي واقلطي والشوق دلة
وريح الهيل من قلبي يفوح

تعالي واسكني بين الحنايا
وشوفي عيني بعشق تنوح

 

[ألرمز]

اصيب واخطي واعتذر كل ما اخطيت
وان جيت تقدير وغلا جيت كلي

لكن متى ما شفت ما عفت صديت
صده جفا ما هيب صده تغلي

 

[ألرمز]

إذا يَوماً عَشِقتُكِ، كانَ حقّاً
على عَينيكِ أنْ تَرجو الزعامَةْ.

أنا رجلٌ إذا أحببتُ أُنثى
أُخلِّدُها إلى يومِ القيامَةْ

 

[ألرمز]

مذ غبت عنّي والحنين يهدّني
وطيوف وجهك لا تفارق ناظري

أتراك يا نبض الفؤاد نسيتني
وقتلت في عمر الربيع مشاعري

 

[ألرمز]

ويقطر من شفاه الثغر توت
رضاب في العذوبة يستميت

يؤذن في ربا الخدين ورد
وصلى في روابيها القنوت

ويبلى في لحاظ الغيد حسن
وحسن الروح حتما لا يموت

 

[ألرمز]

لا صار طب البرد ضم الحبايب
الله يعين اللي حبيبه مجافيه

واللي حبيبه دوم مبعد وغائب
ما اظن حتى النار ممكن تدفيه

 

[ألرمز]

يورد لا تخجل وتذبل من الشم
ما شفت شي يورد للحين توٌك

باقي تشوف اللمس يورد والضم
اذا قطفتك من تحت وعلوٌك

واذا انتثر من حولنا الشوق والتم
هاجت مشاعرنا بضعفي وقوٌك

ثم التقى من بعدها الفم بالفم
وزانت علومك بعد ما زان جوُك

 

[ألرمز]

تلحق على بعض الرجال الملامة
اللي بمشيه ما يقدي مواطيه

اللي يتيه بليل عذره ظلامه
واللي يتيه الصبح وش يعتذر فيه