حذفت رقمه قلت لعلي انساه

[رااشد]

حذفت رقمه قلت لعلي أنساه
لا صار مشغولٍ ولا هو برايق

ولقيت رقمه داخل القلب بأقصاه
منحوت في قلبي بعدة طرايق

في وسط شرياني وهالفكر يقراه
اعداد ما مرت عليه الدقايق

فكيت أزارير الغلا لأجل طرياه
ثوب الغلا لأجله علي صار ضايق

جردت له احساسي والحب عراه
عقب الخفا ما عاد للكتم طايق

أبديت بالتدريج ما صدري أخفاه
وأثبت له حبي وشرحت بوثايق

نثرت ماء وجهي ودفّقت له ماه
وكشفت له حبي بحق وحقايق

أدمنت حبه رغم هجره وفرقاه
أدمنت أحبه وكن قلبي حرايق

خمر الغرام جنن العقل وأغراه
وجمر الهوى أحرق قلوب العشايق

ما كني الا خايع السيل جافاه
والا صحراء عقب ما هي حدايق

كيف العمل في حالتي ومثل شرواه
لا صارت ظروفي و هالوقت عايق

ما كنه الا روحي و قاسمتها إياه
والا وريد القلب للدم سايق

لا هو تقدم لي ولا اللي ابعد اخطاه
قلبي وروحي في فضائه علايق

مرات أقول هذا عشقي وأنا أهواه
ومرات أقول ماني للعشق طايق

يا كيف بحيا بدون شوفه ولقياه
معذور قلب العشق لا صار ضايق

م ن

 

[رااشد]

 

[ندى الورد]

كلمات وانتقاء جميل دمت
بخير كل الود والاحترام

 

[رااشد]

كلمات وانتقاء جميل دمت
بخير كل الود والاحترام

انرتي مديرتنا
كل الشكرر
على مرورررك
الانيق

 

[بنت السحاب]

دائماً أنت تثرينا بذائقتك العذبة وإختيارك الفريد..،
@رااشد
شكرا لك ما ما تجود به من أدب منقول..

 

[رااشد]

دائماً أنت تثرينا بذائقتك العذبة وإختيارك الفريد..،
@رااشد
شكرا لك ما ما تجود به من أدب منقول..

انرتي مشرفتنا الموقره
كلك ذووق