انفاس في سطور

[عابر السبيل]

هو سيدهن والكل حوله مماليك
تشبه لبدرن من على الشط تواق

يالله عسى عين الحواسيد تخطيك
ياللي كما مسك ن على الكف دفاق

ياكم تطلب م الوصايف ونعطيك
راعي جديلن من على المتن ينساق

عابر السبيل

 

[عابر السبيل]

يالله بذكرك بالمثيله تبديت
ياعالمن في سر الايام واحوال

البارحه في نايف الجال عديت
وانظم من االابيات في طيب الفال

لا يابعد حيي من الناس والميت
لا يابعد من يلبس القرط والشال

كم ليلة في طلة لك تحريت
وكم بدر ليلين في حراويكم هلال

عابر السبيل

 

[عابر السبيل]

مذكور بالخيرات يا ماضي الشوق
رحته مع الايام عني ولا جيت

وثوب الصبر ياحلو الاعيان مشقوق
ماغير اغني كلما اصبحت وامسيت

مات لنا عندك مواعيد ووثوق
ولا بقى منها ظويل الحتاحيت

ياهايف الخصرين والقد ممشوق
ياكم تعنتني الليال وتعنيت

عابر السبيل

 

[عابر السبيل]

كم ذا يلومك من تمنيت يرضيك
ويا كم يرضيك اللي تمنيت لومه

وياكم من نومك غثيثن يصحّيك
في ساعة ن ودك من الغط نومه

الله ياللي كل حرفي يناديك
كم استلف م الورد فاخر كمومه

بالود ودي كان اقف واحييك
وانشدك عن حبي واخر علومه

من عاشرك ما اظن يومن يخليك
والله يلوم اللي بحبك يلومه

عابر السبيل

 

[عابر السبيل]

من وين هالالحان يا شادي الطير
كنك تقطّع من فوادي شلايا

الليل ذاغير وساحر اللحن ذا غير
كم ذا تسوى في نياطي سوايا

كنك تسمّر في الخوافق مسامير
واشربتني م الكاس سم الحيايا

واليوم يا فنتور وين الفناتير
كن الدهر اخلف وعود ونوايا

قطعت من جيبي رثيث الازارير
ولا جيت يا وقت الشقا في منايا

اهريت رجلي في طويل المشاوير
ويشكي فواد الشر مني حنايا


عابر السبيل

 

[عابر السبيل]

ياحي هاك الشوف يا منير حيّاه
لايا بعد حيي من الناس والميت

كم اذكره لا جيت بالود انساه
لا يا بعد من يرهج النور بالبيت

يا كاتبن حرفي على ظهر يمناه
خليتني نارن تغدى على الزيت

ياكثر في بالي جميلن من اسماه
يا مفتت الخافق على النار تفتيت

عابر السبيل

 

[عابر السبيل]

مريت ادور من عطور الدكاكين
عطرن هويته من سنينن مضني

ياكم في عطرك كثير المجانين
تذكار ماضن في الحنايا يعني

من شان حبك ساكنن في الدواوين
مثيل انس قد تولع ب جني

واليوم مادري ساكنن انت في وين
وين انت ياعذب اللما ثم ويني

يامقدمي قد لاح بك لي تلاوين
وقد اخلفت مني لياليك لوني

عابر السبيل

 

[عابر السبيل]

طارد سرابن بالخلا يشرب الريح
يا سندباد الدرب وين النهايات

تقوم ما بينات الاسطار واتطيح
تلحف لكلماتن وتفرش لكلمات

تقبل بك الايام نوبات واتشيح
كنك وكيلن بالخلا وال مسافات

ياكم ليلن توسدت للشيح
وهوجاس ليلن يرتحل فوق نسمات

عابر السبيل

 

[عابر السبيل]

دارن نساها الوقت جزر السوافي
تعوي عليها الريح في مظلم الليل

تبي العوافي مير مابه عوافي
وانا عليها الحق القيل بالقيل

كم ينتهي بك م المسافه طوافي
بليلن نجومه كنهن القناديل

ياوقت ماجاها من الشين كافي
ماعاد في دار الهوى حولن ولاحيل

عابر السبيل

 

[عابر السبيل]

مسيك بالخيرات يا سحر هالليل
خيرن صباحك ثم خيرن مساكي

لون الذهب يلهج بلون المجاديل
ياقصة الاحباب منهو رواكي

عطرك يجنن ناديات المناديل
ولا هوينا يالغريبه سسواكي

قالوا طويل الليل هجس التعاليل
ونا على هالليل بالحب حاكي

صفحة غرامن لحنها لي مواويل
ياصفحة الاحباب منهو طواكي

عصر الهوى ياحلو حط ن معا شيل
ياليلة الغالين قلبي سراكي

ياكم قلبن يشتكي الهم والضيم
ويا بسمة الاصباح وش هو وراكي؟؟

عابر السبيل

 

[عابر السبيل]

لله حس ن قد كتبته بالاسطار
تلقى طيور الصبح حولك تغنيه

كنه يدندن لك على الدف والطار
يشبه نقاريش بكفك تحنيه

والشاعر اللي راح مع درب سنمار
تاخذه في حبك ليالن وتعطيه

سلام يا طيرن نوى اليوم سنجار
عندي سلام كان ودي توديه

تحت انا حرفه على جذع الاشجار
مجروح قلبن حامي الشوق حاديه

وين انت ياللي تجمع حروف وانوار
كلن يغني م البلاوي ب واديه

عابر السبيل

 

[عابر السبيل]

سريت هاك الليل م الدار عايف
انهم صريم الليل والبرد قاسي

مابين مجروح الضميرين خايف
كم تولد الايام لك م الماسي

سلام مني يالذيذ الشفايف
يا الذ قطراتن على شف كاسي

كم حافني م الشوق ياحلو حايف
وكم ذا عشقتك دون ربعي وناسي

واليوم عيش اليوم منكم كفايف
ومليت انا م الياس ياصاح طاسي

عابر السبيل

 

[عابر السبيل]

يا طول هاك الليل يا صاح طولاه
ليلن طويلن نام وسطه نجومه

وارعى خيالن من زمان اتحلاه
ماباقي الا ريح تالي اهدومه

سلام ياللي تاخذ القلب تملاه
قد لي زمانن ما سمعنا علومه

ياكم اجوعه م النوى نوب واظماه
غديت انا طيرن ب جوه واحومه

عابر السبيل

 

[عابر السبيل]

أنا هاضني شي ن يحط الفواد شقوق
عجوزن على ميت صوتها ت تله

بعد هاضىني رقص الحمامه على الطاروق
تجيب اللحن اقساط وحينن يجي كله

سلام يا رجمن على اليافعه منتوق
رجمن غريب وحافي الاقدام ب تدله

حداني على الجيات لك حادي ن من شوق
شوق براسي العقل يحدث معه خله

انظر لطيرن شهق بالهواء من فوق
ارعاه حينن واراعي بالوطا ظله

سلام يا قد ن م الحلا ممشوق
وخد ن كما طرد الزهر حط في سله

منها فوادي سنينن لها محروق
امشي وصدري له لاهبه مله

يكفخ كما طيرن اسير الحبل اسبوق
يبغي االخضيرا بالسما شوقن على حله

شربت فنجال الغثا ولا له ذوق
يموت فنجالك ما لقى دله

هني واحدن لا هوب عاشق ولا معشوق
ولاهمه صباب ن جاير من على خله

اسير عينك لا سالي ولا معتوق
يعيش عز ن في مسكن الذله

عابر السبيل

 

[عابر السبيل]

يا هلا واهلين وارحب يا ملاك
ما طرحت من القوافي تجمعك

كم يستلف بدر الليالي من حلاك
وتسحر حروفي م القوافي باربعك

اربع حروفن مبتداك ومنتهاك
صم الحجر لا من حكيته يسمعك

ياللي تخوض الزين بالممشى خطاك
من هو قدر من خوض زينك يمنعك

يا مسلف ن ورد المزاهر من غلاك
تمشي ووردات اللواتس تتبعك

يا جامع ن طيب الحيا وسط الهلاك
يثور بك قلبي كثير ويهجعك

عابر السبيل

 

[عابر السبيل]

الله يا عينن تتبع سطوري
عينن الملاك اللي سكني له اعوام

كم اختلف منها مع الوقت طوري
والساحر اللي ييسكن الورد واكمام

تضفي المعتم من السطر نوري
وعيينن تخج القلب نظره وسلهام

ملاك يسكن بين فل ن وجوري
ثورة صبابه بين الاشعاع واظلام

عابر السبيل

 

[عابر السبيل]

ياللي عليك الحور تاكل شفاها
ياعود ورد وخالط العود ليني

يوم انت ترقص مع هبايب هواها
لزمت انا قلبي معا كفتيني

حفيف ريحن لحّنت لك غناها
وقلبي وروحي لك غدن طبلتيني

همومي معا ليلي وقلبي عشاها
ياصاحب النقطة غدت نقطتيني

كم تفقد نجومي بصبحك سماها
غرايبن هامت على وجهتيني

عابر السبيل

 

[عابر السبيل]

تكرم ديار الخل زودن على الغير
تكرم عشان اللي بيومن سكنها

حبات رمل ن كنهن الدنانير
من عاد يدرك يا حياتي ثمنها

الله يذكر ماضي الدار بالخير
تهواه غيدا يومه انه وطنها

راحت كما احلامن وسيرة اساطير
احلام خير الوقت فيها ومنها

ماعاد يمشي لك بدربك مسايير
كن الليالي غيرت بك سننها

كم ذا يحير بسطر حبي تعابير
حتى القصايد مات منها لحنها

عابر السبيل

 

[عابر السبيل]

ما اكثر هموم الليل يا ساهرن فيه
هموم تشبه نجومن تراعيك

الله ياللي دم قلبي ب كفيه
ابدي على الله يا رفيقي مشاكيك

لا يا غريبن نبع العسل بين اشافيه
جمر الشفايف والبرد بين اشافيك

ينوم سحر العين من بين رفّيه
وانته سلامن بالتبسم لغاليك

تشب نارن بخافقي دوم واطفيه
وكم ذا يعود الصلو من بعد طافيك

عابر السبيل

 

[عابر السبيل]

لله ذكرى ن في حطيم الليالي
تجتاحني حينن كما نسمة الليل

كم تاخذ الايام م القلب غالي
وياكم تملا فوادك يالمغاليل

سلام يا ريقن من الشف حالي
فنجال واحلى ماشربت الفناجيل

لاتبدي اهمومك على سمع سالي
ترجع وقلبك خالي ن م المحاصيل

ايه ايه يا سينن تجاور ودالي
ويادمع عينن يارثنه مناديل

الله ياقطر ن على الخد مالي
وعينن تمنى لمسها مكحل الميل

عليك ابذر غالي ن من حلالي
عقب الرزانه صرت مثل المهابيل

عابر السبيل