انفاس في سطور

[عابر السبيل]

كم ينخلع قلبي على شوف باقيك
لو كان مالي في البقايا فوايد

بالخير ياقلب تزوجت ماضيك
يا معانق ن بالليل خاوي الوسايد

ليتك تطيع اللي عن الغي ناهيك
ماكان ذقته من الهم زايد

من عاد في قلب المظامي بيسقيك
لاصار ما ترويك هتن الفرايد

عابر السبيل

 

[عابر السبيل]

طلة يناير يارفيقي بالابواب
قم بهّر الدلة واشعم لنا النار

تالي ديسمبر ذالف الرجل بالباب
وكنه اتعبه يا صاحبي طول مشوار

وانته وانا ياصاحبي مثل الاغراب
تدنيك دار وتبعدك مثلها دار

مسيك بالخيرات يا عذب الانياب
اشتقت لك يا متعب القلب والطار

ارني لدارك كن بالحب محراب
واسأل عن الاحوال وش عاد لك صار

مثلي كما الناسك على جدار سرداب
يمضي زمانه ب ك تذاكير باسحار

يازاع الخدين وردن وعنّاب
لله يا حلوون خذا السر واجهار

عابر السبيل

 

[عابر السبيل]

في صحبة الفنجال والجو هادي
ونور الشموع اللي تهادى مع الليل

الجو يافنجال ماهوب عادي
فنجال ما يشبه جميع الفناجيل

ثم انفتح للقاف ياحلو وادي
حلو القوافي حولت كنهاالسيل

صبحك يغنيها من الطير شادي
قام يتخير م اللحن لك مواويل

الله ياللي ريحها مثل كادي
الله وكيلك وين ذيك التعاليل

يا مدور السلوان في كل نادي
عليك ادلل باكي القاف تدليل

عابر السبيل

 

[عابر السبيل]

الصامت اللي يفضحه رمش عينه
احلى السوالف بالعيون المظاليل

تزجر امواج اليم بيني وبينه
تموت دونه عاسيات الرواحيل

لحظ الجميل اللي تحبه سنينه
كم ذا يحبه ظلمة الكحل والميل

اغار من كاس ن تشيله يمينه
كنه يدلل صافي الكاس تدليل

عابر السبيل

 

[عابر السبيل]

كم تخلف الايام وعد ن وميثاق
وياكم يسر ن عسر الليالي توطاه

وكم تذهب الاشواق قلبن لمشتاق
وشي ن تبيه وغادر الوقت ما اعطاه

عابر السبيل

 

[عابر السبيل]

بالخير يابرقن سرا صوب الاحباب
من حب خلي قلت للبرق لبيه

وانا كما الخيمه عمودن بلااطناب
عصف الهبايب كل صوبن وتلويه

عابر السبيل

 

[عابر السبيل]

ياكم نخم العلم نوبن ونخطيه
وكم تخلف الايام بعض الهقاوي

ياطالبن م الوصف والوصف يعطيه
وثليل شعرن كنه الليال ظاوي

وامواج سحرن والمراميش شطيه
تخليك عاشق م المجانين غاوي

عابر السبيل

 

[عابر السبيل]

في ذمة الله يا عتيم ن سهرته
السر يا ليل الهوى راح مفضوح

جاك الصباح ومات كل حرفن كتبته
للصبح في شرق الهوى طلة الضوح

الله ياللي كل ساع ن فقدته
يرحل معك يا ساحر العين لي روح

فقدت انا واياك حبل ن عقدته
واصبحت انا لغزن يالايام مطروح

ياليت وقتن راح ياحلو عدته
وسلمت من ليلن به البوح والنوح

عابر السبيل

 

[عابر السبيل]

عتبى الجميل اللي من البعد زعلان
على عشيرن ابعدته الليالي

القلب من شوقي لها حيل مليان
والكف منها من غثا الوقت خالي

شف الحزين من الحزن بس سلوان
ياحظ من يمشي من الهم سالي

ياساكنن بالغيم مافيه عنوان
في حالة ن مثل الحرام وحلالي

غديت للقيفان ياصاح ديوان
واملا من الابيات حامي دلالي

يا شمعدان الليل ليش انت سهران
كنك دريت اني حزينن ل حالي

اوزع الالحان الوان وافنان
والقلب يمك ياغلا الروح بالي

كم اتذكر ماضي ن منك قد كان
ماض ن مضى لي م الليالي الخوالي

كم ذا يلوع القلب جنات الازمان
صارت كما نقصن تمنى الكمالي

عابر السبيل

 

[عابر السبيل]

من جعبة الشاعر تساقط له ابيات
وياتي الصباح يلم منها شتاته

منهن بواكي وبعضها منه بسمات
واحيان وصفن للمشاعر وذاته

كانت لشاعر م التهاميم وصفات
واحيان تضفي للجميله صفاته

كانت تغني تالي الليل حيات
واليوم ماشوف انا الا رفاته

واسمع حفيف الريح روحه وجيات
تعزيك في كل بيت ووفاته

عابر السبيل

 

[عابر السبيل]

اسأل دهايليز الطلل عن خيالك
وانشد حفيف الريح ياصاح وين انت

افتي فوادي عن حرام وحلالك
قد كان لي شك ن بها ثم تيقنت

عسى زمانن ممكنن واستحالك
يرحل يسسارك لا مضيت وتيامنت

ينقص جمال الناس ساعة كمالك
واخفيت حبه بالمضامير واعلنت

عابر السبيل

 

[عابر السبيل]

ينصك باب ويفتح الله لنا باب
وما راح منا عند ربي بداله

كم فرّج الله من صعيبات الاكراب
وكم بدّل الله حالة ن عقب حاله

عابر السبيل

 

[عابر السبيل]

طاب الكلام وذعذت ريح الاشعار
ماناقصن ياكود قوس وربابه

سلام مني يا لذيذات الاسطار
ماجابت القمري على الغصن جابه

عابر السبيل

 

[عابر السبيل]

خذ ما تريد وخل لي بعض الاحساف
مسير ما تاخذه الايام تعطيه

يا مبسمن فيه الشهد صار مرشاف
وشيلن تشيله يا انجل العين حطيه

الله واكبر ياغريبات الاوصاف
وعين السحر والمراميش شطيه

عابر السبيل

 

[عابر السبيل]

وقف قليل ومسّني بس بالخير
مثل مانا من الحساير ممسيك

مع طلعة الاصباح كم لاعني طير
وكم ضاحكن يا طلعة النور يبكيك

بالقلب شوقن مثل لجة عصافير
ودي اعاتب او من الجور اشكيك

سلام مني ياغنوج الفناتير
وشبيك ياحلو اللما والف لبيك

ابعد زمانك ياعروس المزاهير
وامحل زمانك واختفى منه شطيك

عابر السبيل

 

[عابر السبيل]

سلام مني يا رياح المدينه
ويشمل سلامي م المحبه غواليك

كم تشقي المشتاق ياحلو عينه
وكم ذا تحب الروح ريحك وطاريك

والشاعر اللي راح سبة حنينه
عسى سنيني ياغلا الدار تكفيك

عابر السبيل

 

[عابر السبيل]

ياطول طول الليل وماكثر ظلامه
من كثر ليله يحتضرن المصابيح

وكم شمعة ن ماتت بتالي سلامه
وكم انعست به عيونن ذوابيج

سلام ياللي طلسمه في كلامه
عيون الغلا صوبك هيامن مشافيح

يضحك ويخفي وسط خده علامه
ويبييح الخاطر من الزين تبييح

كم يلحقه مني جزيل الملامه
وكم في طريقه همومن وتبريح

عابر السبيل

 

[عابر السبيل]

يكفيك من جور الدهر فقد الاحباب
وسهر الليالي يالعيون الوحيده

يبقى التذكر م الغلا غايبن غاب
ثم تكتبه حس ن بسطر القصيده

تشبه لبيتن بين المغنين قد شاب
ويشتد شوقك في بيوتن جديدة

بالخير بالخيرات يا رحل الاغراب
وزولن فقدته كود ربي يعيده

كم خاطرن يهلك من الوقت ماطاب
يشعل ب جوفي من اللهايب وقيده

عابر السبيل

 

[عابر السبيل]

ياصاحب الصورة على صامت اجدار
ياالله عساها بسمة ما تولي

كم في التبسم بعض الاحيان اسرار
يشرق لها وجهن تلون ب فلي

ياغلى خيالن حاط له ورد وازهار
يضفي خيالك ميزة ن في محلي

عابر السبيل

 

[عابر السبيل]

وش هو جديدك يا جديدن من العام
عسى جديدك مخلفن عن قديمك

عسى السعد لك في مقابيل الايام
ويسعد مع النجوى ليالي نديمك

بالخير ياوردن يخزن العطر باكمام
ويحرك الاشجان هبة نسيمك

عابر السبيل