أنا جنون الهوى ياكل وجداني

[رااشد]

الوقت والموعد على شانه
مشتاق والشوق سراني وعناني

وصلت للموعد الراقي قبل وقته
ودي اشوفه واشوف ايشلون يلقاني

ولقيته من الحنين وصادق اللهفه
تسابق الريح خطواته على شاني

وضميته لصدري ودمعي نزل مني
يامجمل الشوق لامن صار متفاني

وحارت حروفي وعيني بس تناظرله
ومن الخجل ماعرفت اقول وش جاني

وحاولت ارتب كلامي وانطق حروفي
وذكرتلي بيت قلته قبل يجفاني

ارحب هلابك عساك بخير وشلونك
يالغايب اللي خذيت القلب واشجاني

تعال وقرب وسولفلي عن اخبارك
وعن غيبتك وينها يالقاطع الجاني

ماهزك الشوق محدن جابلي طاري
ماسمعوك اخر ابياتي وقيفاني

من دونك الناس ماتسوى ولا حاجه
ماغيرك اللي سكن قلبي وشرياني

في حبك انا غديت العاشق الهايم
اناجنونالهوىياكلوجداني

تعال ودي عن غيابك اسولفلك
وشلون عشته وكيف البعد شقاني

كني غريبن يعيش الغربه المره
يقضي الوقت والايام وحداني

ولا يتيمن نزل دمعه عشان امه
فاقد ومن جور ماهو فاقد يعاني

اساير الوقت لو هو دوم يهزمني
ولو ثقل حملي تشيله عني امتاني

يكسرني الشوق لامن غبت عن عيني
وادورك واعرف انك ساكن اجفاني

كتبت فيك القصيد اللي يسريهم
الين صرت الحزين بواقع احزاني

واليوم ياحيك وياحي هالموعد
ياللي خذيت الغرام وصادق اشجاني



م ن​

 

[رااشد]

 

[ندى الورد]

كلمات وانتقاء جميل دمت
بخير كل الود والاحترام

ذائقة رراقية راشد

 

[رااشد]

كلمات وانتقاء جميل دمت
بخير كل الود والاحترام

ذائقة رراقية راشد

انرتي مديرتنا
كل الشكرر
على مرورررك
الانيق

 

[بنت السحاب]

سلمت يدينك
@رااشد
الله عليك إختياراتك للقصائد روعة
تعكس ذوقك الرفيع وذائقتك الصعبة

 

[رااشد]

سلمت يدينك
@رااشد
الله عليك إختياراتك للقصائد روعة
تعكس ذوقك الرفيع وذائقتك الصعبة

شاكر مرورك
الانيق بنت السحاب