انفاس في سطور

[عابر السبيل]

ياطول هالشارع ويا قل ماشيه
تسهر مصابيحه معه كل ليلة

الناس نامت وانا من صواحيه
وكل ن يعاتب بالمصدّه خليله

احيان يلقى هامل القلب ماضيه
واحيان بيته في الشوارع يشيله

واحيان يبكي من زمانه خواليه
وعصرن تولّى مايجي فيه حيله

ياكم افل القلب حيران واطويه
باق ن بقلبي لك م اللواعج فتيله

يموت بعض الليل والموت نحيي
والتايه اللي ضاع لاجلك دليله

خيم ظلامك والمصابيح تتضويه
وترعاه عينن م السهر له كليله

ضاعت خطاوي الليل من رجل ماشيه
ولا لي على لاماك فرد الوسيله

الله ياللي اضحكه ثم ن ابكيه
ماعن في بالك رفيقن تجي له

لو انت بيتن راح عمري واغنيه
ولو انت حرفي صار سطري خميلة

كم افقدك لا من عطى الليل تاليه
ويجلب علي الهم رجله وخيله

يكتب فوادي والاحاسيس تمليه
حرفن واطفي م اللواهب مليله

الله ياخدن لادن الطل يسقيه
وعينن هدبها فوقهنه ظليله

لو هو يجي بالسوق والله لاشريه
يدفع بها المفتون جل الحصيله

مير البلاء ماعاد ندري باراضيه
وديارها وشم ن والهبايب تشيله

رسوم المباني حرف والذواري بتمحيه
تشيلها هب الهبوب ب شليله

يدمدم لها رعدن والمسايل جواريه
وريح الندى بن ن تنفس ب هيله

بعض المباني شاهدات ن سواريه
تحكي زمانن ما جرى لي مثيله

عابر السبيل

 

[عابر السبيل]

نصف القمر بالبيت ونصفن على الباب
قسمت نورك ياغلا الكون نصفين

وطرف البنان اللي سلب مني ألباب
اخفى اليسار وبان منه الميامين

بابن لغاوي القلب يشبه لمحراب
محراب ما يمم تجاهه مصلين

ياكستناء اللون من تحت جلباب
اسألك انا ياكيف تجمع للونين

طيور الهوى عندك تخلت عن اسراب
خلو لي الهجرة وصاروا مقيمين

خليت عيني لك على الخد ميزاب
للدمع ياحلو اللما فيه دربين

انا معك حرفن يعيشك بلا كتاب
مناه يومن سطر وسط الدواوين


عابر السبيل

 

[عابر السبيل]

قالت من انت ؟وقلت ضيفن على الباب
جاه الظلام ولا لقى له معازيب

انا بان طلبته حبة ن قال ما اناب
وانا ان طلبته ضمة ن قال ما انيب

ونجلن اليا لجلج بها عذب الانياب
اصبح كما جني تواجه مع الذيب

 

[عابر السبيل]

راحت سواليفي معك مثل تذكار
وكم ذا ذبحني التذكر لماضيك

الله ياللي كنها ريح الازهار
تفرح نسيم الصبح لعاطر شواذيك

ياصاح ياللي كنها حفلة انوار
يهرب ظلام الليل حضرة خطاويك

كم يمشي المفتون بالعمر مشوار
وكم ذا يشيله للهوى لك طواريك

يمكن يجي يومن يجي الدار زوّار
يازاير الاحباب من هو يحييك ؟

عابر السبيل

 

[عابر السبيل]

شرب ن على غير ا لظما به مغثة
ونومن على نومن شقا كل محتار

يمضي شبابه مثل لوحن وعثه
الزول زوله واللبب منه منهار

سلام ياللي له جديل وكثه
تاخذ بها الارياح روحه ومشوار

روحي سببها م التهاميم رثه
والصدر به نارن تسولف على نار

عابر السبيل

 

[عابر السبيل]

اليوم نور الصبح من خد خلي
هالة خجل في وسطها شارق الشمس

فقدت من نوره خيالي وظلي
واحس نوره شوف او المسه لمس

قام يتفتّق وسط الاكمام فلّي
وريح الصبا تهمس على مسمعي همس

لا يابعد عيني وياكل من لي
صاحت لك اشجانن شكت حامي الحمس

عابر السبيل

 

[عابر السبيل]

يموت صوتي ماوصل لك ولا الشوف
يا انته قريب وابعد الناس مني

عن غير شخصك عامي الشوف مكفوف
بالوصف كني عاشق ن زول جني

اقطع عليك الهجس طوفن على طوف
وابكي ومثلك يارفيقي يغنّي

ياشيت قلبي عن غلا الغير مصروف
وانت الذي لي في الهواجس تعنّي

كني معك حرفن من السطر محذوف
حرفن لباقي السطر يبكي ويحنّي

طويل ظلك مع صلا النار محفوف
كني معك فوق الهماليل كنّي

عابر السبيل

 

[عابر السبيل]

صارت كما حلمن صحى منه راعيه
ومن الحسايف تنثر الدمع عينه

يازين حلمن راح وياحلو طاريه
وفي عالم الواقع تلاشت سنينه

طويل ظلك يلحقه لي مشاريه
وكم اتلفّت الحق الحلم وينه

الله يابحرن غدت لي موانيه
وابي المدينه بس مامن مدينه

عابر السبيل

 

[عابر السبيل]

خلف الشفق يا صاحبي مدفن اشواق
لاغاب شمسه ينتهي موت شوفي

تحيا لي اشوقن معا موت الاشراق
وتموت في وقت الاصباح الشروقي

وقلبن من السكرات ياصاح مافاق
ولا به رجاء انه م الصباية يفوقي

احس حبه بين الانواط ينساق
الله يا حب ن بجوفي يسوقي

كم امضي الاوقات واجم مع اطراق
وكم ذا يضيع بدرب حبك طروقي

عابر السبيل

 

[عابر السبيل]

انشدك يا ظل ن على القاع باقي
ياطويل الظل مين انت ظله ؟؟

ينعاج ظلك في حدود السواقي
وينبت على ظلك من العطر فّله

مشيت لك من نازح الدار شاقي
وجمعت لك من زهر الاشواق سلّه

الله ياراع الخدود النواقي
كنك صباح الخير في ساع طلّه

عابر السبيل

 

[عابر السبيل]

تهيج بي ذكراك مع لحن الاوتار
او نفحة من عطر او ريحة الجو

كم يعتصرني عبرة منك بازفار
مقسوم قبلي بين ليتي معا لو

كن الزمن يرمي على القصة غبار
وتشب في قلبي من الشوق لك ضو

كم من مكان وصلته ضرب مشوار
ذكرى مكانن به زمانن تلاقو

عابر السبيل

 

[عابر السبيل]

ما ابيك تذكر وش جرى ماضي ن راح
ماصار صار ولا مع الوقت حيله

مسيرها عطرن مع الشوق فواح
او سحر بيتن يعجب الروح شيله

يسيح دمعن بعض الاحيان سوّاح
مع كثرها ياحلو يا هي قليله

صارت كما مزن ن نثر ماه وانزاح
بروقه بوسط الغيم صارت فتيله

خابر ك من بين الجميلات لمّاح
ياللي مع الحلوات مثلك فضيله

عابر السبيل

 

[عابر السبيل]

كم يقتسمني تالي الليل طاريك
واطرق لك المسمع ولا اوحيت لك صوت

ليل الشقا ياكم تجيني مساريك
ومسراك ياليل الالم كنه الموت

كم جيت ماشي واتلمّس حراويك
لو كان حبل الوصل ياحلو مبتوت

شي ن يصير اليا لفتني طواريك
اطرق لك المسمع ولا اوحيت لك صوت

عابر سبيل

 

[عابر السبيل]

مسيك بالخيرات يا تحفة الليل
خيرن مساك وخير مثله صباحك

من بينهن ياصاحبي مثل قنديل
حطيت نورك يا رفيقي وشاحك

عابر السبيل

 

[عابر السبيل]

تدوي بي الالحان في عالمن غير
فيه الصدى بعضن من ايام حبك

رنين يشبه في فوادي دنانير
لو كان ماباقي الا قليلك وصبك

اتوه بك ما بين ركم الدياجير
عليل وانشد م المداوين طبك

اجمّع النغمات وادفع فواتير
ياليت ما بالقلب يصبح ب قلبك

عابر السبيل

 

[عابر السبيل]

ياهل ترى مروا عليك المسايير
بيومن وانا عن موعد الحب غايب

عرفت عقبك دلجة السير بالسير
لو كان قلبي من غثا الغير طايب

مريت ودي شم بعض المزاهير
زهرن عطوره يشتريها الحبايب

في عالم الاحباب لحني تواتير
شبابها احيان م الصد شايب

عابر السبيل

 

[عابر السبيل]

هو انت تذكر فارع الطول عابر ؟
مسك الاديم اللي سكن لك قصيده

عيونه مع الابيات تصبح محابر
بيته مع الحلوات قصر ن يشيده

خيال شاعر من زمان الغوابر
تغنيه قمري ن براس الجريده

عابر السبيل

 

[عابر السبيل]

الله يا ردنن قصيرن على الزين
تلوحه الارياح مره وترخيه

ينثر جماله من يسار وميامين
ياخذ جماله من فوادي ويعطيه

اليا عبر قلبي ب كف الشياطين
وانا كما حرفن بسطرك تخطيه

الله ياجامع قاسي الطبع واللين
راح العمر ما بين يمكن وبلكيه

عابر السبيل

 

[عابر السبيل]

ياحلو وادعني ترا الربع ماشين
مقسوم انا مابين شوفك وفرقاك

على المدينه ماشي الربع ناوين
وجدي على شوفك ووجدي بلاماك

مضى على شوفك من العمر عامين
واكتب على دربي من الشوق اسماك

الليل عقبك في ظلامه ظلامين
واموتك احيانن مع الليل واحياك

عابر السبيل

 

[عابر السبيل]

يسلم اللي كلما قلت لبيه
تقول يا محمد تلبي ب مكه

لبيك يا حلو الللما والف شبيه
عرفت عقبك م القسا الف سكه

عابر السبيل