انفاس في سطور

[عابر السبيل]

اللي يوافي بالمودات وافه
ومن جنّبك خله ولو زعلت امك

لا خير في ودن يجي بالكلافه
تدفع ظما قلبك ولا هوب يمك


عابر السبيل

 

[عابر السبيل]

المستعان الله يا نحيّل العود
شكلي خسرتك والخلايف على الله

بغيتها جودن ولا حزت انا جود
وكم واحدن يبغي الغلا ماحصل له

عابر السبيل

 

[عابر السبيل]

نسيت ا نا وش لون شكل الوسايد
اقفر بها عهدن تولى له اعوام

لو ما انت غالي ما طرقت القصايد
واحفيت في سطري عشانك لي اقلام

عابر السبيل

 

[عابر السبيل]

مره في مقهى مفتوح في خارج المملكةرأيت رجلا عجوز يمشي بين الطاولات ويبيع الورد وكان وردا جميلا جدا فكانت الفتيات تهافت عليه وتشتري منه وكان بالكاد ان يلتفت فقد كان محدب الظهر طاعنا في السن عليه علامات البؤس والعوز ,وكان الشبان يشترون منه لفتياتهم والفتيات لفتيانهن ,جال في فكري هل اشترى هذا العجوز يوما ورد لمحبته او لمن احب ؟ ياللزمان من شئ غريب من يدري فقد يكون اشترى وردا وهو شاب واليوم يبيعه وهو عجوز
هنا طرت لي هذه الابيات ادعكم واياها بدينار من حس .

يبيع ورد ومحدبن كنه القوس
وحلو الصبايا تشتري منه ورده

يا صاحبي فعل الزمن كنه الموس
الفعل فعله و المواضي بحده

انشدك يا عودن جلس جنب طاووس
تاخذ من وردك بكفن تمده

دنياك يا عود الشق كلها حوس
ما خذت م لدنيا لزومن ترده

و اليوم اشوفك محدبن كنك القوس
و حلو الصبايا تشتري منك ورده

عابر السبيل​

 

[عابر السبيل]

خفيف ظل ن كنه الريش سيّار
تتل ردنن م الحلا يسلب الناس

مثل الفراشة لابغت حلو الازهار
رفيفها يجلب مع الصحوة انعاس

من شانها حسي مع القاف دينار
دينار يرجح في الموازين بالماس

عابر السبيل

 

[عابر السبيل]

انت الذي صكيت لي باب الاشواق
وقطعت حبل ن م الرجاء كان بيدي

وباقي بقايا حس في صفح الاوراق
اجول فيها الشوف مره واعيدي

صارت كما شمس ن على قبر الاشفاق
اضفى عليها الليل وعد ووعيدي

لمح التذكر شابهه لمع برّاق
برق ن يلوع لداميات الوريدي

عابر السبيل

 

[عابر السبيل]

دارت بنا الايام حولن على حول
بالعام صوم ومثله اليوم صوم

دنيا ن تزف الهول ياصاح بالهول
طبايع الدنيا على دايم الدوم

كم صايمن بالعام ماداله الدول
العام حي وحاضر اليوم مرحوم

حنا كماسربن م الاطيار له جول
يجتال في جو السماء يدرج الحوم

سهوم المنايا تلحق الفعل بالقول
كم واحدن غصنه من الموت مصروم

عابر السبيل

 

[عابر السبيل]

لاعاد تكثر يارفيقي مشاريه
مافيه من يسوى الحسايف ومشروه

عودت نفسك في دروب المكاريه
افطرت مكروه وتعشيت مكروه

امنولن تسعد على ذكر طاريه
واليوم تعسك ليا هم بالسواليف طروه

بالخير ياللي عاتم الليل ساريه
ماظنهم ليلك على الدرب يسروه

اول حرف الغلا في العشم به وقاريه
ولا عاد لك حرفن على السطر يقروه

صارت يبابن ما بقا الا مواريه
يذكر لبابك من تعداك مرّوه

كن انتهى بك م الحراوي حراويه
مثل القمر بالصبح ما قد تحروه

كم ذا يبيعك واحدن كنت شاريه
وغيرك مع العذروب بالعرض يشروه

لا تامل ان الريح تلفح ذواريه
مثلك هباء ن بالذواري ويذروه

لاخير في خل ن يبين زواريه
ومثلك حشيمن والغريبات يزروه

مسير حالك بالسواليف تدريه
ومها تخفّي فالمخاليق يدروه

عابر السبيل

 

[عابر السبيل]

على طويل الدرب يا مبعد الشوح
خل الهزيله للوجيه الهزيلة

عينك على نجمن مع الليل له لوح
مصباح ليلن ما بغا له فتيله

من بعد زوله يلحق الضوح بالضوح
يشبه لقلبن بين الاضلاع جفيله

كم يبتسم في بعض الاحيان مجروح
لا صار ماله في التهاميم حيله

واليا ضفا ليله خلط بوحه النوح
ياكم بيتن في الليالي يشيله

عابر السبيل

 

[عابر السبيل]

ياقلب وش ظنك بمن هويته؟؟؟
ودي تفكر في صروف المخاليق

كم تكتب اللي كان يومن محيته
اللي يحدك في الليالي على الضيق

سلام يا بيتن تعبت وبنيته
صرته كما شملن تعرض لتفريق

اخر ليال الشر معهم حييته
وودع لهم ن طوق القلب تطويق

عابر السبيل

 

[عابر السبيل]

على جناح اللحن شلني اغاني
وشنف مسامع هالجبل تالي الليل

اصبحت عقبك نبع يزخر اماني
نبعن حياته يارفيقي مواويل

إن هب شام الريح والا اليماني
اصبح خيالن حطه الريح ويشيل

كم ذا ضحكني فيك يومن بكاني
دموعن ورثها لك رهيف المناديل

حطيت في عيني بحزنك سواني
وكم بعت دمعي لاجل عينك فناجيل

ليته زواك اللي بعصري زواني
وكم للدهر يا صاحب الوزن من كيل ؟؟؟

عابر السبيل

 

[عابر السبيل]

ذكرى ن تزن بخاطري كل ليلة
ضيفن على الحاضر يجي ماضي احساس

بعيد لكن خافقي له دليله
احيان همس وبعض الاحيان وسواس

ياشيخ عيني من حزونك كليله
ياكل بصدري حامي النهت انفاس

المستعان الله راعي الجديله
حرير موجن كنه الخز واللاس

عابر السبيل

 

[عابر السبيل]

يازحمة همومي عطي الدرب لانفاس
ودي معا هالضيق في تل ونّه

ونة عليلن قد شكا م الدهر باس
ونّات قلبه مثل فرض ن وسنّه

الله يا دمعن كما فصد الالماس
وقلبن كما طارن بكف ن يدنه

زينك كما تاج ن شعاعه على الراس
تعطي جمالك زود من غير منّه

يفداك من يمشي على القاع م الناس
يحل في حلك على الارض جنه

عابر السبيل

 

[عابر السبيل]

يا عين كفي هاملك واستريني​	​
​	يا شينها لاصرت سر(ن) ومفضوح​
عبره تمر وعبرة(ن) تحتريني​	​
​	تشبه لثوب (ن) بين الاردان مشروح​
يا بايعي وظنيت انا تشتريني​	​
​	وامشي على دربك ولا ماش مصلوح​
اظماك انا يا صاحبن ترتويني​	​
​	وحظي معك ما بين نوحن معا بوح​
لي لوعة (ن) من هجركم تعتريني​	​
​	مثيل ضو(ن) تعتري يابس اللوح​

عابر السبيل

 

[عابر السبيل]

يمكن يجي يومن تدوّر رفيقك
وتلقى مكانه خالي ن م الملامح

تحتار من واسعن صار ضيقك
ويفجعك شوق بين الاضلاع جامح

فاتت عليك من الوسيعة طريقك
ووقت توده صلح قلب و تسامح

تفيق في ساعة ن ما تفيقك
ساعات فيها ما تطول المطامح

عابر

 

[عابر السبيل]

سلام يا بيتن من الحي خالي
سلام لو ما انته ترد السلامي

اجيك ادّور م السنين الخوالي
ولا تسألي يادار وش هو علامي ؟

انا سؤالك ثم انتي سؤالي
وانا نهارك يومي صرتي ظلامي

ياكم اصفف في وجارك دلالي
وكم هاضني بك من لحون الحمامي

لك منزل في خافقي حيل عالي
وياكم اجمع لاجل عينك كلامي

عصف الجنوب اللي تشابه شمالي
تلعب على الابواب من كم عامي

وحشة ظلامك تختفي به جمالي
وكم تطمس القمرا فلول الغمامي

تبقين نقصن مالقى للكمالي
عقب الذي عينه في لحظها سهامي

عابر السبيل

 

[عابر السبيل]

يافلان خل السر في القبر مدفون
وانا على اسرارك من القلب اعزيك

ياقلب ياللي لاعبك حد مسنون
ونفس الكلام اللي يجيبك يوديك

مادري هبيل الوقت ولا انت مجنون
متحيرن من بين بايع وشاريك

ياعاشق الاصباح بالصبح مفتون
واليوم اشوفك تنفتن من غداريك

من بين كل اللي يجون ويروحون
الله بلاك ب واحدن هو عزاريك

عابر السبيل

 

[عابر السبيل]

كم تطفي اطيافك على شان طيفك
وتسكر الشباك وتغمض عيونك

وتقول يا طيفن شقاني حفيفك
مصحوب خير ودوّر اللي يبونك

ثم يختلط بردك معا حر صيفك
وتحفر وتدفن في المقابر شجونك

ياكم ضحّى م الموالف وليفك
واليوم دورك تشتبك مع جنونك

يادهر تاكلنا على كيف كيفك
تخوننا ولا شفت انا من يخونك

عابر السبيل

 

[عابر السبيل]

بهّرت انا لك م الاحاسيس دلّه
أقرب وجرب ياحلا الكون فنجال

ياصاحبي همك جلسنا ب ظله
من كبر همك يارفيقي له اظلال

ادريي بصدرك مستديرات علّه
واهدي لك السلوى ولقلبك وتعلال

ياعطيك دربن بس ليتك تدله
نبع التسلى في تواليه منهال

الخير ودي لك بدقه وجله
يجرح لقلبي دمعة ن منك تنهال

هي عادة الدنيا تسوق المذله
مقسومة ن مابين بنت ن ورجّال

عابر السبيل

 

[عابر السبيل]

سيري على مرهوص الاقدام سيري
فوق الوعر وامشي على شايك الشوك

يانفس ياللي حار فيك اتعبيري
ممشاك ب احوك ن على حامي احّوك

امشي وادوّر فوق الاغصان طيري
وقلبي عليه ب قاسي الصخر مفروك

اشر حب ن صار حب الضريري
يضحك عليك اللي مع الدرب مرّوك

عابر السبيل