انفاس في سطور

[عابر السبيل]

ألف ن صباح الخير والف ن مسا ن لك
والاف ما بين المسا والصباحي

عابر السبيل

 

[عابر السبيل]

عطني سهر عينك وتصبح على خير
خل السهر لي وانت نوم العوافي

عابر

 

[عابر السبيل]

إسهر لحالك يا حبيب القوافي
واخطب تزوج م القوافي حليله

في مرقد الابيات ضافي ودافي
وان طال ليلك فالقوافي طويله

ابوح فيها لاعج ن كان خافي
اما يجيك الشوق والا تجي له

عابر السبيل

 

[بابلي الهوى]

 

[عابر السبيل]

صفحات ماضي في دفاتر سنيني
واصير تذكارن ينادي ل تذكار

واعيش زيني بالليالي وشيني
يمرني عمري على شكل اسطار

ياعابر التذكار رمح الرديني
وش عاد باقي بالليالي م الاسرار ؟؟

ياليت منهو باعني يشتريني
واعطيه من صرف المشاعر ب دينار

ياحلوة الاعيان هل تذكريني
فريد قلبن يشتهر بين الاشعار

ياعين كفّي دمعتك واستريني
واخذي معي في ماضي العمر مشوار

لاتفضحي وينباح منّك كنيني
مادامنا زوّار نقطف لنا ازهار

عشقت انا الانوار بعز ن يهيني
واليوم مابه في المصابيح انوار

طالعت يسرى الجنب واخرى يميني
فاضي اليمين ومثله اليوم ب ايسار

الله وكيلك صار ضيفي حنيني
ولا عاد جانا ياحلا منكم اخبار

عابر السبيل

 

[عابر السبيل]

كنه يطّير من فوادي عصافير
جنحانها تضرب على مش جوفي

لا يا نياط القلب زفي تعابير
وياعين كفي م النظر لا تشوفي

مشكاي لله يا جميل الغنادير
اهريت قطن القلب واهريت صوفي

كم فيي لحون الليل لاجلك تواتير
وكم تضرب الحسرات منها كفوفي

كتبت لاجلك م المثايل دنانير
فيها رقيق الحس ياخذ ويوفي

بالله قل لي في المدينه غنادير
من بينهن يا صاحب الحب سوفي

ياما كتبت القاف لاجله تساطير
في ليلة ن فيها الصبابة تحوفي

تشبه لنجم ن ضاح بالليل تنوير
نجوم المجره من وراها صفوفي

عابر السبيل

 

[عابر السبيل]

يادروب الحب قل من هلك
ومنهم اللي بالمقابر ساكنين

كم اسيرن فيك من اول ملك
وكم يعز الوقت حينن ثم يهين

ويش تعداد النجم في مدارك يافلك؟
وكم نجومن في مدارك تايهين

وقفت حاير بس ودي اسألك
دروب المحبه ياغلا تودي لوين؟

يارث الانوار ليلن به حلك
كن نور العمر تاكله السنين

عابر السبيل

 

[عابر السبيل]

على خرير الماي حفلة عصافير
وتايه سحابن تخدعه هبة الريح

وفراش ياللي تلثم الزهر واتطير
الجو كله ياحلى العمر تسبيح

وانا على الاسطار واكتب تعابير
وعيني على غصنن تهزه ملافيح

وقلبي على لحنن يهل المعابير
ودمعن على خدن جرى له تسافيح

ياحظ طيرن لاعب الجو تشهير
يقبل على عيني مع الجو وايشيح

يجهش فوادي كن وسطه مزامير
ويصبح خيالي واسع ن فيه تفسيح

عابر السبيل

 

[عابر السبيل]

ياساحر البسمه بالله قل لي
منهو زرع خدك بوردن وعنّاب؟

من حط جوري الورد في جنب فلي ؟
ووش سر وجهن عليه الحلا ذاب ؟

ليش انته اسبابن لرحلي وحلي ؟
ليش انته اسبابي ووش هن الاسباب

اسكنتي يا صاحبي وسط ظلي
وغديت من حر الصبابات محراب

عابر السبيل

 

[عابر السبيل]

لعلع حمام الغصن بالغصن طربان
ومن حولها منهو بصوته يطاربها

وانا فوادي بين مخلب وجنحان
وعينن على خدي تبدد سواربها

يبيعني لحنن وابيعه بالالحان
الين شمس اليوم تاصل لمغربها

لا لا جراك الله مني بالاحسان
عيني من اسبابك منامي محاربها

كن اللحن ياشادي الطير بالوان
شنفت اذني وطاب لاجلك مشاربها

عابر السبيل

 

[عابر السبيل]

تجي نمضّي باقي الليل سولاف
سولف وخذني م الليالي هديه

الليل زين وجاري الريح منساف
تعال طفي لي م الاشواق حيّه

شنّف مسامع واحدن فيك ملهاف
خذت به الايام روحه وجيّه

كن الهواء لمذولق الشعر ميلاف
واطوي فوادي طيّة فوق طيه

كنك خيالن من وراء النور شفّاف
وكن السوالف من شفاياك ميّه

لا يا ملاكن تعشقه زين الاطياف
عادات قلبي يهتوي شوف شيّه

عابر السبيل

 

[عابر السبيل]

قامت تقاطر من حياتي ليالي
وانا على غصنك من العام ثاوي

كم اشتكي للسطر ياحلو حالي
وبالدوم صوبك يا غلا الروح ناوي

ما يجتمع بالبيت صب ن وخالي
يخلف زمانك لا لفى الليل ظاوي

عابر السبيل

 

[عابر السبيل]

ثوب العذر يا خفيّف الدم مشقوق
ولا بقى لي من التراقيع رقعه

بالخير ياقلبن من اعوام مطروق
كل م انقضى وقعه تلقّاه وقعه

ماينفعك قلبن بين بارد ومحروق
وماياسعك من هم الايام بقعه

احن لك ما حنّت النوق للنوق
وما اروى السراب لظامي القلب نقعه

عابر السبيل

 

[عابر السبيل]

كم يلتحف هالليل م الوسن ردنه
ولا بقى لليل ياكود ظلماه

وبالصبح له ظل ن طويلن ل مدنه
بالليل موته ثم الاصباح محياه

كم يجتمع بالظل صوفه وقطنه
وبالصبح نذكر ماضي الليل عشناه

انا اشهد انك بين الاحباب فتنه
وكم يختزن بك خافي اللغز معناه

عابر السبيل

 

[عابر السبيل]

باقي على دربك من العطر باقي
متناثر النفحات من فوق ظلك

ظلك يشابه ناديات السواقي
وينبت عليها م العطر نوع فله

اوقفت فيها م التذكر ل ناقي
وكم يذكرك رحال دربه وحله

الظل كنه غشوتي يا فواقي
ياريحة البن المسمى ودله

زفرات مني لك حدور ورواقي
ياحايز اللمحات دقّه وجلّه

عابر السبيل

 

[عابر السبيل]

استرك ياعيني ولا تستريني
في ساعة الاحزان يا انتي فضيحه

كم ينفضح في شوف خلي كنيني
واكتمك يا شوقي وترجع تبيحه

نهبت مني يا رفيقي سنيني
وضاقت عليّه من الفيافي فسيحه

يبيعني طار الهوى و يشتريني
مادري اسير الصب والا طريحه

يجتاحني بك يا رفيقي حنيني
سلام ياراع العيون المليحه

عساك يومن بالغوى تلتقيني
ويجود بك وقتن كفوفه شحيحه

إن مت في كف الغلا واكتبني
واصبح لعشاق الصبايا نصيحه


عابر السبيل

 

[عابر السبيل]

ياجعل رب ن حط حبك بقلبي
انه يقدرني على يوم وانساك

يا انت داءي م الخلايق وطبي
ياللي غصوني ميّتات ن على ماك

بالليل نارك في فوادي تشبّي
وياكم اجوعك ياغلا القلب واظماك

اشكيك ياحلو اللما عند ربي
ياللي مماتي اصبح اليوم محياك

ياكم تساوى فيك جمعي وضربي
سبحان رب ن بين الجميلات سوّاك

كم يجتمع بك شرق عمري وغربي
حتى شمالي مع جنوبي من اشياك

يمكن يجي يومن تطيح وتحبّي
واكتبك انا في فهرس الحب وامحاك


عابر السبيل

 

[عابر السبيل]

روّح عسى ربي يجيرك ويحماك
جرب طريق ن يا رفيقي مشيته

ب تلقى على دربي بقايا من اسماك
وشريد وردن يا حياتي شريته

تهوى جميل الورد والورد يهواك
واللي كتبته في طريقي محيته

اذكر لشاعر قام لاجلك وحيّاك
الشاعر اللي في فواده كويته

كم ذا اقول اني مع الوقت بانساك
واذكرك انا مع كل شي ن نسيته

مع الاغاني يفرس القلب طرياك
وافل لك كل ظرف ن طويته

كم ذا مشيت ورغبة القلب واياك
وياكم بيتن م القوافي بنيته

ريح الندى مع طلعة الصبح ريّاك
واذكرك انا مع كل صبحن حييته

واليوم روّح والي العرش يحماك
وجرب طريق ن يارفيقي مشيته

عابر السبيل

 

[عابر السبيل]

اذكرك بالخيرات يا غرشة الطيب
لو كان انا ماشفت مع ريحتك خير

تاخذ لفكري م التفاكير تغريب
في عالم الذكرى يجي له مشاوير

الله يا وردن سحر له يعاسيب
تطير حوله بين يمن ومياسير

الوان طيفك بين بعد ن وتقريب
كن العطر من وسط جوفك دنانير

عابر السبيل

 

[عابر السبيل]

لا يا سؤال الليل من هو يحلك ؟؟؟
بالصبح ما القى لك بدربي مواري

حطيت ظلما الليل بيت ومحلك
بيتن بنيته ما يعرف السواري

ذبحتني مابين رحلك وحلك
امرح نهارك للذي جاك ساري

لا نلت جزء ن منك ولا نلت كلك
يهتاج حبك كلما حل طاري

بغيت امل ومنهو اللي يملك ؟
يوم انت في دمي من اعوام جاري

وسط المزاهر مات وردك وفلك
وفل ن كسيته يالغلا صار عاري

خلي الامل ياخل من قلب خلك
وافكار عقلي بين بايع وشاري

عابر السبيل