انفاس في سطور

[عابر السبيل]

الربع راحوا مابقى فرد مخلوق
يا ثاوي ن ترجي من الزين كلمه

الصدر ضايق والنفس منك مخنوق
وفي الصدر شي ن لك مع الله علمه

والقلب من بين الضلاعين مطروق
متخالطن حربه م الليالي وسلمه

سلام ياللي عنقها فوق منتوق
يموت م العاشق معك حلو حلمه

عابر السبيل

 

[عابر السبيل]

كيف الجماعه باخر الدرب يا منير ؟
وش اخر اخبار المزوح الرزوحي ؟؟

اللي هروجه كنهن الدنانير
اللي شعف من بين الاضلاع روحي

غصنن تحبه من المغني عصافير
تغدي على شوفه زمان وتروحي

عذبت انا الاقلام رسمن وتسطير
واخلط على الاسطار سري وبوحي

ماتت على دربه طويل المشاوير
الساحر اللي فيه بوحي ونوحي

لا جاء الهواء منها يجي فيه تعطير
ريحه مع النسمات دوما ن يفوحي

امتّر البيداء لاجل شوفه تماتير
كله على شان الكريم الشحوحي

اليا مشى قام يتهّصر تهاصير
وردنه مع الارياح يومي ويلوحي

عابر السبيل

 

[عابر السبيل]

ريح الندى مع طلعة الصبح فتان
كم تنحني ورود الغصن بين كفيه

على خدوده طل ن ترقرق وهتان
وفراش صبحن يرشف الطل شفيه

اسرار مابين وبل ن وودّان
يكحل بها العاشق من الحب طرفيه

عابر السبيل

 

[عابر السبيل]

يفداك من بين المجانين مهبول
فارع قوامن كنه الرمح الرديني

اسمر كما مسك ن على الكف مزلول
لاهب به ريحن ريحه يبيني

راحت به الايام حولن ورا حول
تلاوحنه في هواك السنيني

عابر السبيل

 

[عابر السبيل]

وقفت اناظر في ملامح جمالك
سحرن تجمّع في تقاسيم لوحه

كن المفاتن يا رفيقي حلالك
وكم تستفز من المساكين بوحه

وكم ذا تريق الكيف صافي دلالك
يرجع بها الظامي مع الشرب روحه

قلت امرر في سلامي سؤالك
يا رايقن يجلس معا ظل دوحه

عابر السبيل

 

[عابر السبيل]

انا ادري انك للحلى مثل ينبوع
قام ايتدفق على اربع جهاتي

ياشمعدانن ويتراقص به اشموع
كم تختزلني في دروبك حياتي

بوم الغزل ياحلو ماهوب ممنوع
قمت اتخيل من م الحلا لك صفاتي

عابر السبيل

 

[عابر السبيل]

تبسمي ثم اشعلي حلك هالليل
كسّر ظلام الليل ياحلو تكسير

صيري كما برقن بوسط الهماليل
يفضح بنوره ما تقول الدياجير

ياقف ظلام الليل من شان قنديل
شي ن يحيّر ثاقب الفكر تحيير

وانا اكتبك بالسطر صفحة تماثيل
حروف القوافي لاجل عينك دنانير

عابر السبيل

 

[عابر السبيل]

عيني على الخيمة ومنهو تحتها
الجالس اللي قامت الدنيا حواليه

لايا احمر ن م التوت لو ن اشفتها
بغيتها سلوى ولا انيب ساليه

عابر السبيل

 

[عابر السبيل]

ياعين حر ن درج بالحوم
يصفق على الجو جنحانه

لقيت عقبك غليل اللوم
والنفس م البعد منهانه

وردك تعانق معا يشموم
يضج واديك ريحانه

القلب من فعلتك مكلوم
والدمع تزخر ب وديانه

عابر السبيل

 

[عابر السبيل]

قلبي يرفرف رفيف الطير
يلعب على الجو طرباني

ياصاحبي يامساك الخير
اكتبك يالقاف بالواني

تستاهل الوقف بالتعبير
طيف ن ليا مر احياني

عابر السبيل

 

[عابر السبيل]

كلن تهنى يالغلا بالنوم
وانا منامي على كوعي

عليك حالي كما المسقوم
او شارب السم منقوعي

كم مات في السجن من مظلوم
حاله كما حال مفجوعي

يابنت قافي عليك انظوم
والصوت بالقاف مرفوعي

عابر السبيل

 

[عابر السبيل]

قام يتقضقض لي ظلامه على النور
ومن بين خصلات الشعر شفت عينه

من شافها يمشي على الدرب مسحور
ومن صابته ياجعل ربي عوينه

كن الشهد في مبسم الفم قاطور
مثل البحر لا ماج تحت السفينه

جثيت عقبك كنني ساكن اقبور
تجود لك في الليالي ونينه

وش تالية بعد ن من الدرب منطور
ودربن خذاكم ياغلا القلب وينه ؟؟؟؟

عابر السبيل

 

[عابر السبيل]

مسيك بالخيرات ياتحفة العين
وصبحك بالخيرات يا بلجة النور

يا انت ترجح بينهن ب الموازين
وحظك بقلبي ياغلا القلب موفور

يا زهرتن تهواك كل البيساتين
تملين كل الجو سحرن على عطور

تجمع بخد الزين حلو التلاوين
وكم استعيرك بعض الاحيان بنور

عابر السبيل

 

[عابر السبيل]

اخترت يا طرد الحلا منك ورده
خذيت قلبي وانسحر منك عيني

عمر الليالي ما وفت فيك وعده
عسى الخلف في مقدمات السنيني

عينن هوت من زهو الالوان وحده
وسط الغلس ينباح منها كنيني

هويتها في ماضي العمر مده
وقاسي زمانن كان ودي يليني

حفظت في الخفاق عهده ووده
وكم يجهش ب هالليل منها حنيني

ودمع الصبابه منك منهو يرده
وان كنت انا ذنب ن عسى تغفريني


عابر السبيل

 

[عابر السبيل]

دريت ما انته في طريقي رفيقي
خليت لي في وحشة الدرب مشوار

كم واسعن عقبك بدربي يضيقي
فريسة الاشواك ماشفت انا ازهار

ما غير ظلي في طريقي صديقي
وكم يجتمع بالدرب بردك مع النار

كم م الوهم بالليل يصبح حقيقي
وكم تقتسمني فيك شكي والافكار

عابر السبيل

 

[عابر السبيل]

كل عاام يقبل على مثلك بخير
خير السنين المقبله طلعة ن لك

هنيت عامي بك في سطور الدنانير
والله انك زينة للورد مع حلو فلك

كم خانني في مثلك شخصك تعابير
ياحلى سؤالن كان ودي ب حلك

عابر السبيل

 

[عابر السبيل]

شريت عطرن كان ودي لك اهديه
وما ت الزمان والعطر باقي ن حي

وعندي فوادن وين ودي اوديه
قلب ن كواه الدهر كي ن على كي

ياكم يموت الليل لا جيت باحييه
قالوا يموت الليل من شوفة الضي

عابر السبيل

 

[عابر السبيل]

سلام ياراعي الخمار ارجواني
يحيا زمانك يا رفيقي وتسلم

كم انت ماضي عشرتي مع اواني
وكم يعشقك خطر النسايم ليا انسم

كم ضاع مني في التفكر ثواني
وكم اسهرك ليلن على الخاطر اظلم

ياملهمي في سبك قاف المعاني
بالسطر شوقي م الصبابه تكلم

عابر السبيل

 

[عابر السبيل]

من كثر شوقي كان ودي امرّك
كلمة مساء الخير ياهي جميله

وخفيف بسمه يالغلا ما تضرك
لوجه ن م الاوصاف مثل الخميله

يا صادق الابيات لله درك
صرتي لملهوف الضماير حليله

ياليت يا وقت الجفا تكف شرك
وتعطي لبعض الناس درب ووسيله


عابر السبيل

 

[عابر السبيل]

كم تختطفني بسمتك من همومي
وطرفن غضيضن م الحلا ياخذ الروح

كم انسجن لك م الحيا في هدومي
وكم اكتبك نوحن تشارك مع البوح

وكم ذا سرقته في لياليك نومي
وكم هو رخيصن دامعن منك مسفوح

عابر السبيل