انفاس في سطور

[عابر السبيل]

كم تبتدي بعض القصص بالنهايات
وتبدى الحوادث لك على شكل ذكراك

قمت ااتتبع بين الاموات حيّات
وكم يشتبه لي يوم موتك ومحياك

قامت تشابه لي نهايه والبدايات
ومن بينهن وش اضحكك ثم ان ابكاك ؟؟

عابر السبيل

 

[عابر السبيل]

كم يارث المنديل م الحزن دمعك
وكم صار دمعك يوم عطر المناديل

وياكم طرحك يستوي مثل جمعك
وتشبه رصيفن ما ضوته القناديل

وياكم يموت بداجي الليل شمعك
وكم تعشق الدلّه حضور الفناجيل

وكم قاسي الكلمات تطرق ل سمعك
وكم يذبح العشاق قيلن على قيل

عابر السبيل

 

[عابر السبيل]

صبحك بالخيرات يا شادي الطير
كف المطر وانشيت عندي تغني

ريح الندى يضفي على الجو تعطير
يا سارق الاحساس فيني ومنّي

ياهو صباحن صار حفلة عصافير
وقلبي على الاضلاع يرجف يدنّي

ووبل المطر كنه يوزّع دنانير
وانا كني على الغيم كنّي

ياكم تبكي م التفكر تفاكير
تلح في قلبي بحرق وتزنّي

ادير عيني في الغمامه تداوير
كني اناجي صاحبي له واحنّي

ولّيت يا قلبن تدق المزامير
لا مثلك انس ن بالمحبه وجني

قطرات تهمس في فوادي تقاطير
وألجم خيول الشوق نوبن واعني

وين انت ياللي في حياتي تساطير
اكتبك نثرن بالمحابر واغني ...؟

عابر السبيل

 

[عابر السبيل]

لو التمني يجيب الناس
كان اتمناه في شوفه

ياماعليه ازفر الانفاس
له حزة تشبه اظروفه

كن اقطر له الاحساس
والروح من الحب مرشوفه

كم اذكره لا رفع لي كاس
ونقش السحر عالي اكفوفه

ذيل الليالي شبيه الراس
بالشوف ماهيب معروفه

عابر السبيل

 

[عابر السبيل]

طيرن على الغيم له لاعوب
يضرب على الجو جنحانه

يوزع هموم الهوى وكروب
وغنى من الشعر ديوانه

له في غمام الهواء مشروب
ويزعج مع الجو ب الحانه

ما بين لعبن معا طاروب
يبوح للغيم ب اشجانه

وانا سجين الثرى مقضوب
ولا شاف بالصبح جيرانه

عابر السبيل

 

[عابر السبيل]

انا ادري انك تكتب الحرف تقراه
واحس بك حولي تتبع اسطوري

ياكم يعز شوفك ب مشراه
وانا ابيعك بعض الاحيان طوري

الصاحب اللي مع الدم مجراه
ادريه يسبر بين الابيات غوري

ليلك يطيب لواله القلب مسراه
ومشي الخطاوي من دواعي سروري

كم واحدن يمناه تقطع ل يسراه
وكم اتساءل ويش هو بس دوري؟؟

بعض اليسر في قاسي الوقت عسراه
وانا كفيتك م المعاتب شروري

عابر السبيل

 

[عابر السبيل]

ترا مساء الخيرات ياحلو ثنتين
تضفي السعادة لين يبدي صباحي

جوزن من الكلمات هي قرة العين
تصبح بها كل السعاده لي وشاحي

من بين هالزينات عد الملايين
بس انت سدي في غرامك يباحي

ألوّن الابيات لاجلك تلاوين
وب باكي الاحساس اغسل جراحي

تجتاحني ذكراك حيين ورا حين
وافرد من الاشوق ضافي جناحي

عابر السبيل

 

[عابر السبيل]

لا وا سفا بك يالعصور الجميلات
اقفت وخلتني بوقتي ل حالي

واليوم ماعندي من العزم نوهات
اشبه لثوبن من عنا الوقت بالي

لا وا حسافه يالليالي حسافات
يازينها يومي من الحب خالي

ياصاحبي ماعاد منكم جمالات
ولافيه من عنده جواب ل سؤالي

احفيت دربي بالفياف الخليات
تشهد على دربي بقايا نعالي

عابر السبيل

 

[عابر السبيل]

كم يا طلل هالدار جيناك زوار
من ش ن بصدري عنينا لك

في خافقي م العام قد شب لك نار
تطبخ عليها الاباريق وادلالك

ذكراك تشبه لحن الاشواق واوتار
م الود كني شارب اليوم فنجالك

عابر السبيل

 

[عابر السبيل]

ياراعي الخيمة ترا النار نارين
نار الدلال ونار باقصى ضميري

بيوتي معك ياحلو تاصل ملايين
واحث في دربك طويل المسيري

ولّيت يا سيفن غماده ب عينين
من طول رمشه كن وده يطيري

خليتني ميت ن وانا وسط حيين
متخالف الالوان شر ن وخيري

ياماسك الفنجال بين البنانين
ب كف ن بها من الزين خز وحريري

عابر السبيل

 

[عابر السبيل]

يملاء العطر بيتن تجينن وتزوريه
ويملا الفكر ذكرى زماني ولياليه

لا يابعد وقتن زمانك يطرّيه
يحط وضعي اسفله مثل عاليه

ياليتني سطر ن م الابيات تقريه
او نص حب ن قرته اللواعج وتمليه

اقفى زمانك كنه الليل ساريه
وقت ن م الايام والله حاليه

ابيع فيك الوقت نوبات واشريه
وقت السعاده فيه منه وحواليه


عابر السبيل

 

[عابر السبيل]

سلام ياللي تطوي الريح ثوبه
وشعرن معا هبات الارياح ملعاب

بنيت لك بيتن والاحسايس طوبه
رياح الهوى تلعب على صاير الباب

اضحكك انا نوبات وابكيك نوبه
واجوال شوقن بالصدر كنها اسراب

كم ادرج الابصار م الشوق صوبه
ورمش الغرام اللي م الاشواق قد شاب

عابر السبيل

 

[عابر السبيل]

ياشيب عيني يالعيون النواعيس
كنّه صريع النوم والنوم جابه

مليت من حبه شليلي مع الكيس
امشي ورابه وعاشق في سرابه

كم تذوب بسطري قافي احاسيس
وما جابت الاطيار بالصبح جابه

كن القوافي م التهاميم تنفيس
وكني مع الاشواق مر السحابه

كم امتلت له بالتلاعج قراطيس
وكم تبتليني في هواه الصبابه

عابر السبيل

 

[عابر السبيل]

اللي سلامه لا تعدى تلاميح
يمشي وحلوات التلاميح صوبي

امشى على شانه من الدرب واطيح
امشي وكني له اسابق لثوبي

كم تبتليني منه شين التباريح
واصبح مع الاوتار لحنن طروبي

في عالم الاشواق تلقى المجاريح
وفيها جميل م التغنج لعوبي

عابر السبيل

 

[عابر السبيل]

يا اخر الدنيا متى صرت مبداي
عمرك بداء بي وانتهى فيك عمري

عابر السبيل

 

[عابر السبيل]

تقول عابر بالمثل لحن الاحزان
يبكيك بالابيات وكنّه يغني

الهايم اللي يرسم البيت بالوان
لا يشبهه انس ولا مثل جني

كم انكتب له بالجميلات ديوان
على المواضي باكي ن له يحني

وانا كما الرسام بالفرش فنان
يكتب مع الاشفاق هجسن يزنّي

كم ايتميّز بالتفانين انسان
وكم يختلف في صخر الابيات ظني

عابر السبيل

 

[عابر السبيل]

كم تخلف الايام عهد ومواثيق
وكم انقتل بالطرد وردن وفلّه

الله ياعينن هدبها رواشيق
من شافها يشكي من الرمش عله

اسهامها وسط الخوافق مماريق
القلب لو هو بالخضيرا تدلّه

ياكم هلباجن تجي له توافيق
ويذبح لبيب القلب حطله وشّله

عابر السبيل

 

[عابر السبيل]

ابكيك بالبسمة واباسمك ببكاي
غيرت بي حال(ن) وانا كنت ما دري

اخطيك باعذارك واماشيك بخطاي
سمعت انا عذرك ولا سمعت عذري

ياكم ليل(ن) راح ما ارتحت بغفاي
وبيحت لنجوم السماء خافي امري

اغنيك في نوحي واناجيك بغناي
حيرت انا في حزة النوح قمري

ياعلة بالروح ما شفتي دواي
مر(ن) حلاك وسكرك صار مري

اشوف انا اقصاكم تقارب مع ادناي
مفضوح الاقصى وداني السر سري

اطلبك يا يأس(ن) ترافق مع مناي
يوم اختلط مع صاحي العقل هذري

طالع وناظر في مكانك بحنياي
وطالع لبستان الزهر تحت سدري

كتبت انا اسماءك وشطّبت اسماي
وتلقى حروفك اشرقت جوف صدري

يا اخر الدنيا متى صرت مبداي
عمرك بدا بي وانتهى فيك عمري

اربع حروفك يالغلا همسة الناي
سكر(ن) لفكري وغولها غول خمري

يا غصن ورد(ن) توّجه وردة الشاي
اخضر رطيبك وايبس الهجر خضري

بقلم : عابر السبيل

 

[عابر السبيل]

الا يا جبال طويق ماشفتي محمد
عليك ياجبال طويق منه ملام

مجهول

 

[عابر السبيل]

الله يذكر ماضي ن راح بالخير
انا اشهد انه بالجميلات مذكور

م الشفق ينبت بقلبي له مسامير
وقلبن على مشات الاضلاع مسمور

بحدب الاضالع عششت له مطايير
ثم امتلا صدر ي باالاعشاش وطيور

وابيات قاف ن مثل صوغ الدنانير
كن اللحن في شاقي الروح محفور

امضيت عمري بالفيافي مشاوير
ولا طاع قلبي م النصيحات والشور

كم اعتصر له م الجواشن تعابير
وبنيت له في حافق دار واقصور

قصوره بقلبي بين بني ن وتدمير
ياكثر مانبني من امال والدور

عسى زمانك زاهي ن فل ومزاهير
يلوي الهواء به م المواريد وازهور

عابر السبيل