انفاس في سطور

[عابر السبيل]

لا تعتذر يادرب من جاك ماشي
حث المساعي من حريق السعاير

عينه تخطف النوم خطف ونواشي
مسحور لحنن جابه اليوم طاير

كم ذا يلوعه لون ورد وفراشي
فراش حول الورد حومه دواير

عابر السبيل

 

[عابر السبيل]

سحاب ياللي طاوع الريح شرقي
ياتي من المغرب ووجه على شرق

كنه على كتف الهواء مشي طرقي
وما اوحيت له لحنن على الدرب او طرق

جاله حمامن يلعب الجو فرقي
بين السحاب وهايم الطير به فرق

اشكي عليك اللي خذا القلب سرقي
وكم يعشق الملهوف درقن على سرق

عابر السبيل

 

[عابر السبيل]

صبحك بالخيرات يا طلعة الخير
قطر الندى يمشى على حلو خدك

للعطر في خدك مسار ومقاطير
كن العطر يخطب من الشوق ودك

من الحلا تازن ثقيل القناطير
زينك تجاوز ياحلا الدار حدك

حفلة نجومن بالسما لك مساهير
يوم القمر يا صاحب الزين جدك

عابر السبيل

 

[عابر السبيل]

كم ايتبسم م الحيا لي غضيضه
كنه ضعيف وياكل القلب بسمه

كسلى العيون وكنها لي مريضه
من الوسن ينسيك رسمه مع اسمه

كني لها صايب كلام ونقيضه
او موقفن مامداك يومن تحسمه

ياهي شعورن يغرق القلب فيضه
يرسم على قلبك حروفه ووسمه

عابر السبيل

 

[عابر السبيل]

نظرتها غفله تسولف مع الغيد
كنه سقاني م المدامه قراطيع

يمر يومي كنها حفلة العيد
واشري السعاده منه جذلن ولا ابيع

واصير مجنونبالمثيلات تبديد
كن اغني له م السعادات تسميع

اردد الابيات لاجله تراديد
بيوتن تميّع قاسي القلب تمييع

عابر السبيل

 

[عابر السبيل]

إنشد فوادي عن تهاميم ذكراك
ذكرى لها عيني شبيه ن ل ميزاب

تكتبك لي ذكرى ن من البعد تمحاك
تطير في فكري مفاريد واسراب


مرات اشوفك ضاحكن لي محياك
ومرات صوتك اسمعه من ورا الباب

ياكم اجوعك يا حلا القلب واظماك
ولا ذقت انا طعمك ولا ذقت مشراب

عابر السبيل

 

[عابر السبيل]

لله عصرن ما بقى منه لي يوم
خلت جيوبي من لذيذ الليالي

ياكم معطا في لياليك محروم
مليان ياس وم الامل منك خالي

الله ياخصرن عن الردف مهضوم
اغليه مايغلي ثمين الحلالي

قلبي معك من بين الاضلاع مصروم
وصارت معي نقصن بغيته كمالي

يا انت بيتن م اللذيذات منضوم
ويا انت من بين الجميلات غالي

واليوم مجهولن عقب كنت معلوم
وقعدت مع ضوي اناجي دلالي

عابر السبيل

 

[عابر السبيل]

تشهد نجومن حاضرة كل ليله
حتى القمر يا صاحبي من شهودي

كم ياعزيز النفس صرتي ذليله
وياكم يمطل وقتنا من وعودي

حمام ياللي هاضني في هديله
في لين الاعصان قمتي تجودي

كم مجهدن يفقد مع الوقت حيله
كني عدم من قبل ما اني وجودي

يامجحفي بين الخلايق ب كيله
بيحت يا حلو اللما لي سدودي

تبكيك عينن م السهايد كليله
وصبرن تعدى ياغلاتي حدودي

شبيه ظبي ن والمدامع كحيله
ينبت على خده غرايب ورودي

عابر السبيل

 

[عابر السبيل]

رد الخبر يا خافق الريش رده
واركب على مزنن تعدتني اليوم

سلم على اللي هزلها مثل جده
اللي كما عقدن من الورد منظوم

اعيد بيته م المثيله وارده
مثيل طيرن في ظليلات يشموم

عابر السبيل

 

[عابر السبيل]

مافيك يا ليل الغوى رد سائل
والاجوابن يشفي القلب والروح

انشد على رمشن على الخد مايل
وشعرن يطاوع م الحلا كل لافوح

ياكم سوى في فوادي عمايل
واخفيه سرن م التباريح مفضوح

قد لي زمانن م التهاميم شايل
عطيب قلبن له زمانين مجروح

عيني على غيم ن يهل المخايل
وبله على قاع المشافيق مسفوح

عابر السبيل

 

[عابر السبيل]

يا سرمدي الليل وينه صباحك ؟؟
تسهر نجومن رجاوية الصبح

 

[عابر السبيل]

يامزوهف الذرعان يافتنة العين
ياغصن بان ن والهواء ينحني به

يا ماخذي بالله قل لي على وين
قل لي يا راع العيون الغريبه

اسهرتني والناس ياحلو ممسين
يروح بي هوجاس حبك واجيبه

عابر السبيل

 

[عهود منسية]

كتبت لك من أول السطر
جمله بها تفصيل حالي

"مشتاق وملاقاك لي جبر"
وشوفك علاج وهو دوالي

الشوق خذني بالهوى غدر
ليتك دريت باللي جرى لي

قلبي يغفي ع لاهب الجمر
وسط الحشى زاد اشتعالي

من عالي الأحلام هو خر
قلبي وغدى م الوصل خالي

ما عندي لملاقاتكم عذر
لا لي على الصبر احتمالي

ما غض ليله طرفي وقر
عفت المنام ولا هنالي

ولا فادني يا صاحبي صبر
مُر الهَجر والوَصل حالي

"وحشتني" وانظر بهالأمر
والحكم لك بأول وتالي

واصل مودك زوره ومر
أو حتى بادر الاتصالي

لا تنقل بتعذيبي الوزر
روف وترفق بي يا غالي


مساء السعادة ..ملك الكلمات

 

[عابر السبيل]

يادار يادار العنا وين اهاليك؟؟؟
ودربن خذاهم حزة العصر وينه؟؟؟

انشد زوايا البيت مره واناجيك
الشاعر اللي من زمن تعرفينه

ياكم طالت بالمماشي مماشيك
يبذر عشانك بالمماشي سنينه

ياكم اوقف م التولاه احييك
ياحي حبك وياحي حينك

عابر السبيل

 

[عابر السبيل]

كتبت لك من أول السطر
جمله بها تفصيل حالي

"مشتاق وملاقاك لي جبر"
وشوفك علاج وهو دوالي

الشوق خذني بالهوى غدر
ليتك دريت باللي جرى لي

قلبي يغفي ع لاهب الجمر
وسط الحشى زاد اشتعالي

من عالي الأحلام هو خر
قلبي وغدى م الوصل خالي

ما عندي لملاقاتكم عذر
لا لي على الصبر احتمالي

ما غض ليله طرفي وقر
عفت المنام ولا هنالي

ولا فادني يا صاحبي صبر
مُر الهَجر والوَصل حالي

"وحشتني" وانظر بهالأمر
والحكم لك بأول وتالي

واصل مودك زوره ومر
أو حتى بادر الاتصالي

لا تنقل بتعذيبي الوزر
روف وترفق بي يا غالي


مساء السعادة ..ملك الكلمات

مرحبا بالعهود التي لا تنسى

 

[عهود منسية]

مرحبا بالعهود التي لا تنسى

مرحبا ملايين هلا وغلا شاعرنا تسلم

 

[عابر السبيل]

والله زمانن يالبيوت الجميله
وعهود وقتن ولا نيب ناسيها

بون الزمان اللي فعوله مهيله
كم اختلط مبدى الليالي وتاليها

يامرحبا باللي سحرها بالمثيله
بيوت ن يحب القلب منها حلاويها

ياعهود بيت يسحر القلب شيله
يشبه لكاس بالسحر وانت ماليها

عابر السبيل

 

[عهود منسية]

معركة انتصارك بالغلا مربكه
والسلاح الموجه للقلب قاتلي

ثم اني وبقربك خاسر المعركة
زود شوقي لعينك للأسف خاذلي

شربكة مغزلي بك يالهوى شربكه
غارقٍ في غرامه وشوفته ساحلي

هز عرش الشعور وبالهدا حركه
استباح المشاعر كلها داخلي

كافرة بالجفا وبالبعد أنا مشركه
ليت ياليت قربك يالغلا يحل لي


عهود

 

[عابر السبيل]

يسعد مسا اللي طلعته شبة النار
بوسط الشتاء والناس تعشق دفاها

ياعهود وين اللي تلبس الشعر باسطار
يملا وسيع الكون ارض وسماها ؟

خلت ليال السطر من طرق الاشعار
سطورك كما لترياق للي قراها

ياجارة الاسياف ياريح الازهار
باقه فخر ياحلو للي شراها

اسألك وش باقي على دمنة الدار
ووش حال دارك وكل اللي وراها

عابر السبيل

 

[عابر السبيل]

معركة انتصارك بالغلا مربكه
والسلاح الموجه للقلب قاتلي

ثم اني وبقربك خاسر المعركة
زود شوقي لعينك للأسف خاذلي

شربكة مغزلي بك يالهوى شربكه
غارقٍ في غرامه وشوفته ساحلي

هز عرش الشعور وبالهدا حركه
استباح المشاعر كلها داخلي

كافرة بالجفا وبالبعد أنا مشركه
ليت ياليت قربك يالغلا يحل لي


عهود

صح لسانك وسلم بناك يامرحبا بك ملايين