انفاس في سطور

[عابر السبيل]

يلم شمل التايهه من حروفي
حس ن مع الاسطار يجتاحني جوج

ويصير حسي ياغلا في كفوفي
ولغزن كتبته يصبح اليوم مشروح

ثم ينتهي بك بين الاسطار طوفي
ويحب سطري م الشواويق مجروح

عابر السبيل

 

[عابر السبيل]

كريم يا برقن بنوضه يلوحي
كسّر ظلام الليل حطه تكاسير

كنه يلاعي بالليالي جروحي
وعمرن قضيته في غرامك مشاوير

لبتك تشوف او انت تسمع وتوحي
وتشوف ويش يكتب بيوت ودنانير

عابر السبيل

 

[عابر السبيل]

يا طول هاك الليل يا صاح طولاه
ليلن طويلن نام وسطه نجومه

وارعى خيالن من زمان اتحلاه
ماباقي الا ريح تالي اهدومه

سلام ياللي تاخذ القلب تملاه
قد لي زمانن ما سمعنا علومه

ياكم اجوعه م النوى نوب واظماه
غديت انا طيرن ب جوه واحومه

عابر السبيل

 

[عابر السبيل]

تدفّق النسمات مع طلعة النور
ويموت تالي الليل والنور اكفان

وتفتحت له فل الورود وزهور
ثم يبتدى لك طلعة السحر بالوان

وتصحى معاها غافي الكون وطيور
وتزف لك مع طلعة الصبح بالحان

الله ياللي تجمع العبق بعطور
يا اقحوان بين العضيده ومكنان

ماشفت لي شي ن كما الغصن مهصور
بينه وبين الغيد يا خي شتان

اسمه بجوفي له زمانين محفور
كم ذا كتبت بوصفها الشعر ديوان

تبقى كما عطرن على الكم منثور
يحيا له احيانن ويهلك له احيان

عابر السبيل

 

[عهود منسية]

يا مساء القهوة سكرها زياده
والله لا يقطع لكم بالشعر عاده

ع السطر تنثر حصابي الفكر دايم
ومننا لك دوم تقدير واشاده

ما يضاهي سطرك المكتوب حرفي
والعذر منكم يا أصحاب السعاده





أسعد الله مساك شاعرنا

 

[عابر السبيل]

وش فيك ياباب الغلا دوم مردود؟؟
ومنولن تشرق على صايرك نور

ماباقي ن ياغصن زهر وورود
وامنولن نلقى معك ورد وزهور؟؟

المستعان الله ما انته ب موجود
الا كلامن ترسمه فوق الابواب بسطور

خلت ديار الحب شاهد ومشهود
ماعاد لك زولن وتشرق به الدور

وين انت ياللي تلفح الريح بجعود
وريح العطور اللي مع الشعر منثور ؟؟

عابر السبيل

 

[عابر السبيل]

شفت السهر ما اختار عينن على عين
جوز العيون اللي عشانك شقيات

يا ساءلي من وين مادر ي على وين
راحوا شتاتن في الديار الخليات

وانا خلافه اسفح الدمع دمعين
هدر المدامع يالدموع الثمينات

ببلاش راحت في سطور المحبين
ياهن كثيراتن ويا هن قليلات

كم يصفق الملتاع م اللوع كفين
وش هي علومك يالكفوف الكسيفات

ياجامعن بين المخاليق لونين
على بياض الوجه رمشن كحيلات

اليا ضحك يسحر على الخد نونين
ويضفي عليهن م الحلايا ببسمات

في صدرها يلعب على العنق عقدين
خفّيت قلبي يالعقود الثقيلات

عابر السبيل

 

[عابر السبيل]

قالت من انت وقلت انا اللي تخبرين
شقا القوافي والبيوت الجميله

يا سندباد الحرف وسط الدواوين
مافي القوافي منك ياصاح حيله

غبته عن العينين ياصاح عامين
وضيع فوادي منك صاحي دليله

جمعت انا منها بالخفا منك حرفين
حا ء ن وباءن والدموع الهميله

ف افلاك حبك يصبح الدرب دربين
والهايم منك ضيع حصيله

كم تختفي احيان نوب وتبينين
وعيني على شوفك حسير وكليله

عابر السبيل

 

[عابر السبيل]

يسعد مساك ويسعد الله صباحك
والاااف مابين المسا والصباحي

ياللي على قلبي تنازف جراحك
واغسل بدمع العين نازف جراحي

عابر السبيل

 

[عابر السبيل]

ياكثر هالهوجاس وما اكثر طواريك
وكم اشتغل مابين هجسن وطاري

كم امشتق دربك مع الليل ساريك
وكم ذا يطول الليل مع مشي ساري

وش لك ب خل ن بين الاحباب شاريك؟
باع الجميع وجا لك اليوم شاري؟؟

مشكاك لله ياللي خدد الخد جاريك
ولاهنت يادمعن على الخد جاري

عابر السبيل

 

[عابر السبيل]

كم ذا يبوح الحب عينن تراعيك
ترعاك بالغفلات نوب وتحلاك

كن العيون من الصبابه تناديك
تسألك عن شي ن خفاها من اسماك

تميتك احيانن ومرات تحييك
ووش عاد شي يميتك ويحياك؟؟؟؟

تضحكك احيانن واحايين تبكيك
ووش اضحكك ياغلا الناس وابكاك؟؟

عابر السبيل

 

[عابر السبيل]

الا ياهموم الليل وامسي على خير ؟؟؟
النوم باسبابك غدى م الخساير

النوم ياصاحي تركني على الغير؟؟
ممشاي فيي ليلي شبيه الدواير

يا موتّر الالحان بالليل توتير
قلبي معك ياصاحب اللحن طاير

خذيتني باللحن يا ذا مشاوير
ترا النظر والقلب ياصاح حاير

قلبي بحبك ساق لاجلك فواتير
عميان قلبن باعسر الدرب ساير

علمي بنفسي كان دربي مياسير
يا للاسف ماطعت انا شور شاير

عابر السبيل

 

[عابر السبيل]

اسدل ظلام الليل ضافي ردونه
وساد السكون اللي كما صامت الرمس

والساهر اللي بالسواهر عيونه
يبكي على شي ن تولى معا امس

اخلف زمان الصد منها ظنونه
كم تحمس الايام صب الهوى حمس

يابعد عني م المخاليق بونه
كنه سكن عني على مغرب الشمس

ماغير حسي والهواجس يجونه
ولاهامسن لي ولا لامسه لمس

عابر السبيل

 

[عابر السبيل]

تصبح على الخيرات يا راع السواليف
خيرن صباحك ومثل بالخير ممساك

عابر

 

[عابر السبيل]

وش فيك يا طير الهوى اليوم ساكت؟
ما اوحيت من طلعة الشمس لك صوت

الصوت في صبحي معك حيل خافت
كنك تسمّع من سواليف ه الموت

والقصة اللي من زمانين ماتت
قلبي عليها يا شقا العين مفتوت

تشبه حلومن من على القلب فاتت
وما تنفع الاصوات مع فايت الفوت

عابر سبيل

 

[عابر السبيل]

سلام ياعينن خطرها على الروح
من صابته ياجعل ربي عوينه

خبري بنفسي لك كما الذنب مصفوح
واليوم ماجي لك ولا انتي تجينه

صرت اتفنن في السواليف والبوح
ووش كاتبن يكتب م الجروح الدفينه؟؟؟

خليتني كني على الموج لك لوح
باقي بقايا ورث م احلى سفينه

كنه شفحني فيك عين مشفوح
وصبر الهوى ياصاحبي بس وينه ؟؟؟؟

عابر السبيل

 

[عابر السبيل]

يا مساء القهوة سكرها زياده
والله لا يقطع لكم بالشعر عاده

ع السطر تنثر حصابي الفكر دايم
ومننا لك دوم تقدير واشاده

ما يضاهي سطرك المكتوب حرفي
والعذر منكم يا أصحاب السعاده





أسعد الله مساك شاعرنا

يا مساء الفل ل سيدة السطر وينبوع الجمال

باهديك من نجم الثريا قلاده
وريش الهوى لك يا رفيقي وساده

ياللي كما صبح وعطره نسايم
يشهد ممات الصبح نوب وولاده

ياكم تسحر من الكتاتيب طرفي
وهذي يارفيق السطر مني شهاده

عابر السبيل

 

[عابر السبيل]

احد ن اليا مرّك كما نفحة الطيب
لو راح يبقى من جماله بقايا

يرحل ويترك في فوادك مضاريب
ياما يسوي في نياطي سوايا

اكتب على باقيه لحني تطاريب
له في فوادي قصة ن مع حكايا

مادري على شرقن والا تغاريب
يمشي يجر الزين جر السرايا

له بسمه فيها غريب التلاعيب
من كثر زينه صار عشق المرايا

عابر السبيل

 

[alatherah]

احد ن اليا مرّك كما نفحة الطيب
لو راح يبقى من جماله بقايا

 

[alatherah]

يا مساء الفل ل سيدة السطر وينبوع الجمال

باهديك من نجم الثريا قلاده
وريش الهوى لك يا رفيقي وساده

ياللي كما صبح وعطره نسايم
يشهد ممات الصبح نوب وولاده

ياكم تسحر من الكتاتيب طرفي
وهذي يارفيق السطر مني شهاده

عابر السبيل

ما شاء الله