اثبت حضورك ببيت من الشعر الشعبي

[سليل الحرف]

بعت عمري وشريت ايام وياك
حيف بسوگـ هجرك من بعتني رخيص

 

[ريما عبدالله]

الصباح اللي معك يا منوة المتمنّي

اشهد إنه أبرك صباحات العرب وأحسنها

 

[رااشد]

دوم تجرحني ومشيها معاك
دوم تنثرني وانا دوم أجمعك

لان حبي كان أصدق من خطاك
كنت انا أكبر من مجرد أخدعك

كنت أفكر كيف أنا أوصل رضاك
كنت أحاول في هوايه أقنعك

لكن الأيام ورتني قساك
ماقدرت آقول كلمه تمنعك

أنتهى حبك وقلبي قد نساك
ياخسارة عمري الي دلعك

 

[ريما عبدالله]

مثل المطر يا صافي النفس طاريك

يغسل هموم النفس ويروي ظماها.

 

[رااشد]

‏يااللي كلامگ عقد لؤلؤ مع ألماس
طابت سنينگ واسعد الله لياليگ
قل ماتبي واهرج بلا حد واقياس
ياحي هرجگ لالفاء قلب مغليگ

 

[ريما عبدالله]

احسب مودة صاحبي كلها لي

واثره يقسمها على كل من شاف

 

[رااشد]

ليت العيون اللي تشوفك كل يوم
تسرق نظر من شوف عيني واشوفك

 

[عابر السبيل]

هي عادة الايام تقبل وتقفي
وزولن عرفته فعل الايام تخفيه

كم ينقطع فيها م التلاهيف شفي
عقب الوصل يبدي زمانك مجافيه

عابر السبيل

 

[ريـ م]

أي والله إني اعشقه بطيش وهبال
ماغرني غيره بذي الناس.. مجنون

اشتاق له بالبعد والشوق لا طال
يولّع لي الدمع في وسط العيون

اقولها مافيه بالناس رجال
إلا حبيبٍ عشت في يديه مرهون

ريم

 

[عابر السبيل]

انا احب بعض الناس واللهف لطرياه
وتهل عينن م الاسى في طواريه

قبل امس وسط السوق تقابلت انا واياه
وتجددت بالخد ساخن جواريه

ياحظ ابو من صافحه ثم حياه
وليل الجدايل ليتني من سواريه

ياليتها عمرن مع الحب واحياه
مير انها شي ن تكودك مشاريه

عابر السبيل

 

[عابر السبيل]

من لا يخاوي مع ربوع المدينه
في ذمتي ما ذاق طعم المخاواه

كنه فقد م العمر غالي سنينه
والا عيونه م الجمايل مداواه

يامل قلبن ساكنن في حنينه
يموت به شوقن والصبابات محياه

بين الجوانح ضارمن كل حينه
صويب رمشن جاه من ثم ن اغواه

اليا ظواه الليل بيّح كنينه
يشبه لذيبن لجلج الجال بعواه

عابر السبيل

 

[عابر السبيل]

يستر عليك الله يا لابس الشال
متوشحن ليلن وتحته صباحه

بالليل يدفن صارخ الصبح والمال
يسلم جماله ثم يسلم وشاحه

وش هو تركته للمجانين من حال
الكل يغسل بالمدامع جراحه

كم يعشقه من عابر السوق رجال
ان ما يبوح الشوق فالشوق باحه

وعنقن تجلي بالفضيحه ل سلسال
يشبه لشي ن يفضحه بالصراحه

عابر السبيل

 

[رااشد]

الحب مثل الورد يحتاج تِسْقِيه
والا تری في تالي الوقت ،،،يذبل
والشِعر زانت في عيوني قوافيه
وقلبي من الصدمات ماعاد يقبل

 

[عابر السبيل]

كم يوحشك م الناس حي ن وترجيه
ولا انته على باله ولاانتاب همه

وكم واحدن يرجي من الخلق يحييه
هو يمهم والناس ماهم ب يمه

ياشبه مركب ضاع وجهة شواطيه
ياهو شتاتن مالقى من يلمه

يافاقد الاشياء ما شن بتعطيه
سم الذي ترجيه م الحب سمه

عابر السبيل

 

[العذبه]

على كثر المديح اللي يرد الروح »
ماجاني مثل جعل ابوك في الجنه

 

[مِيرِيَام]

اسف ياطهر الشعر مني ومعليش
واغفر لطيشي زلته واجتهاده

الشعر عايشني وانا فيه باعيش
مثلي غريب ومغترب عن بلاده

عابر سبيل ولي حنايا معاطيش
القاف نبعي واعذب الوصف زاده

قصيدتي صقر وشطرينها ريش
ترقي شواهيق السفوح وزيادة

ماهو عشان الصيد او لقمه العيش
الا عشان القاف واعذب نشاده

نصف الشعر جزلا ونصفه خرابيش
وما كل ما يكتب يتم اعتماده

عندي لهذا الشعر لجنه وتفتيش
تمنع هزيل القاف وهرج النقادة

أقدع من عذوق الشعر دون تنبيش
واشرب فناجيل المشاعر بِن سادة

يارب تحفظني من الغي والطيش
والا الشعر زاهد يحب العبادة

شعر : بندر عبدالله القرني​

 

[رااشد]

مالي معك حل الا الصّمت والحيرة
تركت درب العتب من كثر مافيني

طبعك تغير معي وصعب تفسيره
تجرح شعوري جفا وتقول تغليني!

 

[مِيرِيَام]

بعض القوافي إحساس شاعرها يكفيك
عن القراءة

 

[عابر السبيل]

يعل نسمات الهبايب تصحيه
وتطرق لها بابن له ايام مصكوك

غالي زماني لأجل عينه باضحيه
وامشي طريقه لو حشاطن معه شوك

عابر السبيل

 

[عابر السبيل]

فيي وثير الفرش نامي يالجميله
ونغمة خرير الماء تجرك للاحلام

مشكاك لله يالعيون الثميله
نامي وانا اغني على احلامك انغام

فراشك نعيمن يشبهه لك خميله
عيشي حقيقه حف بك مني اوهام

وانا الذي عينه عشانك كليله
ياخذ من ابياته خوالن مع اعمام

عظامه على فرقاك عجزت تشيله
ضحية الاهمام منكم والاسقام

قل لي حياتي يالغلا ويش هي له؟؟
وشغلك معي لا هوب كفرن ولا اسلام

سرامد الذكرى بفقدك هزيله
مثيل جرمن ماشي يمشي بلا عظام

عابر السبيل