اثبت حضورك ببيت من الشعر الشعبي

[عابر السبيل]

سبحان من يلحق يالعيون العجيبه
تسكت ويحكي عنك سود المظاليل

امسيت منها بين العجب والغريبه
ويضوي علي الشوق منها بهالليل

منها حوالي بين الممات وعطيبه
واشرب من الاشواق منها فناجيل

ياصاحبي والراس لوّح ب شيبه
وانا على شوفك كثير المغاليل

ياشبه مهره لوحت في سبيبه
تلوى وتجمع راسها لي مع الذيل

عابرالسبيل

 

[احلام عابره]

سلام ن بالي على البال..... .مريت
مرور متمكن ماهو مرور ......عابر

أشعلت قلبي بالاشواق واقفيت
و بالصدر بركان ن من الحنين ثاير

ماعاد تنفع مع الايام ........يا ليت
دام الوليف بايع والحظ .......عاثر

 

[احلام عابره]

ياحزان مالك عليه الليله. تكاتفتي
يكفيكي ي دموع العين ... تجريح

ويكفيكي ياروح من البلا ما شفتي
ابي انام الليله خالي البال مستريح

 

[احلام عابره]

جتني الببلاوي من كل حدب وصوب
مابدري هوم القلب شلون .اداويها

بالله ياكاشف الظر عن كل. مكروب
تشفي جروح عدة سنين...... اعانيها

 

[عابر السبيل]

ياليت هاك اليوم عدى على خير
ولا صار ياحلو ات الاعيان ماصار

عقبه مشيت امر عنده تشاقير
امرها يمنى تشابه والايسار

كم يتعب الاقدام طول المشاوير
ياكم ذبحنا م البلاوى ب مشوار

اي والله اني ادفع للمحبه فواتير
والقلب منداشن والعقل منك محتار

امر بيته والحزن لاجله مسايير
ولا قاد فودن روحة ن له ومسيار

اكتب على شانه في بيوتي دنانير
وكم ذا دفعنا له بالابيات دينار

عابر السبيل

 

[احلام عابره]

ماعاد لي حيل ولإعادة بي ..طاقه
ولاعدت اقوى على عتاب الحبايب

ابات وأصبح وانا لشوفته مشتاقه
وجروح قلبي من سواته عطايب​

 

[عابر السبيل]

اتلى الخبر به والليالي مريفه
وياكل زمانك من طريات الارياف

واليوم يا راعي الثمان الرهيفه
من حولهن م التوت حلوات الاشفاف

يامجردن م العين سهمه وسيفه
ياعونة الله يا صليتات الاسياف

اليوم مابه ريح توحي حفيفه
ولا عاد به زولن على الباب ينشاف

ولا مع الاشفاق تلمح ل طيفه
طيفن يلهي القلب عن كل الاطياف

يسباك منها بسمة لك خفيفه
تخلي فوادك بين الاضلاع مرجاف

رقيق كف ن والانامل ظريفه
من رقها يعبر بها النور خفخاف

عابر السبيل

 

[مِيرِيَام]

ماطرق جفن المحبه رمش ماله في السهر
وما لمس نبض القصيدة شاعر جاها كذا


فهد المساعد

 

[احلام عابره]

انت السند يوم البلايا.. مخيفه
ولايوم ن حسبتك...... بالتوالي

بنت الحمايل والاصول الشريفه
ماغيرتها خطوب سود... الليالي

جنة غلاتك في خفوقي. مريفه
ولا غيرك بالملا يوم...... يحلالي

جيتك غلا لامنكسره....وضعيفه
بقلب ن اصفى من الماي الزلالي

لاقيني بشوق وليف........ لوليفه
لقا من له بالحشا منزال.... عالي

 

[عابر السبيل]

ياصاحبي والناس امست على خير
والليل ليّل واضفى على القاع بجلال

وماعاد تسمع بالشجر ناغم الطير
وجبال ليلى ترتدي اسود الشال

ثم ابتدى ياحلو عد الدنانير
وكم ذا بضافي الليل تحلى لي امثال

مسيك بالخيرات حلو التعابير
حطيت في ليلي معاميل ودلال

قل لي وش اخبار الغلا والفناتير
وموجن يعاف القاع ويرطم على جبال

من شن بقلبي قلت اسير مسايير
واخذ معك في سهرةالقاف فنجال

ومسيرها تصبح علومن واساطير
وقصة غرامن قالها كل قوّال

عابر السبيل

 

[عابر السبيل]

حروف البنفسج من على خد ورده
والزين للورده ولا يذكر اللون

وكم ذا يزين اللون لا جاه ضده
وكم شاعرن ف لون الازهار مفتون

قمت اتفكر في لوحة الخد مده
تحيا حروفي منك مر ويموتون

بنت السحابه يفضح الجو نده
يا طلسمن فيه التعاجيب مدفون

كم كاتمن للسر ينباح سده
مع لوحة الاعيان ينباح مكنون

منهو ابو هالزين من كان جده
لا يا بعد من يدعج الكحل بعيون

عابر السبيل

 

[عابر السبيل]

سلام ياللي يسحر الليل طيفه
تظنها في بعض الاحيان قنديل

اخذ عزيز الوقت برده وصيفه
كلل جميل الجو بالزين تكليل

كلن يبيها مير ما هي بكيفه
وجهن يكلل سهر ة الحب تجميل

راعي السوالف والعلوم الظريفه
تشبه بوقت الصيف لامع اسهيل

عابر السبيل

 

[احلام عابره]

تفداك من بين المخاليق........ روح
وجفن ساهر نجوم الليل .واهداب

تمر باحلامي وتنزف ب قلبي جروح
وآفز من نومي كني قريص الداب

 

[عابر السبيل]

قضى الحفل والكل روّح ل بيته
وشكلي باروح لصوب بيتي لحالي

محسوف مشوارن لصوبك مشيته
وانا شريت الوصل في حر مالي

وللي نساني بس انا مانسيته
وتصبح رخيصن من رفيقن موالي

وكم ذا يبيعك واحدن قد شريته
وتصير مفتونن تولع ب خالي

وكم ياخذك م الناس شخصن عطيته
ويصير ميراثك ليالن خوالي

وتبكي على وقتن تولى حييته
مثيل من يشري الحرام ب حلالي

ولاينفعك دمعن عشانه بكيته
وتشيل في قلبك غموض السؤالي

عابر السبيل

 

[عابر السبيل]

شعوف الهبايب قشت القشع بالبيد
تجلجل لنا باموات قشعن هلايم

تكر في المشوار بالقشع وتعيد
روحه وجيه غادياتن قوايم

تشبه لقصة م المواضي سراميد
حبن تولى كنه عن الفرح صايم

اللي مضى مافيه يالحلو تجديد
هذاك عصرن حظنا فيه قايم

ملامحه جاها من الوقت تجعيد
ولا عاد تنفع رقيتي والعزايم

سلام ياللي للمزايين جا سيد
الجادل اللي حط قلبي خرايم

انا اشهد انه نافلن جملة الغيد
اللي لها عينن بها الموت نايم

عابر السبيل

 

[احلام عابره]

قالو ليش عيونك سهرانه ...الليالي
قلت أرقب غموض القمر بانخسافه

مادرو اني فاقد ن انســان ... غالي
ورحيل خافقي معه ......وانجرافه

ليت الهوى ينشرى بليره.... وريالي
كنت اشتريته من بنوك ....الصرافه

لكنه شي ن تسامى ....... للمعـالي
امير ن فيه حله ملك ن .بانصرافه

له بين ظلوعي شبة نار.... ودلالي
طرق بابي واكرمته بحسن الضيافه

 

[ريما عبدالله]

‏تشكّل البعد في صدري غياب وحنين
‏والشوق لا هبّت الذكرى عطاها يده

‏لو يعرف القلب موعد غيبة الراحلين
‏تغانم الوصل لا حبابه قبل موعده
​

 

[رااشد]

قلبي هواك وعايفٍ باقي الناس
انت الوحيد اللي ملكته واحبك

فيك النقاء فيك الوفاء كلك احساس
حلفت مابعد عن طريقك ودربك

 

[عابر السبيل]

لا تخسر القادم شفاقه على امس
ماراح راح ولا يفيد التمني

ترى الوله يضفي على مهجتك حمس
وياكم روحن ذبحها التعني

الله ياللي هرجته م الحلى همس
قسمن بكى والقسم الاخر يغني

ياكم تلاشى منيتي طلعة الشمس
وانا على حبك كما الطير كني

عشر الروابع يارفيقي غدت خمس
غديت عندك قوس لاعب ل شني

عابر السبيل

 

[عابر السبيل]

دعيت انا احلامن تجيبك ولا جو
وانا اخفي دايما ن عنك حلمي

راحوا كما غيمن مع الجو لجو
وانا الذي ظنيت حلمي بعلمي

كن الهواجس صوب المحبين حجوا
وكم يختلط حربي معك مثل سلمي

عابر السبيل