اثبت حضورك ببيت من الشعر الشعبي

[نص عقل]

لاتحسب أني خفيف وانجرف كلّي
‏واطرد مزون الظنون وبرقها اللايح

‏عقلي دليلي واقيس العلم بالملّي
‏ونفسي عزيزة وقدري ماهو ب طايـح

رووعة

 

[نص عقل]

الله ياحزن بالروح يتلها تلي
ماعاد أدور الجاي من الرايح
ادوس بنزين سيارتي الهلي
قرنبع مكينتها ودخانها فايح

بقلمي

 

[عابر السبيل]

غنى على رطبن من الغصن شادي
كنه خطيبن قام وسط الجماعه

لجلج صداه بلوعه الصوت وادي
وكم يعتصر قلبي مع الشوق ساعه

كنه ورا حقب الزمن لي ينادي
تزهر غصوني عقب ماهي مراعه

ياصاحبي يحدى فوادي لعينك حوادي
وقلبن من الصدات يشكي المجاعه

عابر السبيل

 

[عابر السبيل]

كم آتلفت من يسار ويميني
اطلب اللمحات يا شبه القمر

اشقيت قلبي فيك وبالمثل عيني
واسوق انا البشرى ليا جاني خبر

سلام ياعود اليراع الرديني
كم اتلهف لك تلاهيف المطر

في ساعة الاشواق عيبي يبيني
وكم ذا حلا لي بقمراك السهر

عابر السبيل

 

[عابر السبيل]

نام السهر ب عيون منهو يهاويك
واللي ب طاري النوم يا صاحبي نام

كنك على نجوم السما لي واناجيك
واعتادت الاعيان نورك والاظلام

كم ارتبع لك م الشفاقه واناديك
مع طلعة الانوار والطير حوام

عسى الذي يشناك ياحلو يفديك
ويفداك ما تكتب يديني بالاقلام

عابر السبيل

 

[العذبه]

ما يلحق المشتاق يوم اشتاق لوم
انت الحضور .. وباقي العالم غياب

 

[عابر السبيل]

يامشرق اللمحات يا بسمة النور
وخصلات شعرن يلثمن الشفايا

من شافها يمشي مع الناس مسحور
نبع السعاده في جوار المنايا

اضرب بكفي له على مشة الزور
وياكم بحبه يخلفن النوايا

يشارك بلمحاته غريبن من الحور
ياكم سوى في فوادي سوايا

عابر السبيل

 

[العذبه]

‏انا انا ماني احد غيري
اللي يبيني يقبل اخطائي
قناعاتي، وطبعي، وتفكيري
اجمل ثلاث أشياء بأشيائي
‎#ياسر_البقمي

 

[عابر السبيل]

مالي لزومن مير زايد تعني
تمشي بي اقدامي على شف الاشجان

وقلبي كما قوسن يلاعب ل شني
بالليل بكتب بك شجيات الالحان

كني هبيلن في المهامه يغني
وقالوا الجنون الوان ياصاح وافنان

او مثل ذيبن قد تواجه وجني
لاهي ن يغني ثم تعشاه سرحان

عابر السبيل

 

[العذبه]

عش الحياه .. بجد ولا تساهل
الطيب خِلقه والمواقيف هقوات

ما دام نصف العافيه فـ التجاهل
ما كل حاجه تستحق التلفات

 

[عابر السبيل]

ياسرمدي الهرج يا طول طولك
تشبه لسطرن مالقى اليوم نقطه

قامت تجاول هالسواليف حولك
وكم للقلم ياقاري النص سقطه

عابر السبيل

 

[عابر السبيل]

قالت تعال وهذّب الليل بابيات
باجهز الدله واعطر مراكيك

واتيه انا واياك بالاخذ والهات
نوبن تغنيني ونوبات اغنيك

كله لعينن اهدرت جوز دمعات
ياللي تضاحكني وانا دومن ابكيك

شجوني معك تاتي مفاريد واشتات
وإليا لفى هالليل قامت تشاكيك

واقول انا ياللي كما الشمع مشكات
تاخذ من الاوصاف والوصف يعطيك

عابر السبيل

 

[رضا التركي]

وجهٍ رغم سود الصواديف نيّر
‏كنه يقول لطاري الجرح لاباس

‏وين أنت ياللي حالفٍ ماتغيّر
‏الجرح عاري لو تغطيه بلباس

‏حبل الوصل لا ماهقيته قصير
‏غصني فقد في ليلة الوجد نسناس

‏إن هبت الذكرى مع الوقت سيّر
‏وانس الوجع والفقد والحزن والياس

‏اقلط على عوج الضلوع وتخيّر
‏منزال ما داجه مسافر وعساس"

لقائلها

 

[ذهب]

حي الرفيق اللي يلم الصداقه
اللي يهلي كل ما اقبلت واقفيت​

 

[Яǿ7 ëηsάη]

يالله بصدفه يبدع الحظ فيها
‏لا تخطر بخاطر ولا تطري البال .



.




/

 

[مجيد الجنابي]

كون الندى البشفاك يلامس شفاي
شهرين أظل بالصيف ما اشرب الماي

 

[وعـــد 🎵]

لو البعد يجي على قد الٱشواق ..
‏كان شوقي تعدى بعدك وجابك ..

..

 

[مــاجــد 💯]

وريت نساكم ما تحبل ولا تجيب
وتقعد بطالة جالسات بلاكم

وعسى قمركم لا يطلع و لا يغيب
والشمس مطليه ويعتم سماكم

 

[عابر السبيل]

ياساكن النظرات وش سر السكون
كنك رضيته بالمفارق والرحيل

توي عرفتك ياالغلا منهو تكون
فاات الاوان وما بقى منها ظويل

يافديت الرمش يا ظل العيون
ظلن على خد الحلى ياهو طويل

لك في فوادي صارخاتن من شجون
يجي لها في الليل ياخلي عويل

يارقيق الشف يا نبع الفتون
كم كنت ممكن ثم صرته مستحيل

ياسارق الالوان وش بقيت لون
خليتها ياصاحبي حط ن وشيل

إن جت بك الايام مع عجف السنون
اقبل جميل الوقت لو هوه قليل

عابر السبيل

 

[عابر السبيل]

بالله وقف في طريقك دقيقه
ودي بكلمة راس بينك وبيني

ياساكنن بين الوهم والحقيقه
ياكم تشقى م المخاليق عيني

كم انتظر له ساهمن في طريقه
ياكم اظنك تحفة ن في سنيني

كم من عرى بالحب كانت وثيقه
كلها الزمن وامست سوالف حنيني

عابر السبيل