اثبت حضورك ببيت من الشعر الشعبي

[جيفارا]

 

[وعـــد 🎵]

تهـادى على قلبي ، و ريح ، و هـد ، و روق ،
‏وشف جرحي الشايب ورا الضحكه العذرا ،

‏أحبگ لهـا يومين في صوتي المخنوق ،
‏يسكر عليهـا الضيق وتضيع المجرى .. !

 

[عابر السبيل]

كنك تصب الصوت في صافي الكاس
يازين صوتك بينهن حيل زيناه

يامازج الاصوات في دافي احساس
كم ذا يضيع الليل في حلو مغناه

وانا اتفكر تايهن بين هالناس
ياكم هجسن نشتري به وبعناه

كم اتسلف في تعابيرك انفاس
وياكم ليلن لاجل عينك سهرناه

طاريك يشعل في المضامير نسناس
ويا انت احلى كل حرفن كتبناه

كم يعتريني ف التفاكير هوجاس
ووش هو طلب حبك ولا احنا عطيناه

امشي كما ناي ن يغني بوسواس
حبيب قافن وكل دربن مشيناه

عابر السبيل

 

[عاشقة الكتابة]

شعر ليبي ..
مكسور خاطري يا ناس مانلتام
شايل زعل حتى الوطا ما تشيله
على حوش ماشفته قرابه عام
و على بلاد ضاعت في حروب طويله
وعلى وضع سيئ ما لقيت مثيله
وعلى اطفال تمو فالزمان أيتام
وعلى اصحاب غابو فالقبور نزيله
وعلى رجال يبكو من شقاء ليام
وعلى دموع طاحن من شيوخ قبيل
وعلى قلوب ماتن قاطعات ارحام
وعلى ناس شالتها طريق ضليله
وعلى حال خلاني انطيح عرام
وعلى وقت شيلني حمول ثقيله

 

[سلمــان]

 

[عابر السبيل]

كنت اتمنى بسمة ن في ضحى العيد
واقول لك من قلب عيدك مبارك

في ساعة ن والطير يلهج ب تغريد
وسكون روحن اعشقه في جوارك

الله يا قرب ن يجي به تباعيد
وكم شق لي ياحلو شوفة ديارك

وكم تختفي بالعيد منكم مواعيد
ويموت في الامال فرحة مزارك

عابر السبيل

 

[عابر السبيل]

الشمس تشبه ثقب في طرحة الزين
حفلة ظلامن واشتعل فيه شمعه

والساهم اللي في عيونه تفانين
كم ذا سرق من عين الاحباب دمعه

في ساعة والشمس فيها تلاوين
شتات لونن يجهد العين جمعه

عابر السبيل

 

[عابر السبيل]

عيني على نجمن مع الليل داوي
يقطع تضاريس الفضا ياكل النور

انا على شوفه سنينن شقاوي
حبه بقلبي ياوسسط الجوف مسمور

الله ياجرحن ما حصل له مداوي
من سبته قلبي من الصدر مجرور

سلام ياللي في طريقه خلاوي
يشبه لمنهو له سنين مسحور

على امل نجمن تالي اللليل ظاوي
ولحنن يغني تالي الليل سنتور

عابر السبيل

 

[عابر السبيل]

كم تاكلك في بعض الاحيان نظره
وتسباك من بينات الاشفاف بسمه

والشاعر اللي يفضح القلب سطره
يدندن ويرسم فوق الاسطار رسمه

ياشاربن روحي قطرة ن عقب قطره
كنك ركبت اليوم م النود نسمه

ياناشدن عني والاحوال خطره
ينبيك عن خلك تقاسيم جسمه

عابر السبيل

 

[رااشد]

نكتب شعر مدري على شان نشتاق
و لا نخفف من مواجع ( قديمه ) .!
أصعب شعور ان جيت تكتب عن فراق
دمعك حبـر و أوراق حبك / يتيمه ..!

 

[رااشد]

لك بالحشــــا ود على غيـر مقياس
وغيرك ولو وصل القمر ما وصل له

غـــــلاك عندي فارق عن غلا الناس
ولوهم خذوا بعضه لك القلـــب كله

 

[رااشد]

سق ناظرك قدام والساق قدام
مافاتك بـعمرك مع الوقت فاتك
لا تبني أهدافك على كف الاحلام
ولا ترهـن أمالك ورى ذكرياتك
لا تضحك إلا من مصلي وصوام
ولا تشكي إلا في دعاك وصلاتك
خل الصبر درعك على مـر الايام
ولملم مشاعرخافقك من شتاتك

 

[العذبه]

ارخص علاقات الحياة المجامل
وأقوى علاقات الحياة التجمّل

 

[عابر السبيل]

ياكم عيدن راح في تالية عيد
العيد يمضي والليالي جدايد

ياكم عيدن عيدوه السعاعيد
وان كنت حي ن مقبل العيد عايد

سلام يا ممطل جميل المواعيد
كن المطل يا صاحبي لك عوايد

لوّك قطوعن ف التحية تراديد
مافي القطاعه يارفيقي فوايد

عابر السبيل

 

[العذبه]

ضيقة الخاطر وتعكير صفو المزاج
من عطايا الظروف ومن بركاتها

ودي أواجه الدنيا ب ضحكة حجاج
بس الأيام ماتترك حركاتها

 

[وعـــد 🎵]

أشتقت لك بس ماودي احاكيك
‏أبـيك من كيفك تحن و تجيني ..

 

[عابر السبيل]

بالخير يا سايق من البن فنجال
ألذ ما ذقنا من البن والهيل

عوده كما راك ن مع الريح ميال
ياكم يشدك غصنها والتماييل

من بينهن يمشي كما الفخر تخيال
وقالوا ترا السحر احيان ياتي تخاييل

ضوح الجمال اللي عجز ستره الشال
يحط في قلبي له اعمال ويشيل

ياصاحبي واصبحت مضرب للامثال
تعيش يا سايق لذيذ الفناجيل


عابر السبيل

 

[وعـــد 🎵]

عن مجمل الاحزان والافراح
‏سولف عليّ وينشرح صدري

‏ياخي وانا اسولف معك أرتاح
‏يمكني احبك وانا مدري

 

[عابر السبيل]

كم للطواري بعض الاحيان خمات
وتقوم كنك ناوي ن لك مشاوير

واحيان تاتي علومك سلامات
تاقف تهوجس دايرن للتفاكير

وشوقن حيا لك بعد ما كان قد مات
وتزعج على الاسطار لاجله تعابير

تشع من حسك على السطر كلمات
وينبت على الاسطار زهر ونواوير

عصرن مضى لك قد مضى له سنيات
ويدفع فوادك من زمانك فواتير

لك باقي ن ينفح على الروح نفحات
ويعطر اجواءي بالاحساس تعطير

عابر السبيل

 

[عابر السبيل]

قالت تسولف قلت مامن سواليف
ودي بسولافن تقوله عيونك

انظر بهن كني معك شارب الكيف
وشعاع حبن تجيبه شجونك

كم مرني من لياليك من طيف
وكم طيف مني يارفيقي يجونك

كم كلمة ن جتني ترادف مراديف
ومع المحل ودي تجيني مزونك

عابر السبيل