همسات من عوالم مجهولة

[بياع الورد 🌹]

مرهق كثيراً شعور أن لا شيء فيك ينتمي لهذا العالم
مشاعرك ، أفكارك ، وحتي قراراتك
كل شيء يضج بالبكاء وكل العوالم لديك تمتليء سوداويه
أن يكون شعورك كشعور مولود جديد يبكي ويصرخ لأنه أتي لعالم لا يدري عما يدور به شيئاً
فهو لا يعلم لماذا أتي لـ هُنا ولا ماذا عليه أن يفعل
ولا يعلم لماذا يبكي ويصرخ هكذا سوي أنه خائف
هكذا أنا ما زلت خائف وما زلت أبحث عن هويتي ومن أكون أنا .. وما زلت أبكي بلا أنين ولا دموع علي جثه مجهوله موجوده بداخلي تشبهني
ما زلت أصرخ في وجه هذا العالم
وما زلت أشعر بأنه عليَّ أن أهجر هنا بطريقة ما
ولينتهي هذا العبث ولتزول تلك المأساة

«»
بدايه الهمسات هزليات
كل يوم همسه وقصه وعبره
:::
فقط لا تملو
١
كنت قاعد لواحدي ف مكاني زي كل يوم، فجأة سمعت أصوات خبط تتبعه خطوات كتير..
قبل ما أتصدم وأخاف لقيت قصة صغيرة داخلة عليا وهي نافشة نفسها وديلها وبتعمل صوت ببوئها عامل زي فحيح التعابين، بتاخد خطوة لورا وبتستعد للهجوم وهي باصة عليا !!..

كشّيت ف نفسي وأنا ببص عليها، لأني عندي فوبيا من القطط.. من برة سمعت صوت أنثوي بيقول وهي بتنهج:
_ وا..واد يا رأفت.. شو..شوف اب.. ابوك يا واد وساعده.

رد عليها طفل وقالها بنبرة صوت حزين:
_ استني يا ماما أنا مش لاقي ميشو..

كل ده القطة باصة عليا وفاتحة بوئها، سمعت من برة وقع أقدام، وثواني لقيت طفل واقف وباصص على القطة وهو بيقولها بمرح :
_ لقيتك يا ميشو.. بقا انا بدور عليك وانت كل ده ف الحمام.

قرب عليها وشالها من ع الارض وأنا سامعه بيقولها وهو وبياخدها ويخرج بيها بره:
_ مش بتنفش نفسك كده غير لما بتشوف كلاب أو حيوان.. قولي بقى حيوان مين اللي أنت شايفه؟!!!.

في الوقت ده أكتشفت أن فيه سكان جداد جم الشقة وااا... ايه ده ثواني بس، هو الطفل اللزج ده قصده ايه؟.
مش معقول، غريبة.. بجد هتجنن ومش هسكت له، عايز اجري عليه واخبط على كتفه واقوله بكل غل وكره واشمئزاز ورعب عشان بخاف من القطط وأقوله بغضب:
_ بعد كده ماتغلطش غلطة كبيرة زي دي.. المرة دي هعديها.. لكن المرة اللي جاية هعيشك أسود أيام حياتك.. اللي أنت ماسكها قطة نتاية مش ميشو خالص.. مفهوم!!.
وهجز على سناني وأنا بقول مفهوم.. وأروح سايبه وماشي.. بس مارضتش.

قال ميشو قال.

​

 

[كاسيوبيا]

_


أما عاد ما عنده ذوق الولد
ليه الشتيمة أساسا

راق لي همساتك تقبل تحيتي

 

[بياع الورد 🌹]

همسه ذات عبره وعظه @@@
========​

انهاردة هطلع أهم أوردر من يوم ما بدأت الشغل بتاعي اللي استمر لمدة ٨ سنين تقريبًا، وكان لازم أهتم بكل تفصيلة في الأوردر لأن بناء عليه إما هكمل في شغلي أو كل حاجة هتنتهي تقريبًا، قعدت ليلتها أحضر الأكل والتوابل وأعصر الطماطم وأنا بدعي ربنا من قلبي الناس يعجبهم الأكل، وغصب عني بدأت افتكر الموضوع بدأ ازاي ووصلت للمشكلة دي امتا..

اتولدت لأسرة على باب الله زي ما بيقولوا، أب شغال يوم اه وعشرة لا، وأمي بتقعد على مدخل الحارة تحمر بطاطس وطعمية على فرشة صغيرة ونبيع للناس، واشتغلت زيها وإن كنت من جوايا بتمنى مبقاش زيها، عشان كدا كان عندي طموح كبير في مجالي، وحبيت المطبخ أكتر من أي مكان تاني، اشتغلت في مجال الأكل ولفيت على مطاعم كتير، لحد ما الأكل بتاعي بقا الكل بيتحاكى بيه..

في الفترة دي اتجوزت راجل بسيط على أد حالنا، كان شغال عامل في مجال المقاولات، وحاولت أساعد معاه وبدأت أطبخ للناس، أي حد عنده عزومة يكلمني ويبعتلي الأكل، وأنا خلال ساعات بسلمه الأكل جاهز للسُفرة، ومع الوقت بقيت أنا اللي بشتري الأكل وأحاسب الناس، شوية واسمي اتعرف ووصلت لمرحلة إني كل يوم بقيت بجهز أوردر واتنين، وبقا كل الناس في البلد بيكلموني، ومع زيادة الشغل جبت بنات يساعدوني وبقيت بكسب كويس جدًا، غير إن الأكل لما كان بيعجب الناس كانوا بيدفعولي إكراميات أكتر..

في الفترة دي خلفت بنتي وبعد شهر واحد جوزي مات في حادثة شغل، كان بيركب عامود نور واتكهرب ومات، ومكنش ينفع استسلم للحزن، لو شغلي وقع كل حاجة هتبوظ مني، واندمجت مع شغلي واديته كل طاقتي..

وبقيت بهتم بالأكل ونضافته والتتبيلة بتاعته وكل حاجة، لحد ما بدأ يظهر ليا منافسين، فلانة اللي هتعمل الأكل بسعر أرخص مني، وفلانة اللي عارفة وصفات أكتر، وفلانة اللي بتوصل الأكل لحد البيت وبتخلصه أسرع مني..

الكل كان باصص في رزقي وعايزين يعملوا زيي، شايفين واحدة بتطبخ بس وبتعمل مرتب اتنين موظفين في الشهر، ومع شدة المنافسة الأوردرات بدأت تقل يوم بعد يوم، وخاصة (أم ريم) اللي كانت ممكن تطبخ ببلاش بس تكسب الزباين مني، وكمان كانت بتفتح النت وتتعلم وصفات جديدة، في حين إني مكنتش بعرف أفتح النت ولا بفهم فيه...

لحد ما الكلام كتر وبقا فيه أنصار ليا بيحبوا الأكل بتاعي، وأنصار لأم ريم بيحبوا أكلها، وقامت زي مسابقة بينا، واحدة من الستات المعروفين في البلد قررت تطلب أوردر منها وأوردر مني، واللي الأكل بتاعها هيعجبها أكتر هتطلب منها دايمًا وغالبية الستات هيتبعوها، لأنها مرات أغنى راجل في البلد..

وحاليًا عمالة بجهز الأكل وأنا خايفة، المنافسة بتاعتي أكلها أحلى مني وده بشهادة القريبين مني، وفضلت أفكر لحد ما جتلي واحدة جارتي كنت بعتبرها زي أختي وقالتلي روحي لمحاسن وهي هتقولك على حل، بصتلها بتعجب شديد، محاسن دي بتاعت أعمال، هروحلها أقولها ايه، وايه علاقة الطبخ بالأعمال، قالتلي إن الست عندها حل لكل حاجة تقريبًا، ولو روحتلها أكيد هتساعدني، وفعلًا روحتلها وقولتلها كل حاجة..

ابتسمت وقالتلي إنها هتعملي وصفة تخلي أي حد ياكل الأكل بتاعي يدمنه، وهتكون وصفة مجانية كمان. بشرط كل أوردر يطلع بعد كدا هتاخد نسبة من الربح، خمسين في المية، بصتلها بتعجب لقتها بتخيرني، إما اه أو لا، قولتلها مش هنتفق غير لما أكسب رهان بكرة، دخلت جوة شوية وخرجت بحاجة زي البودرة بس كان لونها أحمر، قالتلي أخلطها بالبهارات وأحطها على الأكل، ومن انهاردة كل اللي هياكل من إيدي هيدمن أكلي..

وفعلًا عملت اللي قالتلي عليه رغم إني عارفة إنه حرام، بس أنا لو خسرت شغلي كله هينتهي، مش هلاقي الأكل أنا وبنتي، وراح الأوردر والست مَدحت في أكلي وقالت فيه أشعار، وانتشر الخبر في لحظات والبلد كلها بقت عايزة تاكل من إيدي، يومها فرحت فرحة العمر، ويمكن فرحت أكتر بسبب أم ريم اللي واثقة إنها هتموت من الغيظ دلوقتي، ده عقاب اللي ممكن يتحداني. وهتكون عظة لأي حد يفكر يتحداني في يوم من الأيام..
وانفردت بالشغل، ورجعت أيام زمان تاني، كل يوم أوردر واتنين، وإكراميات وفلوس وأكل كتير كنت باخده، كنت عاملة جدول للناس عشان أقدر أكفي الأوردرات، وبقيت بتطلب في أفراح وعقائق وموائد أطبخ فيها، نجمي كان بيعلى يوم بعد يوم، وكنت بقسم الربح مع محاسن بس مش بالنص، الفلوس معايا وسهل أديها أقل من اللي هي عاوزاه. وكانت الخلطة بتاعتها اللي بخلطها بالبهارات كانت بتجهزها كل أسبوع واخدها منها.

لحد ما جالي أوردر في بلد تانية، كانت عزومة في بيت راجل معروف وشغال في مكان معروف، وعملتلهم وليمة يومها محصلتش، وعلى الساعة ١٢ بالليل سمعت هرج ومرج والدنيا اتقلبت قدام بيتي ولقيت الشرطة جاية تقبض عليا، وعرفت إن العيلة كلها اتسممت من الأكل وفيه عيل صغير مات..

روحت القسم وأنا بقسم إن الأكل بتاعي سليم وإن أكيد اللي حصل مش مني أنا، وفضلوا يحققوا معايا أسبوع كامل بس محدش قدر يوصل لأي نتيجة واضحة، وخرجت بعد ما انتشر الخبر والكل قاطع الأكل بتاعي تمامًا، وفضلت مكتئبة أسبوع لحد ما وصلني ان أم ريم بتقعد كتير مع جارتي اللي نصحتني أروح لمحاسن..

ولما روحت لمحاسن قالتلي فيه مكيدة اتعملت فيا بين أم ريم وجارتي، وأكيد هما اللي غيروا الوصفة بحاجة تانية، ولما سألت مرات الصيدلي بتاع بلدنا عرفت إن أم ريم اشترت سم فئران من عنده من قريب، وعرفت إنه مقلب من جارتي، ومع السؤال أكتر عرفت إنها حقدت عليا واتفقت مع أم ريم تشغلها معاها وتديها مبلغ كبير مقابل إنها تخلط التوابل بسم الفيران، وبما إنها بتدخل بيتي براحتها فقدرت تعمل كدا..

كان تحذير من ربنا عشان أمشي كويس، بس للأسف النار مخلتنيش شايفة غير الانتقام، الانتقام وبس، خليت واحدة قريبتي تطلب أوردر من أم ريم وخلطت الشوربة بالسم وخلتها ترجعه ليها تاني بس بخناقة، وطبعًا أكلت الأكل هي وعيالها، واتسممت هي وبنتها وماتوا، وللأسف انتقمت ومحسبتش ما بعد الانتقام، حققوا في موتها ومع استجواب شديد لقريبتي حكت كل حاجة، ولما اتجاب اسمي وخاصةً إني كنت مقبوض عليا من فترة ركزوا معايا، وواجهوني بشراء السم من الصيدلية، واعترفت بكل حاجة، وحاليًا أنا مستنية النطق بالحكم..
::::_::::
الخلاصه والعبره..
لما ربنا ييسرلك طريق رزق وتبدأ تحس بالخوف من انقطاع الرزق لازم تعرف إن دي ما هي إلا وسوسة الشيطان ليس إلا، وإنك ما عليك إلا أنك تسعى وتراعي ضميرك وربنا عليه الرزق كله، إنما إنك تحاول تاخد رزقك بأي طريقة حتى لو كانت حرام فأبشر بانقطاع الرزق ونار الآخرة..
( وَأَن لَّيْسَ لِلْإِنسَانِ إِلَّا مَا سَعَىٰ)
سورة النجم آية ٣٩​

 

[بياع الورد 🌹]

همسه مجهوله ##
صحيت من شوية مفزوع من نومي, بتمنى ان اللي حصل ميكنش حقيقي, يكون مجرد وهم, أو حلم مُخيف ينتهي من صحياني, بس اللي شوفته تحت مخدتي كان بيقول غير كدا, فلوس كتير أوي, اكتر من خمس الاف جنيه, ايا كان اللي ممكن يكون حصل, المهم ان كل حاجة انتهت وأتمنى انها تعدي على خير..

نزلت أقعد على القهوة قعدتي المعتادة من بعد الضهر لحد أخر الليل, واهي الفلوس جت, وهتكفيني لوقت طويل لحد ما أفكر أجيب فلوس تانية بأي طريقة, ووسط القعدة الحلوة وحجر الشيشة المظبوط لقيت مكالمة جيالي من عمي عويس, وعمي ده كان يعتبر السجان بتاعي, عمي اللي مش عارف أتحرر من قبضته لحد انهاردة, واللي ممكن لما اعمل مشكلة كبيرة ينزل يضربني قدام الناس, راجل كبير في السن بس شخصيته وهيبته قادرة انها تمحي أي حد من قدامه..

هو شايفني عيل فاقد وبتاع مخدرات ومبهدل أمي معايا من بعد موت ابويا, وحلف ليفضل يعدل فيا لحد ما يموت, ودخلت من بعد موت ابويا معاه في صراع طويل استمر ل12 سنة, هو عايزني اشتغل واسيب طريق القهاوي والمخدرات وانا مش عارف ابقا كويس, ومش هنفع في أي مكان بعد كل الاماكن اللي خرجت منها بمشاكل عملتلي سمعة سيئة هتمسك فيا وفي اولادي واحفادي كمان من قوتها..

رديت على عمي وانا بنفخ من جوايا, مانا لو مردتش ممكن ينزلي مخصوص ويهزقني قدام الناس, لقيته بيعرض عليا شغلانة جديدة من الشغل اللي مبيخلصش, بس المرة دي نبرة صوته كانت مُخيفة, مخيفة جدا, نبرة صوته كانت بتقول اني لو فكرت أرفض احتمال ينزل يقتلني, وكالعادة قولت أريحه واروح الشغلانة يومين واسيبها بمشكلة أو خناقة أو حتى أقول مش عجباني..

بعتلي رقم مقاول عُمَّال وقالي اكلمه وهيرد عليا ويقولي على مكان الشغل, وأكد عليا اكلمه حالا, قفلت معاه وانا بلعنه الف مرة, بتمنى في يوم وليلة يطلع مش اخو ابويا أو يموت واخلص منه, كلمت المقاول واللي كان اسمه "ممدوح" وقالي اني هشتغل في موقع قريب من المنطقة, منطقة انشاءات جديدة وان الشغل هيبدأ من بكرة الساعة 6 الصبح ولازم أكون على الطريق السريع وقتها..

قفلت معاه وانا مخنوق ومش طايق نفسي, واليوم بالنسبالي اتقفل خالص, وعلى بالليل شربت سيجارة الحشيش وطلعت نمت عشان شغل تاني يوم, وفي نومي شفت حلم غريب أوي ومش مفهوم..

شفت نفسي واقف تحت جبل والجبل كله بيقع عليا بيقتلني, صحيت من النوم مخضوض وقلبي بيدق, كان كابوس واقعي بطريقة مخيفة, ببص في الساعة لقتها خمسة ونص الصبح, صحيت وانا حاسس بجسمي متكسر وبلعن عمي الف الف مرة, لبست هدومي بسرعة وطلعت على الطريق السريع, الجو برد قارص وشبورة غريبة نازلة على المكان كله, كأنك واقف في أرض الضباب, جسمي بيترعش من البرد ووجع مفاصلي مش مخليني قادر أتحرك حتى..

في الوقت ده رن عليا المقاول وقالي ان عربية العمالة داخلة عليا, ومفيش دقايق ولقيت عربية ربع نقل عليها ناس ملفوفين في الجلاليب ومتوشحين بأوشحة تقيلة بسبب البرد, ركبت معاهم وطلعت العربية, طلعت عشان يهاجمني تيار هوا بارد كان هيجمدني مكاني, حسيت كأن عضمي بيتكسر, كأني جوة جهنم وبتعذب في زمهريرها, خمس دقايق عدوا عليا كأنهم ساعة, ساعة من البرد وتكسير العظام, وفي النهاية وصلنا الموقع ولقينا عربيات نقل الرملة والحديد مستنية عشان تدخل, المقاول قسمنا مجموعات كل مجموعة هتستقبل عربيات النقل في مكان مخصص..

وبدأ شغل الموقع, دوشة المُعدات وحركة الناس وتوجيه العربيات ناحية اماكن التشوين, ولقيت نفسي قدام عربية نقل مطالب أوجه سواقها ناحية الركن عشان ينزل نقلة الرملة الضخمة, بدأت اوجهه واحدة واحدة وانا السيجارة في بقي ومش طايق نفسي من العفار والبرد, وفي النهاية وصلنا للمكان المحدد وطلبت منه يقلب قلاب العربية عشان ينزل نقلة الرملة, وقفت اتابع حركة القلاب وهو بيترفع وبتنزل منه الرملة واحدة واحدة, وفي لحظة لمحت اجسام لينة بتقع مع الرملة, كأنها قطع اسفنج متغطية بالقماش, منظر غريب مستوعبتوش في الأول, ومسافة ما الرملة كلها نزلت والعفار بدأ يقل تدريجي واحدة واحدة قربت من الاجسام المطاطية الغريبة دي..

كان المشهد غير مفهوم, كأنك بتبص للوحة كلها شغابيط وملهاش ملامح, بس لما قربت شوفت التفاصيل, شوفت اللي خلى شعر راسي يقف, جثتين, جثتين لراجل وست, الست رقبتها منحورة والراجل مطعون في كل مكان في جسمه وباصص ناحيتي بصة فزع..

وقتها عربية النقل رجعت لورا فخبطتني من ضهري ووقعت على الجثتين, وقعت عليهم وحسيت بيهم وكأنهم بيكتفوني عشان ياخدوني معاهم, كنت حاسس ان ايديهم رجعت فيها الحياة وانهم بيشدوني بعنف, بل وسمعت صوت صرخة, صرخة مألوفة طالعة من الجثة, وقتها نزل سواق النقل وشاف المشهد وبدأ يصرخ وينادي على الناس..
كنت لسة واقع عليهم, متلغبط وجسمي سايب مش عارف أقوم من على الجثث, في النهاية الناس شدوني ووقفت, وقفت وعنيا مليانة بمشهد الست المد-بوحة وهي بتبص جوة روحي من جوة..

رجعت البيت وانا مش قادر اتنفس, قعدت على القهوة وكسرت كوباية الشاي وانا بشربها من كتر رعشة ايدي, كارثة وحلت فوق دماغي, في اللحظة دي اتصل بيا عمي ومسافة ما فتحت:

- دانت لعنة يابني كل ما اوديك مكان تحصل مصيبة

رديت عليه وانا بتنفض وقولت:

• وانا اعمل ايه طيب يا عمي
• متهببش حاجة وتعدي عليا بالليل عشان عايزينك في القسم عشان التحقيق

جسمي اتنفض تلت مرات على الأقل لحد ما قدرت اتمالك أعصابي, وعلى بالليل روحت قدام الظابط وحكيت كل اللي شوفته بالتفصيل وانا دمي ناشف وكلامي كله مش مرتب, وفي النهاية سابوني أرجع من تاني واروح, بس عمي نصحني أكمل شغل لأن الكل هيكون مشكوك فيه وعليه العين الفترة دي لحد ما التحقيقات تنتهي ولازم أكمل عشان ملفتش الانتباه, منك لله يا عمي, منك لله..

تاني يوم مكنتش قادر انسى تفاصيل مشهد الجثث وهي على الرملة, كانت أعصابي كلها سايبة وصوتي مبحوح, ووسط الشغل وعربيات الرملة بتفضي شوفت حاجة بتنبش في الرملة من جوة, كأن فيه حشرة ضخمة عاوزة تخرج, قربت بخوف شديد عشان اشوف ده ايه, وفي لحظة قبضت ايد غرقانة دم على رجلي بقوة, وقعت على ضهري وصوتي واقف في حلقي مش قادر انطق, بصيت بفزع ناحية المكان ملقتش أي حاجة, في اللحظة دي مثانتي كانت هتنفجر, مشيت لأخر الموقع في مكان متداري وبدأت أتبول بعيد عن عيون الناس, بس مسافة ما بدأت بدأت أسمع صوت ورايا جاي من ورا أسياخ الحديد, بصيت بتوتر وقلق عشان المحها من تاني..

نفس الجثة, جثة الست المدبوحة, كانت بتشاور ناحية كوم الرملة, بتشاور وعنيها كلها غضب ووعيد, جريت زي المجنون في الموقع وانا حاسس ان قلبي هيقف من الجنان اللي بشوفه ده, ورجعت بيتي وانا وشي اصفر وفي حالة إعياء شديدة..

قعدت مكاني وقتها أبكي, أبكي بحرقة شديدة, أبكي على الكارثة اللي عملتها في حق نفسي, اتصلت على سبب الكارثة وفضلت استغيث بيه, حكيتله وطلبت منه المساعدة, طلبت منه يعمل أي حاجة, انا حاسس اني هموت قريب أوي, خاصة ان حلم الجبل اللي بيقع عليا فضل يتكرر كتير أوي, والجثتين بقوا بيظهروا في كل مكان..

جثتين أعرفهم كويس أوي, ماهو المبلغ اللي كان تحت مخدتي كان تمن بيع عربيتهم, مانا نسيت اقولكم اني اشتغلت قاطع طريق فترة على الطريق الجبلي, واصطدنا انا وصاحبي العربية دي كان فيها راجل ومراته, نزلناهم منها وهما سلموا تماما, والمفروض كنا ناخد العربية ونهرب, بس الشيطان لعب في دماغي لما شوفت مرات الراجل, ست تطير عقل أي حد, معقوله اسيبها تمشي بالسهولة دي, سحبناها هي وجوزها ناحية محجر الرملة, وبدأت اعتدي عليها, بس جوزها وقتها ثار, ثار وطلب الموت على انه يشوف مراته بتنتهك قدام عنيه, وقتلناه, قتلناه بأكتر من عشر طعنات, وهي لما ثارت وقاومت وبتأثير المخدر اللي كنت واخده دبحتها جمب جوزها, ودفناهم في رملة المحجر وخدنا العربية بعناها وقبضت تمنها..

بس مكنتش أعرف ان الجثتين هيتنقلوا على عربية الرملة ويجوا للموقع اللي انا أول مرة اشتغل فيه, مكنتش اتخيل اني هسمع من الجثة اللي اغتصبتها صرخة اخت الصرخة اللي سمعتها يومها, مكنتش أتخيل ان...
..............
تاني يوم في الموقع وبعد تشوين نقلة رملة ونقلها مرة تانية للمبنى اكتشفوا جثة مدفونة تحت الرملة, جثة العامل الجديد اللي جه يوم ما لقوا الجثتين, وكأن الموقع اتلعن بلعنة الموت, العامل لقوه مدفون تحت الرملة ومخنوق تماما, كأن فيه عربية نزلت نقلة الرملة عليه من غير ما ياخد باله..

بس شاهد عيان قال وأقسم انه شاف العامل بيكلم الفراغ وهز راسه بعلامة ايوة ونزل بإرادته تحت القلاب وهو بينزل عشان يتدفن ويموت, وانه خاف يتكلم لأنه افتكر ان كل ده وهم, وبعد تحقيق أكبر في الواقعتين قبضوا على صاحب معرض عربيات لقوا عنده عربية القتيل والقتيلة, وهو دلهم على عثمان اللي اعترف بكل حاجة عملها, واعترف ان صاحبه مات واتدفن خلاص..

كان ندمان, ندمان وبيبكي, بس من امتا الندم بيغسل افعالنا الكارثية, من امتا الندم بيمنع جرايم وشرور البشر, يمكن لو كان استخدم عقله لحظة مكنش ندم, ويمكن لو احنا بنفكر قبل أي فعل حرام مكناش وصلنا للنتيجة الكارثية, بس للأسف الشيطان بيلعب على وتر انه يعمي ابن ادم ويخليه يظن انه مش هيتكشف, بينسى ان ربنا اسمه العدل, وانا ربنا كلمته نافذة على الشيطان وعلى البشر, وان كل غلطة مننا ليها عقاب على قدرها, وان ربك هيرد الحقوق عاجلا أو آجلا, وان كل ذرة هنعملها ههنتحاسب عليها, ولا يظلم ربك أحدا..
..............
"فمن يعمل مثقال ذرة خيرا يره.. ومن يعمل مثقال ذرة شرا يره"
........​

 

[ندى الورد]

سؤال اخي هذي حصريه للغابه القصص
ومن كتاباتك ؟

 

[بياع الورد 🌹]

سؤال اخي هذي حصريه للغابه القصص
ومن كتاباتك ؟

هي ياسيدتي فكره مستوحاه مع بعض التعديل
فيها ماهو مقتبس او منسوخ بغرض الاستفاده وسوف يكون منها ماهو حصري ومن تأليفي أيضا
لا أعرف هل هناك خطأ ما؟؟
هل اخطات فى شىء؟

 

[ندى الورد]

هي ياسيدتي فكره مستوحاه مع بعض التعديل
فيها ماهو مقتبس او منسوخ بغرض الاستفاده وسوف يكون منها ماهو حصري ومن تأليفي أيضا
لا أعرف هل هناك خطأ ما؟؟
هل اخطات فى شىء؟

لا لا ابدا بس حبيت اعرف عشان اختمها لك
بختم حصري للغابه اشكرك للتوضيح

 

[بياع الورد 🌹]

لا لا ابدا بس حبيت اعرف عشان اختمها لك
بختم حصري للغابه اشكرك للتوضيح

لا تزعجي نفسك سيدتي لا تهم الاختام ولا الالقاب المهم الاستفاده والتذكير
وشكرا لكرمك اولا وتواجدكي ثانيا

 

[ندى الورد]

لا تزعجي نفسك سيدتي لا تهم الاختام ولا الالقاب المهم الاستفاده والتذكير
وشكرا لكرمك اولا وتواجدكي ثانيا

لكل مقال مقام وحبيت استفسر لااكثر
اشكرك

 

[ندى الورد]

تنقل للقسم المناسب

 

[ندى الورد]

نقلت للقصص المنقوله عشان كده سالتك

 

[بياع الورد 🌹]

عندي في الشغل زميلة اسمها هيام، مثال حي للبنت المُنحلة عديمة الحياء اللي ممكن تعمل أي حاجة تيجي في دماغها بدون أي قيود، أنثى بتعرف تستخدم سلاح الانوثة ببراعة تفوق براعة كليوباترا نفسها، الكل كان بيسمع كلامها كأنها ملكة وهما العبيد، حتى المدير مكنش بيكسر لها طلب وكأنها ماسكة عليه مصايب..

بتدخل الصبح باللبس شبه العاري والعطر الفواح وتمشي تهزر وتضحك مع طوب الأرض، هزار غريب ممكن يوصل لمد الإيد، الكل كان بيشتهيها من نظراته، بس محدش كان قادر يكشف عن ده، خاصة ان كل زمايلنا متجوزين، هي بس الوحيدة الانثى اللي اتجوزت سنة واتطلقت، ثلاثينية متحررة تبحث عن الرجل وسط الف ذكر..

وانا رغم اني انسان زيهم بس كانت بتجيلي حالة اشمئزاز من النوع ده، وكأني رغم جمالها وانوثتها بشوفها كيان بشع، مُقرف، مقزز، يمكن عمل خير عملته فربنا لسة منور بصيرتي وبعرف أميز بين الخطأ وبين الخطأ الفج اللي مينفعش تسكت عنه..

عشان كدا تجاهلتها من اليوم الأول، مكنتش حابب اتعامل معاها بأي شكل من الأشكال، ولا حتى اشوفها ولو بالصدفة، وهي لاحظت ده من أول ما عنيها وقعت عليا، وبدأت غريزة الكبرياء تنهش فيها، الست اللي قدرت تروض الكل فيه ذكر استعصى عليها..

وبدأت حرب باردة بيني وبينها، كنت قارئ في علم النفس وسيكولوجية النفس البشرية، وكان سهل اوي احلل شخصية زي دي واتوقع افعالها كمان، افعالها اللي تمثلت في محاولات مستميتة للاحتكاك بيا سواء بالهزار او الشغل او حتى الصداقة، بس كانت دايما بتشوف مني الوش الخشب، وده كان للاسف بيثيرها اكتر رغم اني كنت عايزها تسبني في حالي مش اكتر، مانا برضه مش ملاك ولا رسول وممكن أقع في الفتنة، بس دي مكانتش عاوزاني لمجرد اعجاب..

دي عايزة تراضي شيء جواها، ولو استسلمت وبقيت متاح لها هتمل مني وتعتبرني زي الباقي، وانا استحالة اكون ذكر، ابويا رباني أكون راجل واكره الغلط أيا كان هو..
. نسيت اقولك ان فيه جاذبية من نوع خاص أحاطت هيام لما اعلنت عن موهبة دفينة عندها، هيام بتعرف تقرأ الفنجان والكف، وانتشر الخبر بين المكاتب زي النار في الهشيم..

بل والناس بقوا بييجوا بأي حجة لمكتبنا عشان تقرأ الكف او الفنجان ليهم، بس هي كانت بتختار واحد كل يوم تقرأ الفنجان بتاعه وتقوله على أسرار في حياته محدش يعرفها، لسة فاكر اول يوم لما الكل اتجمع حوليها ومسكت كف زميل لينا وبدأت تتكلم

"مبتحبهاش بس مضطر تتعايش مع الوضع، هتخسر كتير بهجرك ليها، نفسك في الحرية وبتحاول تحصل عليها بأي طريقة، اوقات بتفكر تاخد الخطوة بس اعتقد ان ده قرار غير صحيح، اصبر والفرصة هتيجي لحد عندك"

الغريب ان زميلنا ده بدأ وشه يصفر وعنيه تبرق كأنها بتتكلم عن حقايق في حياته، وزادت نظرة الرهبة تجاه هيام خاصة انها سابته وهي بتبصله بصات جانبية ومشيت، البعض حاول معاها بس هي اشترطت، هتختار كل يوم شخص وتكشف سر عن حياته وتقدمله نصيحة..

وتاني يوم مسكت زميلة لينا وكشفت عن سر في حياتها، قالتلها ان اخواتك ظلموكي في الورث بس حقك هيرجعلك"

الغريب ان زميلتنا دي شهقت من الخضة خاصة انها عمرها ما حكت عن حاجة في حياتها لحد، وفي اليوم اللي بعده حكت عن خروجة لواحد صاحبنا مع واحدة غير مراته في اسكندرية من اسبوع، طبعا الكل ضحك وهو ضحك معاهم، بس نظرات عنيه المذعورة أكدتلي ان الكلام حقيقي..

ولما استفردت بيه حاولت اتأكد منه بحُكم انه بيثق فيا، وفعلا حكالي ان كلام هيام كله صح، الموضوع كان محفز للتفكير، البنت دي بتستخدم سحر معين ولا ايه، بس برضه مش هشغل نفسي بيها، وفي اليوم التاني اتكلمت عن شخص معانا ونصحته كالعادة، وبدأوا يتكلموا ويهزروا، ووسط كلامهم اتكلم صديق وقال:

- تفتكري يا هيام انتي تقدري تقرأي لأي حد الفنجان

بصتله بصة غرور وعنجهية واضحة وقالت:

• طبعا
• طيب تعرفي تقرأي لمعاذ

وقتها الكل بص ناحيتي وهي ابتسمت ابتسامة غامضة، ابتسامة تحدي، بصتلها بلامبالاة وكلمت زميلي ده وقلت:

- وانت بتصدق الدجل ده برضه يا سعيد

الكل وقتها استغرب من رد فعلي، وهي زادت ابتسامتها وقالت:

- طيب ايه رأيك لو كشفت عن حياتك قدام كل الناس دي بكرة

بصتلها بصة استهزاء وقلت:

- لا يعلم الغيب إلا الله يا شاطرة

اسلوبي استفزها اكتر وزالت نظرات الثقة، وبذكاء حاد اتكلمت وقالت:

- معاذ مبيكذبش وكلنا عارفين ده، وانا بتحداه بكرة احكي عن حاجات خاصة في حياته، وهو يقول وقتها ده صح ولا غلط، ايه رأيك ولا خايف

بصتلها باستهزاء اكتر وقلت:

- وانا موافق

وقتها الكل كان متحمس وكأنها مواجهة سيدنا موسى مع سحرة فرعون، الكل عارف اني مبكذبش، والكل عاوز يعرف الحقيقة فين، وانا رغم خوفي مكنتش حابب أمور الدجل دي كلها ومش مصدقها رغم كل شيء، بس كان جوايا جزء خايف من انها تعرف فعلا عن حاجة في حياتي..

وبالليل كلمت واحد صاحبي من القلة اللي تقريبا يعرفوا يفيدوك في كل حاجة تقريبا، مثقف ومتدين وراجل فعلا، حكيتله كل حاجة وبعد تفكير قالي:

• هتكلمك انهاردة متردش عليها غير لما تقولي، اياك ترد عليها
• وانت متأكد ليه كدا

وقبل ما يرد لقيت رسالة واتس من هيام، قرأتها من برة وكانت كاتبة:

- عامل ايه يا فنان، مستعد ولا لا

كلمت صاحبي وقولتله عشان يضحك. يقولي رد عليها وقول كذا، ومتكملش غير لما ترجعي، رنيت عليه فون وفتحت الواتس على الجهاز وبدأ يتابع معايا:

"انا بخير يا هيام وجاهز"
"متحمسة اشوف شكلك وانا بكشف كل اسرارك قدام الناس"
"قولتلك لا يعلم الغيب الا الله"

الغريب ان هيام كانت بتبعت كل رسالة مع ملصق واتس، مرة توم وجيري، ومرة ارنب، وهكذا، ومع رسالة من الرسايل بعتت ملصق بس مظهرش، وانا بكل تلقائية روحت ادوس عليه عشان يظهر، بس صاحبي وقتها قالي استنى وطلب مني اسكرين شوت للملصق ده..

ولما بعتله قالي اقفل الشات وبدأ يضحك، قالي ان ده برنامج هاكر مسافة ما بتدوس على الملصق الطرف التاني بيشوف كل محادثاتك، واعتقد مفيش شخص مش حاكي الف سر عنه لناس على الواتس بتاعه، وهيام بتلعب بالناس بالطريقة دي، بتبعت للناس بالليل وتهكر الواتس، وتقرأ الدردشات وتعرف معلومات كافية عن اسرار الشخص ده وتيجي تاني يوم تحكي وتنصح نصيحتها بطريقة مسرحية، ومع ملامح الشخص بتقدر تتحكم فيه وتوهمه ان نصيحتها هتتحقق..

عشان كدا بتطلب يوميا تقرأ لواحد بس، دخلت اتأكد من زميل وسألته ان كانت هيام كلمته واتس قبل ما تقرأ الكف بتاعه بيوم، وطلع الكلام صح، وقتها ابتسمت بفرحة كبيرة، هيام كانت عمالة تبعت وانا ضحكت وسبتها لتاني يوم..

وروحت الشغل وانا في قمة الثقة والسعادة، وكان الكل في الانتظار، بس هي كانت مهزوزة، قلقانة، خاصة انها معرفتش تهكر الواتس بتاعي، وبصت في كف ايدي وبدأت تقول كلام غير صحيح بصوت ضعيف ونبرة قلق عكس نبرة صوتها لما كانت بتقرأ لحد غيري..

وكانت كل ما تقول حاجة اقولها بابتسامة
"غلط"
وكنت بشهد ناس قريبين مني وبتصل بيهم كمان قدام زمايلي، والكل كان عارف اني مبكذبش، وشوفت العرق بيتكون على جبهة هيام، وقتها بصتلها بسخرية وقلت:

- قلتلك لا يعلم الغيب الا الله

وسبتها ورحت على مكتبي، وبعض البنات اللي كانوا بيغيروا منها استلموها سخرية واستهزاء لحد اخر اليوم، بس اللي شوفته في عنيها كانت نظرة غضب وثورة، مقت وكراهية للراجل اللي كسرها وجاب مناخيرها للأرض، وزادت كراهيتها ليا لما الكل انفض عنها ومحدش راحلها تاني يوم، وحتى اللي قرأتلهم قبلي استغلوا الفرصة وأنكروا كلامها لأنها كشفت فضايح عنهم..

وهي مكانتش هتسلم بسهولة، وكان لازم تكسرني عشان ترجع هيبتها قدام الناس، وفي ليلة وانا نايم شوفت دب رمادي بيجري ورايا وبيعض في رجلي، ولما بصيت عليه لقتها هيام..

صحيت من نومي قلقان وبدعي ربنا انه يكون خير، ولما فسرت الحلم عرفت ان الدم بيمثل المرأة المؤذية، وعضتها دي يعني محاولة ضرر كبيرة، وده خلاني تاني يوم اراقبها من تحت لتحت، خاصة انها كانت متوترة وعلى غير العادة وبتحاول تتجاهل نظراتي بكل الطُرق..

وعلى الضهر قمت عشان اتوضى واصلي، كنت انا وهيام بس اللي في المكتب، حطيت الجاكيت باعتي كالعادة على الكرسي هو والشنطة وخرجت، وقبل ما ادخل الحمام جالي هاجس أرجع المكتب بسرعة، ورجعت فورا عشان اتفاجئ بهيام بتحط حاجة في شنطتي، كانت مدياني ضهرها، راقبتها بشويش ولما رجعت مكتبها رجعت ولا كأني شوفت حاجة، وبعد نصف ساعة خدت شنطتي ودخلت الحمام، فضلت ادور فيها كتير اوي لدرجة اني شكيت اني بتخيل، بس في بطانة الشنطة لقيت قطع صغير كان استحالة الاحظه لو انا مش بفتش بالاهتمام ده..

مديت ايدي لقيت ورقة صغيرة ومطبقة طبقات كتير اوي اوي، فتحتها بهدوء وكانت الصاعقة، عمل، طلاسم كتير وكلام غير مفهوم، حسيت وقتها ان فيه نار بتولع جوايا، كنت هاخد قرار عشوائي يعملي مشكلة كبيرة، بس تماسكت، وفضلت افكر، وملقتش غير صاحبي اكلمه واستعين بيه، ولما حكتله قالي نصا

"حط الورقة في شنطتها في مكان خفي وسيب السحر ينقلب على الساحر"

عجبتني الفكرة، وكلمت زميل معانا يستدرجها برة عشان عاوز اعدل هدومي، ضحك على سذاجتي واستدرجها برة، فتحت شنطتها وقطعت حتة صغيرة جدا من بطانة الشنطة وحطيت فيها الورقة، ورجعت مكاني..

ومن يومها وغابت هيام، غابت لأكتر من اسبوع، البعض قال انها مريضة جدا، والبعض قال انها سافرت، بس بعض الزملاء لما راحوا يتطمنوا عليها قالوا انها مريضة جدا، وبعد عشر أيام لقيتها بعتالي على الواتس

"الحقني يا معاذ انا بموت"
"خير يا هيام طمنيني"
"انا عندي سر لازم اقولك عليه عشان لو قولتله ضميري هيستريح واموت وانت مسامحني"
"خير"
"انا مش بقرأ الكف ولا حاجة، انا كنت بهكر الموبايلات مش اكتر، ولما معرفتش اعملها معاك ومن غيظي كلمت واحد بتاع أعمال وعملتلك عمل عشان تحبني غصب عنك وتعترف اني بقرأ الكف، غرور مني للأسف لانك أهنتني قدامهم، بس بعد ما حطيتلك العمل ومن يومها وانا في كارثة، حاسة انك فعلا نقي وربنا بينجيك من الكوارث، انا بشوف راجل بأربع رجول في احلامي، بيضربني بالليل وبيعتدي عليا جنسيا، انا عايشة في رعب مش قادرة اخلص منه، عشان كدا قررت اقتل نفسي لعلي ارتاح، بطلب منك تسامحني لوجه الله"

ولأول مرة تصعب عليا، كلمت صاحبي بسرعة قالي انه خادم العمل بيعذبها وده متوقع لأنها موصلتش العمل بغباءها، وقالي ادلها على مكان الورقة في شنطتها واطلب منها تحرقها..

بعتلها بس مردتش، اتصلت بيها موبايل مرة واتنين لحد ما ردت وهي بتبكي بهيستريا، كانت فعلا بتحاول تنتحر، عرفتها مكان الورقة وطلبت منها تحرقها، وعملت كدا وهي مذهولة، واتحل الموضوع بالبساطة دي، اتحل وانا بتمنى يكون عظة لهيام وكل بنت شبهها..

كل بنت قررت تقتل خصلة الحياء اللي ربنا ميزها بيها، وكل بنت قررت تناطح الرجالة وتخرج برة ثوب الوقار والانوثة، للأسف الدنيا بتعاقب الأصناف دي عقاب شديد، اللي بتقتل حياءها الدنيا بتقهرها، وبتلاقي نفسها سلعة رخيصة بين ايادي الذكور، وربما سلعة في ايد الجن او شهوات الانثى والغرور والعنجهية والغيرة، هلاك الانثى كله بيبدأ من قتل الحياء عندها، وان جمال الانثى كله في حياءها ولو تخلت عنه فهي خرجت عن هويتها وبقت لا شيء..
......
حياء السيدة عائشة رضى الله عنها وأرضاها

لما توفى النبى صلى الله عليه وسلم دفن فى الحجرة النبوية الشريفة،

فكانت تدخل الحجرة متخففة من الثياب

وتقول :إنما هو زوجى.

فلما دفن مع النبى صلى الله عليه وسلم أبو بكر

ظلت السيدة عائشة تدخل حجرها بنفس حالها،

وتقول إنما هو أبى،

فلما استشهد الفاروق عمر بن الخطاب،

ودفن فى الحجرة النبوية،

لم تدخل السيدة عائشة رضى الله عنها تلك الحجرة إلا وهى محتشمة،

عليها حجابها حياء أن يظهر شىء من زينتها أمام رجل ليس من محارمها،

رغم أنه ميت ومدفون فى القبر، ورغم أنه الفاروق عمر رضى الله عنه

حيث قالت: فوالله ما دخلت إلا وأنا مشدودة علي ثيابي حياء من عمر .

اللهم جمًل جميع نساء المسلمين بالحياء يارب العالمين..
...

 

[هدوء]

انتقاءات جدا هادفة شكرا لتفضلك
باختيار الاجمل والهادف

 

[الاكليل]

عندي في الشغل زميلة اسمها هيام، مثال حي للبنت المُنحلة عديمة الحياء اللي ممكن تعمل أي حاجة تيجي في دماغها بدون أي قيود، أنثى بتعرف تستخدم سلاح الانوثة ببراعة تفوق براعة كليوباترا نفسها، الكل كان بيسمع كلامها كأنها ملكة وهما العبيد، حتى المدير مكنش بيكسر لها طلب وكأنها ماسكة عليه مصايب..

بتدخل الصبح باللبس شبه العاري والعطر الفواح وتمشي تهزر وتضحك مع طوب الأرض، هزار غريب ممكن يوصل لمد الإيد، الكل كان بيشتهيها من نظراته، بس محدش كان قادر يكشف عن ده، خاصة ان كل زمايلنا متجوزين، هي بس الوحيدة الانثى اللي اتجوزت سنة واتطلقت، ثلاثينية متحررة تبحث عن الرجل وسط الف ذكر..

وانا رغم اني انسان زيهم بس كانت بتجيلي حالة اشمئزاز من النوع ده، وكأني رغم جمالها وانوثتها بشوفها كيان بشع، مُقرف، مقزز، يمكن عمل خير عملته فربنا لسة منور بصيرتي وبعرف أميز بين الخطأ وبين الخطأ الفج اللي مينفعش تسكت عنه..

عشان كدا تجاهلتها من اليوم الأول، مكنتش حابب اتعامل معاها بأي شكل من الأشكال، ولا حتى اشوفها ولو بالصدفة، وهي لاحظت ده من أول ما عنيها وقعت عليا، وبدأت غريزة الكبرياء تنهش فيها، الست اللي قدرت تروض الكل فيه ذكر استعصى عليها..

وبدأت حرب باردة بيني وبينها، كنت قارئ في علم النفس وسيكولوجية النفس البشرية، وكان سهل اوي احلل شخصية زي دي واتوقع افعالها كمان، افعالها اللي تمثلت في محاولات مستميتة للاحتكاك بيا سواء بالهزار او الشغل او حتى الصداقة، بس كانت دايما بتشوف مني الوش الخشب، وده كان للاسف بيثيرها اكتر رغم اني كنت عايزها تسبني في حالي مش اكتر، مانا برضه مش ملاك ولا رسول وممكن أقع في الفتنة، بس دي مكانتش عاوزاني لمجرد اعجاب..

دي عايزة تراضي شيء جواها، ولو استسلمت وبقيت متاح لها هتمل مني وتعتبرني زي الباقي، وانا استحالة اكون ذكر، ابويا رباني أكون راجل واكره الغلط أيا كان هو..
. نسيت اقولك ان فيه جاذبية من نوع خاص أحاطت هيام لما اعلنت عن موهبة دفينة عندها، هيام بتعرف تقرأ الفنجان والكف، وانتشر الخبر بين المكاتب زي النار في الهشيم..

بل والناس بقوا بييجوا بأي حجة لمكتبنا عشان تقرأ الكف او الفنجان ليهم، بس هي كانت بتختار واحد كل يوم تقرأ الفنجان بتاعه وتقوله على أسرار في حياته محدش يعرفها، لسة فاكر اول يوم لما الكل اتجمع حوليها ومسكت كف زميل لينا وبدأت تتكلم

"مبتحبهاش بس مضطر تتعايش مع الوضع، هتخسر كتير بهجرك ليها، نفسك في الحرية وبتحاول تحصل عليها بأي طريقة، اوقات بتفكر تاخد الخطوة بس اعتقد ان ده قرار غير صحيح، اصبر والفرصة هتيجي لحد عندك"

الغريب ان زميلنا ده بدأ وشه يصفر وعنيه تبرق كأنها بتتكلم عن حقايق في حياته، وزادت نظرة الرهبة تجاه هيام خاصة انها سابته وهي بتبصله بصات جانبية ومشيت، البعض حاول معاها بس هي اشترطت، هتختار كل يوم شخص وتكشف سر عن حياته وتقدمله نصيحة..

وتاني يوم مسكت زميلة لينا وكشفت عن سر في حياتها، قالتلها ان اخواتك ظلموكي في الورث بس حقك هيرجعلك"

الغريب ان زميلتنا دي شهقت من الخضة خاصة انها عمرها ما حكت عن حاجة في حياتها لحد، وفي اليوم اللي بعده حكت عن خروجة لواحد صاحبنا مع واحدة غير مراته في اسكندرية من اسبوع، طبعا الكل ضحك وهو ضحك معاهم، بس نظرات عنيه المذعورة أكدتلي ان الكلام حقيقي..

ولما استفردت بيه حاولت اتأكد منه بحُكم انه بيثق فيا، وفعلا حكالي ان كلام هيام كله صح، الموضوع كان محفز للتفكير، البنت دي بتستخدم سحر معين ولا ايه، بس برضه مش هشغل نفسي بيها، وفي اليوم التاني اتكلمت عن شخص معانا ونصحته كالعادة، وبدأوا يتكلموا ويهزروا، ووسط كلامهم اتكلم صديق وقال:

- تفتكري يا هيام انتي تقدري تقرأي لأي حد الفنجان

بصتله بصة غرور وعنجهية واضحة وقالت:

• طبعا
• طيب تعرفي تقرأي لمعاذ

وقتها الكل بص ناحيتي وهي ابتسمت ابتسامة غامضة، ابتسامة تحدي، بصتلها بلامبالاة وكلمت زميلي ده وقلت:

- وانت بتصدق الدجل ده برضه يا سعيد

الكل وقتها استغرب من رد فعلي، وهي زادت ابتسامتها وقالت:

- طيب ايه رأيك لو كشفت عن حياتك قدام كل الناس دي بكرة

بصتلها بصة استهزاء وقلت:

- لا يعلم الغيب إلا الله يا شاطرة

اسلوبي استفزها اكتر وزالت نظرات الثقة، وبذكاء حاد اتكلمت وقالت:

- معاذ مبيكذبش وكلنا عارفين ده، وانا بتحداه بكرة احكي عن حاجات خاصة في حياته، وهو يقول وقتها ده صح ولا غلط، ايه رأيك ولا خايف

بصتلها باستهزاء اكتر وقلت:

- وانا موافق

وقتها الكل كان متحمس وكأنها مواجهة سيدنا موسى مع سحرة فرعون، الكل عارف اني مبكذبش، والكل عاوز يعرف الحقيقة فين، وانا رغم خوفي مكنتش حابب أمور الدجل دي كلها ومش مصدقها رغم كل شيء، بس كان جوايا جزء خايف من انها تعرف فعلا عن حاجة في حياتي..

وبالليل كلمت واحد صاحبي من القلة اللي تقريبا يعرفوا يفيدوك في كل حاجة تقريبا، مثقف ومتدين وراجل فعلا، حكيتله كل حاجة وبعد تفكير قالي:

• هتكلمك انهاردة متردش عليها غير لما تقولي، اياك ترد عليها
• وانت متأكد ليه كدا

وقبل ما يرد لقيت رسالة واتس من هيام، قرأتها من برة وكانت كاتبة:

- عامل ايه يا فنان، مستعد ولا لا

كلمت صاحبي وقولتله عشان يضحك. يقولي رد عليها وقول كذا، ومتكملش غير لما ترجعي، رنيت عليه فون وفتحت الواتس على الجهاز وبدأ يتابع معايا:

"انا بخير يا هيام وجاهز"
"متحمسة اشوف شكلك وانا بكشف كل اسرارك قدام الناس"
"قولتلك لا يعلم الغيب الا الله"

الغريب ان هيام كانت بتبعت كل رسالة مع ملصق واتس، مرة توم وجيري، ومرة ارنب، وهكذا، ومع رسالة من الرسايل بعتت ملصق بس مظهرش، وانا بكل تلقائية روحت ادوس عليه عشان يظهر، بس صاحبي وقتها قالي استنى وطلب مني اسكرين شوت للملصق ده..

ولما بعتله قالي اقفل الشات وبدأ يضحك، قالي ان ده برنامج هاكر مسافة ما بتدوس على الملصق الطرف التاني بيشوف كل محادثاتك، واعتقد مفيش شخص مش حاكي الف سر عنه لناس على الواتس بتاعه، وهيام بتلعب بالناس بالطريقة دي، بتبعت للناس بالليل وتهكر الواتس، وتقرأ الدردشات وتعرف معلومات كافية عن اسرار الشخص ده وتيجي تاني يوم تحكي وتنصح نصيحتها بطريقة مسرحية، ومع ملامح الشخص بتقدر تتحكم فيه وتوهمه ان نصيحتها هتتحقق..

عشان كدا بتطلب يوميا تقرأ لواحد بس، دخلت اتأكد من زميل وسألته ان كانت هيام كلمته واتس قبل ما تقرأ الكف بتاعه بيوم، وطلع الكلام صح، وقتها ابتسمت بفرحة كبيرة، هيام كانت عمالة تبعت وانا ضحكت وسبتها لتاني يوم..

وروحت الشغل وانا في قمة الثقة والسعادة، وكان الكل في الانتظار، بس هي كانت مهزوزة، قلقانة، خاصة انها معرفتش تهكر الواتس بتاعي، وبصت في كف ايدي وبدأت تقول كلام غير صحيح بصوت ضعيف ونبرة قلق عكس نبرة صوتها لما كانت بتقرأ لحد غيري..

وكانت كل ما تقول حاجة اقولها بابتسامة
"غلط"
وكنت بشهد ناس قريبين مني وبتصل بيهم كمان قدام زمايلي، والكل كان عارف اني مبكذبش، وشوفت العرق بيتكون على جبهة هيام، وقتها بصتلها بسخرية وقلت:

- قلتلك لا يعلم الغيب الا الله

وسبتها ورحت على مكتبي، وبعض البنات اللي كانوا بيغيروا منها استلموها سخرية واستهزاء لحد اخر اليوم، بس اللي شوفته في عنيها كانت نظرة غضب وثورة، مقت وكراهية للراجل اللي كسرها وجاب مناخيرها للأرض، وزادت كراهيتها ليا لما الكل انفض عنها ومحدش راحلها تاني يوم، وحتى اللي قرأتلهم قبلي استغلوا الفرصة وأنكروا كلامها لأنها كشفت فضايح عنهم..

وهي مكانتش هتسلم بسهولة، وكان لازم تكسرني عشان ترجع هيبتها قدام الناس، وفي ليلة وانا نايم شوفت دب رمادي بيجري ورايا وبيعض في رجلي، ولما بصيت عليه لقتها هيام..

صحيت من نومي قلقان وبدعي ربنا انه يكون خير، ولما فسرت الحلم عرفت ان الدم بيمثل المرأة المؤذية، وعضتها دي يعني محاولة ضرر كبيرة، وده خلاني تاني يوم اراقبها من تحت لتحت، خاصة انها كانت متوترة وعلى غير العادة وبتحاول تتجاهل نظراتي بكل الطُرق..

وعلى الضهر قمت عشان اتوضى واصلي، كنت انا وهيام بس اللي في المكتب، حطيت الجاكيت باعتي كالعادة على الكرسي هو والشنطة وخرجت، وقبل ما ادخل الحمام جالي هاجس أرجع المكتب بسرعة، ورجعت فورا عشان اتفاجئ بهيام بتحط حاجة في شنطتي، كانت مدياني ضهرها، راقبتها بشويش ولما رجعت مكتبها رجعت ولا كأني شوفت حاجة، وبعد نصف ساعة خدت شنطتي ودخلت الحمام، فضلت ادور فيها كتير اوي لدرجة اني شكيت اني بتخيل، بس في بطانة الشنطة لقيت قطع صغير كان استحالة الاحظه لو انا مش بفتش بالاهتمام ده..

مديت ايدي لقيت ورقة صغيرة ومطبقة طبقات كتير اوي اوي، فتحتها بهدوء وكانت الصاعقة، عمل، طلاسم كتير وكلام غير مفهوم، حسيت وقتها ان فيه نار بتولع جوايا، كنت هاخد قرار عشوائي يعملي مشكلة كبيرة، بس تماسكت، وفضلت افكر، وملقتش غير صاحبي اكلمه واستعين بيه، ولما حكتله قالي نصا

"حط الورقة في شنطتها في مكان خفي وسيب السحر ينقلب على الساحر"

عجبتني الفكرة، وكلمت زميل معانا يستدرجها برة عشان عاوز اعدل هدومي، ضحك على سذاجتي واستدرجها برة، فتحت شنطتها وقطعت حتة صغيرة جدا من بطانة الشنطة وحطيت فيها الورقة، ورجعت مكاني..

ومن يومها وغابت هيام، غابت لأكتر من اسبوع، البعض قال انها مريضة جدا، والبعض قال انها سافرت، بس بعض الزملاء لما راحوا يتطمنوا عليها قالوا انها مريضة جدا، وبعد عشر أيام لقيتها بعتالي على الواتس

"الحقني يا معاذ انا بموت"
"خير يا هيام طمنيني"
"انا عندي سر لازم اقولك عليه عشان لو قولتله ضميري هيستريح واموت وانت مسامحني"
"خير"
"انا مش بقرأ الكف ولا حاجة، انا كنت بهكر الموبايلات مش اكتر، ولما معرفتش اعملها معاك ومن غيظي كلمت واحد بتاع أعمال وعملتلك عمل عشان تحبني غصب عنك وتعترف اني بقرأ الكف، غرور مني للأسف لانك أهنتني قدامهم، بس بعد ما حطيتلك العمل ومن يومها وانا في كارثة، حاسة انك فعلا نقي وربنا بينجيك من الكوارث، انا بشوف راجل بأربع رجول في احلامي، بيضربني بالليل وبيعتدي عليا جنسيا، انا عايشة في رعب مش قادرة اخلص منه، عشان كدا قررت اقتل نفسي لعلي ارتاح، بطلب منك تسامحني لوجه الله"

ولأول مرة تصعب عليا، كلمت صاحبي بسرعة قالي انه خادم العمل بيعذبها وده متوقع لأنها موصلتش العمل بغباءها، وقالي ادلها على مكان الورقة في شنطتها واطلب منها تحرقها..

بعتلها بس مردتش، اتصلت بيها موبايل مرة واتنين لحد ما ردت وهي بتبكي بهيستريا، كانت فعلا بتحاول تنتحر، عرفتها مكان الورقة وطلبت منها تحرقها، وعملت كدا وهي مذهولة، واتحل الموضوع بالبساطة دي، اتحل وانا بتمنى يكون عظة لهيام وكل بنت شبهها..

كل بنت قررت تقتل خصلة الحياء اللي ربنا ميزها بيها، وكل بنت قررت تناطح الرجالة وتخرج برة ثوب الوقار والانوثة، للأسف الدنيا بتعاقب الأصناف دي عقاب شديد، اللي بتقتل حياءها الدنيا بتقهرها، وبتلاقي نفسها سلعة رخيصة بين ايادي الذكور، وربما سلعة في ايد الجن او شهوات الانثى والغرور والعنجهية والغيرة، هلاك الانثى كله بيبدأ من قتل الحياء عندها، وان جمال الانثى كله في حياءها ولو تخلت عنه فهي خرجت عن هويتها وبقت لا شيء..
......
حياء السيدة عائشة رضى الله عنها وأرضاها

لما توفى النبى صلى الله عليه وسلم دفن فى الحجرة النبوية الشريفة،

فكانت تدخل الحجرة متخففة من الثياب

وتقول :إنما هو زوجى.

فلما دفن مع النبى صلى الله عليه وسلم أبو بكر

ظلت السيدة عائشة تدخل حجرها بنفس حالها،

وتقول إنما هو أبى،

فلما استشهد الفاروق عمر بن الخطاب،

ودفن فى الحجرة النبوية،

لم تدخل السيدة عائشة رضى الله عنها تلك الحجرة إلا وهى محتشمة،

عليها حجابها حياء أن يظهر شىء من زينتها أمام رجل ليس من محارمها،

رغم أنه ميت ومدفون فى القبر، ورغم أنه الفاروق عمر رضى الله عنه

حيث قالت: فوالله ما دخلت إلا وأنا مشدودة علي ثيابي حياء من عمر .

اللهم جمًل جميع نساء المسلمين بالحياء يارب العالمين..
...

قصص جميلة ورائعة ولكن ياحبذا تكون مختصرة
لأنه محتاجه وقت لحتى الشخص ينتهي منها
والغاية من القصة
انها تكون مهضومة بسرعة
ومشوقة
هذا رأي
واشكرك جزيل الشكر

عندك القصة دي محتاجه ربع ساعة قراءة متأنية


وسعيد جدا بتواجدك معنا

 

[بياع الورد 🌹]

امبارح جتلي طالبة عندي تقريبا أول مرة اشوفها وقالتلي ان جدتها عاوزاني اديها درس خصوصي في البيت، بصتلها بابتسامة رقيقة وحاولت استفسر منها هي ليه عاوزة درس خصوصي، وحاولت اقنعها انها لو بتحضر ومبتغبش هتفهم كل حاجة، بس الغريب انها كانت مُصرة اوي وعمالة تردد جملة واحدة

"ماليش دعوة عاوزاك تيجي تديني درس خصوصي وإلا جدتي هتضربني"

البنت فضلت ترددها بطريقة غريبة لدرجة انها انهارت من العياط، حضنتها بلهفة وفضلت اطبطب عليها، كنت متعجب من اصرارها ده، بنت لسة في خامسة ابتدائي ايه اللي يخليها تطلب طلب زي ده، خاصةً اني معملتش الموضوع ده قبل كدا..

طمنتها اني هحاول عشان تهدى وبعدها رجعت على فصلها وكملت يومي عادي، بس البنت فضلت شاغلة بالي بطريقة غريبة، حاسس ان الموضوع اكبر من أي درس خصوصي، رجعت البيت على العصر صليت وفضلت في المسجد اقرأ قرآن لحد المغرب، وبعدها صليت وكملت لحد العشاء، وبعدها بدأت استقبل الحالات المريضة بالأمراض الروحية واقرأ عليهم وارقيهم..

اتعلمت كل ده من والدي الشيخ وسيم الله يرحمه، والدي اللي كان حافظ القرآن وفقيه في الدين بل واعتبروا البعض عالم من علماء العصر الحديث..

كان دايما على لسانه جملة واحدة

"ساعد الناس يا احمد ولو بحياتك"
"احنا اتخلقنا عشان نساعد الناس"

وانتهجت المنهج بتاعه، وقربت من ربنا وتفقهت في ديني لحد ما بقيت معالج شهير بستقبل حالات من بعد صلاة العشاء لحد الساعة ١١ بالليل، اللي محسود واللي مسحور واللي ممسوس، واللي جاي عنده وهم واللي مريض نفسي، بس ربنا كان مديني المقدرة والقوة اني اساعد كل الناس دول، وكان سلاحي رقم واحد هو الصلاة..

اللي اعرف اقنعه يحافظ على صلاته فيعتبر اتعالج من اي مرض، سواء روحي او نفسي، ومش أي صلاة، صلاة تعبدية صحيحة لله وحده، مش صلاة اعتيادية وخلاص، بعلمه ازاي يوصل حبل متين بينه وبين الخالق من خلال الصلاة، وبعلمه ان النجاة كلها بتتمثل في الحبل ده، سواء في الدنيا او الاخرة..

وخلص يومي بهدوء على غير العادة، مفيش حالة مس ولا سحر قوي، وبدأ يراودني احساس ان فيه صراع كبير جاي، استعنت بالله ورجعت بيتي نمت عشان المدرسة بكرة، وفي نومي شوفت الحلم الغريب ده..

أفعى ضخمة بتغرق في وحل ثقيل عمال يسحبها لتحت وهي عمالة تستغيث بيا بكُل الطرق، الغريب انها رغم انها افعى وممكن تلدغني بدأت اشدها من قلب الوحل، وكنت كل ما اشدها كانت بتتغير لشكل هدهد جميل الهيئة، بس الشد كان صعب ومجهد اوي، لدرجة اني صحيت مرهق من الحلم بطريقة غريبة..

وتاني يوم روحت المدرسة وكانت الحصة الرابعة في فصل البنت اياها، بصيت عليها وسط البنات بس مشوفتهاش، جبت الغياب وراجعته وكانت فيه بنت واحدة غايبة اسمها
"تُقى"
خلصت الحصة وروحت الشؤون اراجع الغياب لقيت تقى دي بتغيب كتير اوي، دعيت ربنا انها تكون بخير واستمر الحال من هدوء لهدوء لمدة اسبوع، بس احساسي ان فيه صراع كبير بيقرب كان عمال بيزيد، واحساسي نادرا ما كان بيكذب، عشان كدا زودت في العبادات اكتر واكتر..

وبعد اسبوع كامل شوفتها في الدور، تقى، ناديت عليها لقيت شكلها مبهدل اوي، سألتها هي ليه بتغيب عن المدرسة لقتها بتعيط وبتقول ان انا السبب عشان رافض اديها درس خصوصي، حاولت استفهم منها لو فيه مشكلة في حياتها بس مكانتش بتتكلم غير باللوم والعتاب.. وقتها سمعت كلمة ابويا بتتردد في ذهني

"ساعد الناس يا احمد ولو بحياتك"

ولقيت نفسي بوافق وبقولها اني هزورهم قريب عشان أول حصة، لقيت وشها ابتهج وقالتلي:

- انهاردة الساعة ٨ بالليل متتأخرش

وادتني العنوان، وانا معرفتش أرفض، واعتذرت لادارة المسجد عشان يبلغوا الحالات المريضة اني مش جاي انهاردة..

وعلى الساعة سبعة ونصف خدت عربيتي وروحت للعنوان اللي كنت حافظه عن ظهر قلب، موهبة من عند الله اني مبنساش حاجة ابدا، وكأن ربنا أنعم عليا بذاكرة فولاذية، لدرجة اني بفتكر حالات عالجتها من سنين طويلة لما بشوفهم تاني..

وصلت للعمارة ونزلت من عربيتي، بس اول ما دخلت من الباب بدأ قلبي يتقبض، احساس لما بيحصل بعرف ان فيه مصيبة على وشك انها تحصل، استعذت بالله ورددت كام ذِكر وتوكلت على الله..

بس كل ما كنت بقرب من الدور اللي فيه الشقة كان الاحساس بيزيد، وصدري بيضيق وقلبي بيدق بسرعة، تمالكت نفسي وخبطت على الشقة..

لحظات وفتحتلي تقى الباب، اول ما شافتني لقيت وشها اتغير بس رحبت بيا ودخلتني للصالة، وزاد شعوري اكتر واكتر، البنت بعد شوية جت قعدت جمبي وطلبت مني نبدأ الحصة..

جهزت الكتب وقعدت جمبها ولسة هبدأ بس وقفت وركزت في اللي سمعته، صوت همهمات غريب جاي من الاوضة اللي جوة، همهمات بتخليك تظن ان فيه حيوان جوة في الاوضة، حاولت اتجاهل الموضوع بس الصوت بدأ يرجع مرة تانية اقوى..

كأن فيه قداس شغال جوة، سألتها بتوتر عن اللي بيحصل قالتلي:

"دي جدتي بتصلي"

"طيب انا عاوز اتكلم معاها"

"هي قالتلي لو طلبت تكلمها يبقا ادخلها الاوضة"

استغربت اكتر واكتر، بس الصوت كان ضاغط على اعصابي بطريقة رهيبة، وده خلاني اقوم من مكاني واقرب من الاوضة، موقف زي ده كان استحالة اعمله لأنه تجسس واضح، بس كلام البنت طمني شوية..

خاصة ان ممكن تكون جدتها مريضة، قربت بهدوء وخبطت على الباب بس ملقتش غير صوت الهمهمة دي، فتحت الباب بهدوء وصُعقت من المشهد اللي شوفته..

ست عجوزة قاعدة وسط دايرة من الشموع وبتسجد لتمثال بشع شبيه بالشيطان، مكنتش محتاج وقت طويل عشان اعرف ان ده تعبد واضح للشيطان، جدتها من عبدة الشيطان والله اعلم ايه كمان، حسيت بدمي بيثور جوايا، وصرخت فيها بصوت جهوري

"ايه اللي بتعمليه ده"

وقتها بصتلي، بصتلي ومسكت ايدي بقوة غريبة وفضلت تبوس فيها وتقول كلمة واحدة

"انقذني أرجوك"

فضلت واقف مصعوق مش فاهم حاجة، بس بعد لحظات بدأت نظرات عنيها تتغير وصوتها يبقا خشن وتقول

"هقتلك لو قربت مني"

وقتها عرفت انها حالة مس، بس مس من شيطان قوي، قوي لدرجة انه ممكن يكون من المردة كمان، بس اللي معاه ربنا مبيخافش، اللي بيصلي وبينه وبين ربه حبل متين مبيخافش..

حطيت ضفري بعنف عند جبهتها واتكلمت بصوت جهوري وقلت

"إن الله يدافع عن الذين آمنوا"

وفضلت ارددها بصوت قوي، جهوري، وقتها بدأت عنيها تتلون باللون الابيض الكامل، استعذت بالله وبدأت اقرأ عليها، بس وانا بقرأ وهي عمالة تزوم وتتحرك سمعت صوت ضحكة من ورايا، بصيت لقيت تقى ماسكة سكينة وبتقرب مني بضحكة خبيثة، شيطانية..

وقتها عرفت قوة الشر اللي في البيت ده، شر عظيم، بس برضه ربنا معايا، وما ادراك ما عبد ربنا معاه، مسكت دراعها بقسوة لحد ما السكينة وقعت وقعدتها بعنف جمب جدتها وبدأت فورا في تلاوة ايات الحرق.. شياطين في كل مكان ومش هقدر اتعامل معاهم اطلاقا، الحرق وفي اسرع وقت هو الحل الفوري..

وللأسف كان الموضوع مرهق جدا، مرهق بنفس ارهاقي وانا بشد الافعى من قلب الوحل، تشنجات، صرخات، خيالات بتدور في الاوضة، وشيطان بيتوعدني بالقتل، البنت حاولت تدبح نفسها تلت مرات بس كنت بلحقها..

وبعد تلت ساعات من التلاوة استكانوا تماما، استكانوا ووقعوا في نوم عميق، وقتها كنت عرقان، صوتي مبحوح، مش قادر اتحرك، بس كان لازم اتحرك بسرعة، جمعت كل ادوات السحر اللي في الاوضة، ومعاهم التمثال واي حاجة غريبة وحرقتهم..

وبعدها قرأت الرقية في الشقة كلها عشان اطهرها، وشغلت اذاعة القرآن الكريم وفتحت البلكونة بعد ما رشيت مية متلو عليها في البيت كله..

وفضلت قاعد في الصالة لحد الفجر مستني لما يصحوا، وعلى الساعة ٣ صحيت الست العجوزة، خرجت وهي مرهقة واول ما شافتني وسمعت القرآن نزلت سجدت في الارض وفضلت تبكي لاكتر من نص ساعة كاملة، قومتها برفق وفضلت معاها لحد ما هديت وطلبت منها تفهمني..

وبعد بكاء طويل بدأت تحكيلي:

"انا بمارس السحر من ٢٠ سنة، ومن كتر ما تطورت فيه وتعبدت للشيطان قدرت استعين بخادم قوي، خادم مش اي حد يقدر يسخره اسمه ال....، وفضلت مكملة في الكفر والظلمات لحد ما تعبت من شهر تعب غريب وشفت الموت قدام عنيا، وقتها عرفت ان وقت الحساب قرب اوي، وان كل اللي عملته هتحاسب عليه عند ربنا، وبدأت اسمع صوت فوران جهنم بتزوم عشاني، بل وشوفتها في نومي بتناديني..

يومها صحيت وفضلت ابكي كتير اوي، كنت عارفة اني ههلك لا محالة، بس معرفش ليه افتكرت ان رحمة ربنا وسعت كل شيء، وانه بيتوب عن اي حاجة مهما كان، واتجدد جوايا الأمل، بس الشيطان لو كان حس اني بحاول اتوب كان حرقني حرق، لانه كان متمكن مني ومن حفيدتي لأبعد مدى..

وبدأت ولمدة اسبوعين كاملين انادي في سري

"التوبة يارب"
"التوبة يارب"

بقولها جوايا من غير حتى ما احرك لساني عشان ميعرفش، وبعد اسبوعين من المناجاة حلمت بيك، شوفتك في نومي بتمد ايدك عشان تساعدني، واتقالي نصا في الحلم ان محدش هيقدر يساعدني غيرك، والغريب اني شوفت تقى حفيدتي جمبك، يومها كلمتها ووصفت شكلك ليها وقالتلي انك الاستاذ بتاعها، رغم انها كانت بتغيب كتير بس كانت تعرفك كويس..

وطلبت منها تجيبك كمدرس خصوصي بدون ما اعرفها اي حاجة، وانت جيت، وربنا نجاني على ايدك، نجاني على ايدك يابن الشيخ وسيم..

ولقتها سجدت تاني وفضلت تبكي وتبكي وتناجي ربنا للتوبة، وقتها كان قرآن الفجر شغال، نزلت صليت وطلبت مني ارجع اطمئن عليها، صليت الفجر وحمدت ربنا كتير اني كنت سبب في نجاة شخص من النار..

ولما رجعت فوجئت بمشهد غريب، الست ساجدة على سجادة الصلاة ومبتتحركش، حاولت اهزها يمين، شمال، الست مكانتش بتنطق، جدة تقى الساحرة اللي كانت بتعبد الشيطان من ساعتين بس ماتت وهي بتصلي الفجر.. وقتها بكيت كتير اوي، وبكيت على بكاء تقى وهي بتحضن جدتها وبتنادي عليها..

اتصلنا بقرايبها واتدفنت الست العجوزة وخدوا تقى تعيش عندهم، وبعد الدفنة مشيت في المقابر ودموعي على خدي..

اد ايه ربنا رحيم بعباده، اد ايه مهما عملنا هيسامحنا طالما نوينا التوبة بجد..

اد ايه كان رحيم لما تاب على واحدة ساحرة بتمارس الكُفر من ٢٠ سنة..

تخيلت كل شاب وبنت عملوا ذنوب بسيطة وفاكرين ان ملهمش توبة، يارتني اقدر اقول للناس كلها ان رحمة ربنا عظيمة، واننا لو نوينا نقلع عن ذنب مهما كان ضخم ورجعناله هيقبلنا، وهيغفرلنا، بل وهيكافئنا كمان..

معرفش ليه وقتها افتكرت قصة الشاب اللي من بني اسرائيل اللي أطاع الله ٢٠ سنة وبعدها عصى ربنا ٢٠ سنة

ولما بص لنفسه مرة في المراية وشاف ان شعره بيشيب خاف ودعى ربنا

يارب.. عبدتك عشرين سنة.. وعصيتك عشرين سنة.. فإن عدت اليك اتقبلني

وقتها ناداه منادي من قِبل الله

أحببتنا فأحببناك
وتركتنا فتركناك
وعصيتنا فأمهلناك
وإن عدت الينا قبلناك

وكلنا ربنا بيمهلنا رغم معاصينا، واعتقد جه وقت التوبة النصوحة لرب العالمين.. توبوا الى الله يا عباد الله وعجلوا بالتوبة.. توبوا لله ولو في الحال.

 

[بياع الورد 🌹]

جوزي بقاله كام يوم كدا والحالة المادية معاه متعسرة لأبعد مدى, واللي زاد وغطى ان اخته اتطلقت وبقا مُطالب يصرف عليها بأي طريقة, ده غير علاج أحمد ابني اللي بيكلفه الف جنيه كل شهر, وللأسف وقع في مفرمة اسمها الشغل عشان يقدر يكفي التلت جوانب, البيت وبيت اخته ومصاريف علاج ابني..

ووقفت أراقبه من بعيد وهو متبهدل ليل نهار عشان يقدر يكفي, ما بين الشغل والاستلاف وتوفير حتى تمن الهدوم والأكل عشان يقدر يمشي الأمور, وهو كان راجل من رجالة زمان, اللي هو ممكن يبيع من لحمه عشان بيته واخته وأمه, لاحظت عليه في الفترة الأخيرة انه بقا هزيل أوي, وتوقعت انه حتى مصاريف الأكل بتاعته بيوفرها عشان يقدر يكفينا رغم انه راجل بيحب الأكل وممكن ياكل يوميا خمس مرات..

بس انا قررت اعتزل كل حاجة طالما مصروفي باخده شهريا ومليش علاقة بعلاج ابني, ماهو في النهاية هو الراجل ودي شغلته, انا مش مطالبة أعمل أي حاجة, وبعد حديث طويل مع سميرة صاحبتي بدأ الشك والخوف يدخلوا قلبي, خاصةً اني أعرف ان الراجل لما بيتزنق أول حاجة بيفكر فيها هي دهب مراته, وانا مستعدة أضحي بأي حاجة مقابل الدهب بتاعي, ومش مستعدة أفرط فيه بأي شكل من الأشكال..

وزاد القلق اكتر واكتر لما لقيت الظروف معاه بتصعب اكتر واكتر, ثمن العلاج زاد واخته مصاريفها زادت والبيت كمان مصاريفه بتزيد يوم بعد يوم, لدرجة انه بقا بيمشي في البيت يكلم نفسه, وعنيه دايما حيرانة, وايده بعد كل صلاة للسما بينادي ربنا يفرجها عليه لأنه مبقاش قادر..

وانا واحدة ست, ومن حقي أحس بالأمان, والراجل ده الظروف بتقول انه قريب مش هيبقا مصدر أمان, وكل ما فلوسه بتقل بتأكد من ده, مفيش غير دهبي هو الأمان الأكبر في حياتي, بس الخوف انه هيفكر في المرحلة الجاية انه يطلبه مني, وانا لو رفضت شكلي قدامه وقدام الناس هيكون عامل ازاي, بل وهرد ساعتها هقوله ايه خاصة انه حرفيا مش مخليني محتاجة حاجة على مدار سنين طويلة, وبعد حكي أطول مع سميرة لقيتها بعتتلي لينك لصفحة ناشطة نسوية بتتكلم عن حقوق الستات, وطلبت مني أتابع فيديوهاتها وبالأخص فيديو معين..

فتحت الفيدو ولقيت الست بتتكلم بإسلوب قوي وشديد ومنطقي ومقنع جدا جدا, بتتكلم عن نفسية الراجل اللي قادرة تستغني عن الست وقت الرخاء وانه مفطور عشان يتزوج مرة واتنين وتلاتة, ووقتها بيهمل الست القديمة اهمال كلي وبيوقعها في مصيدة الاحتياج وتفضل عبدة بين ايديه عشان يرميها وقت ما يحب..

والأمان كله في الوقت ده اما في الدهب او الوظيفة, وكانت بتنصح كل ست مهما حصل متديش الدهب لجوزها لأنه مش هيفتكر وقفتها وان 90 في المية من الرجالة مش هيردوا الدهب بعد ما الأزمة تتحل, كلامها كان مقنع ومنطقي جدا, مانا مش هفرط في حاجتي عشان اتهان في الأخر..

ووسط التعليقات لقيت تعليق من بنت بتقول الآتي

"انا فعلا جوزي طلب الدهب بتاعي وانا مش عارفة أعمل ايه"

ولقيت ردود كتيرة على التعليق بتاعها ومن ضمنهم تعليق بيقول

"هتخرجي في مرة بأي حِجة وانتي لابسة الدهب ويبقا هو في البيت, وترجعي بعد ساعتين وتحاولي تبهدلي هدومك وتقوليله اتنين ثبتوني في التوك توك وخدوا مني الدهب, وتخبي دهبك براحتك وقتها"

معرفش ليه الفكرة لمعت في عنيا, ولمعت اكتر واكتر لما سمعته في مرة بيتصل بواحد صاحبه وبيطلب منه فلوس سلف, جوزي كان متحطم, مكسور, وكلها أيام ومليون المية هيطلب مني الدهب..

استنيت يوم الأجازة وقولتله اني هروح السوق واتعمدت اوريه الدهب وانا لبساه, وبعد ساعة كنت عند سميرة شلت عندها الدهب وعرفتها باللي هعمله وشجعتني جدا جدا, رجعت البيت طرحتي متبهدلة وعمالة اترعش, أول ما شافني قام اتنفض زي اللي اتكهرب وجري عليا, فضل يستفسر عن حالتي بس انا مردتش عليه وفضلت في حالة صدمة طويلة, وفي النهاية وبعد بكاء طويل قولتله اني وانا راكبة التوكتوك اتنين فتحوا عليا مطواة وخدوا الدهب بتاعي..

ومن غير كلمة لقيته خدني في حضنه بقوة, حسيت وقتها بجسمه بيولع بالنار وبيتنفض مرة واتنين وتلاتة, لدرجة اني خفت منه, كان غضبان, ثاير, لقيته بيتكلم وعنيه بتلمع بدموع الثورة وقال:

- حد لمسك من جسمك

هزيت راسي بمعنى لا, كان غيور, غيور جدا, عنده يخسر الدنيا كلها بس محدش يلمس جسمي ولو لمسة واحدة, بعدها فضل يستفسر مني على كل التفاصيل الللي كنت محضراها, ركبت التوك توك من المكان الفلاني وفتحوا عليا المطواة في المكان الفلاني, بعدها بساعة طلب مني البس عشان نروح القسم نعمل محضر..

اتصدمت, مكنتش متوقعة ده, كنت فاكرة انه هيسكت, بس طبعا خفت أرفض يشك فيا, كلمت سميرة وقالتلي عادي روحي وخلي كلامك ثابت, وفعلا روحنا لأمين شرطة هناك وخد أقوالنا وهو كلم حد يوصي علينا عشان يهتموا بالمحضر, وبعدها أمين الشرطة دلنا على واحد هيساعدنا, روحناله وسمع مني القصة كلها وراح معانا عند المكان اللي قولت عليه, ولقيته راح لكذا محل يراجع الكاميرات, وفضلوا اكتر من ساعتين يستنوا مشهد من اللي انا قولته بس انا مظهرتش أصلا..

بدأوا يضغطوا عليا اني افتكر التفاصيل بس انا فضلت مُصرة على كلامي, وهو راح للقسم أربع مرات ما بيت تخليص ورق واتصالات ومحاولات, وفضلنا لحد الساعة 10 بالليل بنعمل الف محاولة وبنراجع عشرات الكاميرات, لدرجة انه بدأ يحس بهبوط من قلة الأكل والشغل والمجهود, وفي النهاية أمين الشرطة قاله

"خلي مراتك تفتكر كويس لأن الكلام ده مش صحيح, خليها تتذكر وتعالى مرة تانية, ولولا انك راجل شكلك محترم كنت عملتلك تهمة بلاغ كاذب ودفعت غرامة كبيرة"

خرج من القسم عامل زي الراجل العجوز, متكلمش معايا, وانا حلفت ميت مرة ان اللي قولتله ده اللي حصل, خفت يعرف اني كذابة, بس هو فوض الأمر لله وقالي انه هيعوضني لما الظروف تتحسن, ورجعنا البيت حاسة بشوية تأنيب ضمير بس الاحساس الأكبر كان بالانتصار, وقتها جت فاطمة اخت جوزي تزورنا لما عرفت بالصدفة اننا في القسم, وبعد محاولات منها لمعرفة السبب قولنالها ان الدهب بتاعي اتسرق, حاولت تدعمنا بالكلام وان ده قدر وكل الكلام ده, جوزي في النهاية دخل ينام من الغم اللي فيه وسابني انا وهي نتكلم..

وهي كانت خبيثة, واحدة ست يتخاف منها ويتعملها الف حساب, خفت منها أحسن تكشف لعبتي خاصة انها فضلت تسأل على تفاصيل كتيرة أوي, وفي النهاية قالتلي:

• انا عارفة مين اللي هيجبلك الدهب
• ياريت
• هنروح المقام
• مقام ايه
• ده مكان اللي ضايع منه حاجة بيروح فيه للشيخ مبروك وبيقوله على مكان الحاجة
• لا طبعا ده دجل الكلام ده
• دجل ايه ده راجل بتاع ربنا, وبعدين واحدة زيك ضايع دهبها ازاي بالهدوء ده ولا انتي مش عايزة الدهب يرجعلك

كلامها خوفني اكتر, خاصة انها لاحظت انفعالي, لاقيت نفسي بقولها نروح عادي بس جوزي لو عرف هيعمل مشكلة, قالتي انه سهل نروح من غير معرفته وكله في صالح البيت وان الدهب يرجع..

واتفقت معايا اننا هنروح بكرة, كلمت سميرة قالتلي روحي ومتقلقيش خلي الموضوع ينتهي, لأن وقتها هتقطعي كل الشكوك اللي حوليكي, وفضلت طول الليل مش عارف انام من القلق للأسف, وتاني يوم وبعد ما جوزي مشي عدت عليا اخته وخرجنا مع بعض وهي بتطمني ان الحاجة هترجع وهيعرف مين اللي عمل كدا..

وبعد نصف ساعة كنا في مكان شبيه فعلا بالمقام في بلد جمبنا, وخدنا ميعاد ودخلنا للشيخ في مكان شبيه بالمندرة اللي في بيوت الأرياف, مكان واسع بنقعد فيه على الأرض لاستقبال الضيوف, دخلت للشيخ وحكيتله كل حاجة, كان باصص في عنيا بصة غريبة وانا بحكي, بصة مخيفة وغريبة خلت جسمي يترعش, وبعد ما خلصت الحكي طلب من اخت جوزي انها تخرج عشان يكشف عليا, لأن الكشف مينفعش يحصل قدامها, خرجت بسرعة وانا قعدت مكاني خايفة, خاصة انه قام وقف وفضل يدور حوليا وهو مبتسم ابتسامة خبيثة:

- ده انتي طلعتي أخبث من الشيطان يا بت

بصتله باستغراب وبغضب وقولت:

- انتي بتقولي انا يا بت، انت متخلف

وقبل ما اكمل الكلمة لقيته نزل بكف ايده على وشي, بصتله بصدمة غريبة لقيته كمل وقال:

- تحبي تصرخي وافضحك قدامها واقول انك مخبية الدهب عند صاحبتك, ولا تحبي تزعقي فابعت حد من حبايبنا للقسم يقول للأمناء هناك اللي حصل, ماهم حبايبي برده وفيه منهم بساعدهم في الشغل

وقتها اترعشت, اترعشت أوي, لقيته شدني من طرحتي ومسك شعري بعنف وابتسم اكتر, كلمته وانا بتنفض وقولت:

• انت عايز ايه
• عايز اهينك يا قذرة, متعرفيش انا بعشق اهانة الستات ازاي

مش هقدر احكي واقول اللي حصل, بس كل اللي اقدر اقوله انه لمدة نص ساعة انا اتشتمت بأقذر الالفاظ اللي في الدنيا واتحرش بيا بكل السُبل وخد مني كل الفلوس اللي في شنطتي, بل وصورني وهو بيتحرش بيا وأجبرني أبص للصورة وابتسم, وفي النهاية داس برجليه على وشي زي الحيوانة وقال الآتي:

- تخرجي تقوليلها اني كشفت وهرد عليكم قريب

وخرجت من عنده, خرجت وانا معدومة كل حاجة, الكرامة وعزة النفس وحتى الانوثة, كلمة مسح بيا الأرض كلمة لا تساوي شيء في اللي حصل فيا, حكتلها انه كشف عليا وهيرد علينا قريب ورجعت بيتي, رجعت وانا مش قادرة حتى أعيط, مش قادرة أصدق اللي حصل فيا انا الست اللي محدش عرف يرفع عينه فيها قبل كدا لأنها متجوزة راجل عارف يجيب حقها كويس, يارتني اقدر اقوله على اللي حصل ويقتل الكلب ده..

مكنتش قادرة أرجع البيت نهائي, روحت لسميرة عشان أفضفض معاها شوية واخود منها الدهب, بس الغريب انها استقبلتني على الباب بطريقة غريبة:

• اؤمري
• مالك يا سميرة انا جاية اقعود معاكي شوية
• مش فاضية
• طيب هاتي الأمانة بتاعتي وهسيبك

لقيت صوتها بقا أعلى واتكلمت بإسلوب سوقي وقالت:

- أمانة ايه انتي جاية تتبلي عليا يا بت انتي, يالا غوري من هنا

بصتلها بصدمة أكبر وقولتلها:

• الدهب بتاعي اللي شلته عندك
• دهب ايه يا فقيرة انتي هو انتي حيلتك حاجة
• لا دانا ممكن اسجنك لو فكرتي تاخديه
• والله اللي اعرفه ان دهبك اتسرق بشهادتك قدام ظباط القسم فامشي من هنا بقا

وقتها الجيران كانوا اتلموا على الصوت, وهي فضلت تزعق وتشتمني وتتهمني بالكذب, ومن ثورتي وكل اللي حصل فيا مسكتها من رقبتها, وزقتها بكل قسوة من على السلم, وفي لحظة لقتها واقعة والدم بينزف من راسها, لحظة واحدة اتورطت في مصيبة رهيبة..

الجيران مسكوني وركبوني عربية بالعافية وودوها على المستشفى وهي بتحلف لتاخد حقها مني, ومن المستشفى خدونا على القسم, وهناك اتعاملت معاملة اللي جاية من شقة مخلة بالإداب, اهانة وتجريح خلاني انهار من العياط, حكيت للظابط اللي حصل بس هو اتهمني بالكذب خاصة اني قولت قبلها بيوم ان الحاجة اتسرقت فازاي دلوقتي بقول انها معاها..

كنت ثايرة, ببكي, منهارة, وجه جوزي يجري وهو ملهوف عليا, عنيه كانت بتنطق بالرعب والخوف عليا, بس أول ما سمع وعرف الحكاية نظرة عنيه اتغيرت الف مرة, وبقت نظرة استحقار وقرف ملوش حدود, وبعد كلام طويل قررت سميرة تتنازل عن المحضر في مقابل اني اسكت ومتهمهاش بالباطل ده, يعني من الأخر ضاع عليا الدهب, جوزي فضل معايا عشان بس أخرج من القسم, وعلى بالليل كنا خرجنا وانا عمالة أبكي باستمرار, ولأول مرة اشوف في عنيه نظرة استحقار, رغم ان عمره ما شافني بعيط الا واحتواني, وبكل هدوء وبنبرة هادية جدا قال

"انتي طالق"

وسابني ومشي, سابني عشان اقعود على الرصيف زي المجنونة, سابني عشان اتعلم بعد فوات الأوان, ان كل ناشطة على السوشيال ميديا بتدعو لخراب البيوت دي مجرمة, فاشلة في حياتها, معقدة، نفسها تشوف كل الستات فاسدين زيها..

سابني عشان اتعلم ان الكذب هلاك مبين, وان التفكير بسوء نية بيهلك صاحبه..

سابني عشان اكتشف ان الست من غير الراجل ضعيفة, وان زوج محترم وحنين أهم الف مرة من كنوز الدنيا ومن الوظيفة ومن كل حاجة.. وان انجاز الست الحقيقي في تكوين اسرة وبيت وانها اكون أم مش موظفة..

سابني عشان اتعلم ان الرزق بيد الله وان طالما انتي بين ايدين راجل فعلا يبقا مش هيسيبك, وان الرزق مبيخلصش وكل يوم لينا فيه رزق جديد.. وان راجل جدع احسن الف مرة من مليون وظيفة..

سابني بعد ما بقيت من غير زوج ومن غير دهب, ولو رجع بيا الزمن ومعايا كنوز الدنيا كنت هديهاله بس يفضل معايا, دلوقتي بس اقدر اقول ان اللي جاي استحالة يكون زي اللي راح, وان اللي جاي فعلا اسوأ واسوأ..
............
قال الله تعالى.. ⁣
وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (21)⁣
⁣...............

 

[بياع الورد 🌹]

هناك اشياء بداخلي..
تجعلني فخورًا بنفسي، نعم فخورٌ جداً وعلى استعدادٍ تام أن أقف على أعلى ناصية في العالم وأقول ذلك، قلبي الذي رغم كسراته الكثيره ما زال يحمل الخير، ورغم الأذى الذى لحق به ما زال يتمنى السعادة للغير، وبرغم الخوف الذي اكتسبه من سوء حظي مع الآخرين إلا أنه ما زال مكانًا هادئًا وبيتًا آمنًا للجميع ..
فخورٌ بقلبي لأنه لا يحمل حقدًا لأحد، ولا يملؤه غلٌّ على أحد، قد يكون ليس كاملًا ولكن يكفي أنه صادقٌ يسأل الله السلامةَ في الوصول ..

همسه مجهوله غير مقصوده​

 

[بياع الورد 🌹]

جاتلي رسالة على الواتس اب، الساعة كانت واحدة بعد نص الليل وكنت لسه يا دوب هنام.
الرقم مش متسجل بس مش غريب عليا.. فتحت الرسالة لقيت ڤويس حوالي ٧ دقايق!!.
شغلته وسرّعت الصوت علشان انجز .. بعد ما خلصت حسيت اني مش فاهم حاجة رغم اني ركزت في الكلام، عيدته كذا مرة بنفس السرعة ومافيش فايدة علشان كدا قررت اسمعه بصوته الطبيعي، ولما خلصته .. حرفياً دخلت في هيستريا من الضحك، فضلت اضحك بصوت عالي .. اضحك واضحك لدرجة ان ولادي ومراتي صحيوا من صوت ضحكاتي.
مراتي استغربت من نوبة الضحك اللي دخلت فيها، شافتني ماسك موبايلي وفاتح الڤويس وعمال اسمعه كذا مرة.. لما مراتي سألتني (في إيه؟).
شاورتلها تسمع الڤويس وللمرة العاشرة سمعته معاها وكانت كالآتي :
_ ايه يا ابراهيم انا موسى الشناوي .. بتصل بيك يا عم موبايلك مقفول ليه؟.. عموما انا بعتلك الرسالة دي علشان اقولك اني هخلع من ام الشقة الي جبتهالي دي يا عم.
ده انا شوفت بلاوي.. هحكيلك الي حصل.
بعد ما كلمتني عليها ركبت تاكسي ونزلت قدامها.. عديت الشارع (الي كله عربيات رايحة جاية بسرعة رهيبة )
وصلت العمارة على ١١ بالليل.. لقيت واحد قاعد مربع على دكة قصاد العمارة .. اسمر ولابس جلابية بيضا وماسك لّي شيشة محطوطة قدامه .. ريحة المخدرات فايحة منها .. مهتمتش اوي وقولت اكيد البواب.. اول ما شافني قام وجيه عليا وقالي بلهجته الصعيدي :
_ شكلك الساكن الچديد؟.
هزيتله راسي وانا مبتسم.. كنت تعبان ولسه جاي من البلد مانت عارف.. سيبته وجيت علشان اطلع لقيته بيمسكني من ايدي وبيقولي بصوت واطي :
_ خلي بالك من الوَلية اللي ساكنة (جصادك) .. اسمها مروة.. دي وَلية مخلولة .. كل يوم بالليل تصحى تصرخ كن حد (جتلها جتيل) .. اوعاك تسمعلها.. اوعاك .
علشان اهاوده واطلع قولتله ( ماشي .. ماتقلقش).
سيبته ومشيت .. ولان الشقة في الدور الرابع ومش قادر اطلع قولت اركب الاسانسير.. لسه هطلب الدور لقيت واحد جاي جري عليا وهو بيقولي ( استنى اطلع معاك ).
كان راجل في التلاتينات لابس بدلة سودة وجزمة متلمعة وحاطط تحت باطه دوسيه.. ركب معايا وهو بينهج شكرني وبدأ يعرفني بنفسه :
_ اهلا .. انا رامي عبدالوهاب المحامي .. ساكن في الدور التالت .. شكلك الساكن الجديد .
قولت لنفسي وانا بنفخ ( يا دي النيلة .. هو انا اتشهرت اوي للدرجادي ).. ابتسمت ابتسامة مصطنعة وقولتله :
_ اه .. انا .
قالي قبل ما الاسانسير يقف عند الدور التالت :
_ انا شوفتك واقف مع عمارة البواب.. احسن لك بلاش تقف معاه تاني .. ده راجل قليل الادب وبتاع حشيش .. انا مطلعه من تلات قضايا تعاطي والمعفن مدانيش حتى سندوتش طعمية .. شكلك شاب محترم وهادي .. سيبك منه علشان مايشبهكش.
زيه زي عمارة البواب قولتله برد فاتر :
_ ماشي .. ماتقلقش .
هو نزل وهو بيشاورلي وطلع بيا الاسانسير وهو لسه واقف.. قولت لنفسي ده اكيد مجنون .. وصلت الدور الرابع .. خرجت من الاسانسير وبصيت شمالي .. لقيت رقم الشقة .. خرّجت المفتاح ولسه هفتح الباب :
_ خاينين .. كل الرجالة خاينين .. انت .. بست بست .
بصيت ورايا رجعت بضهري بقوة لدرجة ان باب الشقة كان هيتكسر لما شوفت واحدة ست واقفة قدامي وشعرها منكوش وفاتحة عيونها وعلى وشها ضحكة مش مفهومة.. شاورتلها على نفسي لقيتها بتقول بنفس نبرتها العالية :
_ ايوة انت .. مش انت راجل ؟.
بلعت ريقي وقولتلها :
_ للأسف مافيش وطواط بيتكلم .. ايوة راجل طبعاً يا آنسة.
كنت غلطان لما قولت كدا.. لقيت وشها بيحمر وعنيها بتحول وبدات تقف على صوابعها ومسكت شعرها وهي بتقول:
= آنسة !! .. انت معدوم النظر ولا ايه!.. انا مزمازيل مروة .. اجمل واحدة في العمارة دي.. خاين زيك زي الرجالة .
فجأة بدأت تضحك وقالت بدلال وهي بتهرش في شعرها بكل قوة فيها وبتقولي بدلع :
_ شكلك الساكن الجديد؟.. طب ايه؟.. البغل مش هيحن بقى؟.
وهي بتقول الجملة بطني قلبت ..ضربت كف على كف وانا مش فاهم اي حاجة .. فتحت الباب وقفلت في وشها.. رميت الشنطة بقرف وبفتح النور :
_ تؤتؤتؤتؤتؤتؤ .. النور ياااااااه!!.
الجملة دي سمعتها من ورايا.. بصيت لقيت اكتر من ١٤ نفر مرمين في الصالة نايمين.. اللي رفيع واللي طويل واللي تخين واللي مش باين من الارض.
اللي قالي الجملة دي كان واضح انه اكبرهم سنا.. قام من على الارض وبص على الحمام وراح قفله وهو بيقول :
_ سوري اصل مراتتنا كاشفين راسهم.
= مراتتكم!!!.
_ شكلك الساكن الجديد؟.
= يادي النيلة .. ايوة انا الزفت الجديد .. دا انا بقيت تريند العمارة .
_ يا عم ولا ترنج ولا حاجة .
= ترنج؟!!.
_ ايه يا عم انت جاي تتصدم هنا ؟.
= انا هتتجن .. ما كنتوا تعملولي ( سيربرايس بارتي ) احسن.
_ يا عم الموضوع مش هيوصل للمحاكم اطمن .
= بتقول ايه انت ؟.. ثم تعالى هنا .. انت مين .. انتوا مين ؟.. دي شقتي ولسه مأجرها .
_ شششششش .
= ايه ؟.
_ حموكشة نايم.
= حموكشة مين؟.
_ جوز مامي.
= طب وانا مال مامي؟.
_ هفهمك بسرعة علشان مش فايق ويادوب نايم اسبوعين و٦تيام بس وعايز اكمل نوم.. عمارة ورامي ومروة من عشيرتنا .. بمعنى تاني .. احنا عمّار العمارة وماتقوليش (ايه) علشان انا قولتها مرة وغلاوتك عندي ماهعرف اقولها تاني.. احنا واخدين العمارة دي وضع يد من التلاتينات .. انجز بقى واخلع احسن أصحيلك خاربها ابني يلبسك.
= وعلى ايه .. خلي خاربها بيه يقفل شهر ماتصحيهوش.
هو قال كدا يا ابراهيم وانا نزلت جري من العمارة ولما خرجت لا لقيت الاسانسير شغال ولا لقيت اي نور ومدخل العمارة مترب ومافيش اي حياة.. قولي بقى اعمل انا ايه؟.
لقيت مراتي قفلت الموبايل وبتقولي وانا لسه بضحك :
_ بتضحك علشان صاحبك شاف عفاريت ؟.
قولتلها وانا بضحك :
= لأ.
_يبقى اكيد عملت فيه مقلب وانت عارف ان العمارة مسكونة.
قولتلها وانا مسخسخ وبتنطط من الضحك :
_ برضو لأ.
= اومال ايه اللي يضحك يا ابراهيم صوتك بقى عالي اوي .. ايه ده استنى .. انا صحيت على غفلة ومكنتش مركزة .. بس انا دلوقتي فهمت .. انت بتجيلك هيستريا الضحك لما تكون خايف.. طب وخايف من ايه؟.
رديت عليها وانا لسه بضحك بهستيريا:
_ انا ميت في جلدي يا وفاء .. ده فعلا صوت صاحبي ..بس موسى الشناوي نفسه ميت من سنتين وهو بيعدي الشارع علشان يروح يشوف الشقة .. يعني هو مدخلش العمارة من اساسه!!.
= غريبة!!.. اومال جاب رقمك منين؟.
_ ده الي همّك يا وفاء .. يلعن ابو الغباء.
سمعت من بعيد ولادي رضوى وعمر بيتكلموا بصوت واطي:
_ عمر.. هو بابا بيضحك تاني؟.. كدا كتير اوي .
= هنعمل ايه بس يا رضوى.. مانتي عارفه انه كان بيحبها.
_ولازم يستوعب الصدمة زي ماحنا عملنا.
=فعلاً لازم .. لازم يقتنع ان ماما ميتة من ٥ سنين!!.​

 

[بياع الورد 🌹]

أبويا من تلت أيام بس المحل بتاعه كله اتسرق في نص الليل وصحينا الصبح لقينا كل الأكل والحلويات والكراتين بتاعت محل (البقالة) مسروقة، روحنا عملنا محضر بس كان واضح إن الموضوع هيعدي مرور الكرام لأن الحرامية كانوا متخفيين كويس أوي وكمان شارعنا مفيش فيه كاميرات مراقبة، ووقع أبويا في نوبة اكتئاب وحزن لدرجة إنه كان بيبكي بالدموع وهو مش عارف يجيب أكل ولا شُرب وبالأخص لأمي اللي كان بيحبها حُب غير طبيعي.

وبما إنه كان بيجيب مصاريف اليوم بيومه فكان الوضع صعب أوي، ولما لقيت إن مفيش أي حلول طلعت تحويشة العمر، تحويشة 4 سنين من عمري واللي كنت ناوية أجهز بيهم نفسي، طلعتهم بنفس رضية لأبويا وقولتله يروح يشتري بضاعة جديدة، اتصدم من رد فعلي وقال إن دي مصاريف جهازي بس أنا كنت مُصممة، ولما لقيته رفض تماما جهزت المحل تاني واشتريت البضاعة عشان أحطه قدام الأمر الواقع، وبكى يومها كتير أوي وانا طمنته إن ربنا هيفرجها من عنده.

في الليلة دي شوفت واحدة ست شكلها غريب بتطبطب عليا وانا نايمة ومبتسمة، صحيت من الحلم مبسوطة وحاسة بهدوء نفسي غريب، بعد الموضوع ده بشهر وانا واقفة في المحل بساعد أبويا وكان وقتها بيصلي العصر جالي شاب يشتري شوية حاجات ولمحت في عنيه نظرة إعجاب، معرفش ليه أنا كمان بقيت مشدودة له بطريقة غريبة، وكلها أيام واتكلم مع والدي إنه عايز يتقدملي رسمي، أبويا وقتها حس بالخوف لأن فلوس جهازي طارت، بس الشاب قال إنه مأجر شقة مفروشة وعايز تبقا الجوازة غير مكلفة خالص، وبالأخص إنه من محافظة في الصعيد وشغال هنا في اسكندرية بقاله كام سنة، وعشان يكون صريح معانا قال إن عليه طار وهربان من وقتها وهنفضل هنا لحد ما المشكلة بتاعت الطار دي تتحل.

واحنا وافقنا، وعملنا فرح بسيط جدا واتجوزنا في شقته الإيجار بتكاليف فرح الف جنيه تقريبا،كل حاجة اتيسرت تماما، وبعد أسابيع من الفرح يجيلي وهو طاير من الفرحة ويقولي إن أخيرا مشكلة الطار اتحلت وهنرجع بلده على (سوهاج) معرفش ليه وقتها حسيت بقبضة غريبة أوي ومش مفهومة.

بس كان واجب عليا أروح مع جوزي في المكان اللي يناسبه لأن الست دايما تابعة للراجل ومطيعة له، ويمكن عشان أموت خوفي من السفر روحت عملت حاجة كنت متعودة اعملها كل شهر، كنت بحوش من مرتبي وأروح أساعد واحدة يتيمة وأولادها بمخزون أكل يكفيهم طول الشهر وبشتري أدوات الدراسة للاطفال، وعرفتها إني خلاص مسافرة ومحتاجة منها دعوة، الغريب إنها دعتلي دعوة غريبة أوي قالت (ربنا يسخرلك جندي من جنوده يحميكي من شر الإنس والجن)

وسافرت، ومن الوهلة الأولى شوفت استقبال سيء جدا جدا من حماتي وبناتها، وفهمت إنها كانت شايفاني بعين بعض أهل الصعيد، البنت الاسكندرانية اللي ماشية على حل شعرها ومينفعش تناسب عيلة محافظة من عائلات الصعيد، قولت اتحمل وأحاول أغير فكرتها بس الست كانت بتتغير للأسوأ والأسوأ، شوفت شهر معاهم غريب، مطلوب مني أنضف وأطبخ وأغسل وأساعدهم في شغل المواشي وفوق كل ده مش عاجب، وكانت مستقصداني أنا دونا عن بناتها أو مرات ابنها التاني.

ولما بدأت أشتكي بس أو يظهر مني بعض الضيق بقت بتشتم وتمد إيديها ووصلنا مع بعض لنقطة سودة، وابنها وفجأة وبدون أسباب اتحول تماما، وبقا اللي تقول عليه أمه يعمله، مرة يضربني، مرة يشتمني قدامهم، مرة طردني برة البيت طول اليوم، عشت مُهانة بطريقة مشوفتهاش طول عمري.

وفوق كل ده بقيت بشوف كوابيس غريبة عبارة عن راجل ماسك ماية نار وبيحاول يرميها عليا وانا نايمة، وكنت بقوم أصرخ واستغيث بالليل عشان أي حد ينجدني، وحماتي ما صدقت وطلعت عليا سُمعة إني مجنونة، ببساطة كانت عاوزاه يطلقني، ويمكن دي الحاجة الوحيدة اللي مكنش بيسمع كلامها فيها.

لحد ما في مرة وانا معاها في المطبخ خبطت طاسة الزيت المغلي وقعتها على رجلي، كانت مقصودة وواضحة أوي، وقتها وعن كمية الألم اللي حسيت بيه واللي كان لا يُوصف، جرينا على المستشفى وهي عمالة تقول من غير ما أقصد من غير ما اقصد، بس كانت تقصد عشان تشوهني ويطلقني، رجعت معاهم يومها حاسة بكمية قهر غير طبيعي وفضلت صاحية لحد الفجر، وبعد آذان الفجر كنت حاسة بضيق غير طبيعي، شوفت شكل الجبل البعيد وبدون وعي خرجت ومشيت في البلد وطلعت الجبل وعديته.

قعدت على الرملة أبكي بحرقة وانا شايفة رجلي متشوهة وملفوفة بالشكل ده، ووسط حرقتي دي لقيت حد بيطبطب عليا، بصيت بفزع لقيتها واحدة ست لابسة اسود ومغطية وشها، بصتلها بحذر لقتها قال جملة واحدة

(اللي يساعد الناس ما يخاف، واحنا هنساعدك)

بصيت عليها تاني لقتها اتبخرت ولا كأنها كانت موجودة، حسيت برعب غير طبيعي ورجعت بسرعة، وعلى بالليل جه الدكتور يغير على الجرح لقاه مش موجود من الأساس، كأني متحرقتش، كلهم بصوا بذهول وحماتي قالت (شوفت انها كانت بتمثل علينا)

قالت الكلمة دي وفضلت تضحك باستهزاء، في الليلة دي جوزي صحي من نومه وهو بينهج وخايف أوي، متكلمتش معاه وكملت نومي، خرج عشان يشرب وفجأة سمعت صوت الكباية بتتكسر، وسمعت بوداني صوت شبيه بصوتي أنا بيزعق وبتقوله (كسرت الكوباية يا قذر)
قمت مخضوضة من نومي وجريت عليه لقيته واقف متخشب في المطبخ ولا بينطق ولا بيتكلم كأنه فقد النُطق، دخل ينام بعدها بس من تاني يوم صحي شخص تاني، ولا بيتكلم ولا بينطق، كأنه تايه وزاهد في الحياة.

أمه بدأت تعاود موضوع الزعيق والشتيمة بس كلها يوم واحد وحلة مية مغلية وقعت على جسمها كله، وكأن حد رفعها ودلقها على راسها، ده اللي قالته بنتها وهي معاها في المطبخ، واتشوهت الست بطريقة غير طبيعية، وحتى بعد ما رجعت من المستشفى بقت خايفة مني أوي، وبقا صوت صراخها من الألم طول الليل بيسمع الجيران كلهم.

جوزي من تاني اسبوع جمع حاجته وقالي يالا نرجع اسكندرية من نفسه ومش هتعرضلك تاني ولا هضايقك، وفعلا رجعنا تاني اسكندرية، وأمه فضلت شهر تتصل وهي بتبكي وتقوله خلي مراتك تسامحني انا كل يوم بحس إني بتحرق في النار، وهروح أفك السحر اللي عملته ليها ومش هأذي حد تاني، واعترفت انها اللي حرقتني بالزيت.

في النهاية سامحتها ومكملتش مع جوزي وقت طويل لأنه اتوفى، ومن بعد وفاته بقيت بشوف وبحس بأمور غريبة، كنت أشوف الست في الشارع أروحلها وأقولها انها ممسوسة واكتبلها وِرد من القرآن تمشي عليه، كنت أشوف حد تعبان أشخص حالته وأقوله يروح يكشف لأنه مريض، ولما كان بيجيلي حد مسحور كنت بدعيله واقرأ عليه والسحر بيتفك والجن بيخرج.

فضلت سنين على الحال ده، بعض الناس قالوا إن ربنا سخرلي حد يساعدني من خلقه لأني كنت بساعد الناس، وناس قالوا دي ست مبروكة وعندها كرامات من زمان أوي، بس أنا كنت مكملة وبساعد لوجه الله من يومها وحتى يومنا هذا..

دي حكاية الست بدرية المشهورة أوي في منطقة في اسكندرية وبتعالج الناس لوجه الله تعالى، ولو روحت واتعالجت عندها في يوم هتقولك ساعد الناس مهما حصل، وأعمل المعروف مهما اتأذيت، ودايما هتلاقيها بتحكيلك عن انها ساعدت أبوها وست مسكينة زمان فربنا سخر اللي يساعدها، وهتلاقيها بتردد الجملة دي دايما
(صنائع المعروف تقي مصارع السوء)​

 

[بياع الورد 🌹]

همسه مجهوله من عالم اجتماعي موازي
༺༺༻༻
- شوف يا أستاذ مارك، انا عايزك تظبطلي شوية حاجات في الموقع قبل ما استلمه منك، مش عايزك تسلمني الفيس عالمحارة كدا

= والله يا حاج عبد الستار وحق من جمعنا في القعدة الميس ماتشينج دي من غير ميعاد، أنا لولا الحوجة ما كنت بعت الموقع

- ما خلاص بقى يا عم مارك، انت مش باركت وقرينا الفاتحة، متقعدش تنوح بقى يا سيدي خلي ربنا يكرمنا

= ماشي يا عم ربنا يملاهولك بركة ويديك لايكاته ويكفيك بلوكاته

- اللهم آمين يا رب العالمين، اكتب ورايا بقى التعديلات دي عشان تعملهالي في الموقع قبل ما استلمه

= ذيع يا حاج عبد الستار

- أول حاجة حوار قفل البروفايل دا يا عم مارك، انا مكنتش معاك فيه من الأول، يا ريت نرجع البروفايلات مفتوحة زي زمان

= دا عشان الخصوصية يا حاج

- يا عم خصوصية ايه وحمصية ايه، دا رفع نسبة العنوسة عندنا في مصر

= إيه العلاقة ؟

- الشباب عندنا دلوقتي كلهم بيخطبوا من على الفيس، كل ما الواحد منهم يعجبه كومنت بتاع واحدة، يدخل يبص عالبروفايل، يلاقيها قافلاه

= ما هو دا مش مكان خطوبة، عندهم موقع ام إسلام لفتيات الأحلام

- بلاش دي، أنا لما حد يبعتلي آد، مش لازم اعرفه وافهم دماغه عشان اقبل، هعرف الحاجات دي ازاي وهو قافل بروفايله

= حاج عبد الستار انت بتحور، انت مش عارف تستوك على المزز صح ؟

- صح

= خلاص هفتحلك البروفايلات، موقعك يا حاج ومن حكم في غير ماله ظلـ.ـم

- الحاجة التانية بقى حوار الشتـ.ـايم اللي بقت ممنوعة على الفيس دا حوار سخـ.ـيف وغبـ.ـي في نفس الوقت، يعني ايه واحد صاحبي بيسألني الماتش الساعة كام، أقوله ×se الاقي نفسي لابس حظر كومنتات

= ما انت اللي كاتبها غلط يا حاج عبد الستار، هي بالi مش بالe، دي حاجة ودي حاجة

- لا يا مارك الغي الحوار دا، رجع الشتـ.ـايم عادي

= طب ومعايير المجتمع يا حاج ؟

- جرى ايه يا ابو الامراك احنا هنغني على بعض ؟ مجتمع ايه، دي السينما الأمريكية بتاعتكم كلها مشاهد منيلة بنيلة، دا انا لسه شايف فيلم الصبح على ام بي سي تو، كان البطل بيخـ.ـون حبيبته مع الدبدوب بتاعها

= طب نسيب الشـ.ـتايم العادية بس، اللي هي انت وحش، انت مش كويس، يو آر بلاميطة

- ليه يا عم احنا في روضة أطفال ؟ سيب الناس تاخد راحتها وتفك عن نفسها، الشتـ.ـيمة دي حيلة الضعيف، معقول هنحرمه منها كمان ؟

= ماشي يا حاج عبد الستار ايه تاني ؟

- الغيلي بقى القلوب الخضرا والبنفسجي وكل الألوان دي، وسيبلي القلب الاحمر القطيفة دا بس

= ليه يا حاج، خليهم عشان الڤرايتي

- بلا ڤرايتي بلا هـ.ـباب، الألوان دي عاملة تخـ ـلف للبنات عندنا، بيقسموهم حسب درجة قرب الشخص منها، يعني القلب الاخضر دا مثلا بتاع الفريندزون

= يا رlجل ؟

- اه والمصحف الشريف

= لا انتو ربنا يكون في عونكم

- هو اصلا فيزيكال مفيش قلوب ملونة، القلب لونه احمر وخلاص احنا مش في آخر العنقود

= اعتمدنا الكلام يا حاج

- الريأكت الماسخ بتاع الحضن دا يتشال عشان خـ.ـرب بيوت ناس كتير

= يخـ.ـرب بيوت ليه يا حاج، دا مجرد ريأكت مش رضوى الشربيني

- لما واحد يشوف مراته عاملة ريأكت حضن على صورة واحد تاني، يعملها ايه ؟ فراولة باللبن ؟

= هو أصلا مش حضن، دا كير، دعم يعني

- دعم يبقى تحط عليه شكل تاني من بتوع حملة بنك الطعام مثلا، عندنا شباب الوهم راكبها بتبني خيالات مريـ.ـضة على حس الريأكت دا

= حاضر يا حاج عبد الستار، ايه تاني

- مفيش بقى شوية أكونتات كدا هنقفلها واحنا قاعدين

= زي مين مثلا ؟

- يعني الخليل كوميدي، احمد حسن وزينب

= ودكتور مكاوي

- صح كنت هنساه هو وعلي غزلان

= اعتبره حصل يا حاج عبد الستار، أي أوامر تانية ؟

- اه عايزين نضيف شوية ريأكتات جديدة، الريأكتات القديمة مش لامة كل حاجة

= زي إيه مثلا ؟

- يعني مثلا ريأكت اسمه يا لهوي، ريأكت اسمه فكك، ريأكت تاني اسمه كان القرد نفع نفسه، كدا يعني

= سهلة دي حاضر

- آخر حاجة بقى وأهم حاجة يا أستاذ مارك

= خير يا حاج

- احنا هنعمل اختبارات شخصية لأي حد داخل الفيسبوك، اختبارات ذكاء بقى ونفسية وكل حاجة

= ليه هو داخل كلية الشرطة ؟

- أخطر، انت بتشوف كام ظابط في اليوم ؟

= لو معديتش على كمين عبود ممكن ما اشوفش

- لكن كل يوم بتشوف مئات المستخدمين على الفيس، بتقرا أفكارهم وآراؤهم وبتتأثر بيها، انا مش عايز كل من هب ودب يقول رأيه يا أخ مارك الحكاية مش ناقصة والله

= تمام

- واقفلي الأرباح عن مصر خالص عشان المصريين من ساعة ما عرفوا ان الفيس بيجيب فلوس بقوا يعملوا حاجات غريبة، وربنا يقدرني ان شاء الله واخلص في اليوتيوب والتيك توك كمان

= ربنا يوسع عليك يا حاج ​