همسات من عوالم مجهولة
- المرتب كله خلص يا حسين واحنا لسه في نص الشهر
= شيء متوقع
- طب إيه ؟ نشوف حد نستلف منه
= نستلف ؟ الكلمة دي فعليا انتهت من أيام ما كان الدولار ب١٦ جنيه
- ليه يعني يا اخويا ؟
= عشان عملية السلف دي شبه عملية التزاوج، محتاجة طرف مانح وطرف مستقبل، دلوقتي محدش معاه عشان يبقى مانح، كله عايز ياخد، ودي حاجة ضد الفطرة
- وانا بدعم فطرة ما انت عارف، طب والعمل ؟
= مفيش بقى، هنتخفف
- أطلعلكم الصيفي يعني وللا اعمل ايه ؟
= لا يا سعاد، إحنا هنحترم دورنا الشرعي في دورة الرفاهية الحياتية
- إزاي مش فاهمة
= الحياة يا سعاد ما هي إلا دورة تبادلية بتمر بيها كل الكائنات الحية
- وضح أكتر يا حسين
= يعني احنا مثلا، بنتغذى على النباتات والحيـ ـوانات والأسماك والطيور، تعرفي حاجة تانية ؟
- آه ساعات بناكل خ..
= دا مجاز يا سعاد، مبنتغذاش عليه حرفيا
- انا كنت هقول خوخ
= الخوخ نبات يا سعاد متحوريش
- طب كمل يا حسين
= في مرحلة ما من حياتنا بنمـ ـوت، فبتتغذا علينا الديدان اللي بتاكلها بعض الطيور، أو بنبقى سماد للتربة ويتغذا علينا النبات
- وأحيانا بنختصر الدورة وتتغذى علينا الحيـ ـوانات لو توهنا في الصحرا، أو الأسماك لو غـ ـرقنا في البحر
= أيوه كدا اركبي معايه
- وبناء عليه
= احنا استمتـ ـعنا كتير بكماليات الحياة الغير ضرورية وغير أساسية، وجه الوقت نحترم دورنا ونسيب الملعب لأجيال تانية
- وايه تعريف ضروريات الحياة الأساسية من وجهة نظرك ؟
= كل ما زاد عن احتياجات إنسان الكهف رفاهيات أنتجتها الحضارة عشان تدبسنا فيها
- فا ؟
= هنفتح أوليكس، ونعرض عليه شوية حاجات للبيع
- حاجات زي إيه ؟
= هنبدأ باللابتوب بتاعي، إنسان الكهف مكانش عنده لابتوب
- طب وشغلك هتعمل فيه ايه ؟
= انا بشتغل من سنة ٩١ وكان شغلي ماشي عادي، كل محدثة بدعة
- ماشي، اللاب يجيبله بتاع ٤٠٠٠
= متنسيش مستلزماته، احنا مش هنحتاج النت اللي فاتورته ب٥٠٠ جنيه في الشهر
- طب والفيس واليوتيوب والتيك توك
= رفاهيات مكانتش موجودة عند إنسان الكهف، لما كان بيحب ينبسط كان بيريح شوية مع مراته، أو يخرج يلعب في الرملة قدام الكهف
- يعني هنبيع الموبايلات ؟ طب لما احب اطمن على اخواتي هعمل ايه
= انا عملت حسابي للحظة دي واشتريت جوزين حمام زاجل، مدربين على المراسلة كويس أوي
- ماشي
= حطي معاكي كمان السـ ـخان بتاع الحمام
- ولما نحب نستحـ ـمى في الشتا هنسـ ـخن مايه على البوتاجاز، ما احنا كدا هنستهلك غاز
= درجة حـ ـرارة أشعة الشمس اللي بتوصل الأرض حوالي ١٤ درجة في فصل الشتا، ودرجة حـ ـرارة المايه اللي هنحتاجها لعملية الاستحمام من ٥٠ ل ٧٠ درجة، يعني حلة مايه تتحط في البلكونة ٥ ساعات هتقوم بالواجب
- معنى كدا إننا هنبيع البوتاجاز كمان
= رغم إن إنسان الكهف مكانش لسه اكتشف النـ ار، بس انا عايز ادلعكم
- هتعمل ايه ؟
= هنبني في المطبخ فـ ـرن طيني كبير، وهنسرح العيال في الشوراع يلموا خشب وورق وأي حاجة قابلة للحـ ـرق
- طبعا هنبيع التكييف ونشتري مراوح
= بقولك نتخفف تقوليلي نشتري، وبعدين طالما اعتبرنا إنسان الكهف ريفرنس يبقى مفيش مراوح
- أمال هنعمل ايه في الصيف
= ملقف، دا برج متصل بفتحة في السقف كانوا بيعملوها زمان، بيجيب طراوة حلوة أوي
- وإيه تاني ؟
= لميلي كل الساعات اللي في البيت، احنا ممكن لو احتجنا نعرف الوقت نسأل أي حد ماشي في الشارع، ولو زنقت أوي نرجع للساعة الرملية
- مش كفاية كدا يا حسين تخفف، احنا بقينا ملـ ـط
= لسه، عفش البيت كله هيتعرض للبيع برضو، مفيش كهف بيتحط فيه أنتريه مودرن وسرير ١٧٠×٢٠٠
- وهنقعد على البلاط
= كلمت عبد الستار ابن خالتي في الشرقية يحجزلنا قش الرز بتاع السنادي كله، هنعبيه في اكياس قماش من هدومنا القديمة
- بمناسبة الهدوم، هتبيع الغسالة ولا هتسيبها ؟
= وريني إيدك كدا، الإيد الناعمة دي مش بتاعة إنسانة كهف، انتي محتاجة تمرشي عليها كتير
- وطبعا التليفزيون والتلاجة مفروغ منهم
= انتي فهمتي اللعبة خلاص
- كفاية كدا ؟
= لأ، ولادنا التوأم مازن ومهاب
- يا نهار اسـ ـود هتبيع العيال كمان ؟
= لأ مش للدرجادي، بس واحد فيهم هيطلع من المدرسة والتاني هيكمل
- ليييييه ؟
= كدا كدا كل التوائم في المسلسلات والأفلام واحد فيهم بيطلع متعلم والتاني صايـ ـع، احنا هنحـ ـرقلهم التويستاية دي بدري بدري
= كدا احنا معانا حوالي ٢٥٠ ألف
- حلو أوي، هنشتري بيهم دولارات ونحوشهم عشان قيمتهم متقلش مع أي هزة اقتصادية
= وهنعيش ازاي ؟
- بعد كل الرفاهيات دي المرتب هيكفي احتياجاتنا الحيوية، على شرط اننا نعتمد العيش والجرجير وجبة أساسية
= طب واللحمة والفراخ، هنقاطعهم ؟
- إنسان الكهف كان بيعمل ايه ؟
= بيصطاد
- وزعوا نفسكم على الفرارجية ومحلات الجزارة
= شيء متوقع
- طب إيه ؟ نشوف حد نستلف منه
= نستلف ؟ الكلمة دي فعليا انتهت من أيام ما كان الدولار ب١٦ جنيه
- ليه يعني يا اخويا ؟
= عشان عملية السلف دي شبه عملية التزاوج، محتاجة طرف مانح وطرف مستقبل، دلوقتي محدش معاه عشان يبقى مانح، كله عايز ياخد، ودي حاجة ضد الفطرة
- وانا بدعم فطرة ما انت عارف، طب والعمل ؟
= مفيش بقى، هنتخفف
- أطلعلكم الصيفي يعني وللا اعمل ايه ؟
= لا يا سعاد، إحنا هنحترم دورنا الشرعي في دورة الرفاهية الحياتية
- إزاي مش فاهمة
= الحياة يا سعاد ما هي إلا دورة تبادلية بتمر بيها كل الكائنات الحية
- وضح أكتر يا حسين
= يعني احنا مثلا، بنتغذى على النباتات والحيـ ـوانات والأسماك والطيور، تعرفي حاجة تانية ؟
- آه ساعات بناكل خ..
= دا مجاز يا سعاد، مبنتغذاش عليه حرفيا
- انا كنت هقول خوخ
= الخوخ نبات يا سعاد متحوريش
- طب كمل يا حسين
= في مرحلة ما من حياتنا بنمـ ـوت، فبتتغذا علينا الديدان اللي بتاكلها بعض الطيور، أو بنبقى سماد للتربة ويتغذا علينا النبات
- وأحيانا بنختصر الدورة وتتغذى علينا الحيـ ـوانات لو توهنا في الصحرا، أو الأسماك لو غـ ـرقنا في البحر
= أيوه كدا اركبي معايه
- وبناء عليه
= احنا استمتـ ـعنا كتير بكماليات الحياة الغير ضرورية وغير أساسية، وجه الوقت نحترم دورنا ونسيب الملعب لأجيال تانية
- وايه تعريف ضروريات الحياة الأساسية من وجهة نظرك ؟
= كل ما زاد عن احتياجات إنسان الكهف رفاهيات أنتجتها الحضارة عشان تدبسنا فيها
- فا ؟
= هنفتح أوليكس، ونعرض عليه شوية حاجات للبيع
- حاجات زي إيه ؟
= هنبدأ باللابتوب بتاعي، إنسان الكهف مكانش عنده لابتوب
- طب وشغلك هتعمل فيه ايه ؟
= انا بشتغل من سنة ٩١ وكان شغلي ماشي عادي، كل محدثة بدعة
- ماشي، اللاب يجيبله بتاع ٤٠٠٠
= متنسيش مستلزماته، احنا مش هنحتاج النت اللي فاتورته ب٥٠٠ جنيه في الشهر
- طب والفيس واليوتيوب والتيك توك
= رفاهيات مكانتش موجودة عند إنسان الكهف، لما كان بيحب ينبسط كان بيريح شوية مع مراته، أو يخرج يلعب في الرملة قدام الكهف
- يعني هنبيع الموبايلات ؟ طب لما احب اطمن على اخواتي هعمل ايه
= انا عملت حسابي للحظة دي واشتريت جوزين حمام زاجل، مدربين على المراسلة كويس أوي
- ماشي
= حطي معاكي كمان السـ ـخان بتاع الحمام
- ولما نحب نستحـ ـمى في الشتا هنسـ ـخن مايه على البوتاجاز، ما احنا كدا هنستهلك غاز
= درجة حـ ـرارة أشعة الشمس اللي بتوصل الأرض حوالي ١٤ درجة في فصل الشتا، ودرجة حـ ـرارة المايه اللي هنحتاجها لعملية الاستحمام من ٥٠ ل ٧٠ درجة، يعني حلة مايه تتحط في البلكونة ٥ ساعات هتقوم بالواجب
- معنى كدا إننا هنبيع البوتاجاز كمان
= رغم إن إنسان الكهف مكانش لسه اكتشف النـ ار، بس انا عايز ادلعكم
- هتعمل ايه ؟
= هنبني في المطبخ فـ ـرن طيني كبير، وهنسرح العيال في الشوراع يلموا خشب وورق وأي حاجة قابلة للحـ ـرق
- طبعا هنبيع التكييف ونشتري مراوح
= بقولك نتخفف تقوليلي نشتري، وبعدين طالما اعتبرنا إنسان الكهف ريفرنس يبقى مفيش مراوح
- أمال هنعمل ايه في الصيف
= ملقف، دا برج متصل بفتحة في السقف كانوا بيعملوها زمان، بيجيب طراوة حلوة أوي
- وإيه تاني ؟
= لميلي كل الساعات اللي في البيت، احنا ممكن لو احتجنا نعرف الوقت نسأل أي حد ماشي في الشارع، ولو زنقت أوي نرجع للساعة الرملية
- مش كفاية كدا يا حسين تخفف، احنا بقينا ملـ ـط
= لسه، عفش البيت كله هيتعرض للبيع برضو، مفيش كهف بيتحط فيه أنتريه مودرن وسرير ١٧٠×٢٠٠
- وهنقعد على البلاط
= كلمت عبد الستار ابن خالتي في الشرقية يحجزلنا قش الرز بتاع السنادي كله، هنعبيه في اكياس قماش من هدومنا القديمة
- بمناسبة الهدوم، هتبيع الغسالة ولا هتسيبها ؟
= وريني إيدك كدا، الإيد الناعمة دي مش بتاعة إنسانة كهف، انتي محتاجة تمرشي عليها كتير
- وطبعا التليفزيون والتلاجة مفروغ منهم
= انتي فهمتي اللعبة خلاص
- كفاية كدا ؟
= لأ، ولادنا التوأم مازن ومهاب
- يا نهار اسـ ـود هتبيع العيال كمان ؟
= لأ مش للدرجادي، بس واحد فيهم هيطلع من المدرسة والتاني هيكمل
- ليييييه ؟
= كدا كدا كل التوائم في المسلسلات والأفلام واحد فيهم بيطلع متعلم والتاني صايـ ـع، احنا هنحـ ـرقلهم التويستاية دي بدري بدري
= كدا احنا معانا حوالي ٢٥٠ ألف
- حلو أوي، هنشتري بيهم دولارات ونحوشهم عشان قيمتهم متقلش مع أي هزة اقتصادية
= وهنعيش ازاي ؟
- بعد كل الرفاهيات دي المرتب هيكفي احتياجاتنا الحيوية، على شرط اننا نعتمد العيش والجرجير وجبة أساسية
= طب واللحمة والفراخ، هنقاطعهم ؟
- إنسان الكهف كان بيعمل ايه ؟
= بيصطاد
- وزعوا نفسكم على الفرارجية ومحلات الجزارة
