من تكون أوراق عمري بشوفتك إلهن ألف خط وحظ

[الشامخ]

رايحين شعدنا نبچي
لوادم تذم الدموع المالحة

رايحين
الدنيا ضحكة وسالفة
وهم رايحة

خاف باچر ما نمر ابابكم
ولا نحن يوم ونشم ترابكم
احنة بعنة بيوتنا من البارحة

 

[جلينار]

.




كلماتك جميلة ورنانة
سلم اللسان والانامل الراقية
راق لي البقاء هنا.


صباحك ورد وياسمين

 

[كاسيوبيا]

_




يشاهدون الموضوع

كاسيوبيا تذكار مـيريام الشامخ
... و 2 أكثر.
المجموع: 20 (الأعضاء: 6, الزوار: 14)

وبلسان أخي الغالي أهلا بكم زوارنا
وأعضائنا الأحباب وصباحكم كأنتم
وكمدونة أخي جميلين بعنوان الإخاء

 

[الشامخ]

.




كلماتك جميلة ورنانة
سلم اللسان والانامل الراقية
راق لي البقاء هنا.


صباحك ورد وياسمين

الجمال بمرورج الغالي
ألف شكر ومية هلا


ومساك أسعد خيتي

نورتي

 

[الشامخ]

_




يشاهدون الموضوع

كاسيوبيا تذكار مـيريام الشامخ
... و 2 أكثر.
المجموع: 20 (الأعضاء: 6, الزوار: 14)

وبلسان أخي الغالي أهلا بكم زوارنا
وأعضائنا الأحباب وصباحكم كأنتم
وكمدونة أخي جميلين بعنوان الإخاء
مشاهدة المرفق 128698

ممنون يا أحلى خيه
على كل شيء
تحفيزاتج
تواجدج
نورج

فدوه والله

 

[الشامخ]

بعد روحي يـيمة لا تكبرين
ياهو الحطلچ أهلال أعله المتون
أيدچ ليش ترعش خايفة منين
معقولة السعف يعدي اليكبرون
البيت يضيج إذا خطار ترحين
الله يساعد الـ ... أششش لا تكملون
لحضنچ مو للحدود الجوازات
علم يم شيلتچ لازم يرفعون

 

[الشامخ]

‏" اثاري الحِمل من يثگل
يشيله الروح مو الچتاف "
خفت اشرد من همومي
ويصيحولي البشر خوّاف !
وخفت ابچي
ويبين كل صدگ گلبي على عيوني
وابو گلب الصدگ ينعاف . . .

 

[الشامخ]

من تسوي روحك طبت
وتجذب بنص هلك
خايف يملونك
من تكضي ليلك بچي
وتسمع مشي لغرفتك
وتغمض عيونك
كلهن ضگتهن هذن
وانت بصلافة عتب
عزيت الشلونك
بس بعد منها وكمت
سدة تراب الگبر
سدهن مواعيدك
چنت اكثر من الدوه
محتاج اكض ايدك

 

[الشامخ]

گلبت الرَسايل وأختنگ صدري
چنت تگلي احبك گبل الشلَونك
وهَسه شلوني ماتدري

 

[الشامخ]

رسم بيده طريقي
اشكال والوان
وكل هذا الاعيشه
بجال خيره

 

[الشامخ]

هلي اسف..
كبرت بلايا ماگلكم
هلي ومو قصدي اتعبكم
مشت بيه السنين ابساع
مشيّ الجذب بالوادم
وخذت مني الليالي هواي
گد ما من صدگ نادم
هلي وبس اسمي ضللكم

 

[الشامخ]

تـالــي اللـيل
من ناموا المايـدرون !!
عـلئ گــد البقه
من الحيل دورتــك..

 

[الشامخ]

حلاتك مو سهل ..
كل ما تشح تنهاب !
الماي البي حياة وكت الغرگ ينذم

 

[الشامخ]

كل ضحكة من
طَرف وجهك ، نَهار
وأني المَاسُومرت
روُحَي بشمَس غيرك

 

[الشامخ]

يگولون البشر بالدنيا كلشي يشوف
وآنا ادري الصبر مفتاح كل شده
وأنصحك لو طحت لاتشتكي للناس
سولف ضيم قلبك للمخده
وظل شامخ ابد بالك تطخ الرأس
واكسر خشم وكتك وشوفه حده
واصبر عالقهر واتحمل الضيم
ولا تصغر بعينه وصير گده
واختار اللي يحبك ياقلب دوم
وبابك لليكرهك دوم سدّه

 

[الشامخ]

گتلك كلشي أتحدى القصور تطيح
وقصور المشاعر ماتعداهن
وإنتَ بلا وعي هدمت بيه قصور
وآنه بلا وعي هدمتك وياهن

 

[الشامخ]

المن جاييني
بيا عذر ماسمعه
الجرح بعده يندي
اعجزت عن كطعه
الحزن غيم اعيوني وركد بيها الشوف
ويمر ليلك وابات بخدي چم دمعه
مو دم لا نبض لا مشكله شريان
ولك كلبي شلعته وبعد مارجعه

 

[الشامخ]

هوت رُوحي وهوت
بس ما هوتها الناس
حچي عيوني ؟
سهل بس جيب الي يفهمه

 

[الشامخ]

قررت اغيب وغبت
حسبالي من أبتعد تتعنه لدياري
وتركض موّرث حزن
وتنشدني شنهي السبب
كل ظني أهمك صدگ وتهمك اخباري

 

[الشامخ]

دزيت الرّسايل
بأيد عميَان
منو غيرك حَچه
اسرَار المَكاتيب