من تكون أوراق عمري بشوفتك إلهن ألف خط وحظ

[الشامخ]

شرد اگلك
وأنتـة دنيـا بنص هواي

النهار بلايه شمسه
يبدل بشفة البلبل شفة ناي

من اشوفك …!

تعطش
بروحي نوارس يلي
إحساسك نـهر يتـبده مـاي

 

[الشامخ]

ومرّه طشّيت الورد
فـوگ الـرسايل والتهيت
الـورد مـات وعطرك البارد گعـد

 

[الشامخ]

حچوا عني اعله كُبر الكاع
گالوا ضاع
گالوا من ثلج لاحه السموم وماع
حچة عني الردي اليستحي من اسمه
وحچة عني الرعيع الخاف من رسمه
حچوا وما دروا بجروحي
تفز بچلمة ما تنباع

 

[الشامخ]

اخذني لدنية صنطة
انلم عليها عشوش
بلا شمرة احجارة بلاية
چف صاعوود

اخذني لدنية الصفصاف
واكشخ بيه باچر
وانه الوگ اعليك
بعدني شگد جديد
المثلي ماينعاف

 

[الشامخ]

وافيّضك بالحچي
وگلبك ولا چنه
يشَالع گلبي بلگت
تنشلع منه ..

 

[الشامخ]

انه شفتك نهر
والدنيا چانت صيف
ذبيت الهدم
گلت اسبح هنانه
بأول غطه اليه
وللجرف رديت
لگيت شگد بشر
جواك غرگانه
انه ما احب النهر
بي كثرة اليسبحون
انه اريد النهر
سباحه بس انه

 

[كاسيوبيا]

_



كيف أكون نائمة فتدخل بحر أحلامي
كيف تقرع أجراس الحياة برأسي
أحاول النوم ثم أجد الأحلام تتحدث
بحرفك أي حرفك من الجمال بلغت

..

..


خيووو الحلو الفخم @الشامخ
مساء الخير لعيناك التي تقرأ
مساء الخير لك ولأناملك التي
تكتب ثم مساء الخير باللهجة
العراكية الحرة الجميلة

 

[الشامخ]

وَتدري مّنك
لو تصَح كلَمة شلوُنك ؟
چا گلتَلك انتَ لونيّ ، وباهَتة
سنين العُمر مِن بعد لوّنك

 

[الشامخ]

مدري شلون
طبيت بحنايا الروح
وأنته التايهات الما محسبلها

 

[الشامخ]

سـلم عليه وبـاس
خـدي وتـمنيت
آخذ البوسه اوياي
من حلگه للبيت

 

[كاسيوبيا]

_



‏

نسمة صباحية🫧
صباح الخير🌤
‏ لنتفق
‏أن لا كدر ولا
‏إحباطات
‏لنبتسم فقط
‏وليمضى هذا اليوم كما قدر له.
جمعة مباركة عليك أخي

 

[الشامخ]

وأضل أطفي
وأشب أطفي
ويشب بيه الحريج أنوب يطفيني
وأضل اطفي
وأگلك أي يحاديني
وأصيرن بالنعش جناز
وأمشي ويّ الحدوا بيه !
وأخبرنك يحاديني
هاي وجوه ماتحزن
هاي وجوه ماشگت سچچها دموع
واحنه شطوط بيها الماي مدوهن

لچن سكتاوي تطفيني!!!

 

[الشامخ]

اني احبك حتى احارب بيك روحي،
حتى اعرف شرد اسوي
وما اخلص عمري طيش،
اني احبك كثر ما ضاعت سنيني
بكثر ما باعوني غيرك مدري بيش،
انتَ اذا مو بيها ماتسوه حياتي
وحتى ماتسوه اني اعيش.

 

[الشامخ]

بَعدني اشتاگ و أدعيلَك
بَعدني لهسة إغنيلَك
بَعدني من اگعد لوَحدي
مكان بصفي اخليلَك ..

 

[الشامخ]

لا قَصيدة الگدرَت توّصف حَلاتك
لا شعِر شعَبي ولا حتىٰ الأغَاني
مِن لگيَّتك فطنِت علىٰ الصَفنة رّوحي
وكُبر ليلِي وصّارن طِوال الثَواني
مِن لگيَّتك چانت اللهفَة إعلىٰ
طِولي وإنت جيّت
جَبت ويّاك الأمَاني

 

[الشامخ]

اعله دگات الگلب ،
نتلاگة مرات
لا دگات ساعة
ولا مواعيد!!

 

[الشامخ]

تعُبت ورُوحي
جزعِت من العتاب
كل ماريد اسوَلف
تغرك اِلعين
انا بيهَ سوالف
تشتهي اِلموت
ويكليِ الموتَ
لا مو هسه بعدين

 

[الشامخ]

امس شفتَك
حلم مَريت بيه
امس يا ريت
لو يّنعاد يوميه

 

[الشامخ]

موكلمن مشى وياك صاحب
ولاكلمن يدكلك صدره كدها..
مرات البشر تحجيلك هواي
وذره من الصدك ماتلكه عدها..
تره البيهم وفه كلش قليلين
وعلى كد الاصابع صار عددها..

 

[الشامخ]

شما يحچون عن الـ عينهم حلوة
تجي ببالي

واضحك من يذكرونك

اكو الحلوة، واكو الأحلى ، واكو عيونك