من تكون أوراق عمري بشوفتك إلهن ألف خط وحظ

[الشامخ]

البارحَة گالِو شلوُنك
گلِت أحَبه
تفِاجئت مَن روحِي كُلش
وأسِتحيت
ردَت اگلهُم غلطِة صَارت
چلمِة طلعَت
أنِي قصَدي عِيونة حَلوة
المصِيبة تاهَت مِن شفَافي چلمِة
ومَا بقِت بسَ الأحِبه
تذكَرت سِألوني عَني شمِالني
ودوهَني وِدك

 

[كاسيوبيا]

_




كهمسة مسائي
هنا حيث الورد يزهر والقلب
ينبض والسماء تمطر هنا
راحة بعنوان رائحة العراق
هنا العين ترق لفرط الجمال
ثم أين شموخنا ألم يحن القلم!!؟
للكتابة كما حنت العيون للمزيد
من نبضات حبر أقلامك

 

[الشامخ]

كافي على هونج أغني
وأعبرلج عن شعوري
بعدج سبب وني
وعينج سبب حضوري

 

[الشامخ]

فارشلك چفن و أتنطر تنَام
نام و لا تهمَك ضيم الأيام
يبعد رمُوش عيني وجفنِي و العين
وصَبيها ونضرها وذيچ لـ أحلام
سَنة ما شايفك بَس أنتَ موجود
لهسة أشتم عطر مِن شوفة العَام

 

[الشامخ]

گتلي على اصعب طلب
بس گلت الك سهله..!
بالدنيا ماكو بشر
كل همه يمك يجي
و يعوف بيت أهله

 

[الشامخ]

خذني يمك كلشي
من دونك ملل
فرحة أصيرلك
لو يمر بيك الزعل
خذني يمك إحساسي منك
مايمل خذني يمك
أنه الك ديرة وأهل

 

[الشامخ]

مَـدري شبيّـة !
أحِس شي دَاخلي إتغيّـر
أرد ابچيلَة مَا أگدر
مَـا جاي اشتهي عيُونـةهَ
ولَا بالليل جَـاي اسهر
مَـدري آني إشتهيت انسَاه
مَـدري الذكرى مِثل النَاس
هم تموت من تكبَر

 

[الشامخ]

هالمـره چزت نفس
مو زعـل ومراضاة .!

 

[الشامخ]

خذانـه الشيب بعدك
يا الخذاك الغير
و اجانه الكبر يركض
ركضت الملهوف

 

[الشامخ]

طريق البـي
جنت انتظرك تـمـر بي
تره لهسه انتظر
وينك تعال و شوف

 

[الشامخ]

ليش أعاتب
وآنا أدري العِشره منخل
من أهزها يطيح صاحب

 

[الشامخ]

يمن ماتدري روحي شبيها
معزتك جوله لعبت بيها ،، وأدمنتك
يالـ بكل الأغاني الگـاك
ويمرمرني حيل أهواك ،،وأعشگتك

 

[الشامخ]

ارضَى سنين
اعِيش وياك مهموم
ولا سَاعه ويه غيرك
بالي مِرتاح

 

[الشامخ]

شلون أنسى ،
وأنت كل موال أسمعه
وكل جرة آااه
بشعر شعبي

 

[الشامخ]

تهت ما بين تل وتل؟
اريد اطلع وما اندل !!
يا وادي الربيع محمل الرمان
اخاف نحوش من رمانك وتزعل

 

[الشامخ]

‏أنـة بعز أنشغالي
وهوسة الـناس
أعـوفن الـدنيا
مـن اتـدز رسـالـة

 

[الشامخ]

علـيـك صـغـار تسألنـي ويا الكبار
و أنـا الـمـتـقـي بحبك و إلك بار
إلك مرگص وسط روحي و إلك بار
تغني و تسكر و ترگص عليّه

 

[الشامخ]

اناطر من ؟
المشه وما ملتفت مره
الخلاني ادُگ بيبان كُل حضره
الخله بحيلي مو بأيدي عكازه
وانه عُمري عُمر زهره
چذابين
الضحك هذا التشوفه
شگد دمع حذره
الفرح هذا التشوفه
شگد حزن حذره
العظم يبره
الكَسر بلروح
شيجبره !

 

[الشامخ]

‏لا تضم ،،
حـچيَـك لــبـاچر
الـكلمة لــذتهـا بـوكتهـا ..!

 

[الشامخ]

ما دامك اتونست
ومتروسة عينك فرح
مگدورة يافرگـتي

بالعافية اعله الفرح
شعندي غيرك ولف؟
راحتك من راحتي

وذمة برگبتك تظل
لو تحن لا تنقهر
ولتباوع بصورتي

هذا أنه شايل جرح
لا تظن شايل حقد
بگد فرگـتك طيبتي