انفاس في سطور

[عابر السبيل]

يابوح وينك عن ربوع الفناتير ؟
ماعاد باقي في شواطيك فنتور

امنولن نقد القوافي دنانير
والحال ياحلو اللما منه ميسور

واليوم ما ندفع بالقوافي فواتير
زخم القوافي دايم اليوم مفتور

ان كنت في خيرن عساها تياسير
فقدت انا بوتن هوى شوفها النور

عابر السبيل

 

[عابر السبيل]

رجم الشقا ياما تجشمت مرقاك
من لاهبن بالجوف يشوي ضلوعي

ماشفت في رجم العنا مي ن للمظماك
ولا فيك ما يطفي لهيبن ل جوعي

بس جيت افضفض قاسي ن من بلاياك
واشعل على راسك غرايب اشموعي

ودي ابيعك ماضي ن من حكاياك
ابي تجرب تالي الوقت لوعي

كم ياخذك وقتن منول قد اعطاك
وكم تهدر الايام غالي دموعي

وكم ينهرك منهو على الباب حيّاك
وكم تخلف الايام منا طبوعي

وياكم الاقي نسمةالصبح ريّاك

بخالي مكانن مامشى فيه دوعي

عابر السبيل

 

[عهود منسية]

أنا أسير حروفك العذبه
والقوافي ونظم الأنشادي

الشعور بخاطري رتبه
مخطره ع القلب إن زادي

يمر شوقي بعدكم شبه
واصطلى الفواد بأنكادي

طحت في رجواكم بغبه
ثم غرقت وزادت أيهادي

لا نفع دختور مع طبه
والمطوع بعد ما فادي

صابني ما خاف من ربه
بريد عظامي والأجسادي






عهود

مساء السعادة شاعرنا

 

[عابر السبيل]

إسلم وسلّم لي على من حواليك
وبالخص منهم ذابل الرمش والعين

إن كان تسألني فانا حيل مغليك
وكتبت انا م القاف فيكم دواوين

يا ضاحكن بعض المخاليق تبكيك
لو كان ما يدري ديارك على وين

خيرن صباح وبالمثل جيت امسّيك
يا اغلى هديه من غرريب الاحايين

وش حال هاك الدار ياعين هاويك
ياحيلة الله يارقيق البنانين

عابر السبيل

 

[عابر السبيل]

أنا أسير حروفك العذبه
والقوافي ونظم الأنشادي

الشعور بخاطري رتبه
مخطره ع القلب إن زادي

يمر شوقي بعدكم شبه
واصطلى الفواد بأنكادي

طحت في رجواكم بغبه
ثم غرقت وزادت أيهادي

لا نفع دختور مع طبه
والمطوع بعد ما فادي

صابني ما خاف من ربه
بريد عظامي والأجسادي






عهود

مساء السعادة شاعرنا

مساء الفل وعطرن من الطل

 

[عابر السبيل]

مريت يا طردن من الورد مرجود
ضج المكا ن بريحة الورد والطيب

عساك يا صاحي من الخير في زود
ياللي علومك في ضميري تعاجيب

مازلت انا اذكر ريحة الورد والعود
كن العطر ياصاحبي لك مشاريب

عابر السبيل

 

[عابر السبيل]

يا صاحبي من لذة الشف بسمه
وانا بابيعك ماطرى م الطواري

سلام ياللي اسمها وصف جسمه
يامشعلن م الصب بالقلب ناري

عابر السبيل

 

[عابر السبيل]

حفل النجوم اللي تواهج مع الليل
عقدن تحطه يا انجل العين بالجيد

كن السما تهدي لزينك قناديل
ولون الشفق يرسم على الخد توريد

عابر السبيل

 

[عهود منسية]

حِبْرٌكَ وَ الوَرَقَة

​

أَعِرْنِي حِبْرَكَ وَالوَرَقَة​

يا رَجُلاً يَصْنَعُ أَفْكَاري
​

وَأُعِيذُكَ مِنْ شَرِ الشَفَقَة​

يا مُحْيِي مَيِتَ أَشْعَارِي
​

اللَّـيْلُ سَأُهْديكُم غَسَقَه​

وَأُحَطِمُ سَرْداً أَسْوارِي
​

وَغُروبٌ يُقْرِضُنَا شَفَقَه​

وَيَجُولُ شَذَاكَ بِدِثَاري
​

وَتُحيطُنا أَنْسَامٌ عَبِقَة​

أَشْهَى مِن عِطْرِ الأَزْهَارِ
​

وَالوَاقِعُ مِنَا قَدْ سَرَقَه​

حُلْـمٌ وَرْديُ الأَطْوَارِ​

وَالخَوْفُ فِينَا قَدْ خَلَقَه​

حَرْفٌ مَحْدُودُ الأَخْطارِ
​

يَجْلُو إحْسَاسِي مَا سَبَقَه​

فَإحْذَر دَوَامَةَ أَسْرَارِي
​

رَاقِص آهَاتِي المُلْتَصِقَة​

مَا بَيْنَ شَقِيّ الأَزْرَارِ
​

تِلْكَ اللَحَظَاتِ المُحْتَرِقَة​

بِلَهِيبِ الشَوْقِ المُتَوَارِي
​

وَ إنْتَشِل بَأْسَكَ مِن غَرَقِه​

فَالنَّصْرُ حَليفِي فَحَذارِي
​

وَ فُضُولُكَ لَنْ أُشْبِعَ رَمَقَه​

يَحْلُو لِي خَوْضَكَ لِغِمَارِي
​

أَتَشَاطَرُ أَفْكَارِي النَّزِقَة​

وَ تُحِيطُكَ مُجْمَلُ أَخْبَاري
​

سَنَدُورُ كِلانَا فِي حَلَقَة​

مَا بَيْنَ المِعْصَمِ وَ سِوَارِي
​

مَا كَانَ صَحِيحاً مَا نَطَقَه​

صُمُودُكَ لَحْظَةَ إِصْرَاري​

فَضَجِيجُكَ هَمْسِي قَدْ اخْتَرَقَه​

فَـتَسَاوَى لَيْـلُـكَ بِنَهَاري




عهود​

 

[عابر السبيل]

ما يجتمع بالبيت نايم وسهران
وما اكثر نجوم الليل للي حسبها

 

[عابر السبيل]

الله ياحس ن م الغلا جاء له الوان
وحمل الصبابه ياغلا وين اوديه

بين امس وايا اليوم ياحلو شتان
ياشبه نجمن بالغلس قمت اراعيه

كن الحيا والموت ياحلو سيّان
يشبه خوي بالشبه يشبه اخيه

كم اتفكر فيك بعضات الاحيان
وياكم ليلن م النوى قمت محييه

كنك سؤالن تطرحه حدث الازمان
واسمن هويته صرت ماعاد اناديه

يااقحوان الورد ياريح مكنان
حمل الصبابه ياغلا وين اوديه

عابر السبيل

 

[عابر السبيل]

العيد روّح واقترب ثاني العيد
وياكم عيدن راح ماشفت لك زول

وقلبن بلاني في هواكم تراديد
ولاعاد لي حيلن على الشوف اوحول

سلام ياللي هرجته لي تغاريد
وحمل السراب اللي مع الريح محمول

حب العرب ينقص والغلا منكم ايزيد
وكم بالهوى ياهايل السحر من هول

عابر السبيل

 

[عابر السبيل]

سلام مني كل ما هبت الريح
اما طلوع الصبح والا المماسي

كن الهواء في شامخ الصخر تسبيح
لا يا بعد حيي ويفداك راسي

بالليل تسحرني سهير المصبايح
وكم ذا مليت من التذكار كاسي

دارن هويت الضيق منها وتفسيح
بارض المدينه عزوة ن لي وناسي

انشدك وين اللي به من الحور تلميح
اللين اللي بعض الاحيان قاسي

كم هو ملاء روحي جروحن وتباريح
كم اذكره لو كان بالحيل ناسي


عابر السبيل

 

[عابر السبيل]

سنينن تهاوت في مجاهيل ماضيك
راحت ولا يذكر عليها سلامي

كم ساحرن في لذة البسم يغويك
وتروح فيها يا عريب العمامي

البارد اللي لمسته حيل تكويك
اللي يحرمك بالنوى م المنامي

البايع اللي بعض الاحيان يشريك
ودايم تجوعه حين واحيان ظامي

اللي خذا قلبك ولا عاد يعطيك
وتمشي هبيلن خالي العقل عامي

عابر السبيل

 

[عابر السبيل]

عتبى على وقتن يشت الولايف
واعتب على حظ ن مع الوقت مايل

سلام يا رف ن رهيف الشفايف
ورمشن يغطى ما غلا م الظلايل

اوجفت في دربي معك كنت خايف
وياكم اشوقك يا ثليل الجدايل

عجزت انا اوفيك وصف ووصايف
وللحب في وجهي رسوم ودلايل

مريت اسلم يا الثمان الرهايف
شي ن بنفسي مثل قال قايل

عابر السبيل

 

[عابر السبيل]

ياكم مكانن نخطره بعض الاحييان
ويجوض قلبي من تذكّار ما صار

امنول اللقيا لها ريح والوان
وعطرن تزفه لك طريات الازهار

رصيد حدثانن تجيبه لك ازمان
يذكرك بالخيرات ياحلو الاسطار

واليوم باب الحب بيتن وبيبان
تاخذ بها ارياح الهواء اقبال وادبار

عابر السبيل

 

[عابر السبيل]

سلام مني ياربوع المدينه
ياكم لها في خافق القلب مقدار

انشدك وين اللي كلامه ب عينه
اللي زرع خده من الورد و ازهار

من بيننا سر ن وحن خابرينه
وياكم يبوح الصب حبه والاسرار

عصرن مضى يا شوق كم تشترينه
وكم ذا سوى هالشوق درهم ودينار

عابر السبيل

 

[عابر السبيل]

عسى من بهر دلال الفراق وصب لي فنجال
يحاصره الظما بالقيظ لارحمه ولا والي

 

[عابر السبيل]

منهو بقى يا تحفة الدار عقبي؟
منهو ورث فيض المشاعر والاحساس

راح الطريق واخلف الوقت دربي
كم هي حسوفه لا غديته من الناس

واصبح وفاض الصفر حاصل لضربي
وغجى نصيبي منك سطرن وقرطاس

منول اشوفك وسط كاسن وشربي
واخذك انفاسن واناجيك بانفاس

واليوم سلمك صار يشبه لحربي
وافقدك انا لا ذعذع الصبح نسناس

عابر السبيل

 

[عابر السبيل]

لا والله اللي روّحت شبة النار
وستاير الشباك يلعب بها الصيف

شباك ياللي فرّخت فيه الاطيار
كنك على بابي من الحر لي ضيف

سلام يامشي تهصّر بالاخصار
للناس كيف ومشيتك بينهم كيف

ياساحرن للدف ياساحر الطار
دقك على قلبن خلاف السراجيف

انا وطيفك تالي الليل سمّار
واالا انت ماشفناك ياصاح ياحيف

ياللي تمشى تجمع الورد وانوار
سلام مني يالكفوف المراهيف

كن مابقى في صامت الدار ديّار
ياقسي طبعك يازمان التصاريف

عابر السبيل