انفاس في سطور

[عابر السبيل]

سلام ياللي يسحر الليل طيفه
تظنها في بعض الاحيان قنديل

اخذ عزيز الوقت برده وصيفه
كلل جميل الجو بالزين تكليل

كلن يبيها مير ما هي بكيفه
وجهن يكلل سهر ة الحب تجميل

راعي السوالف والعلوم الظريفه
تشبه بوقت الصيف باللمعة اسهيل

عابر السبيل

 

[سمارة]

صباح الخير استاذ عابر سبيل
مدونة مميزة وكتاباتك راقية
يشرفني التواجد هنا
اللهجة شوي صعبة ولكن خلصت حالي
كل الاحترام والتقدير لشخصك الراقي

 

[عابر السبيل]

ش

صباح الخير استاذ عابر سبيل
مدونة مميزة وكتاباتك راقية
يشرفني التواجد هنا
اللهجة شوي صعبة ولكن خلصت

اشكر لك حضورك العطر والشرف كان لي الله يطول عمرك على ابخير

 

[عابر السبيل]

قضى الحفل والكل روّح ل بيته
وشكلي باروح لصوب بيتي لحالي

محسوف مشوارن لصوبك مشيته
وانا شريت الوصل في حر مالي

وللي نساني بس انا مانسيته
وتصبح رخيصن من رفيقن موالي

وكم ذا يبيعك واحدن قد شريته
وتصير مفتونن تولع ب خالي

وكم ياخذك م الناس شخصن عطيته
ويصير ميراثك ليالن خوالي

وتبكي على وقتن تولى حييته
مثيل من يشري الحرام ب حلالي

ولاينفعك دمعن عشانه بكيته
وتشيل في قلبك غموض السؤالي

عابر السبيل

 

[عابر السبيل]

قضى الحفل والكل روّح ل بيته
وشكلي باروح صوب بيتي لحالي

محسوف مشوارن لصوبك مشيته
وانا شريت الوصل في حر مالي

وللي نساني بس انا مانسيته
وتصبح رخيصن من رفيقن موالي

وكم ذا يبيعك واحدن قد شريته
وتصير مفتونن تولع ب خالي

وكم ياخذك م الناس شخصن عطيته
ويصير ميراثك ليالن خوالي

وتبكي على وقتن تولى حييته
مثيل من يشري الحرام ب حلالي

ولاينفعك دمعن عشانه بكيته
وتشيل في قلبك غموض السؤالي

عابر السبيل

 

[عابر السبيل]

شعوف الهبايب قشت القشع بالبيد
تجلجل لنا باموات قشعن هلايم

تكر في المشوار بالقشع وتعيد
روحه وجيه غادياتن قوايم

تشبه لقصة م المواضي سراميد
حبن تولى كنه عن الفرح صايم

اللي مضى مافيه يالحلو تجديد
هذاك عصرن حظنا فيه قايم

ملامحه جاها من الوقت تجعيد
ولا عاد تنفع رقيتي والعزايم

سلام ياللي للمزايين جا سيد
الجادل اللي حط قلبي خرايم

انا اشهد انه نافلن جملة الغيد
اللي لها عينن بها الموت نايم

عابر السبيل

 

[عابر السبيل]

لا تخسر القادم شفاقه على امس
ماراح راح ولا يفيد التمني

ترى الوله يضفي على مهجتك حمس
وياكم روحن ذبحها التعني

الله ياللي هرجته م الحلى همس
قسمن بكى والقسم الاخر يغني

ياكم تلاشى منيتي طلعة الشمس
وانا على حبك كما الطير كني

عشر الروابع يارفيقي غدت خمس
غديت عندك قوس لاعب ل شني

عابر السبيل

 

[عابر السبيل]

دعيت احلامن تجيبك ولا جو
وانا اخفي دايما ن عنك حلمي

راحوا كما غيمن مع الجو لجو
وانا الذي ظنيت حلمي بعلمي

كن الهواجس صوب المحبين حجوا
وكم يختلط حربي معك مثل سلمي

عابر السبيل

 

[عابر السبيل]

جبال الكحل ياقصد المزايين
ياكم عينن كحلها يشعف الروح

كم مرها من ماضي العصر من عين
وكم واحدن من لاعج العين مجروح

ياماخذي تاخذ رفيقك على وين؟؟
ياكم ذبحني في طريقك من البوح

عابر السبيل

 

[عابر السبيل]

ياعبير الصبح من وين ممشاك؟؟
ومنهو تخطريته على الدرب ماشي؟؟؟

منهو خطرته بالمماشي وعشّاك
واخبار غيمن غربكم صار ناشي

تثور ريحن في ظلامك ومنشاك
ورشّك يجي تقسيط ماهوب كاشي

كنك كثير وبعض الاحيان ماشواك
حقوق وبلك خالطه لك رشاشي

عابر السبيل

 

[عابر السبيل]

ياظالمي ياليت لو تنتصف لي
واخطها في صفح الايام ذكرى

يا الذ شمعه شفتها وسط حفلي
تشبه لنجمن يرهج الليل مسرى

ياللي خذيبته من بلاويك كفلي
بوم الحساني للمحبين تشرى

عابر السبيل

 

[عابر السبيل]

يا ثالث الصفحات مافيك رابع؟؟؟
فعل الليالي يارفيقي غريبه

م الفرح جوعانن وم الجوع شابع
ولا عاد تسمع لك سموعن طريبه

تشكي من الغيبات خلو المرابع
ولا عاد به ورقا ن وصوتن تجيبه

امنولن للحس عندك منابع
ينبوع ما ياقف بكفك صبيبه

عابر السبيل

 

[عابر السبيل]

قال الذي قلبه بالابيات شاويه
فارع قوامن والقوافي غريبه

لا مات حفل الليل يجهز ويحييه
معلول وادري يالغلا من طبيبه

عابر السبيل

 

[عابر السبيل]

ذاب الشعور اللي بقلبي كتمته
واصبح سطورن تكشف النوح والبوح

هو انت تذكر صاحبن لك ظلمته
حي ن ويمشي بين الاحباب مذبوح

يامادحن للناس منهو شتمته؟؟؟
وجملة تمازيحن تجي بثوب مرزوح

ياكم مره بالقساوه هشمته
لحد ما سره مع الناس مفضوح

يشكيك قلبن بالبلاوي كلمته
مستور يمشي بالتعابير مجروح

ياكم غيضن منك جاني كتمته
إلا ومع هذا لك الله مسموح

عابر السبيل

 

[الإكليل*]

بمناسبة حلول شهر رمضان المبارك
نهنئكم جميعًا
بقدوم هذا الشهر العظيم
شهر الرحمة والمغفرة والعتق من النار
أسأل الله أن يبارك لنا جميعًا في أيامه ولياليه وأن يرزقنا فيه الطمأنينة والسكينة
ويجعلنا من المقبولين
رمضان
هو فرصة لتجديد الإيمان وموسم للطاعات
ونافذة لنور القلوب فاغتنموه بالصلاة
والذكر والقرآن
واملؤوا أيامه بالمحبة والعطاء

كل عام وأنتم بخير
أعاده الله علينا وعليكم بالخير واليمن والبركات

 

[همس الروح]

السلام عليكم ورحمه الله وبركاته

كل عام وانت بخير رمضان كريم عليكم وعلينا يارب العالمين

 

[عابر السبيل]

غطى ظلام الليل من فوق الاكام
وطلة لنور البدر من خلف غيمه

وبعض العرب لاهي معا حلو الاحلام
وياكم عينن من سهرها سقيمه

مني عليها م البعيدا سلام
والجاهل اللي في كل حالن عليمه

عيني عليها م الاسى مثل مرزام
على عجيف الخد جا له رزيمه

عابر السبيل

 

[عابر السبيل]

في الذاكرة زولن له ازمان مرسوم
يمضي الزمان وحلو الالماح موجود


كم مرها من ماضي الوقت من يوم
وكم جاهلن واصبح مع الوقت معلوم

وانا على حالي مواضيه ملزوم
طلن زرعته بالزنابق ويشموم

عابر السبيل

 

[صمت البوح]

 

[عابر السبيل]

لا يا بعد من حضى طلة العيد
كنك تبدد بالتقاسيم لك نور

وانا عليك اشيد صارخ الوصف تشييد
واجمع من الابيات لعيونك زهور

يالمحة ن فيها على الخد توريد
تهدي على الحاضر تباهيج وسرور

نصيب من شافك شجون وتناهيد
كنه قبالك باوسط الحفل مسمور

عابر السبيل

كل عام وكل من هنا بخير
عيدكم مبارك وعساكم من عواده