انفاس في سطور

[عابر السبيل]

سلام ياللي كنها شبة النار
وسط الشتا والناس تعشق دفاها

يافرحة الحاضر وياريح مسمار
وبنن تجيبه مايهمك غلاها

فيها تداول ما فخر لك مالاشعار
وتبرى بها نفسك بغاية دواها

عابر السبيل

 

[عابر السبيل]

من بينهن حلوه كما راك الاغصان
تلوي لها عودن ويصبح لها طوع

وليلن تتله يخلف العقل ب جنان
تلمس لها صخرن من اللمس ويموع

تلفح لها شعرن حنى الجيد باوزان
شعرن تتله باشمخ الراس مجموع

تشبه لحورن صورته صورة انسان
تشبع بصر من حولها وتذبحه جوع

عابر السبيل

 

[عابر السبيل]

عسى الطريق اللي بنهاياته انتي
يطوي ولي العرش بعده وممشاه

بغيت انا ادري بس بيتن سكنتي
والقلب يهوى بيتن سكنتي ومبناه

عابر السبيل

 

[عابر السبيل]

عليك ادلل باكيات التفانين
البيت منها شيد الحب مبناه

ياما كتبت سنين يتلنها سنين
والبيت يبكي ياغلا الروح معناه

من شان عينك صرت شاعر بيومين
واذا بكى بيتن عليكم كتبناه

ياغصن وردن غار منك الرياحين
يامخجل السوسن بزينه وحلياه

عابر السبيل

 

[عابر السبيل]

يا اخر الدنيا متى صرت مبداي
عمرك بدا بي وانتهى فيك عمري

اربع حروفك يالغلا همسة الناي
سكر(ن) لفكري وغولها غول خمري

يا غصن ورد(ن) توّجه وردة الشاي
اخضر رطيبك وايبس الهجر خضري

بقلم : عابر السبيل

 

[عابر السبيل]

غني على اجداث المحبه قصيده
يحسن عزاك الله في ميت الشوق

يرثيك شاعر يكتبك من وريده
لاصار ثوب الصبر من الوقت مشقوق

ونامي بليلك يالعيون السهيده
ماكل مطرودن ياشقا العين ملحوق

يما اهبلك يا طابخن له حديده
ماخبر جاء بالحب بارد ومحروق

عابر السبيل

 

[عابر السبيل]

ماتنقضي الحاجات هرج ن وهقوات
ولا انته ب ملزومن بحبن يهينك

ترى الحياه تعوس واحيان سلمات
وانظر لفعل الوقت شوفن بعينك

عابر السبيل

 

[عابر السبيل]

كم ذا الصدى يحفظ بواقي لحونك
بين الجبال الشاهقه له مشاوير

من كثر بعدك يهلك اللحن دونك
بالخير مني يا شواطي الفناتير

اشبه لكوكب ضاع في عمق كونك
على المجره راسمن له دواوير

ياكم يسحر واله القلب لونك
وكم ذا الهواجس وسط ليلي مسايير

ياحظ ناسن لك تشوف ويجونك
وانا على اعتاب اللحن كني الطير

ماداعبك لي في الغداري شجونك
ماقالت الاشواق يالله عسى خير؟؟؟

عابر السبيل

 

[عابر السبيل]

ياجامع الانوار من سهرة الليل
ياشيت خليت السما تبكي النور

كنك شريته من جمال القناديل
ومن بعض اسمك خاطري منك مكسور

الساحر اللي يسهج الرمش بالميل
كن السحر في ذيل الارماش مبذور

خليت قلبي لك دلال ومعاميل
ودقات قلبن كنها صوت سنتور

عابر السبيل

 

[عابر السبيل]

ترى الوطن دارن سكنها حبيبك
وان غاب تبدى لك مع العمر غربه

هو علتك واحيان يصبح طبيبك
يحييك يا ظامي من الريق شربه

كانك غريبه فاعرف انه غريبك
السلم سلمه والبلاوي بحربه

ان راح يبدي لك مع الناس عيبك
وان كان عندك صار بالشوف طربه

كن الغلا يصبح بقربه نسيبك
كم تنجلي به م التهاميم كربه

عابر السبيل

 

[عابر السبيل]

كم يارياح الوقت شلتي الحبايب
الكل راح ومابقى الا مكانه

وعصر الشباب اللي من الوقت شايب
وهوجاس راسي غادي ن جندوانه

وقت الغرايب ياحضور العجايب
وفقدت شف التوت والاقحوانه

كم خاطرن من فعل الايام طايب
يحفر حرو فن لك على السنديانه

الفقد حاضر والوصل منك غايب
والكل منا شاكي ن من زمانه

عابر السبيل

 

[عابر السبيل]

ياهيه يكاتب على الشاطي اشعار
سحرت موج السيف وارخى ردونه

يرتع عتي الموج من سحر الاسطار
ياقف وينسى ان البحر راح دونه

بالوصف كنه صايغ القاف بيطار
تهمل مع الابيات جاري عيونه

ياشيت ياكيف الدهر بيننا دار
حتى الشفق ياصاح مخلف ب لونه

ماعاد في دارك من الولف ديّار
الكل قفى ولا اوفي للحبايب دونه

عابر السبيل

 

[عابر السبيل]

افردت هاللحظات لاجلك لحالك
أبانزوي واكتب لعينك قصيده

من وين ابابداء في حلاك وجمالك
او في صفاتن بشخصك عديده

اركيت في نار الجواشن دلالك
مع واهجن بين الاضالع وقيده

عاصي الفواد اللي غدى من حلالك
اصبح لعينك طير فوق الجريده

من ناقص الحظين يرتع كمالك
بصدري تراثع لك شجونن مريده

تجود نياط القلب تكة حبالك
وروحن تهالك وسط جوفي عليله

عابر السبيل

 

[عابر السبيل]

مشهور يابيتن على الجذع محفور
بيت به الاوصاف كافي ووافي

يشبه لعطرن من على الدرب منثور
مضى الزمان وباقي العطر صافي

قل الورق يا زينه الدار والدور
كن المعوشه للقوافي كفافي


عابر السبيل

 

[عابر السبيل]

منها تعلمت السهر هو والاسهاد
بالليل كني له من السهد ناطور

كن اتحرى له مع الليل ميعاد
وكم مرة ارتاع مع بلجه النور

غديت مصدار للاشواق ميراد
وكم ذا عصيت اللي بدا الراي والشور

ياحيف يا وقتن تعدى ولا عاد
كن القبر لمتوعس الحال محفور

باكر ليا مني عن الدار منقاد
وعطيت لي دربن على ناسع الكور

عساه يذكرني لاتعالت له انشاد
يذكر لشاعر بدل الدور بالدور

عابر السبيل

 

[احلام عابره]

قولوله مرت بس مالقت غاليين
متغير حروف العتب ..والملامه

مرت وعلمت عالقاف بسطرين
مضمونها ليتك بخير وسلامه

 

[عابر السبيل]

فات القطار ولا بقى الا مكانه
وانا اراعي بالشفق ذيل الافلاس

غديت كني له شريد الذنانه
واضربهن اخماسن تضارب والاسداد

وعيني تلاقط كنها العيدبانه
وقلبن تقطع بن الرجاوي والاياس

ودفنت م الاياس دافي حنانه
وعقب الركاده اصبح الوضع منحاس

شريت لي شي ن باحطه ببنانه
واصبحت ادوّج بالفلاسا من الناس

عابر السبيل

 

[احلام عابره]

يادمعت ن كنها هتان... الامطار
وش طيحك وانتي دومك عنيده

وش ال جرالك علميني. وش صار
من يمسحك وانا عايش.. وحيده

ياناظم بالحرف عذبات... الاشعار
اشوف ابياتك مالفرقا.. شريده

 

[عابر السبيل]

قولوله مرت بس مالقت غاليين
متغير حروف العتب ..والملامه

مرت وعلمت عالقاف بسطرين
مضمونها ليتك بخير وسلامه

الله ياللي توفي الدين بالدين
الجادل اللي في كفوفه علامه

انا اشهد انك في كرامن عزيزين
اللي فرق بالغير زين ووسامه

 

[عابر السبيل]

سقوى سقى الله يا انجل العين طاريك
البارحه بعض المخاليق طروك

كم تعتذر في وصالك مساليك
جميع بابن في المواصيل مصكوك

إسلم وتبقى عسى الله يخليك
يرحم ابوك وكل الذي بالمحبات حبوك

بالود ودي كان بالخير امسيك
مثل الذي بالخير ياحلو مسوك

عابر السبيل