انفاس في سطور

[عابر السبيل]

الله يا سنينن تولت عديد ة
كم يختلط فيهامن الكم والنوع

كم يكتبك شاعر بناقط وريده
في ليلة ن ونجومها كنها شموع

عابر السبيل

 

[عابر السبيل]

قالوا السهر ما اختار عينن على عين
وش حيلتي في من سكن وسط عيني

مليت منها لي يسار وميامين
شفته على اليسرى وشفتك يميني

عابر السبيل

 

[عابر السبيل]

قالوا دموع العين حظ المناديل
واحيان انااكتب به احاسيس سطري

كم ذا سهرته والشهود القناديل
ويطلع علي الصبح من دون ادري

عابر السبيل

 

[عابر السبيل]

فتحت من ماضيك ياحلو صفحه
رثيث سطرن قد كلته الليالي

بس اتشمم من مواضيك نفحه
يوم انته عزيزن على القلب غالي

كم اندفن من بين الاسطار فرحه
بس آتلمس م النوى راس مالي

كم اورثت في ظامي الروح ترحه
مني سلامن يالليالي الخوالي

درس الليالي يجرح القلب شرحه
يموت في شرحه لحوح السؤالي

عابر السبيل

 

[عابر السبيل]

لا تنبش الماضي وخل المواجع
بالقلب ياصاحي همومن تكفّيه

اللي مضى ياحلو ماهوب راجع
يابسمة ن فيها الحزن بس تخفيه

ياكم طاري ن يجتمع بالمهاجع
تشبه لموجن في تلاطم مرافيه

عابر السبيل

 

[عابر السبيل]

سقها على التوفيق ياشيخ سقها
مسير ما تاخذه الايام تعطيه

والشاعر اللي للقصايد طرقها
تشبه لبحرن في تلاطم شواطيه

ابيات حب ن تفتخر به ورقها
يوم القلم يمشي وتنطق مواطيه

سلام ياخدن والمدامع غرقها
يبين في خدك م المدامع سواطيه

دنيا ن تطابخ في الخوافق مرقها
بالكحل في خدك خطوطن تخطيه


عابر السبيل

 

[عابر السبيل]

من قال ناسيهم فهو قد ظلمني
كم اذكره لا من نويته بنسيان

ياكم بوح والحيا قد كتمني
انظر لعينه م الاسى حيل ظميان

نور الصباح اللي ظلامه عتمني
ضدين فيهن اختلافن بالالوان

كنت اتمنى بالمواضي رحمني
بين الظليمه والمراحيم شتان

عابر السبيل

 

[عابر السبيل]

انشدك ياراع الحروف الجميله
وش حال دار الربع من صوب حايل؟؟

هل هي كما نقشن ب حالي الخميله؟
والغصن من طريات الانسام مايل

وزولن تمشى الورد يملا شليله
غيدا جميله من بنات الحمايل

كم يعدم الواله بشوفه وسيله
تعمل بقلب اللي يحبه عمايل

اليا نثر فوق الرديفه جديله
هل الظلام منوسعات الجدايل

يعتم ععيون الناس بالكحل ليله
الوجه نور وداجي الليل لايل

ذكره بحلو القاف يوفي فضيله
والناس تعشق م الجميله فضايل

ياممكنن صارت لنا مستحيله
شحت صروف الدهر لو بالوسايل

يذكرك عابر ماشين في سبيله
كله لعينك يا وفي الخصايل

عابر السبيل

 

[عابر السبيل]

ياقلب إنك من أسماء مغرور
فاذكر وهل ينفعك اليوم تذكير

قد بحت بالحب ما تخفيه من احد
حتى جرى لك أطلاقا محاضير

فلست تدري وما تدري اعاجلها
أدنى لرشدك ام ما فيه تأخير

فاستقدر الله خيرا وارضيّن به
فبينما العسر إذ دارت مياسير

وبينما المرء في الأحياء مغتبط
إذا هو بالرمس تعنوه الاعاصير

يبكي الغريب عليه ليس يعرفه
وذي القرابة في الحي مسرور

 

[عابر السبيل]

تدري وش اللي ماتجي بالملايين
العافيه لاصرت محروم منها

وتدري وش اللي حدها حد سكين
الحاجة اللي ما انت قاوي ثمنها

وتدري واللي ما توفيي لها دين


اللي غداك بصغر سنك لبنها

وتدري وش اللي راجحه بالموازين
سجدة سحر لا ناموا الناس عنها

 

[عابر السبيل]

واهي الفواد وبالخلا يذرع البيد
كنه وكيلن بالفيافي والاقفار

يهمس بقافن في دروبه تراديد
كلما انتهى مشوار يبدا بمشوار

وين انت ياللي ثمانه مناضيد
في مبسمن تلقى به البرد والنار

عابر السبيل

 

[عابر السبيل]

في خاطري ياصاحبي منك كلمه
رميتها يا صاحبي ثم اوجعتني

ماكل من يحلم تدرك العين حلمه
كم شتتني كلمتك وجمعتني

كتبت بك بيتن تحقق ب علمه
حتى جبال طويق فيك اسمعتني

ماعاد انا ادري بحرب حبك وسلمه
كم مرة ن منك السوالف روعتني

عابر السبيل

 

[عابر السبيل]

مرت عهود وباقي ريحة الطيب
يشهد حضور اللي تمنيت شوفه

كم ذا بنينا م القوافي محاريب
وكم ذا لحقني من غيابه حسوفه

ياناسكن حط القوافي سراديب
والله عليمن بالمعاذر ظروفه

جار البحر والمح بعينك تغاريب
ياللي حروفي كلها في كفوفه

عابر السبيل

 

[عابر السبيل]

تبكي حروف القاف في بعض الاحيان
تنعي على شي ن تعداك راعيه

اي والله ان الناس ماهم ب سيان
من بينهم واحد عيوني تراعيه

يابسمة ن فيها عضيدن ومكنان
وانا على دربن تخالف سواعيه

ياكم احبه حبة هبال وجنان
من حر حبن بين الاضلاع شاعيه

عابر السبيل

 

[عابر السبيل]

انحب على وقتن تعدى ولا عاد
خطرن عجاج الوقت يطمس عيوني

وانا على درب المتاهات نشّاد
ياللي خذيته من التضاريس لوني

وانا عن الزينات ياحلو زهّاد
مجنون وابحث عن سبايب جنوني

ياكم اغنيها على الدرب ترداد
حتى الصدى ردد بقايا لحوني

شكلك بتذبحني على روس الاشهاد
وحلو القوافي عقبها يارثوني

عابر السبيل

 

[عابر السبيل]

لا تترك الذكرى على اسطار ماضيك
وتحايل بها على اسطار هالييوم

تصبح جميلات المواضي تحاكيك
سولاف عطرن تزوج ب يشموم

حتى ولو خلك من الوقت ناسيك
كم ظالمن يلبس تلابيس مظلوم

الله ياللي واصلن من يجافيك
يخفى كما الجاهل وهو حيل معلوم

كم ياخذك منهو تمنيت يعطيك
اللايم اللي لبس ثوب مليوم

بالخير ياليلن تجشمت ساريك
شهودي على دربك مجرات ونجوم

عابر السبيل

 

[عابر السبيل]

ياقوم أذني لبعض الحي عاشقة
والاذن تعشق قبل العين احيانا

 

[عابر السبيل]

مريت سطرن حكى لي ماضي اسياده
ياكم قريت السطر ياصاح من مره

بيوتن م الالماس تشبه نضدها قلاده
بالخير ياعقد ماس ن زينه دره

مرحوم يا بيت قافن عطره امداده
تلعب بقلب يحب القاف وتفرّه

يبين زين القوافي ب حضرة اضداده
مابان خيرن حضر في حضرته شره

كن القوافي شرابه والهوى زاده
ياكم تجلى عن الخفاق من حره

في كل ليلة يجي الطاري بميعاده
مرحوم ياللي ترك للقلم جره

عابر

 

[عابر السبيل]

شالت رياح الوقت رسمك وطاريك
واقتشت اوراقي هبايب زمانك

كم ذا يبيعك واحدن كان شاريك
وكم تشتري الاوتار همسة كمانك

ياعازف اوتارن تطيعه مماليك
كم يعلي الاحساس ياشيخ شانك

دندن ودندن جعل ربي يخليك
ولاعب احاسيس الهوى من بنانك

خذني مع الاوتار قاصي ودانيك
القلب بيتك والخوافق مكانك

عابر السبيل

 

[عابر السبيل]

يا انيق الورد يا صمت الصباح
ياحلو صمتك والعطر من كلامك

طل الصبا ياصاحبي لك وشاح
يا للي لبسته فوق صبحك ظلامك

دام الكلام بوصف زينك مباح
بابلغ اعطاف الهوى من سلامك

عابر السبيل