انفاس في سطور

[احلام عابره]

انت عشق روحي من بد البشر
الياحضرت ما همني من يغيب

فليالي الصيف يحلالي السهر
اناجي طيوفك واحسك . قريب

 

[احلام عابره]

الا ياصاحبي بالله ترفق في قلب . مغليك
بنالك في شرايينه قصور لعشقك السامي

سرابه الشوق لديارك ومن زود الغلا يرجيك
لو يورد بحور الشوق مل وعادلك ..ظامي

 

[عابر السبيل]

كم ذا يضيع الوصف والقاه فيها
تاخذ من الاوصاف ماكان حالي

تاتي لها الاوصاف ما تشتريها
وانا شريت الحلو من حر مالي

عابر السبيل

 

[عابر السبيل]

ابا انشدك ليش القوافي تغناك؟
ليش اللحن يحتار لا صار صوبك

ياكم ياحرف الغلا قد كتبناك
وفصلت من حلو التماثيل ثوبك

ياكم احاول فهم لغزك ومعناك
وشروق شابه م السحر لي غروبك

عابر السبيل

 

[احلام عابره]

انا مشتاق وعيوني سهارى وما تذوق النوم
والي مشغل ن بالي اشوفه اليوم ناسيني

الا ليت السعاده طير على ديار الغوالي يحوم
عله يذكر ايامي وعهد ن بينه ........وبيني

 

[احلام عابره]

اسلم كل ما مريت على ديرة حبيب الروح
واداري دمعة بعيني وتبات الروح.. ولهانه

اجر الآه في صدري صبابه والقلب مجروح
اعشقه حيل واعرف اني اسري بدم شريانه

• 

​

 

[احلام عابره]

يانسيم الفجر سلم على الي حضوره .هديه
وقله ان نظرة عيونه اغلى من كل الهدايا

وخبره ان كان عشقي لهمس شفاته خطيه
تراني بعشق خلي غرقانه فبحر.. الخطايا

 

[عابر السبيل]

الناس غير وطلتك بينهم غير
ياللي ملامح طلتك حفلة انوار

ياللي تفر القلب م الصدر تفرير
قبي معك يا نقوة البيض محتار

عابر السبيل

 

[عابر السبيل]

مسيك بالخيرات يا ذابل العين
عينن تقرّب للمعنّا مماته

يضفي على خدك م الارماش ظلين
موصوف ما تلحق جميلن صفاته

مضى على شوفك م الليالي زمانين
والشاعر اللي عند رمشك حياته

جمعت من الاضداد يا حلو لونين
ونهار وجهك صار شعرك عباته

اسكنتي يازين وسط الدواوين
مثيل سطرن فيك يجمع شتاته

عابر السبيل

 

[احلام عابره]

ياعين علامك وشفيكي تذرفين
دمعتك غرقت جفني .والاهداب

هو مر طيف وصحا جرح. ٕدفــين
ولا دمعت شوق ٕلولف عنا غاب

ياعين كفكفي دمعتك. تكفين
عمر طول البكا ما رجع.... احباب

 

[عابر السبيل]

تعال ياحلو اللما نقسم الشوق
بيني وبينك قسمة ن بالتساوي

ما يجتمع بالحب بارد ومحروق
ولا يجتمع بالشوق ب الحب رطبن وذاوي

ياطلة ن تضوي على القلب ب شروق
ويش انت ياذايب الشف ناوي ؟؟

عابر السبيل

 

[عابر السبيل]

تفري الحشا في تالي الليل ذكراك
واصير انا لك بين صاحي ومجنون

ياناحت اسمك خافق الامس حاكاك
وكم ذا تغير من الصبابات لي لون

عابر السبيل

 

[احلام عابره]

ياكاتب على نبض الخفوق.حصري
كنه مال الوقف ماحد ن.. يمسّه

تعال غلاك بالشـراييــن .... يسري
والقلب يرسلك مع الشوق همسه

تفداك عيني ونظرها ......وعمري
يافرحة العمر وفيهّ .... .وشمسه

 

[احلام عابره]

يالي غلاكم ذوب القلب.....ذوب
واعطيتم عالوفا عهود ن وثيقه

جيت لدياركم والشمس بغروب
كني عابر سبيل مضيع ..طريقه

كان الجفا علينا منك... مكتوب
ترى البعداشعل بالحنايا حريقه

 

[عابر السبيل]

اوجست انا من سود الايام خيفة
ومن جرب الايام لايامن الخوف

سلام ياللي جوف الاضلاع طيفه
امضيت انا عمري على الدرب له طوف

الجادل اللي مالقينا وصيفه
يافتنة الواصف على وصف موصوف

عينه جفيرن لا تجرد ب سيفه
سيقن يخالف ماعرفنا من سيوف

عابر السبيل

 

[عابر السبيل]

البارحة مامرحت عيني
ساهرن وسهري بلا مصلوح

يازين وش مزعلك مني
وش مزعلك يا عديل الروح

هذي سواة المحبيني
يجري لهم بالهوى ساموح

ما تدمح اللي جرى مني
واللي جرى منك لي مدموح

عابر السبيل

 

[عابر السبيل]

طاريه يخلف عن جميع الطواري
ياحي هاك الشوف وما حلا طواريه

ياكم يطيب لخاطري له سواري
وياكم ليل اجشم الليل ساريه

وكم ذا تمنيته م الغواني خياري
لو كان غزت بالمشاري مشاريه

عابر السبيل

 

[عابر السبيل]

يقصر معك ليلي ولو هو طويلي
ومن غير شوفه ماطول اللي طولاه

لا طق باب البيت اقف ب حيلي
ولا ظنتي مع طول الايام اسلاه

عابر السبيل

 

[عابر السبيل]

كم ذا بعيد ن م الولايف على قرب
وياكم قريبن بالمحبه على بعد

وش حاصل الاصفار ياضارب الضرب
وش اخرة جزمن تعانق معا مد

عابر السبيل

 

[عابر السبيل]

شفت الفراش اللي عشق شبة النار
اشوفهن فيي وسط ناري تهاووا

دايم على نار كما وصف سمّار
توي عرفت ان الفراشه تعشق الضوا

ونويت احطهن وصفن على طرق الاشعار
ياليتهن في وصفة النار غنوا

عابر السبيل