دبرة الله

[عابر السبيل]

هي دبرة الله تبعدك ثم تدنيك
ونفس الكلام اللي يجيبك يوديك

يا تايه ن وسط الصحاري مواطيك
أخاف شرّك يوصلك للشرابيك

العالم الله بالغلا كنت ناويك
ياما طلبت من الغوالي ونعطيك

طالع وناظر واعتبر من حواليك
وإعرف ترا الدنيا تبيعك وتشريك

زانت مقاديمك وشانت تواليك
وترا حصادك ما زرعته باياديك

إسأل صروف الدهر بالعلم تنبيك
وابخص فعايلها عن النصح تغنيك

ماجت على كيفي ولا بكيفك تجيك
ولا هيب مال ن ينكتب لك على شيك

يومن بها تضحك ويومن تبكّيك
ناس ن بها تحيا وناس ن مهاليك

كم بدّلت لك بالمرارة حلاويك
طابت لغيرك وانت تبلع مراريك

ولا بد من يومن يجي من يعزيك
ويومن يعزّى واحدن لوعته فيك

ترى السهوم الخايبة ماتجي بيك
وصايب سهمها مالك الله يخطيك


عابر السبيل

 

[زهرة الاوركيد]

والنعم بالله
سلمت يداك اخي على الطرح

 

[ملاك الحب]

يعطيك العافية على هذا الطرح الرائع

 

[عابر السبيل]

والنعم بالله
سلمت يداك اخي على الطرح

ومن قال يسلم شكرا على المرور الكريم

 

[ندى الورد]

قصيدة جميله فيها من العتب

وومن زرع الشوك بيوم يجننيه

اشكرك شاعرنا القدير ودي ورردي لك

 

[عابر السبيل]

يعطيك العافية على هذا الطرح الرائع

الله يعافيك واشكرك على المرور الذي طالما شرف سطوري

 

[أموي وأفتخر]

الله يعطيك العافية
مشكور