اثبت حضورك ببيت من الشعر الشعبي

[نسيم الأيام.~]

لِحَاظُهُ قَد أرسَلاَ​

وَالقَدّ سَهمٌ أَعدَلا​

يَا عُصبَةَ العُشَّاقِ لا​

تُلقُوا بِأَيدِيكُم إِلَى​

هَذَا الغَزَالِ الأَحوَرِ​

بِلَحظِهِ كَم يَسحُرِ​

وَعَن وِصَالِي يَنفُرِ​

لأَنَّهُ رِيمُ الفَلاَ​

بَدرٌ حَلاَ مَنطِقُهُ​

وَفِي الحَشَا مَشرِقُهُ​

نَعم نَعم نَعشَقُهُ​

جَهراً عَلَى رأسِ المَلاَ​

يَمُرّ بِي مُبتَسِمَا​

وَكُلَّمَا مَرّ حَلاَ​

يَا مَن لَقَلبِي قَد كَوَى​

وَلَم يَجُد لِي بِالدّوَا​

إن حَلّ فِي شَرعَ الهَوَى​

قَتلِي فَلاَ حَولَ وَلاَ​

من القصائد الجميلة : لابن سهل الأندلسي
وتلك الأبيات تعتبر من الموشحات المميزة ، التي اشتهرت بها الأندلس في حقيبة زمنية معينة .

 

[ريما عبدالله]

قولوا لأهل ذيك المرابع والديار

ما نسينا الود لو حنا بعيد

 

[مِيهاف]

‏أصدق عبارات الغلا : فاقدينك
‏" وأرقها لا عاد تبطي علينا " ..

 

[Rayq_Marrh]

-
















أنا أقسى قلب لا أخطيت في حقيّ
وأنا أوفى انسان لو انك تقدرني

https://x.com/abyat_she3er/status/1362237787429343234/analytics

 

[عابر السبيل]

يرحمك ياوقتن تعدى ولا عاد
وحفنه من الذكرى على الدوم تحييه

كني على ماضيك بالدرب نشّاد
وانشد عن اللي مقلة العين تبغيه

سرداد في دربك مع الفقد مرداد
وشوقك يصحيني وانا مثل اصحيه

اثنين عندي لك مع الحزن اشهاد
يجف خد و همل الاماق يسقيه

عابر السبيل

 

[عابر السبيل]

كنز الجمال اللي توارى مع الباب
ياليت ما للباب ياحلو ترباس

انا اشهد انك للغوايه م الاسباب
مليت قلبي لك محبه وهوحاس

لا يارقيقن كنه الشهد ينساب
ونظرات تنبع بالتبسم يالاحساس

موجة حيا تاسر لي القلب وألباب
تشبه لطيفن ماتشابه مع الناس

عابر السبيل

 

[عابر السبيل]

يا اخر الدنيا متى صرت مبداي
عمرك بدا بي وانتهى فيك عمري

ياانت موتي وبعض الاحيان محياي
عطيت لك عمري وانا كنت مادري

عابر السبيل

 

[عابر السبيل]

ما اكثر نجوم الليل في عتمة النور
واليا تجلى البدر يلغي نجومك

بينك وبينه م الشبه لمحة الحور
وشذى الزهور اللي يعطر هدومك

قلبي عليها وسط الاضلاع مسمور
يسهر ومثلك غارقن وسط نومك

ياجمل ملاكن يجمع الورد وازهور
ياحلو كيف الحال ووش هي علومك؟؟

مضى علينا جملة اعوام واشهور
وبغالي من الاثمان دايم اسومك

عابر السبيل

 

[عابر السبيل]

مريت ادور من عطور الدكاكين
عطرن هويته من سنينن مضني

ياكم في عطرك كثير المجانين
تذكار ماضن في الحنايا يعني

من شان حبك ساكنن في الدواوين
مثيل انس قد تولع ب جني

واليوم مادري ساكنن انت في وين
وين انت ياعذب اللما ثم ويني

يامقدمي قد لاح بك لي تلاوين
وقد اخلفت مني لياليك لوني

عابر السبيل

 

[عابر السبيل]

كم ذا صدى الالحان يعرج بهاالليل
يروح به مرات نوب ويجيبه

واليوم هالقمرا تحاكي القناديل
لج السما بك يالنجوم الغريبه

وتميل اغصان الشجر لك تماييل
غصنك رقيقن والهواء ينحني به

خليتني ياصاح مثل البهاليل
حبيب غنى في المتاهه حبيبه

عابر السبيل

 

[عابر السبيل]

نام السهر ب عيون منهو سهر بيك
لك ما قوى الممشى والا طاح ماقام

من شربك لشربك بدرب الشرابيك
في شرعة لاهيب كفر ن ولا اسلام

ضاق السما ياصاح بالللي يناديك
عينه على طيرن مع الجو حوّام

عابر السبيل

 

[ريما عبدالله]

ياليت من يطري على البـال ينشاف

وياليت من نبغيـه دايم نشوفه

 

[مـيريام]

مساء الخير

شَاعِرْ واشُوْفِكْ عِمِرْ مَا يِنْقَصْ يْزِيْد
لَوْلاكْ مَا سَيَّلْ إلْهَامِيْ مِدَادِيْ

وْ لا عَرَفْت الْغَزَلْ يَا أتْلَعْ الْجِيْد
لَوْ مَا هِزَمْت بْمِظَالِيْلِكْ عِنَادِيْ

وَانَا رَجِلْ يِتْبَعْ سِلُوْم وْتِقَالِيْد
وَاعِيْش حِسْب الْمَعَانِيْ وِالْمِبَادِيْ

 

[جنون عآبثهة]

-






قررت اكون انـسـان ، بايع شـعـوره
‏لا الوقت يستاهـل ولا الناس تسوى ..

 

[عابر السبيل]

ياحي هاك العين يا منير حيّاه
عين الفريد اللي خذا اولك واتلاك

ياانته جمالن مالقينا حلاياه
ما الذ زينك بينهن واه مااحلاك

يا اغرب غريبن بالقصايد وصفناه
تنثر جمالن في يسارك ويمناك

لاجلك خذا هالطير وصفي وغناه
ياللي حروفي فوق كفك وحناك

عابر السبيل

 

[عابر السبيل]

دربن خذاكم ياغلا القلب وينه؟
على المفارق ينتظر واهي الجوف

كم ذا تمنى شوفة الزول عينه
ويهمل على خده من الدمع ذاروف

كنه خسر لك من غوالي سنينه
ومافي الدهر لمعذب القلب معروف

ياكم يبوح بطلعتك لك كنينه
وكم يتعب الواصف على وصف موصوف

يشبه لريحن سافرت بالسفينه
ولا الحب مخلوف ولا القلب مخلوف

عابر السبيل

 

[عابر السبيل]

ياكستناء اللون موج الجدايل
خليط ليلن وسطه الصبح مدفون

سنين راحت وسط قلبي غلايل
شبه الحبيس اللي له اعوام مدفون

غصنن بطوع الريح واقف ومايل
يشبه لبيتن من المثيلات موزون

ماينقصك م الزين وزن ومكايل
والقلب عندك ياريش العين مفتون

يوم استحالت بالمواصل وسايل
غديت انا اشواقن يموتن ويحييون

عابر السبيل

 

[عابر السبيل]

ياشيب عيني من تصاريف الايام
أوهت ب حيلي يالذيذ الشفايف

سلام ياغصن الحلا طوع الانسام
ياطود ياللي بينهن حيل نايف

ودي زيارة لو تجيني بالاحلام
وتروي فوادن عنا الدهر خايف

عابر السبيل

 

[مـيريام]

يسألوني عابره وين الجديد
والاجابه ضايقه فيني ملل

راحت ايام السعاده والقصيد
عشتها بين التكانه والجهل

كنت اروض شارد الحرف العنيد
ماعسرني لو بغيته في عجل

فيه اصور لوعة الحب الأكيد
ومنّه(اشكل) ماحوى قلبي غزل

ومعه (اسافر) عن معاناتي بعيد
ولأجل حبه ماشحنّي من زعل

احضنه (فرحة) طفل في يوم عيد
واسكنه (روض) الخزاما والنفل

واحتويته ليت لي (قلب ٍ) بليد
ماعرف (فرق) الجزاله والهزل

والنهايه مابقى عندي جديد
واعذروني صارت ايامي ملل

شعر: عابرة سبيل

 

[نسيم الأيام.~]

ألست أحسن من يمشي على قيم ؟

يا أحسن الناس كل الناس إنسانا



- جرير